和牛燒肉一郎 (百誠大廈)

營業中

休息中

我又又又嚟食燒肉啦!佢哋餐廳嘅和牛真係食過翻尋味，食過平價嘅燒肉又食過韓式嘅燒肉店， 但係呢間餐廳嘅和牛燒烤真係一流，果然係一分錢一分貨，肉嘅品質完全冇得比👍呢度有A-F餐，啱晒唔同需要嘅朋友~ 手機掃code落單就得，好方便快捷!👉Course D 頭盤包含:黑毛和牛4款(和牛肩胛肉、和牛牛肉角切、和牛肉眼、和牛牛肋肉)+海鮮3款+是日黑毛和牛精選，仲有海鮮、雞肉、豬肉，自助吧檯嘅特色炸物、飲品、甜品、沙律都係可 以任拎任食，CP價超高!!👉🏻薄灸葱花牛舌口感特別好，切得好薄身嘅牛舌燒過之後軟嫩中帶住咬勁，牛肉味十足! 👉🏻原隻魷魚筒有我隻手咁大!肉質好新鮮，仲好彈牙! 👉🏻黑毛和牛牛裏脊係各種牛肉部位中公認嘅人氣逸品，肥瘦適中既嫩又風味濃郁，集齊咗黑毛和牛美味嘅精華!3分至5分成熟係最佳口感💯

我同男朋友都鍾意食牛肉，嗰晚就一齊嚟呢間餐廳食放題。我哋用QR Code落單咗放題Set 2，每人$288，加$8可以任飲啤酒，放題100分鐘。97款食物包括牛肉、海鮮、蔬菜都可以直接落單。餐廳仲提供自助吧台，任攞啤酒。食完之後我哋真係又飽又滿足，因為我哋落單咗好多款牛肉。• 薄灸蔥花牛脷（鹽味）• 薄灸牛五花（燒肉醬）• 牛五花（辣味噌醬）• 牛後腰肉芯• 肉眼上蓋。每款牛肉都好爽口，味道又好濃郁，係我哋鍾意食嘅牛肉，所以我哋都食得津津有味。除咗牛肉之外，我哋仲落單咗幾款雞肉。• 香草雞髀肉• 香草雞頸肉雞肉都好鮮嫩好食，味道唔輸過牛肉，真係值得一試。男朋友好滿意嘅原因係因為佢可以任飲佢鍾意飲嘅啤酒，而我仲有甜品菠蘿食。總體嚟講，呢間餐廳好乾淨，位置舒服，食物好食，絕對仲想再去一次。

我老豆係一個好鍾意食牛肉嘅人。啱啱好喺佐敦行街嗰陣，發現咗呢間【和牛燒肉一郎】有放題形式嘅燒肉，老豆實鍾意，就決定帶佢嚟享受晚餐。.老豆一入到舖頭，就開始睇餐牌點菜，我哋揀咗Course D，就有132款食物，仲有6款日本黑毛和牛，真係好抵呀！就連酒都係放題形式，仲可以揀梅酒、清酒定係啤酒，老豆睇完仲開心！.老豆揀咗好多款牛肉，有鹽味嘅色蔥花牛脷同薄灸蔥花牛脷，薄炙牛里脊肉同4款黑毛和牛。每一款牛肉都有自己嘅特色，有醃製過嘅牛肉都有鮮甜嘅牛肉香味，每一啖都好美味呀！老豆食到停唔到口！.老母子都叫咗香草雞頸肉，雞肉特別嫩，而且帶有香草味，真係好香呀，我都忍唔住再叫多一碟。.仲有令我好驚喜嘅菠蘿，酸酸甜甜真係好解膩，真係好啱做飯後生果。.我哋一家人都飲咗啲梅酒，傾吓偈，真係好開心，好耐都冇同屋企人坐低食飯傾偈，好期待下次再嚟呢度食牛肉食到爽！.🔛 整體評分（7.5/10）

