和田日本料理 (已結業)

兩個人去食，今次第三次食都係同姐姐今次係同姐姐慶祝生日但是大家都話是最後一次第一次剪雜誌優惠卷減$100對上果次第二次亦都是優惠卷有九折可能那兩次食早第一輪的時間關係，食物比較快但在我地腦海中同今次一様有多款食物是沒有應該話吾想比你食先真因為最後這次因為投訴所以先有，我地同一位職投訴話已經第三次來食都沒有一口牛食先有成個故事是今天由坐低到現在一口牛入了三次單第一張單印象中有雞亦同三款串燒雞亦到了及其它都有而沒有串燒一口牛之後姐姐話不如再試試再寫就算重褔單四串都可以食到瓜我地只是寫了波蘿同兩串一口牛點知波蘿嚟咗，一口牛都未見之後我地又重複寫多張波蘿加多幾款串燒，但係幾款野都嚟咗唯獨一口牛都未見到由七點半到九點半職員話到last order我地心心不憤追職員欠一口牛，居然話沒有落單同我地追最奇怪三張單肯定其他食物部分有到但係一口牛同一張單又點會話我地無寫到單刺身每次嚟得最快，熟食之前食果兩次上菜速度還可以亦有部份漏單，有九成到今次真要追的有很多食物熟食串燒雞翼香噴噴,可惜沒有甚麼味串燒蝦不過不失,味道方面唔太突出炒飯二人份量超大碟如果午餐兩人分享呢碟炒飯就乜都吾駛食二人炒菇勁多牛油同好大碟

呢間野真係好垃圾我地7點半入座，首先講下佢d食物，佢d麥茶真係淡過水，無酒精飲品選擇有可樂zero忌廉芬達菜蜜同麥茶，個人就覺得都幾少野揀囉。刺身算係正常，但好奇怪，有時會有冰，但有時又唔比。雪糕味道有紅豆芝麻抹茶，可以單叫或者溝，但竟然冇朱古力呢d 咁common既味其實食物唔係重點，最唔好係佢既服務！由第一輪開始漏單到最後last order，芝士焗蠔一坐低已經叫左，不停漏不停追，最後都係冇出現過，雪花一口牛，金菇肥牛呢d都係同樣情況。如果你冇既話可以同我地講而唔係一直都唔比。有時我地叫左見佢好耐都冇黎喇，咁第2輪再叫過啦。然後第2輪叫既黎左，過一陣你又黎番第1輪果d(同樣款式既食物)，究竟想點同一張單上面既食物會比d唔比d，再叫過佢又比，姐係唔係冇啦。唔明點解漏單情況可以咁嚴重。到左9點半last order，行埋黎講有冇野加或者漏單，真係漏到講唔哂啦。最後我地叫番d冇黎過同漏左既野，但都只係黎左一半，其他都冇黎。食左2個半鐘，由頭食到尾竟然係唔飽！佢d單漏到我地完全唔夠食囉。埋單收錢仲好意思問差額果到係米tips，你咁樣都想有？？唔係呀嘛星期一7點半至10點$208再加一咁樣既

同事散水飯，大夥兒吃放題~ 因為食物一上枱，大家已出力清碟，所以沒有拍照，就簡略說說食後感吧~貫徹大部分日式放題店格局，都是以暗黑格調為主~ 不過由2-6人枱都是卡位形式，可增加私隱度，不論情侶或小組聚，都可暢所欲言，又不會覺得嘈吵~放題食品選擇多，由前菜、燒物、炸物、鍋物、煮物、刺身、壽司、甜品、飲品等等等等，應有盡有，各類款式亦不少，刺身選擇超過八款以上，幾乎款款新鮮，尤其帶子刺身，夠爽夠鮮甜  吞拿魚則較遜色，欠缺油脂，不夠鮮味~ 吉列蠔和芝士焗蠔個子不算小，且有肉汁~ 燒日本蕃薯和天婦羅蕃薯都很香甜粉糯~ 炸芝士年糕也很誘人，咬開就有豐富芝士汁溢出，年糕亦軟糯煙韌  不過吃一件就夠了，否則很快便感膩滯吃不下去 還吃了很多不同種類食物，但實在記不起了；這兒上菜速度亦不慢，也沒有漏單情況，每碟份量適中，不會如外間某些放題店般迷你版~ 以這兒的價錢來算，整體質素中上，值得再來~

