和牛燒肉一郎 (百誠大廈)

營業中

休息中

朋友們想試好耐，難得幾個麻甩佬有機會大家聚頭，個個都食肉獸，最後揀咗呢間和牛放題。果然冇失望，我哋揀咗D餐，肉質鮮嫩，服務殷切，果然冇令我失望，個個都捧腹飯而回，讚不絕口，會再來👍

【佐敦• 和牛燒肉一郎 】🐝————————————————————————多謝朋友們請我吃的生日飯🎂☺️暫時食過最正的日式燒肉放題🥰極力推介‼️‼️‼️環境乾淨空間大，食物係以「列車送餐🚝」揀了套餐B HKD448/位 選擇都唔少，絕對夠食。最愛大判壽喜燒牛里脊肉❤️油脂香，入口軟滑。壽喜燒汁加生蛋，食一塊已經覺得要再來。雙眼發光🤩店鋪送了舟·盛合，入面有蔬菜、肉同海鮮，不過呢到海鮮冇咩特別，相信係食和牛為主。日式燒肉但有韓式拌菜，大豆芽、菠菜、辣蘿蔔等，各樣都好食，仲可減油膩感。好Kai地叫了個牛肉辣拉麵😂😂但又真係好食，辣度係譚仔中辣，辣得過癮。Like!自助式方便，有好多唔同種類雪條同特色飲品，絕對冇hea客人。

和牛燒肉一郎 📍佐敦佐敦道31-37號百誠大廈3樓📍銅鑼灣 將軍澳 荃灣━━━━━━━━━━━━━━━━━━━━━━━━━━━━雖然日本返嚟冇幾耐 但係好掛住日本和牛🐮 想食燒肉但又唔想再去牛角嗰啲 所以就試咗呢間睇落好好嘅和牛燒肉一郎😗餐廳有四款套餐 今次就揀咗course B $448 +10% (星期五至日or假日$498 +10%) 用餐時間120分鐘 而last order就90分鐘套餐有102款嘢食可以揀 分別有精選牛肉25款 牛肉刺身3款 日本豚肉6款 豚肉8款 雞肉4款 野菜8款 料理38款 另外仲有提供每檯一個嘅舟·盛合 & 桶·盛合餐廳係掃QR code落單 落單嘅嘢用新幹線智能送餐 好似壽司郎咁但係設計高級少少 都幾新奇㗎🤣另外自助bar都好豐富 會有各種自家製果茶 罐裝飲品 梳打水等 亦有多款沙律醬同燒肉汁 最深得我心嘅係有一個雪櫃嘅甜品 兩個雪櫃嘅日本雪條 仲有雪糕機同爆谷機整體嚟講 我覺得真係好好嘅體驗! 係值呢個價錢嘅! 我會揀幾個我覺得特別驚喜嘅位介紹~ ━━━━━━━━━━━━━━━━━━━━━━━━━━━━🐮🥇牛1st --- 極上厚切牛舌▶︎ Cou

餐廳環境乾淨寬敞，座位舒適，提供圍裙，新幹線送餐服務，感覺新穎。Course B 嚴選牛肉放題盛合牛肉包括牛肋條、牛肋肉、牛里脊肉、牛舌等不同部位。其他肉類及海鮮包括豚肉、雞肉、海蝦、生蠔、帶子，而配菜有牛肉刺身，明太子卷，水冷麵，沙律，涼拌菜等等，選擇豐富。自助區有各種飲品，甜品，雪條。點餐後會先送上《丹·盛合 + 桶·盛合》，木船上擺放著各種肉類、海鮮同菇類，擺盤精美。✨薄炙蔥花口舌（鹽味）大大塊好爽口，鹽味剛好。✨豚肋肉將豚肉薄片燒至微燶，油脂甘香豐富。P.S. 店員推介將鯛魚燒雪糕放入爐裡燒一陣先食，外熱內冷口感特別。