嗰日放工同朋友一齊去食燒肉😍位於佐敦嘅和牛燒肉一郎🤤原來和牛燒肉真係咁好食😋真係要多謝朋友帶我嚟體驗和牛嘅美味👐🏻我哋揀咗放題Set D，應有盡有嘅食物提供我哋食，以下就係我哋嗰日食嘅特色牛肉。黑毛和牛4款 ⭐️⭐️⭐️⭐️⭐️薄灸蔥花牛舌 ⭐️⭐️⭐️⭐️M9薄灸牛里脊肉 ⭐️⭐️⭐️⭐️熟成壺漬牛肋肉 ⭐️⭐️⭐️特選拌生牛肉 ⭐️⭐️⭐️⭐️灸燒特選拌生牛肉 ⭐️⭐️⭐️⭐️每款牛肉都好好食👍🏼特別好食嘅就係黑毛和牛。佢最大嘅特色就係好靚嘅霜降油花，不單止濃淡分配均勻，而且佢富含熔點低嘅美味成分油酸，打造咗入口即化嘅美味口感，呈現出和牛牛脂專有嘅甜香同風味❤️食完之後，我覺得我已經對呢間餐廳嘅食物刻下深刻嘅印象，下次再會嚟食😍

朋友介紹過好多次了，今次喺OpenRice搵美食嘅時候又見到呢間，毫不猶豫就去打卡了。入面環 境好舒服，重點係喺呢度我哋感覺有被尊重，因為呢間店真係提供你新鮮嘅牛肉質量，而唔係臭 腥味份量又少嘅，真係完全冇敷衍!星期日晚仲有自助bar~分享下我哋嘅食評:薄灸蔥花牛舌(鹽味) 🌟🌟🌟🌟微灸燒嘅牛舌口感鮮嫩彈牙，加上新鮮檸檬汁滲透入牛肉中，更能帶出鮮甜味道，鹽味調味簡單 但卻係口感層次好豐富嘅高級部位~薄炙牛五花(燒肉醬) 🌟🌟🌟🌟🌟精選牛五花嘅講究在於切割刀法，呢間嘅牛五花油脂厚度均勻，燒烤後搭配秘製燒肉醬食起嚟非 常入味，每一口都好飽滿多汁。牛舌(鹽味) 🌟🌟🌟薄切牛舌唔需要燒烤太耐，單面烤熟後就可以食了，搭配佢嘅特製鹽味更能體驗到日本道地風味 嘅牛舌口感，外焦里嫩噢~肉眼上蓋 🌟🌟🌟比肉眼本身嘅口感更軟嫩，更富含油花，鍾意呢種口感嘅朋友可以試下。菠蘿 🌟🌟🌟結束後再嚟個菠蘿協調下味蕾，酸酸甜甜，好清香。

呢間位於佐敦百誠大廈嘅燒肉放題係一間性價比超高嘅餐廳。我揀咗佢哋嘅放題Set F，放題時間有120分鐘，除咗可以品嚐到黑毛和牛19款同152款食物，食物種類仲非常多，而且最近仲做緊優惠，勁抵食！！『黑毛和牛六款』分別有六種唔同嘅黑毛和牛肉，肉眼，肩胛肉，一口牛，三角腹肉，牛肋肉同牛肋條，全部都係頂級食材。『黑毛和牛壽喜燒』和牛同壽喜燒醬呢個配搭真係好吸引，牛肉仲散發住濃郁嘅壽喜燒味，口感極佳。『極上厚切牛脷 & 薄燒蔥花牛脷』厚切牛脷嘅肉質軟嫩，非常爽口，而蔥花牛脷就可以同時品嚐到蔥花清爽嘅口感同牛脷嘅肥美油脂，係味蕾嘅極尚享受！『極上夏多布里昂』今晚嘅主角就係呢個夏多布里昂，牛肉散發住油脂嘅鮮味同肉質嘅香氣，口感極度柔嫩，難被稱為頂級食材。『特大越南大虎蝦』除咗牛肉，呢度嘅海鮮都好一流，尤其係大虎蝦，隻隻都非常新鮮，蝦肉非常彈牙而且好鮮甜。除咗以上我極推薦大家食嘅牛肉同海鮮，仲有其他好食嘅，就等大家自己嚟試一試！