朋友話呢間幾好，所以今次約了朋友晚上去試下一入到去見到個埸真係好大，成個酒樓咁大我們被安排坐沙發卡位店內空間蠻寬敞的, 不會感覺擠一坐低大家已經拎D紙係咁剔剔剔，D野食都好快黎到一開波叫左D刺身，賣相幾好，三文魚幾新鮮，而且係厚切D壽司味道OK！不錯不錯個蟹子沙侓估吾到食落去真系好新鮮,好開胃然後叫左D炸物串燒，D炸物真係好high quality天婦羅炸粉唔會好厚，蝦肉彈牙炸生蠔亦都好足料好大粒，真係唔錯芝麻雞翼一咬落去個皮幾好味外脆內嫩羊架真係要讚下，好香冇穌味多肉汁燒菠蘿以為是一般貨色，但食落好juicy燒蝦，蝦肉大致上爽彈推介推介！其次牛肋骨肉質都軟熟好吃我們還瘋狂encore6次共12件！yummy呢一晚食左兩個半鍾,食左好好好好多野,好滿足最後埋單平均$200，真估唔到竟然有咁好嘅質素！仲有D員工姐姐都好好笑容有禮貌,真心讚

牛油菇係加大碟，嚇你一跳 蒜香茄子又一新意 用炸蒜架 超難食刺身得三文魚同馬刀貝好食，其他一般，但係象拔蚌係超䃏手卷係有點大飲品少感覺食物大多想快啲填飽你，所以請小心選擇食物。

每月一聚，輪到友人M做搞手。每每，不是放題，就是韓燒，或是自助餐。是晚，唉，又是放題了﹗還要繼續是旺角創興廣場的放題。和田日本料理位於創興廣場的五樓，環境尚算寬敞整潔，坐得也蠻舒適的，服務也算不俗，哥哥仔夠勤快，且沒有漏單的情況出現。即使鄰桌無知大叔大嬸無理取鬧，表示食物未齊，哥哥仔也細心聆聽了解。「仲欠中華沙律喎﹗」一大叔咆哮。哥哥仔指著中華沙律說「這就是了。」「吓，沙律不是白色嗎？」大叔反問。我們不禁笑翻了肚子。難得的是，哥哥仔仍耐心地解釋。 放題分不同時段，不同價錢，我們是吃6:30p.m – 9:00p.m時段，每人$198，另加一服務費。食物紙共有8張，分為14種類，包括刺身、壽司、珍味小食、卷物、手卷、任飲非酒精類飲品、雪糕、一品料理、炒物、鍋物、爐端燒、炸物、天婦羅和主食，約100款食物。山10款刺身，我們要了其中八款。刺身赤條條地放在木板上，沒有冰粒雪藏，較為寒貨，且不太衛生也。吃了這麼多回刺身拼盤，甚少遇上沒有冰粒的……刺身水準如何？三言以概之：「不鮮也。」希靈魚正常之作，虎蝦中規大矩，劍魚不過不失，馬刀貝爽脆彈牙，象拔蚌腥臭難忍，松葉蟹棒劣質粉團，三文魚肥美不鮮，油

食過創興樓上樓下既放題，呢間都算係我首屈一指食完一次唔會再黎既放題。食物質素差，味道一般，有部份冇味，麥茶如水般有色冇味，最難食既係鰻魚飯唯首選，鰻魚同個飯都有一陣好腥既味，佢地用左大量既黑椒蓋味，但係都蓋唔過陣腥味。服務態度差，冇叫既食物一客一客送上黎，最後頂唔順同佢講收返一客啱啱放低既，佢問返我“你地冇叫咩？”心諗枱有2碟菜啊，上得黎食都唔係為左食素啦，女朋友話返我知，佢係我背後黑面，咁既食物質素同服務態度，叫人點返轉頭食多轉啊！最後我推介左呢個鰻魚飯，真係唔怕黎打大佬既，我諗呢個飯係呢間最強既大佬

