和牛燒肉一郎 (百誠大廈)

營業中

休息中

同同事收工後過嚟呢間餐廳嘆美味嘅燒烤。揀咗佢哋嘅放題Set D。過百款燒烤食材任我哋食，落單後好快我哋嘅食物就到咗。🍣生牛肉壽司燒烤之前嚟食個生牛肉壽司，壽司上面肥美嘅牛肉片，食落更有咬口，味道亦都好鮮美，完全冇牛肉嘅血腥味，好食。🍤炸蝦天婦羅炸蝦色澤金黃，外脆內嫩嘅口感超級爽脆，鮮香味十足又好入味，係同事嚟呢度必點嘅炸物。🥓豬肋骨豬肋骨肉質豐腴，肉汁豐富，口感鮮嫩多汁，仲散發住陣陣嘅肉香味，係燒烤嘅必備食材。🥓原條五花腩五花腩嘅肉質細嫩，燒起嚟香氣四溢，外脆內嫩，燒烤感十足，食落簡直係一種享受。🥓薄燒蔥花牛脷（鹽味）牛脷經過輕燒後再簡單調味，造成咗豐富層次嘅口感。脂肪適中嘅牛脷，口感極之獨特，食落去可以感受到牛脷嘅鮮美多汁，正。🥓薄燒牛脊肉牛脊肉脂肪較少，口感非常嫩滑，入口真係即化即溶，味道亦都好濃郁，係人人都鍾意嘅牛肉。

最鍾意呢間放題餐廳！2個鐘任食任拎，輕輕鬆鬆就回本，啲肉質真係冇得彈，就連海鮮都超新鮮～正呀🤤牛肉豬肉雞肉任你拎，食到好飽好開心🤩「和牛西冷」一上枱真係嘩咗一聲😳 真係勁大塊西冷！見到啲紋理咁分明就知好高級，燒到五成熟嗰陣牛肉味散發出嚟，嫩滑香甜好過癮～「和牛牛肉角切一口牛」餐廳好貼心已經切好一口嘅份量，輕輕燒一下就可以一口食落肚～肉質鮮嫩飽滿，配埋生菜一齊食可以解膩😌「牛里脊肉」里脊肉都係我最鍾意嘅部位之一！燒完之後肉質仲保留住細膩嘅口感，原汁原味唔加任何一點調味料已經好好味！❤️「和牛牛肋條」牛肋條肉質肥瘦相間，燒完之後入口即溶，仲帶住淡淡嘅奶香味～呢個部位我哋都encore咗好多碟😋「豬頸肉」豬肉都好好食🙌 燒到微微燶再配埋醬汁一齊食，肉質軟嫩又有咬口，真係好好食呀🤤「海蝦、帆立貝」仲有各種海鮮可以任拎，海蝦同帆立貝都超新鮮，一點異味都冇～

唔好食、叫咗D餐、話有六款和牛、其實只有兩款牛只係味道唔同就叫有六款、分別係薄切切同埋唔係薄切、薄切嗰隻薄到紙咁、一放落個網度就黐實晒，根本拎唔起、每燒一次個網就燶晒、又要叫侍應換網、玩死啲侍應、厚少少嗰隻又韌又冇牛肉味、所謂和牛肉完全唔掂、海鮮蝦、扇貝、蠔全部歌急凍貨、無鮮味有啲霉無一樣可以叫第二次、叫左個拉麵咸到痴線、點個手卷啲飯唔知擺咗幾耐乾嘅、最好食係個棉花糖、兩個人埋單八百幾蚊，我唔會再食第二次、可能要叫到九百幾蚊一個人嗰先會有啲質素、環境係好坐嘅、侍應都好服務、好勤力咁幫我哋換網執碟