好耐冇食過放題了～今次推薦呢間佐敦燒肉放題佢嘅「燒肉新幹線」服務 令送餐速度好快 直接將order送到去你枱今次試咗course C 120分鐘燒肉放題未order前先奉上一盤大海鮮！老虎蝦、蠔、帆立貝、鮑魚、青口等等每一款都好新鮮牛肉方面 有4款黑毛和牛+25款精選牛肉有幾款 我係好推薦的：-壽喜燒里脊肉 隨肉會附上一隻生雞蛋 薄薄一片 油脂分布平均 拌蛋食好滿足不經不覺 我哋都各自食咗4片-特上牛舌棒都非常爽口 而且牛味濃-和牛牛肉角切都好正 一啖一粒 甜品方便絕對要提一提！佢有九款明治雪條可以選擇！係明治！！！大胃王如我哋 今次食咗6條例如有藍莓乳酪、紅豆夾心鯛魚燒、草莓朱古力、海鹽荔枝、北海道煉乳等等每一款都好吸引～平時單買都差唔多$10支！所以見到嘅時候 真係心心眼所以我覺得呢個燒肉放題CP值都幾高！整體性價比：🦖🦖🦖🦖和牛燒肉一郎地址：佐敦佐敦道31-37號百誠大廈3樓

行過佐敦見到有間新開既燒肉店，就入左去試下🤓店員安排左我地坐卡位，有新幹線送餐。值得一讚既係呢度既環境好寬敞，坐得好舒服，又有圍裙提供，非常貼心。我地揀左Course B 嚴選牛肉放題盛合，除左有唔同部位既牛，仲有豬雞、海鮮、壽司、沙律、涼拌菜，選擇好豐富👍🏻入座後會先送上《丹·盛合 + 桶·盛合》，擺盤幾靚，木船上，有各種肉類、海鮮同菇類。推介大家要試薄炙蔥花口舌，食落有咬口又唔膩，鹽味剛剛好😋.冷麵都推介大家要試，冰冰涼涼，好爽口。最後店員好好燒左個鯛魚燒雪糕比我地試，外皮好脆，外熱內冷既口感，唔錯！另外，佢都有好多款日本雪條提供😋仲有一點好驚喜，餐廳會提供返和牛識別號，確保大家食到真和牛😎👍🏻

今日去佐敦食和牛燒肉放題，和牛燒肉一郎，上網睇返，呢間餐廳都有好幾間分店，今次終於可以一試。一出電梯，右手邊就有一個冰櫃，入面放咗原件和牛，非常有氣派。入到門口，就見到當日食嘅A4黑毛和牛產地及編號，信心保證。-C餐: 日本產黑毛和牛120分鐘放題今次食C餐，已經包括日本產黑毛和牛牛肉刺身，牛肉壽司，多款燒肉。-和牛西冷脂肪分布平均，牛肉味濃郁，入口即溶，燒到大概三成熟，係食西冷最佳嘅成數。-和牛里脊肉配壽喜燒配上生雞蛋及壽喜燒汁，輕輕一燒和牛里脊肉，一個傳統完美配合嘅食法。-牛肉刺身，牛肉壽司食高級嘅日本和牛，刺身又點可以錯過。牛肉刺身配上蒜蓉，芥末一齊食，牛肉嘅鮮甜味非常突出。牛肉壽司壽司飯醋味夠，簡單沾上醬汁及芥末，已經非常出色。-和牛厚切牛舌牛舌燒烤至表面微焦，肉質鮮甜，富有彈性，軟嫩多汁，和牛牛肉味尤其濃郁突出。-評分 : 8/10

前排第一次「入冬」開始凍嘅時候，只想宅在家圍爐食返啲暖笠笠嘅嘢🔥我哋成日都打邊爐，又唔想準備咁多嘢，所以最後決定放工之後去和牛燒肉一郎外賣特選牛燒肉套餐返屋企慢慢烤🍢佢哋新推出嘅外賣套餐有2-3人份同4-6人份🉑️以揀。我哋怕食唔曬，所以要左2-3人份，份量都幾足👍🏻 一份🈶️齊牛肋肉、牛里脊肉、牛肉角切(一口牛) 、牛外橫膈膜、薄切上等牛舌芯、豚肋肉、厚切火腿肉、豚香腸、雞腿肉、包肉用生菜、雜錦蔬菜及雜菇拼盤、 泡菜拼盤及涼拌小食。佢哋嘅牛肉都係由日本直送，一睇就知係正嘢😋色澤夠紅，油脂分布又平均，唔會過肥，肉質又嫩🤤薄切上等牛舌芯烤一烤就食得，好爽脆‼️ 一口牛烤到半生熟咁食，牛味香濃又嫩‼️ 厚切火腿肉一啲都唔肥，仲啖啖肉‼️ 豚肋肉油脂香而不膩，包生菜食好正‼️最貼心嘅係配埋烤肉汁，唔使另外買。港九新界都🈶️分店，夠曬方便，下次買去朋友屋企食都得😎