星期日晚上同朋友去enjoy，趕喺Monday Blue之前盡興。嚟到呢度食放題，呢間餐廳我哋都嚟過幾次，因為食過之後都唔想去其他燒肉餐廳食。今次我哋揀咗放題Set E，限定12款包括日本黑毛和牛，其他145款無限任食，仲有自助吧台，沙律、飲品、雪糕等都可以任攞。週末仲有炸物自助吧台，炸芝士、日式炸雞無限量供應。『黑毛和牛六款』三角腹肉、牛肋肉等提供六款唔同嘅黑毛和牛，每款和牛肉都有好濃郁嘅牛肉味，食落去又好嫩滑，入口即化，百食不厭。『原隻魷魚筒』原隻魷魚非常新鮮，燒過之後口感更加一流，充滿咗焦香嘅味道之餘仲保持住鮮甜味，非常爽口。『生牛肉壽司』『生牛肉刺身』可以品嚐到牛肉嘅原汁原味，搭配醬料增添咗唔同嘅味道。生牛肉壽司有啲似食三文魚壽司咁，搭配芥末就更加完美。福岡明太子卷體驗到正宗明太子嘅味道，濃郁鮮美，具有獨特嘅鮮味，食到停唔到口。

周六下班同同事嚟呢間和牛燒肉一郎放鬆犒勞自己。呢度嘅環境真係太適合大聊特聊，大吃大喝啦！我同啲同事每次都嚟呢間感受高級嘅牛肉盛宴🐂。我哋都超愛，因為每個部位食落去都可以帶俾你唔同嘅層次口感🤤我哋通常都點Set D，其中會送個頭盤黑毛和牛4款而且另外有幾款係必點：M9 薄炙牛里脊肉、原隻魷魚筒、薄灸蔥花牛舌（鹽味）、、黑毛和牛牛里脊🥓M9 薄炙牛里脊肉經過微炙燒後，肉邊邊帶點焦香味，比起其他純牛肉類口感更為獨特。黑毛和牛牛里脊則係4片一盤，色澤鮮紅，脂肪比例均稱，肉片厚實唔係薄片噢！🥓薄灸蔥花牛舌（鹽味）亦都相當獨特，燒烤後帶點咸香口感，蔥花嘅點綴令口感更協和清香。🥓黑毛和牛4款基本上係呢間店嘅必點款，4款包括肉眼、牛肋肉、肩胛肉、一口牛，切塊或者肉片經過燒烤後嘅味道都有各自嘅特色，特別鍾意肩胛肉，肉質非常鮮美多汁，而且亦都係和牛部位入面比較稀有嘅部位之一噢！小驚喜🤩呢度周六仲有炸物自助bar，一口炸芝士、炸雞軟骨粒、吉列炸蝦、日式炸雞任你食~既然嚟咗就放縱地享受美食！同同事都係‘唔飽唔歸’嘅~

今日第一次嚟到位於佐敦嘅「和牛燒肉一郎」呢間日式燒肉放題店☺，餐廳嘅裝潢十分有日本風 味 !站喺店門口，可以感到一股濃厚嘅日式氛圍!餐廳環境乾淨整齊，光線明亮，心情都開朗 起來😎😎通常晚餐我都會選擇比較重口味嘅食物，所以今日我決定試吓佢哋嘅任食日式燒肉放題套餐!🤓牛五花(辣味噌醬)，牛五花煎得剛剛好，外脆內嫩，辣味噌醬嘅香辣味道真係一流，令成塊牛 肉更加惹味，真係食到停唔到口!牛舌(鹽味)，牛舌嘅厚度一致，煎嘅時間唔曬好耐，個鹽味恰到好處，同牛油香氣一齊夹，咬 落去口感煙韌，真係齒頰留香!薄灸蔥花牛舌(鹽味)，呢款牛舌特別薄，煎得好均勻，再加上蔥花嘅香味，真係一咬就覺得系 口裡融化左!香蔥海苔溫泉蛋拌飯，飯粒吸收晒溫泉蛋嘅滑溜，同埋香蔥海苔嘅香味，味道超級好，對於我 呢個egg lover黎講真系極品!「和牛燒肉一郎」十分推薦大家去試試!佢地serve嘅肉質都好新鮮，唔會有異味，唔曬驚踩雷😙😙😙