老婆生日，帶佢嚟呢間燒烤店食肉食到飽。呢度係自助餐燒烤店，有啲set可以揀，都係無限追加，食到飽。呢度重點係佢地既和牛肉，仲有好多牛牛模型黎做佈置。極上夏多布里昂，睇落好高級，肉質好軟滑，有均勻既脂肪，入口唔油膩。之後仲上咗黑毛和牛六款，有牛里脊肉、和牛西冷、和牛三筋、三角腹肉、牛肋肉同和牛牛肋條。擺埋一齊搞到我地躍躍欲試。攞去烤之後，散發濃郁既牛肉味，更加刺激我既味蕾。味道都好正，好有咬勁，口感豐富。之後我地仲點咗啲牛脷料理，有搭配五花肉嘅，兩色蔥花牛脷同薄灸蔥花牛脷。牛脷肉質好細膩，口感獨特，燒熟後更加軟嫩入味。最後仲點咗炸蝦，食多咗牛肉，忽然食炸蝦，感覺好唔錯。炸得好均勻，外酥里嫩，好好食。我同老婆都食到好飽，超滿足嘅。

前幾晚同朋友去咗佢強烈推薦嘅「和牛燒肉一郎」，環境溫暖，燒肉嘅香味充滿全場，坐低即刻有食慾！▶️ 極上夏多布里昂呢個部位真係嫩滑，肉質細膩，輕輕一烤，肉味濃郁中帶油香，每一啖都好滿足😋▶️ 黑毛和牛六款一齊上六款黑毛和牛，每款口感唔同，有啲嫩滑有啲嚼勁，食落層次豐富，配燒肉醬一流。▶️ 牛舌拚豬五花肉牛舌切得夠薄，烤一烤好香口，帶少少嚼勁。豬五花肉就更加香，燒到微焦嘅油脂味一撲出嚟，真係好香～🥓▶️ 2色蔥花牛舌（鹽味）牛舌加咗兩種蔥花，鹹香夠味，口感彈牙，輕輕一咬就充滿蔥香味，唔錯！🌿▶️ 特上牛舌捧厚切嘅牛舌特別有嚼勁，食落好彈牙又有牛肉獨特香氣，口感獨特。▶️ 海蝦新鮮又彈牙，輕輕一烤就出晒鮮甜味，帶出咗蝦嘅原味，簡單又好味。🦐▶️ 和牛肉眼和牛肉眼燒完有油香，肉質均勻，入口帶少少脂香，輕輕加鹽已經非常夠味。呢度嘅燒肉質素高，選擇多元化，每一道都係精品，燒肉愛好者唔可以錯過嘅餐廳！✨

想再食呢間燒肉好耐～難得平日收工有時間一於過嚟試下😂今日就揀咗D套餐～一個價錢可以自由任揀想食嘅～食到飽🙈.《原條牛舌配香水檸檬》最中意呢道菜～一打開啲煙就飄岀黎～用咗檸檬煙燻～好香嘅檸檬味～食個陣再加埋野菜食一流～惹味👍🏻.《和牛西冷》牛舌肉質彈牙～薄切比厚切冇咁肥膩～食多幾片都唔怕😬.《原條五花肉》五花肉燒一下就得～但都唔怕會好易燒到好乾身～燒完之後肉味皮好香濃～肥少少都值得一試🙈.《薄炙牛里脊肉》和牛牛里脊肉油脂分布好多好靚～食落牛味幾香～不過由於佢係薄燒～所以唔好燒太耐～動作要快😂.《牛里脊肉》牛里脊肉油脂滲透出來的香氣～回味無窮😍😍.《雪條&芝士布甸》食完咁多肉一定要食下甜品～雪條同芝士布甸係最愛第一名👏🏻👏🏻.提提大家平日晚市都幾full booking～建議大家訂咗位先好嚟🙈整體都覺得幾好食～和牛嘅款式都幾多🫶🏻🫶🏻