今日約咗兩位姊妹嚟食lunch， 秉承年尾一定要有一次完美嘅聚會，同時又為開展新一年而作準備，其實總結而言都係吹水大會由於醉翁之意不在酒在乎吹水，所以我哋今日三個都係叫咗sukiyaki lunch。lunch 性價比好高，一位都只係一百廿幾蚊，仲有小型沙律吧同任飲飲品👆🏻食物賣相唔差除咗食物，餐廳環境坐得舒服，唔會太擠逼，枱同枱之間又唔會太窄。不過唔知點解人流都幾少吓，除咗我哋，今日中午得2、3枱客。不過無所謂，人少反而坐得舒服又啱我哋吹水👍

第一次觉得服务同出品都唔错，觉得好好呀，仲推荐左好多朋友来。第二次再翻来，差评。原因一：圣诞中午过来，本身价钱同夜晚一样，人就会少好多。来到得无几台，霖住服务会好d，好正啦，点知道……点左好多野无来，等左半个钟左右。店员突然过来讲可以落单喔……我哋落左好多但时间就到了，拿拿林叫多次野，但唔会将截单前叫噶野送过来。原因二：出品差左超级超级多。我哋点b类名品牛，牛舌ok，都肥美。但其他牛好瘦，好柴，无牛味。真系唔掂啰无下次

又到聖誕，又到聖誕🎄🎄～大時大節梗系要同親朋好友食好D慶祝🎉！想食咗和牛燒肉一郎好耐，今日終於book到位🤩，當然要食好D。入門已經被隻勁仿真嘅牛🐄驚艷到，然後見到勁大塊牌寫明今日供應嘅和牛產地、等級同和牛識別番號，食咩一目了然😋！既然今日D牛咁靚，就點D餐日本產黑毛和牛，滿足地過節啦！▶️D餐：120分鐘任食日本產黑毛和牛放題+ 海鮮9種類 及極上花盛合💐(💰星期一至四 $888 / 星期五至日 $938 / 小童$648)哩個餐真係大包圍，食齊9款黑毛和牛，25款精選牛肉，豬肉同雞肉更不再話下，最重要系可以食埋牛肉刺身，咁豐富，聽日先再諗點減肥啦🤣～未燒前職員會先送上頭一輪食物，之後要添加就掃code自助落單👩‍💻，非常方便。食之前要介紹下條「燒肉新幹線」智能化送餐🚄，通過QR code落嘅單會通過新幹線送達，方便又乾淨，帶小朋友嚟仲開心👨‍👩‍👧，因為佢哋最中意玩智能送餐，真係吾怕悶親😉～✨極上夏多布里昂✨聽個名都知道系牛肉中嘅王者吧！關於夏多布里昂嘅故事就吾贅述，但係哩個牛腰內肉嘅稀少部位，肉質絲滑軟嫩，紋理細膩，係牛身上是最少、最嫰、通常係最貴嘅一舊肉，食完今餐已經值回票價。✨

餐廳環境幾舒服，幾寬敞，唔似平時食開果間得塊膠板隔住。食物有啲係店員送上，有啲會經輸送帶自取，擺盤賣相好靚。第一次黎試下Course B $448，25款精選牛肉，連埋海鮮，雞，豬，蔬菜，熟食炸物等總共有102款，選擇都好多。當中有唔少不常出現在一盤燒肉店的選項，例如牛刺身，牛外橫隔膜。首先上枱的是Course B預設的桶·盛合與舟·盛合，有雞肉，腩肉，牛肋肉，牛里脊，帶子以及蝦。擺盤幾靚，食落都正。之後當然要試下牛刺身，有款係似薄切牛扒，外層熟，內層生，食落都幾嫩。另一款特選拌生牛肉，用雞蛋拌匀，口感順滑，牛味幾濃。多款牛肉之中，薄切牛里脊大大塊賣相吸引，不過放落網有少少痴，反而厚身啲既牛肉燒得更靚。當然食落既質感都唔一樣，試左好多款，好滿足。牛肉之外，我覺得海鮮都好吸引，廣島蠔肥美，帆立貝大隻。熟食炸物都唔錯，吉列蠔吉列蝦都幾脆口，炸粉唔會太厚。最後忍唔住叫埋個水冷麵同和牛壽司，都唔錯。到最後既最後，當然係食甜品，望住個雪條櫃，款式同級數望落都高級過一般燒肉放題餐廳，真係想瘋狂食晒咁多款，能力所限只係食到三枝…其實除左雪條，個甜品櫃，飲品區都幾多選擇，除左罐裝飲品，有幾款果茶，感覺

