和氣火山石手打烏冬 (已結業)

今晚在河絆花園附近覓食，最終選左呢間，沙田和氣壽司手打烏冬，我點左最愛的鰻魚飯，98蚊，鰻魚肉好厚，好滑，有少少甜蛋絲加一啖飯一啖鰻魚，哇，正到暈，歎返杯熱茶，環境舒適，服務態度好好，我很驚喜，居然有甘好味的鰻魚飯在屋企附近，開心，會再去，食好D，

老公喜吃壽司，我又不想吃太貴，通常便來這家小店，每位大概150元，燒物壽司有水準，刺身就ok啦，但以這個價錢，我又覺得幾ok喎，䓤花吞拿魚壽司舖上白芝麻，有心思又惹味，炸蠔手卷舖上芝士加沙律醬，不肥膩，自和老公看完海街diary後，愛上梅酒，見到餐牌上有自家製梅酒，㸃了嚐嚐，呷一小口，酸味醇厚，很有層次，咬一口酸梅，濃濃的酒味隨香氣滲入大腦，好一頓令精神輕鬆愉快的壽司晚餐😍

野菜拉麵既配料好多，有筍、紫菜、粟米、日式魚蛋、雜菜等。甘多配料個湯底都仲甘鮮甜。拉麵彈牙入味，不過拉麵份量不足。一個set餐有甘多野食仲甘平真係好抵食。會再想黎食，因爲真係好抵食。

今日係星期日,我地又多人,好好彩因為book左位先咁快有位首先唔小得食芝士豬軟骨石頭飯,豬軟骨入口即溶,肉又嫩滑,加上浸入芝士香味,特別好味配埋個石鍋,令飯同蛋漿立即係熱鍋中在你面前溶化並混合於料理中之後叫左好多壽司,三文魚係我最中意,魚生好肥好厚,唔似其他店嘅刺身咁薄ee... 雖然價錢略高(around$20/客 壽司),但真係好食兼大件,所以我覺得係刺身愛好者必到餐廳除左三文魚壽司,花之戀都值得一試,用三文魚同魚子整成,三文魚素質好唔洗再講,魚子好大粒,一d都唔腥!!! 但一客40蚊(2件),有款同呢個好似,但係用蟹子整成,小心唔好叫錯最後叫左個小辣海鮮拉面,湯底可以簡辣/蕃茄/豬骨, 今次簡了小辣,但仍然很辣,連我很吃得辣的朋友都接受唔到,辣到要不停飲水,所意大家簡辣的話要考慮清楚....拉面配上紫菜,很好的配搭,比得上其他大型日式店

一入去，都滿座，好多人食，好采仲有幾個位。我地叫左兩客三文魚壽司，一客鰻魚壽司。三文魚好靚；鰻魚冇骨，燒得好好食。跟著叫左個咖哩豬扒飯，豬扒炸得好<吉烈>。又叫住吃左黑松露金姑牛肉卷，都幾好食，不過咸左小小又叫左個雜錦天婦羅總結K

其實已經黎依度食野不下十次,終於要寫一篇食評俾佢總括而言,和氣的招牌菜係 魚生/刺身 同埋 烏冬!今次我反而想試新野,點左一D平時唔叫的菜式失望了,鰻魚凍的...芝士唔溶,不推介大家點這個(其實和氣以前有一個鰻魚卷,4件$28非常抵+好食,可惜宜家冇左了)三文魚卷不過不失豚角烏冬這間的烏冬有保證的,湯有豬骨香味而清,飲都OK, 烏冬係讚岐烏冬加埋整得唔錯的半熟蛋+豚角~~~~維持水準第一次叫這個,比較重蒜蓉味,帆立貝好大隻! 不錯的菜色~~~當然如果要食帆立貝的鮮味我就推介食番刺身!這裡的帆立貝刺身好正

I had a flight to catch that day but was really hungry and still had an hour to kill, so I dropped by this Japanese restaurant to check it out (I've past by it millions of times but never had the urge to go in). There were alot of patrons dining even though it was only 11am so we had to wait a bit. Eventually, we got a spot at the sushi bar even though I don't really like the high chairs and the squishy space, but beggars can't be choosers, right? (I only had an hour before rushing off to the ai

芝士豬軟骨滑玉子石窩飯，飯上面的芝士焗得少少憹，少少脆，入面仲軟林林，十分可口。豬軟骨夠林夠入味，正。加埋隻半生熟滑玉子，整個石窩飯很好吃，抵讚! 串燒牛油蕃薯，牛油咪就唔覺，反而好似有蜜糖味，加上蕃薯本身很甜美，燒到又林林地，很香甜啊! 最後，串燒珍寶雞翼4只變左普通雞翼5只，算拉。。可能無貨呱。。

屋企人食過話好食，剛好過來沙田便同屋企人再食！鱆紅魚薄切刺身色澤通透，沒有筋，鮮味十足！赤貝刺身色澤雖然不是十分吸引，入口爽脆鮮甜！日式炒雜菜雜菜炒得適中，不是太腍，而且不算太油膩！蕃薯天婦羅 / 南瓜天婦羅蕃薯天婦羅入口不夠腍，也不夠香甜，有點失望！反而南瓜天婦羅夠香甜！日式炒飯望落炒飯唔夠乾身，好似黏在一起，入口尚算香口不太黏！蕃茄豬軟骨湯烏冬湯底香濃，豬軟骨的份量十足，烏冬咬口有嚼頭，浸得耐都唔會軟！不錯！不錯！紫菜玉子蛋湯烏冬因為比小朋友食，所以叫呢個比清淡的烏冬，簡單！壽司三文魚比較瘦，三文魚腩比較好！4大1小埋單$800抵食!!!!