女朋友生日，唔知應該帶佢去邊度食晚餐，就諗起咗之前同佢一齊嚟食過嘅呢間佐敦和牛燒肉一郎，之前食過佢就非常鐘意呢度，今次諗住再帶佢嚟食多次晚餐，慶祝佢生日！呢度嘅餐廳中間有路軌，送餐好快好方便，然後我咗叫咗兩個人，set D，見到有幾樣小菜好吸引，雖然系另外收費，都係叫咗嚟食，物超所值。牛西冷嘅牛肉質地比較實淨，咬落去好有彈性同嚼勁，濃鬱嘅肉味喺口中散開，正呀！五花肉嘅肉燒咗之後有住優質嘅香味，同時仲可以食到五花肉本身嘅鮮甜味道，女友特別鐘意！我蓋食到兩種唔同味道嘅牛舌，有檸檬同鹽味嘅。檸檬嘅牛舌酸酸甜甜，食落去好開胃，而鹽味嘅牛舌就鹹鹹地，味道好特別。兩種味道嘅牛舌各有特色，更加帶出咗牛肉本身嘅味道。佢哋嘅蝦子都有兩種，一種綁炸嘅，好酥脆，咬落去特別爽口！另外一種系海蝦，燒咗之後好香，而且蝦子仲鮮甜多汁，令人食到停唔到口！仲有提拉米蘇，鳳梨同雪糕。鳳梨唔會太酸或太甜，食落去好清爽，煮飯後生果好解膩！食咗咁多嘅燒物，梗係要食啲凍冰冰嘅雪糕解膩，仲可以綜合一下口味。佢哋嘅蛋糕好軟，仲好香，好啱煮飯後甜點！女友食到好開心，祝佢生日快樂！

前晚同好朋友阿林出嚟逛街，然後晚餐就去呢間燒肉店食自助餐。入面有好料嘅和牛肉，鋪外面仲有可愛嘅牛公仔擺放。嗰陣我哋點咗Set E，有啲肉係另外點嘅，另外收費。其他就任食，可以無限追加。一嚟我哋就上咗和牛西冷，佢嘅肉質好細膩，燒咗之後散發出濃郁嘅肉香，食落口感好豐富。佢哋嘅五花肉，燒咗之後帶有油脂嘅香醇，因為切得比較厚，食落好有滿足感。牛脷仲搭配香水檸檬，我哋煮咗之後，外焦里嫩，都係好好食，搭配香水檸檬嘅清新酸甜，之後我哋仲點咗好多料，其中炸嘅有炸蝦同炸雞塊。都炸得啱啱好，金黃嘅，外酥里嫩仲點咗好新鮮嘅多春魚，仲有大大粒嘅扇貝。之後又上返啲肉類，生牛拖羅刺身、豬頸肉、牛里脊肉同牛脷捧。都處理得好乾淨，厚度啱啱好

期待咗好耐嘅燒肉放題終於嚟食啦！果然冇令我失望🤩 食過咁多間放題，最後都係最鍾意呢間，因為肉質全部都非常新鮮，唔使叫最豪華嘅套餐都已經可以食到好高質嘅肉類👍🏼 今日叫咗D餐： 🧡原條五花腩 厚切嘅五花腩食得非常滿足😌 肥瘦比例啱啱好，厚切嘅五花腩可以燒耐啲，表面微微焦黃之後外脆內嫩，正正正！ 🧡薄切蔥花牛脷 我本身係唔鍾意牛脷，但係呢間嘅薄切牛脷一點異味都冇，燒熟咗之後唧少少檸檬汁更加添風味！味道超級清爽🤩 🧡菠蘿 男朋友拎咗菠蘿嚟燒，點知竟然出奇咁好食！！燒到外皮微焦之後，食落口爆汁，多汁嘅菠蘿仲帶住微微焦香🤤 🧡薄切牛里脊肉 睇呢個紋理就知好好味😋 粉紅色澤仲有靚嘅大理石紋路，輕輕燒完之後就可以食，肉汁俾鎖住而且非常嫩口！ 各種海鮮類都好新鮮！海蝦新鮮又大隻彈牙，帆立貝肉質柔軟，件件都好鮮美💯 肉類停咗之後仲可以去自助吧枱任拎沙律、汽水、甜品～ 我哋拎咗棉花糖嚟燒，溶化咗之後甜甜哋嘅滋味完美咁結束呢餐嘢😘