之前同公司成班同事試過佢喺荃灣嘅分店🙈 覺得食物整體嘅質素都幾高，而且我哋係用優惠券買，所以都覺得特別抵食，今日同另外一班朋友食飯，就決定試吓佢佐敦嘅分店！今次我哋就冇買到優惠券，直接Walk in，價錢係$188，如果飲酒精飲品嘅話就另外加多$8，可以飲清酒梅酒啤酒👍🏻我哋就先叫咗梅酒，甜甜地再加少少冰幾好飲，好多燒肉放題都唔包酒精飲品，其實呢一間嘅價錢加多$8都非常便宜🙈 啱晒啲鍾意飲酒嘅朋友🙈 由於呢一個係特價嘅套餐，老實講佢嘅肉類選擇唔算太多，牛肉只係得普通嘅牛五花，但係味道都絕對唔會失色，係有幾塊特別肥🙈 其餘整體上都唔錯，牛肉嚟講仲可以選擇牛脷，薄燒牛脷都做得唔錯，每一碟有5片，味道上同埋肉質我覺得還可以🙈另外仲有豬肉雞肉同埋海鮮嘅選擇，雞肉嚟講比較出色嘅有雞頸肉🙈我個人嚟講比較推介餐廳嘅香草醬🙈我覺得香草醬再加埋雞頸肉嘅味道非常出色，而且整體嘅口感都幾好食！我哋最後都叫多咗！豬頸肉亦都燒得非常香，鍾意豬頸肉嘅朋友絕對不能錯過🙈 海鮮嘅選擇都幾多有新鮮嘅蝦，我個人嚟講就比較鍾意食魷魚，再加咗上餐廳嘅燒汁，簡直實現到食魷魚自由🙈🙈 餐廳亦都提供日本蠔，每一隻都幾飽滿！餐廳出邊

兩個人去食叫咗D餐，諗住試下和牛。嘢食款式好多，係幾多嘢食，但嘢食完全都好唔新鮮，牛嘅味道一般，海鮮更加一般，keep住所有嘢都出緊水。但又，始終都係燒肉放題，唔好預期太高，和牛都只係gimmick，唔特別好食。好多人留言話出嘢食好慢，本身都驚驚地，但呢點我自己就唔覺，都出得幾快，個人覺得出餐速度合理嘅，至少冇催過，keep住有嘢食。btw：湯幾好飲，有驚喜。同埋啤酒任飲食星期五8點左右餐廳都只係半滿……總結：唔值呢個價，同樣都係連鎖燒肉放題，建議食返牛角🙃

我生日嗰日，朋友請我去佐敦食燒肉放題，我哋揀咗佢哋嘅放題Set E，任食145款食材同放題120 分鐘，真係令我覺得好幸福。🔘黑毛和牛六款 1️⃣和牛肉眼油花豐富，肉質鮮紅，食落去牛肉風味非常濃郁，口感亦相當有嚼勁。 2️⃣和牛肩胛肉牛肉味相當濃厚，肉質稍微硬D，但鮮味十足。3️⃣和牛牛肉角切油花分佈均勻細緻，口感柔嫩，鮮嫩多汁。4️⃣三角腹肉 肉質同脂肪適度配合，令牛肉入口即化。味道亦非常獨特。 5️⃣和牛牛肋肉 肉質幼嫩細滑，肉味極為濃郁，口感非常嫩滑。6️⃣和牛牛肋條口感軟嫩中帶有嚼勁, 汁多味美。 由於我好鍾意黑毛和牛牛肉角切(一口牛)，我就再落單多一份牛肉角切。海鮮拼盤裡面最鍾意食原隻魷魚筒 🦑，嗰鮮嫩嘅肉質，嚼勁嘅口感，食落去鮮味十足，食得津津有味當然唔可以錯過小食福岡明太子卷🍣，明太子嘅味道鮮美濃郁，滿口都係明太子嘅鮮味，口感仲略帶嚼勁，咬起嚟好緊實，非常好食。其他仲有勁勁勁多野食，真係好滿足!

