和牛燒肉一郎 (荃灣廣場)

營業中

休息中

荃灣就不嬲都多美食架啦 最近就俾我發現左荃灣廣場頂樓個層有一間叫 -和牛燒肉一郎- 既日式燒肉餐廳🇯🇵✨ 原來佢作為全港日本和牛最大取貨量既餐廳 除左有平時可以食開牛既普遍部位 仲有罕見既稀有部位呢到都有😍餐廳既晚市系以不同價格既任食為主 而今次我地系午市既時間去 雖然午市只系提供燒肉定食及套餐 但性價比高 分量勁足!!👍🏻特選牛肋肉 (200g) $138燒肉拼盤一黎到既時候 份量真系比我想像中多😯 仲要每塊牛肋肉都系厚切🥩 口感非常嫩 帶有豐富既油脂 燒完啲肉汁出哂黎勁jeng🤤 而午市既燒肉套餐 仲包左前菜 白飯 同麵豉湯 lunch黎講 呢個價格真系超豐富超值😆 如果女仔覺得lunch食200g太多 佢另外仲有個100g既份量🥰特選牛 壽喜燒 $128午市除左有吾同既燒肉套餐之外 仲有壽喜燒同丼飯定食等 滿足哂吾同人既需求😌 壽喜燒除左有特選既牛肉片 鍋中已經有一大卷 卷好左好似花甘樣系中間🌷牛肉薄切 但肉味都幾濃架😋 仲有洋蔥 豆腐 菇類 同芋絲等 有肉又有菜夠均衡😀 岩哂想食牛但又怕食燒肉會熱氣既朋友🥰另外 我地再每位加左$20 升級享用沙律吧同飲品無限暢飲😆 食燒肉怕油膩

10月29日會員可以用$498震撼價享用原價$1300的F餐放題和牛燒肉一廊位於荃灣荃灣廣場6樓鄰近香江花月餐廳最近更新左餐牌最平$220可以食到日本豚肉，雞肉$276海鮮，美國牛，日本豚肉，雞肉$368黑毛和牛2款$476包括酒精飲品同黑毛和牛6款$598黑毛和牛12款$990黑毛和牛19款29／10 做優惠只需$498相當抵食海鮮中虎蝦非常大隻燒5分鐘左右肉質彈牙殼係脆仙貝可以牛油，黑松露牛油非常鮮味牛肉入口即溶豬五花燒到焦香脆口價錢包括沙律區，有菜，醬汁，配料飲品區，罐裝飲品，茶包等等甜品提拉米蘇好幼滑

今日就去咗和牛燒肉一郎食飯, 我就揀咗套餐D, 入邊有六款日本黑毛和牛, 牛刺身, 海鮮小食, 仲有酒類放題, 可以任飲啤酒梅酒同埋清酒🤣一坐低店員就先送上日本黑毛和牛拼盤同海鮮拼盤, 和牛拼盤上面都有唔同部位, 整體油花分布平均, 燒熱咗肉味更香濃, 和牛里脊肉係必食, 仲有其他來自澳洲同埋美國嘅精選牛肉質素都唔錯👍平時放題都冇咩機會食到牛刺身, 我都叫咗香蔥生牛腹肉碎壽司, 同埋生牛肉壽司試下,生牛肉質感比較細膩, 幾有嚼勁🤣海鮮都有帆立貝, 海蝦, 廣島蠔等,整體幾鮮甜, 放題食物上菜速度快, 除左牛, 日本豚肉, 雞肉同海鮮, 仲可以出去拎甜品, 沙律同其他飲品甜品唔只有布甸, Tiramisu, 仲有杯裝雪糕同埋雪條, 啲味道仲幾特別🤣

香港近年都好咗好多高質嘅和牛燒肉餐廳，終於唔使次次都係牛角排餐飽～今日我地去左荃灣廣場既一郎！首先我哋揀嘅e course，一去到已經有和牛拼盤同埋海鮮拼盤等等，香港所有準備好我哋就燒得啦。除咗牛肉，佢仲有好多開胃菜可以揀，泡菜味道唔錯，相當開胃！飲品都有好多種唔同汽水，梗係飲我最鍾意嘅忌廉溝鮮奶啦。呢度嘅燒肉基本上都係有調味嘅，識落幾惹味，當中我最鍾意佢辣辣地嗰隻醬汁。除咗燒肉，仲可以叫刺身！我無試，因為怕食生野，朋友食左話好正。海鮮方面都有驚喜，魷魚超大隻！識落好彈牙。呢度點餐係好似壽司火車咁有軌道送餐，好高科技！另外我仲試咗啲甜品，竟然有木糠布甸！好耐冇食啦。仲有好多明治雪條！有平時冇得買嘅白桃烏龍味，即刻試咗，幾清新嘅感覺！好飽好滿足的一餐。