秋刀魚燒得夠香，油脂位唔多肉既部分調味好夠，所以冇腥膩味道，又唔會太過乾身而且食落冇苦味，我覺得ok:^)鯖魚細細件咁，不過方便試味魚肉稔香，不至於嫩滑，但起碼夠水分又有魚肉香芝士焗蠔味道非常濃郁豐富醬汁係好香濃，加上面頭芝士既香氣同焗過既焦香真係不錯既配搭蠔試過有隻係苦苦地，但講真我會中意炸蠔多d，呢個都係少食多滋味燒羊架其實十分油膩……脂肪量好高，肉量就係那小小一塊三角位燒後有焦香味道，調味亦剛剛好，羶味不重多春魚外皮燒得香而不韌，食落又冇苦焦味肉稔又多魚卵，冇雪藏味同腥味，香口惹味雞軟骨串燒烤後帶焦香，仲有少許脆口食落冇炸物咁熱氣咁乾，有點濕潤仲冇咁硬，易咬d日式炸雞原來係指炸雞「翼」炸得係香脆既，調味足，入味，夠香肉質嫩得黎係夠熟，唔係粉紅色果種xddd汁燒牛肋骨肉質稔嫩，食落係有燒過既重重焦香脂肪位不多，同一時間佢係冇咩筋，好易食雪糕有三隻味：紅豆、綠茶及芝麻紅豆係有粒粒既，但我覺得味道都係偏重奶香綠茶有淡淡綠茶香，味道帶少許甘，感覺唔會太假芝麻好重芝麻香，見到好多既碎芝麻粉，呢個都係最推既:^)

鐵板牛柳既牛肉十分嫩口，冇咩筋，帶點脂肪卻不覺肥膩醬汁微稠，鹹中帶甜，更是惹味可口表面仲灑左炸蒜，加添淡淡蒜香而不嗆薯蓉帆立貝既薯蓉味道令人想起KFC呢度既薯蓉鋪得薄身，外層焗得乾韌帶焦香，中心部分則是香滑惹味面頭有少許芝士同帆立貝芝香濃郁不膩，帆立貝冇雪味，熟透又未完全乾硬既，裙邊位更是微脆重焦香七味雞軟骨粒細細粒容易食（喂炸得夠脆亦冇滲油泛油，上枱時仲夠熱辣調味啱啱好，食落惹味香口:^)日式薄餅既餅底其實又係酥皮底面層就係焗得脆口既，但底部又係濕透至軟爛，冇承托力餡料不外乎千島醬、火腿、芝士……都係Basic野，同埋佔量真心唔多呢件事我係知既，只係口痕想食如果唔係特別有興趣可以唔點（其實試過幾間既日式薄餅都係咁既樣架啦:^0野菜什菌牛肉鍋都夠味，有淡淡肉香同蔬菜既甜牛肉片夠肉香，薄身稔軟易嚼附有點脂肪但油脂大部分溶入湯底，所以膩度不高辣味豬骨餃子鍋就一般啦餃子煮得外皮帶韌，但夾起又好稔身好似一下子就會斷開破爛咁辣味係香口既辣，只係個人認為特色不大

好耐以前都有聽講過和田放題先前有朋友食過話其實不錯，性價比黎講既然有人推介，咁就不得不試試了:^)Menu有好多選擇重點係佢既點餐紙好充足，唔驚要問黎問去收費亦清楚列明，我地今次食既係八點半時段$178+10%刺身冇墊冰底上枱，感覺真係差左少少:^(（不過都好過重用直到永遠既冰盤既）三文魚切得厚身又大片，冇筋位十分易嚼魚油香氣充足又不會過膩，沒有雪藏味及腥味溫度都剛剛好，夠涼身冇冰硬到，其實都ok架油甘魚油香甚重，滑嫩可口溫度夠凍就唔驚會太膩口，入口後邊嚼邊化開:^)沒有雪味及魚腥，又冇筋部，好易咀嚼不過我估食得多難免會有點膩，都係少食多滋味芝麻八爪魚其實係冇芝麻既……講真我覺得問題不大啦-___呢度個醬汁又唔會太乾太稠，食落唔會好黏口蟹籽沙律份量不多青瓜絲幼細得黎夠爽脆，仲有少少水分，感覺新鮮沙律醬份量剛剛好拌勻青瓜絲，酸酸甜甜味道溫和好易入口蟹籽爽脆，份量亦如想像中一樣……少xd（不過都預左架啦XDDDD）清酒煮蜆酒香幾濃，又唔會嗆口乸口，食落都算清既蜆肉大多都連殼，唔會霉爛又冇雪味，肉質感覺都有彈性既豚肉生薑燒醬汁甜得黎唔會怪，帶少許鹹味更惹味:^)配菜係好多雜菜絲，稔身吸哂味，

刺身款式不多，牛柳味道，壽司款式太少，俾這樣價錢不值，清酒煮蜆唔好食，好似水煮蜆一樣，沒有酒味，牛仔骨味道ok，叫左燒雞亦冇黎度，焗蠔沒有想像中好食，—個字差，得—樣覺得好就係Ｄ位闊坐得舒服。