今次專程再去試呢間式燒肉店🥩環境乾淨，座位闊落😙通風設備唔錯，唔會太大油煙！這次試咗餐廳既熱賣E套餐👭優惠價$598，抵食之選！🐥原條五花肉佢哋係選用五花肉，屬於比較嫩身嘅位置～肉質幾結實🤩雞肉要用慢火燒，店員有提醒放喺爐嘅兩邊，避免燒燶🔥最後成功做到外脆內軟嘅效果😋亦都唔需要再沾醬汁，好入味！IMG_2263🐮和牛牛牛肉和牛牛肉切至一口一塊，咬落非常爽口！🫶肉質嫩滑，鎖住肉汁，好juicy!😽沾上少少鹽係唔錯既選擇；食到咁上下覺得膩嘅時候，配埋香蔥一齊食，提升牛肉既層次感🥰🐂和牛牛肋條呢個絕對係成個set嘅MVP✨牛肋條嘅色澤好靚，紋理清晰，油脂份怖好均勻，望到都流曬口水🤤再配埋蒜蓉粒，燒一陣好快就食得，嫩滑既口感，油脂香喺嘴𥚃面充斥著，每一啖都係極致嘅享受！🦞海鮮比較推薦係海蝦,炸蝦和青口，燒完之後食落比較爽口，再點少少燒汁幾好食～另外，比較特別既係炸蝦🦐係餐廳自家製嘅，不需要再燒就好食🤞其他海鮮味道正正常常

食放題最重要就係食材夠新鮮。今日食嘅和牛同海鮮都好高質、抵食同新鮮✨座位舒適，最緊要係送餐速度都好快🙌🏻呢度嘅放題Set D，可以揀嘅和牛部位同海鮮款式都好多。和牛西冷：咬落去啖，口腔充滿牛油香。雖然牛脂較多，但係仲食得到瘦肉嘅咬勁，燒烤後仲香！牛脊肉：燒烤後鮮香無比，將油脂迫曬出黎。肥美香滑。鹽味牛舌：牛舌一啲都唔腥，用少少鹽調味已經好好食。薄薄一層軟姨彈牙，經過燒烤後更加有嚼勁，一碟唔夠喉。生牛肉壽司：生牛肉壽司真係好有特色，因為牛肉系生嘅，更加食到原汁原味，更加證明到牛肉系真係好新鮮，而且處理得好乾淨！帆立貝：有海鮮獨特嘅鮮味，燒烤後，帆立貝嘅鮮味更加突出，口味好豐富！木糠布甸：好好食嘅甜品。每次嚟都會食，唔會太甜，口感綿密。伴雪條：口味選擇多，冰冰涼涼，食完燒烤真係好爽！一個人嘅燒烤好爽啊！

極上夏多布里昂夏多布里昂俾人譽為一頭牛「最好嘅部位」，望住嗰個紅嫩嫩嘅色澤我哋口水都要流出嚟，脂肪含量低但係柔軟多汁，口感細膩。燒烤之後肉汁鎖住，咬落去輕盈柔軟，留低滿口濃郁嘅肉香～對於肉食動物嚟講，簡直就係天堂🤤黑毛和牛六款六款黑毛和牛部位一次食過癮！每塊肉都好高質，靚嘅大理石花紋，輕輕燒過之後油脂溶化，最愛就係牛肋肉，口感鮮甜軟嫩，仲keep住彈牙嘅口感，係今次我哋order最多嘅一款！牛脷拼豬五花腩牛脷都好好食滑嫩無筋，薄厚適中嘅牛脷嚼勁十足，一點腥味都冇同時五花腩都係好高質，厚切嘅五花腩食落去超級過癮！燒到焦黃嘅五花腩伴住油脂散發嘅香味，令人胃口大增！原隻魷魚筒同各種海鮮✨超大隻嘅魷魚！燒製嘅時候香氣撲鼻，口感鮮嫩又彈牙，新鮮又美味：帆立貝都係好新鮮，唔需要多餘嘅調味料就已經好鮮美😋仲有各種飲品同埋小甜品可以任拎，因為已經好飽我哋只係試咗芝士布甸同埋木糠布甸，滑嫩嘅口感同焦糖嘅甜味，最啱攞嚟當飯後甜品喇~😍