今日喺荃灣廣場行街，心血來潮想食燒肉，原來呢度都有一郎燒肉嘅分店！既刻去食。一郎燒肉最大嘅賣點我覺得係佢有好高質既和牛，而且係任食！不論係燒肉定係刺身都有，justify到佢既價位～作為食肉獸，就梗係好抵食啦。所有牛肉嘅紋理都非常之靚，唔同顏色都有，佢仲有label話俾你知呢一個係咩部位，唔會一路食都唔知自己食緊啲咩！除左多款飲品沙律，雪糕都有好多款，豆腐雪糕、抹茶雪糕、海鹽味都有，我就食海鹽味，好味！之前喺日本食過和牛刺身覺得好好味，估唔到喺香港都有得食！牛肉刺身好感好正，好似食魚生咁，拖羅刺身都真係有食拖羅既油脂感！點完豉油Wasabi，真係好似食日本壽司咁！最後以豆腐味雪糕作結，滿足！

今晚和老公食燒肉放題一共有6款套餐可選，我地揀左SET C，包有精選海鮮、豚、牛、雞等97款食物任食，黑毛和牛盛合(牛肋條、里脊肉)和澳洲M9薄灸盛合各一，餐廳設有自助吧可以享用 飲品🥤沙律🥗甜品🧁款式非常多!之後就用QR CODE落單，有多款肉類選擇，比較喜歡牛肋肉、熟成壺漬牛外横膈膜、炙燒牛外橫膈膜、牛里脊肉、海蝦、炸蠔、牛肉可樂餅、吉列炸蝦，所有肉都非常好食，海蝦又新鮮，仲有壽司卷、飯、麵、前菜小食等等可選，甜品都多，最開心有多款明治雪條任食🥰

同朋友去荃灣食和牛燒一郞，一齊選了SET C餐廳會先上黑毛和牛盛合(牛肋條、里脊肉)和澳洲M9薄灸盛合，款款和牛都牛味濃郁，油脂分布平均，令人不停地加單，海鮮方面，蝦同青口都好新鮮除了肉類之外，這裡還有超多熟食選擇，有韓式和牛壽喜燒卷、福岡明太子卷，飯同麵，湯還有小食、醃製小菜，泡菜等等，我最鐘意炸物，叫左炸蠔、牛肉可樂餅、吉列炸蝦餐廳有自助沙律吧、飲品區、甜品區，選擇非常之多，一定有款你鐘意，我最鍾意餐廳的雪條櫃，食了好多條雪條

🌟去到荃灣廣場6樓，有日式燒和牛放題🌟仲有全港首創，新幹線送出燒肉，新奇🌟有好多個套餐可以揀，豐儉由人，我哋最後揀咗C餐🌟 C餐喺平日，係$368一位，燒足100分鐘，時間好夠🌟首先頭盤已經嚟咗兩碟黑毛和牛2款，及澳洲 M9 薄炙盛合🌟黑毛和牛嘅油花，未燒已經覺得好靚，油脂分布好平均🌟除咗頭盤限量提供之外，仲有97款食材，透過QR code嗰度任叫🌟包括牛肉類，豚肉類，雞肉類，海鮮，涼拌小菜，炸物，同埋主食🌟我哋係牛魔王，所以主打狂叫牛肉，推薦牛里脊，同埋牛肋肉，仲有蔥花蘿蔔蓉薄切牛舌🌟海鮮類都有幾多款，有海蝦，魷魚，多春魚同埋青口🌟可以狂叫大蝦，夠帶隻，新鮮冇怪味，同埋燒完既多春魚都好正🌟牛油金菇，都係必叫，佢會成個錫紙兜上🌟炸物，推薦炸蠔，仲有明太子薯仔沙律都係必食🌟主食，除咗飯類之外，仲有韓式冷麵，配埋燒肉一齊食好夾，清爽又唔Heavy🌟記住留肚出去攞埋甜品，爆谷，同埋好多款嘅日本雪條，雪糕🍦！🌟總括嚟講呢個價錢好抵食，又冇漏單，上菜速度有救快，乾淨企理，牛肉質素高質，款式種類又夠多