此商場來到時畫面非常奇怪，人流全集中去了高樓層的電梯而低層的卻非常空閒。 看見如此沒有訂台的我與友人就上少人那邊試試運氣。此餐廳原非首選只因上面另一間太爆唯有選這，但也是要等15分鐘多才入座。 內裡間格比一般放題店好，原因是全場都是卡位座，空間寬闊而且坐得舒適自在，有別其他的壓迫感覺。不過相對空間佔用大台數自然減少，相信也是人流少因之一(等位久) 而且開餐紙一看食物好像比一般餐店的選擇少很多，大路的當然有但連刺身也是7-8款就好像太少。不過任食下就唯有同款多吃點填肚。刺身:三文魚肥美肉厚而且很新鮮大塊，螺肉也是甜美爽口，其他就普通，但竟然沒有最後的甜蝦刺身。手卷壽司相比下手卷可謂比下去，大件軟殼蟹肉少而且一點也不熱，紫菜也是也一點不脆口。 反而壽司細件而入口而且比較新鮮。炸物相對平均，全部新鮮熱辣，而炸蠔蠔身比平時吃到的大隻不會像出面的只是吃炸漿。燒雞串意想不到香口而且非常方便進食，少少鹽香令雞翼更好味，而雞軟骨串同樣燒得香口，而且帶少少脆口更好味。 相反羊件就失色，肉身帶有太多筋非常難咬。焗蠔絕對比帆立貝好吃，蠔身還帶有汁証明焗得不過火，而帆立貝相對乾身鞋口感而且沒味道。另外以上三樣

朋友生日, 想食日本野, 最好係一大班人任叫任食, 今日選了位於旺角的放題, 這間$198+10%, 價錢並不特別便宜, 質素是一分錢一分貨, 寧願加多$60去食同類放題的 "大X屋" ,"番X",選擇一樣甚至更多, 最重要是比較新鮮及有番食物本身的味道, 特別是醬油, 好似溝左水咁, 無麥咸味,天婦羅點既汁亦一樣, 好淡.....刺身無也雪味, 雖然有八爪,虎蝦,油甘魚, 但食落去都好似魚無魚味, 蝦都無也味, 只是單純的點了醬油有D味咁.....蝦是剛燒好,重有陣炭爐味可以encore, 相反雞翼騷味較重, 本人並不喜歡,日本番薯好似麻糬都幾好食..茄子最夠味,牛油雜菇普通,雞軟骨硬掘掘,外皮粉好厚...羊架西餐一般較貴,喜歡食羊既呢個可回本..鯖魚外皮脆口加上檸檬汁好食,出面d日本餐廳,一半鯖買緊$50幾, 多點幾份,可回本..清酒蜆,無麥酒味, 蜆肉無沙,當有碗湯飲下而已...天婦羅薄粉,番薯好甜,蝦ok,芋頭麻麻地,乾得滯...最後是甜品,唔係貴價,人地個D獨立一杯杯既, 味道OK, 有芝麻,綠茶,紅豆, 我要一mix版..p.s 總的來說只有飽肚, 沒有想轉圈圈及撤花的感覺

人地話呢間多人，四條友去試，訂台好啲，廢事爆哂冇得食環境幾好，全部卡位，叫左三文魚，肥美，章紅魚腥啲，蟹棒都大舊，刺身都算鮮，可惜太少選擇，蛋壽司太薄，鰻魚同和牛壽司燒得好食,飯吾大舊，炸物就南瓜，吾會炸過火，海蝦中等size，可惜冇醬汁，日本番薯兩三口食完，好甜美 仲有炸餃子，炸雞=雞翼 太焦炸豆腐仲熱住食，炸香蕉吾算太多粉，雞軟骨就比較多粉炸，吾好食，凍茄子都爽，燒菠蘿夠鮮甜雪糕就得芝麻綠茶紅豆，普通，美食太少選擇，平均都ok，炸物好食啲，但價錢吾值，220一個太貴,食物速度吾算快，服務一般

唔洗等位，懷住勁興奮既心情入去。一坐底，隔離就刺身凍櫃。已經有拔腳而走既失望！（一patpat刺身撻響度，好亂）打開order紙，款式少而怪異。無啖好食……刺身無冰底就算啦，有啲限死得壽司，又死都多舊飯。燒物咪燒囉，無味！炒物咪炒囉，無味！全場勁好飲居然係0檬C+，198加一囉，2粒鐘，火滾