上次同朋友食完另一間分店今次就同老公嚟食佐敦分店點咗佢哋最豪華嘅放題Set F能夠品嚐多款日本黑毛和牛同埋極上夏多布里昂極上夏多布里昂脂肪分佈均勻 食落去肉質好軟滑完全唔油膩咬入口毫不費勁 入口即化嘅口感令人食過一次就難以忘懷絕對係頂級嘅牛肉黑毛和牛六款有牛里脊肉 和牛西冷 和牛三筋 三角腹肉 牛肋肉 和牛牛肋條每一款和牛都有唔同嘅口感 但每一種都非常好食黑毛和牛肉唔單止係味道鮮美 肉質柔軟多汁細嫩 絕對係奢侈嘅味蕾享受牛舌拼豬五花肉 & 薄灸蔥花牛舌（鹽味）牛舌唔單止入口柔軟仲相當多汁 令人十分驚豔薄灸蔥花牛舌則係鮮嫩彈牙 口感極致美味青口食完燒肉之後 仲有色澤鮮亮嘅青口可以品嚐肉質緊實並且有嚼勁 口感特別新鮮雪條 & 雪糕食飽後仲可以行到餐廳嘅自助Bar 食雪條同埋雪糕解膩

推介大家一間好抵食嘅燒肉放題餐廳，就喺佐敦嘅和牛燒肉一郎。呢度有唔同款嘅放題套餐，大家可以按自己鍾意嘅嚟揀。我個人比較推介呢個放題Set E，有好多款牛肉任食，而且都係啲高級牛肉，真係好抵。首先講吓呢度嘅原條五花腩，肥瘦適中，燒完之後口感又好好，唔會油膩，好受大家歡迎。牛肋肉色澤好靚，均勻分佈嘅大理石油花紋路，食落去入口即溶，簡直人間美味。鍾意食生牛肉嘅你梗係唔可以錯過生牛拖羅刺身，見到靚靚哋又細緻嘅油花，食落去鮮香嘅牛肉味十足，口感一流。仲有生牛肉大腹壽司，鮮嫩口感嘅生牛肉連埋下面壓住嘅飯一齊送入口，口感嫩滑又好食，再加埋新鮮芥末，真係好滋味。呢度除咗可以食燒肉，仲有肉質飽滿嘅海鮮同埋好新鮮嘅自助沙律，全部都係任食，食得非常滿足。

鍾意食肉嘅我哋梗係揀咗F餐啦，頭盤一擺上枱就已經睇得出餐廳滿滿嘅誠意～ ✨極上夏多布里昂 我哋點呢個餐嘅目的就係為咗佢！燒完之後散發出濃烈嘅肉香味，食落口柔中帶韌，食落去全部都係深厚嘅豐腴肉感！不愧係肉中極品！💥👍🏼 ✨黑毛和牛六款 六款唔同部位嘅牛肉喺呢一盤都可以食得到～每一件肉肉色澤豔麗，靚嘅紋路經過炙燒之後脂肪溶化，肉汁喺口入面爆發嘅口感真係令人難以忘懷！我個人最鍾意就係牛里脊肉，肉質細嫩而且油花分佈均勻，口感細嫩而且肉香味超級濃郁🤤 ✨原隻魷魚筒、帆立貝、青口、大虎蝦 各種海鮮喺呢度都可以享受到～嗰隻魷魚筒同我手臂一樣長！貝類都係非常新鮮，燒熟咗之後味道非常鮮美仲帶住淡淡嘅燒烤味～ 🥩和牛肉眼 呢個部位都係我嘅至愛！燒完之後油脂滿滿化開，牛肉嘅鮮味同淡淡嘅奶香味喺口入面綻放，入口即溶講嘅就係呢啖！ 🥩牛脷拼豬五花腩 厚切嘅牛脷厚實多汁，每面短暫炙燒就可以，咁樣可以最大保留住牛脷嘅汁水，仲可以食到柔嫩嘅口感💯 五花腩都好味，一點腥味都冇！燒到微微焦香之後，食落更加緊實彈牙，點食都唔會厭😍 🥩薄切蔥花牛脷鹽味 每一片嘅薄切牛脷都已經用鹽醃製過，經過燒烤之後，外焦裡嫩🤩 簡單嘅調味就