非常推薦食呢間放題，因為真係好多食物選擇，而且每種食物都非常高質！食放題最怕得幾款選擇，會好快食厭食唔多。店舖好大，乾淨美觀。抽風系統好，唔會好大煙或者食到成身臭。侍應友善，上菜都快，唔會漏單。有提供圍裙，唔怕整污糟自己衫。放題套餐有6款，我哋食中價位的C course, 星期一至四有9折 $368。有兩款黑毛和牛+澳洲M9薄炙盛合（每枱一客）🐄黑毛和牛和澳洲M9牛，油花都極靚，食落入口即化，滿口油香，好幸福！其餘可以任食嘅都有好多選擇🐂特選薄炙里脊肉，肉質都好好，感覺上和澳洲M9牛分別都不算太大另外還有牛肋肉，牛里脊肉，蔥花牛舌等，全部高質！因為之前食過D平價放題牛肉都無咩味而且有筯，咬到牙都軟，但呢間絕對唔會。🥗蔬菜有翠玉瓜，南瓜，金菇，粟米等等🦐海鮮類有蝦，多春魚，魷魚，青口等蝦超大隻，而且好新鮮，連我呢個唔鍾意搣蝦殼嘅懶人都有再叫多幾隻。🍤亦有不同小食如明太子薯仔沙律，炸蠔，炸雞，牛肉可樂餅等。🍜唔止白飯，仲有我鐘意既冷麵。🍦飲品同甜品都任拎，飲品就正常罐裝飲品。雪條同雪糕有超多選擇。雪條全部都係明治的，推薦白桃烏龍味，超好味！另外仲有蛋糕布丁爆谷等

之前嚟過呢度食晚餐有火車送燒肉 好玩又衛生今次終於有機會喺平日試吓佢嘅晏晝 價錢就更加經濟實惠 亦都唔一定要食放題 燒肉定食都會包埋飯 湯同泡菜 而且仲有壽喜燒食所以今次一於同媽咪一個燒肉一個壽喜燒兩份分 食完我哋兩個都飽到上心口🤓🤓特選牛肋肉200G($138)因為想兩份分嘅關係就揀咗多啲份量嘅肉 睇相都見到真係幾大碟 目測20幾30塊 而且仲有啲蔬菜喺中間 如果想食豪華啲可以叫和牛嫁！特選牛 壽喜燒($128)個鍋好有心思砌左朵牛肉花 想食多啲蔬菜就可以揀壽喜燒 因為入邊好多菜 仲有豆腐芋絲同冬菇等等 而且亦都冇燒肉咁熱氣 都係個唔錯嘅選擇🤓🤓順帶一提如果想食個經濟午餐 最平$38都有 外賣堂食都得 夠曬抵！

放工好想食燒肉 , 係荃灣廣場揀左和牛燒肉一郎 , 佢既燒肉勁高質 , 環境好寬敞 , 仲係全自動化送餐 , 掃完Qr code 落單後 , 野食會有條隧道咁送到你面前 , 而全程都有玻璃開關門 , 食得衛生又安心見到星期一至四 D-F放題套餐八折 , 毫不猶豫說情揀左 D Course , 入面有日本黑毛和牛 6 款 , 特選牛 (AUS)12 款 , 特選牛(US)12 款 , 嚴選牛(US)3款 , 牛肉刺身3款 , 生牛肉壽司 2 款 , 名物8款•日本豚6款 , 豚11款 , 雞12 款, 海鮮 10款 , 野菜 11款 , 其他 36款 , 種類多到爆 , 想食咩都有頭盤有和牛牛肉角切 , 和牛肉眼 , 好中意佢個肉眼，油脂分布均勻，食落有油香而牛香好夠好濃頭盤仲有海鮮 , 有超巨型既魷魚筒 , 大海蝦同埋青口 , 食落非常新鮮 , 唔夠仲可以 encore 添 , 另外再嗌左帆立貝 , 竟然有黑松露味揀添 , 蒜蓉牛油海蝦都好正好惹味薄炙牛里脊肉 , 佢每一片都超大塊薄切既脊肉 , 脂肪均勻 , 再係用鹽醃製過肉，調味岩岩好 , 好正薄炙蔥花牛舌 , 超多種唔同樣嘅部位，