4人以上，8:30pm有八折。所以就去點個C餐。因為之前都食過，同一分店，同一個C餐，所以有對比之下，今次好失望。漏單嚴重。不過只會漏C餐裡面嘅和牛。薯條或其他平價肉好快會上菜。同店員反映多次，最後到埋單前30分鐘至到。嗰時已經飽同冇心情。不過就算佢上和牛比我，都要睇運氣。一半好一半差。差嘅話，冇味又韌，以為食外面其他$200唔洗嘅放題。其實當日客人唔係咁多，我唔知係佢哋唔夠人手切肉定根本為咗慳錢，唔會比一啲較貴價嘅肉啲客食。總括嚟講，同之前嘅經歷差太遠。唔會再有下次。雖然埋單喺有折嘅情況之下，每人$5xx, 但明明話和牛放題，但又唔肯比肉我地食⋯感覺好差

近排天氣轉凍，食燒肉暖笠笠就啱晒！位於佐敦嘅和牛燒肉一郎，以燒肉新幹線為噱頭！喺QR code落單，佢就會經軌道送到去你枱面，撳個掣自己開門攞，好過癮😆 一到餐廳就見到店門外就會有雪櫃擺放和牛，俾你睇吓黃牛嘅質素👍🏻今次我哋試咗Set B嚴選牛肉放題盛合，有超過120種豬牛雞、小食、海鮮等等任君選擇！時間係食120分鐘。我同朋友試咗唔同種類嘅牛，有好多同樣部位嘅都可以選擇厚切或薄切，我就覺得牛肋肉、特選牛里脊肉、同埋口切牛舌最好食！牛肋肉以及牛呢隻肉牛味濃郁之餘，口感亦都好淋。厚切牛舌有咬口，但一啲都唔會太韌。海鮮方面，好多都非常新鮮出色！我同朋友最中意嘅就係帆立貝、蠔同埋蝦。蝦廚房有幫我哋界開，等我哋食得更加方便！飲品甜品區嘅種類超豐富，雪條種類多達十款，亦有自家製嘅果汁等等，亦有自助沙律吧、軟雪糕機等等，大家記得留定個肚食甜品喇😆

天氣凍想食燒肉，諗起上年食過呢間和牛質素唔錯，放工即刻拉埋朋友過嚟。平日晚餐時段都好多人，需要等位入座，一坐低叫左最正既$888 Course D，貪佢有齊5款日本黑毛和牛盛合同寶箱🍱夏多布里昂＆是日和牛寶箱是日和牛係西冷，一開寶箱有煙出㗎！🤩夠曬吸睛；兩個寶箱都有專員幫手燒埋，識燒係真係唔同d，見到佢地會數幾秒等反面，最後幾下搶火再拎起，剪開睇熟度啱啱好西冷切得薄身，一入口滿口都係油香夏多布里昂係牛腰內中央最厚的部位，剪開配埋特製蒜頭牛油燒，四邊燒勻再上碟，稔身好易咬開，有淡淡牛油香，食落好有肉感🤤各款和牛同海鮮拼盤分別以船、桶、便當、階梯唔同造型上碟，和牛雪花好靚，影相夠曬養眼以霓虹燈裝飾既自助吧有齊沙律、飲品、甜品一定要試下佢地既自家特調果汁🧃，特別係青瓜奇異果綠茶，夠曬freshD餐仲有118款食物可以手機落單，由高速列車送到🚝好過癮呀！座位闊落環境乾淨無油煙味，有埋專人服務幫手燒肉，和牛質素真係好好，招呼朋友唔會失禮！
👍🏻特別推介夏多布里昂、西冷、肉眼、牛里脊、雞肉、扇貝、蠔