嘿嘿，又係放題時間，今次揀咗呢間和牛燒肉一郎嘅放題。揀咗個Course D啱啱唔係星期五同埋週末，所以優惠價只係$478就可以食到和牛，而且仲係黑毛和牛。我總共可以品嚐到4款唔同嘅牛肉部位，每一種放喺烤盤上烤嘅味道都唔同，有啲就甜甜地，有啲就特別軟，有啲就鹹脆，真係好滿足呢種和牛自助。海鮮方面，原隻魷魚筒一上枱仲未烤之前成隻就係晶瑩剔透嘅，睇上去就係好好食嘅樣，烤嘅時候你會見到魷魚會即刻捲起來，但係唔可以烤太耐，唔然就會好難咬斷，大概烤5分鐘就可以沾住醬汁一齊食啦，而且會好Q彈。M9薄炙牛里脊肉烤完之後，口感真係好出色。因為薄炙，牛肉表面微微焦香，但內裡仍然保持嫩滑多汁。咬落去時，肉質非常細嫩，同時帶有和牛特有嘅油花，充滿濃郁嘅牛肉香味。味醂魚乾經過處理之後都係超好食嘅，有啲甜味，魚肉方面比較有嚼勁。特選拌生牛肉亦都係必叫嘅一道料理，牛肉唔係完全生嘅，有燒過一陣，再將蛋同牛肉攪拌埋一齊，令到整體變得比較濃稠，再嘗一口，口感唔會覺得好生，仲可以感受到肉嘅柔嫩感。熟成壺漬牛肋肉真係好經典，肉都裹著燒肉味噌醬，經過燒烤後，會有焦香嘅外皮同一啲微甜嘅味道。今日真係食咗好多蛋白質。

呢間位於佐敦嘅《和牛燒肉一郎》，係真正嘅日式燒肉放題天堂！環境好舒適兼且乾淨，一試成主顧。無論放工食定係週末聚會，呢度絕對係你嘅最佳選擇。餐廳裝潢簡潔有日式風情，質素真係一流心。任食日式燒肉放題套餐，款式超多，樣樣都好食，真係超滿足！分享下我哋嗰既推薦餐單啦：黑毛和牛六款包括肉眼、肩胛肉、一口牛、三角腹肉、牛肋肉、牛肋條等，肉質鮮嫩多汁，每款都各有風味，尤其係牛肉嘅甘香，真係無得頂！2色蔥花牛舌（鹽味）牛舌切得厚薄適中，鹽味調得岩岩好，加上蔥花嘅香味，燒到啱啱好一啖一啖超好味。原隻魷魚筒魷魚筒新鮮彈牙，燒到外層微焦，內裡鮮甜，沾上一啲日式醬油，更加完美！牛舌（鹽味）牛舌鹽味一向係燒肉嘅皇牌之一，每一口都充滿肉香，嫩滑多汁，成啖肉令人回味無窮。香草雞頸肉雞頸肉嫩滑而且入味，香草嘅香氣更加提升咗風味，燒到外脆內嫩，真係一流！

上個星期日，我同朋友約咗喺百誠大廈嘅一家專食和牛放題嘅餐廳食飯，叫做「和牛燒肉一郎」🐮。呢間餐廳偏日式同燒烤類型，裝潢簡約而高級。啱啱嗰日佢哋有炸物自助吧🍤，多款炸物任你揀，例如：一口炸芝士🧀、炸雞軟骨粒🍗、吉列炸蝦🦐、日式炸雞🍛。嚟到呢到，梗係唔少得攞和牛肉。我哋攞咗SET D，入面有四款黑毛和牛，包括肉眼🥩、牛肋肉🍖、肩胛肉同一口牛。呢四款黑毛和牛部位都有獨特嘅口感同味道。最令我難忘嘅係肉眼同一口牛，肉眼帶有濃郁嘅肉香，入口即化；一口牛嫩滑多汁，充滿濃郁嘅牛肉香氣。我哋仲攞咗鹽味嘅薄灸葱花牛舌，呢道菜經過輕灸並搭配葱花同鹽調味。牛舌內部多汁，鹽味調味適中，提升咗牛舌嘅鮮美，搭配葱花嘅清香，味道絕佳。作為牛肉愛好者，我哋仲攞咗M9薄灸牛里脊肉。牛里脊肉有極高嘅脂肪分布同嫩滑嘅肉質，新鮮嘅肉帶住濃郁嘅肉香同奶油香，對一名牛肉愛好者嚟講簡直係一種享受。除咗多款牛肉，餐廳仲有賣海鮮🦑。我哋攞咗原只鱿魚筒，非常新鮮，口感柔軟且帶有嚼勁。雪糕🍦、醬料、飲料🥤、沙律🥗同炸物🍤全部都可以任食呢次體驗非常唔錯，如果你鍾意食牛肉同對牛肉有高要求，不妨嚟試吓。不過要注意，如果你想試佢哋嘅炸物自助吧，記得