作為和牛放題，任食和牛係基本野啦用QRcode落單，有多個唔同陪位既和牛可以選擇，本人最愛牛助肉既位置油脂分佈平均，配埋泡菜同生菜食減低油膩感又可以食得更多其次就係肉眼位，油脂比較多但更香牛油味愈食愈邪惡甲羅燒分量好滿同裡面既配料混合晒之後燒都杰身就可以食，好濃厚既蟹膏味，用黎撈飯一流手掌咁大既虎蝦肉質新鮮好爽口好彈牙蝦頭有少量蝦膏都好鮮甜原隻魷魚大過我塊臉拼盤既海鮮本身都冇任何調味，燒個陣我會用枱上供應既鹽同黑椒提味，再用自助區提供既汁醬蘸嚟食味道就剛剛好價錢比過平日既套餐F幾百蚊，性價比高左好多絕對有下次店員都好好服務，有啲特別既和牛位會幫手燒埋，唔怕燒過龍唔好食

和牛燒肉一郎🍽荃灣大壩街4-30號荃灣廣場6樓621至630A號舖又再去荃灣廣場最頂層既和牛燒肉一郎的餐廳，真的超讚的！任食靚肉，花款多又吸引，想放肆一下就必定會揀呢間燒肉。佢哋有一個自助區域，裡面擺滿了各種飲品、甜品、沙拉和爆谷。有一個自家製嘅紫菜飯 ，仲有自家製果茶和菠蘿茶特別好喝，絕對值得一試！今次冇揀最貴㗎餐，平凡點，牛豬雞套餐已經夠，三百零蚊有和牛，五花肉、雞肉、魷魚、其他熟食等等。佢嘅可樂餅、炸蠔、炸蝦真係好好食，燒雞頸有驚喜，燒牛肉想食幾多都得，佢仲可以揀壽喜燒sauce.非常推薦和牛燒肉一郎！食物質量超高，價格也合理。一定要黎試吓。同一大班人慶祝屋企朋友中秋節飯啱晒。#一郎 #放題 #高質燒肉 #hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去處 #香港好去處 #食好西 #美食

和牛燒肉一郎荃灣大壩街4-30號荃灣廣場6樓621至630A號舖荃灣廣場6樓有間和牛燒肉店，一直想試吓，今次專程出嚟食，好彩早嚟唔洗等位。部分食材會喺以「新幹線」方式送餐，智能化幾好玩。呢間燒肉係放題形式，我哋揀咗比較經濟又食到和牛嘅Course C，除咗黑毛和牛仲有精選海鮮豚牛雞。留意番，100分鐘放題，最後30分鐘就會截單，有咩就記得早啲點埋。呢度係用手機嘟code點放題嘅食材，有唔同部位嘅肉類同多款蔬菜揀。前菜飲品甜品就要自助區拎，多種日本嘅雪糕雪條。一見到有棉花糖就好興奮，即刻拎咗兩枝燒😆！

早兩日係荃灣買完野，心血來潮想係旅行前黎緊烤肉放題，今次揀左荃灣廣場嘅和牛和牛燒肉一郎。裡面有幾種套餐俾大家揀，我地揀左CourseD，肉類、小食、熟食、海鮮等都包羅萬有。頭盤先不用下單，餐廳會來和牛、原條魷魚、大蝦與青口的海鮮等拼盤，原條魷魚份量十足，相當吸睛。黒毛和牛4款＋是日黑毛和牛精選，今次裡面有和牛牛筋肉、肉眼、牛肉角切等，個人最鍾意和牛牛筋肉，肉質嫰、味道濃。除左烤肉，重有炙燒牛外橫膈膜刺身，配芥辣勁夾。點左幾條多春魚，非常易烤，唔會容易散。最後當然要食甜品，依度甜品整具特色，除左有明治雪條，重有大大棉花糖，輕輕烤一烤，勁正。