那天，老闆要我 12:30 前走到沙田麗豪酒店，把文件交給外國客人簽名。幸好！我由上環搭地鐵到沙田，轉的士去仍來得及！ 去到酒店 lobby ，他正在 check out！簽完文件後，正值當時仍下著幾密雨， 還是走到附近找間餐廳食午飯！ 行到酒店附近的巴士站，沿白色外牆的河畔花園一看，站在角落有好幾位剛接小朋友放學的家長們，我問她們怎樣去沙田圍火車站？聽起來要走到幾遠似的！要經過一個公屋村，然後再直行.....哪裡有餐廳？附近有酒樓、餐廳.... 好方便！ 是的！一轉彎便見到一些餐廳！恰巧經過 <和氣火山石手打烏冬>，有期間限定午餐，被那 $38 價錢吸引了！急不及待走去！忙碌的女店員！包括負責落單及收銀！ 坐下來不久，便有位女熟客跟我搭枱！ 她見我份豐富日式午餐那麼抵食，也要一份！臨走還跟我說 bye bye~ ! 除了港島區的香港人之外，原來沙田友都好有禮貌！ 感覺不錯！如果她是男人就更 perfect! 這裡以和風裝潢，簡潔企理！秋季限定定食 $38 蟹籽沙律青瓜切成幼絲，切絲後的青瓜依然保持青爽！ 伴上蟹籽奪目不少！ 沙律淡味如奶！ 所以，我把青瓜絲放入湯裡吸

河畔又開多了一間手打烏冬專門店，叫和氣火山石手打烏冬，個名幾長，睇左幾次都記唔到。午餐四十至七十左右，選擇有點像在附近的鳥良，不過此店人氣遠遠及不上，那邊每天都大排長龍，是日都係因為等唔到位黎左和氣試試。入到黎，居然只有三枱客人，正正午餐時候都咁靜，唔通啲野好難食？！我同友人都揀左拉麵配三文魚手卷，拉麵或烏冬餐可配三文手卷，蟹子沙律（仲有一樣唔記得左），而飯餐會送麵豉湯同菜沙律。等左五分鐘倒，手卷來了，用了一個架子插起，賣相幾靚。味道一般，至少係新做起，紫菜還硬身。叫了地獄叉燒拉麵，叉燒有四片，還有荀片，木耳絲，粟米，嗚門卷，蔥花，同一塊浸泡在湯中嘅紫菜。湯底好濃，幾辣。叉燒軟腍入味，拉麵不像是日本拉麵，像是普通即食麵，不過這個價錢亦不可能吃到真正的日本拉麵吧。另一個叫了和風牛肉濃湯拉麵，配菜是一樣的，叉燒換上了肥牛，這個感覺更港式了。所謂的濃湯湯底到底是什麼呢？好像在喝味精湯……雖然味道真的很一般，但係這店幾好坐立，服務態度又ok，我都會再黎嘅，下次可以試下飯餐。

朋友介紹話好食，剛好過來沙田便跟男朋友來撐枱腳。本來打算先來一客什錦刺身，點知叫錯左，來左一客什錦壽司，賣相不錯，壽司的飯份量好細，但魚生卻很有份量，魚生新鮮好味！叫了一份三文魚加州卷，一客4件，唔錯，只是三文魚比較瘦唔夠肥。點了牛肉手打烏東配豬骨湯，湯好味，烏東十分彈牙有咬口，正！叫了一串牛舌串燒，一上枱便看出是油炸並不是燒烤的，而且味道麻麻...最後點了鰻魚炒飯，好味！用日本米的炒飯，炒出來的飯一粒一粒好有咬口，加了雞蛋一起炒，好香，而且鰻魚汁份量剛好，切粒的鰻魚亦好好味！價錢算抵，會再來！

河畔花園一帶係沙田出左名既食家聖地 有強記雞粥，叉燒大王，季季紅，廣東人小廚，至尊重慶雞煲等等既人氣食店今晚就去左試下一間相對低調既和氣火山石手打烏冬餐廳只有大概三十個座位到，7點鐘去到大概等左15分鐘就有得入喇先來一客三文魚同劍魚腩壽司。三文魚都幾新鮮，但劍魚腩就麻麻地，有陣雪味，＄20會expect有好D既質素幾足料蕃薯天婦羅$28有六大舊，好抵食! 蕃薯甜甜地，食落亦唔覺得好油，值得推介最令人失望既竟然就係招牌菜火山石手打烏冬第一，雖然佢話係火山石，但係都敵不過店內既強勁冷氣，十分鐘過後就失去溫度了第二，雖然烏冬本身係幾有咬口，配料亦OK，但個湯底真係勁重味精，我食完一碗烏冬大概就飲左五六杯茶了第三，隨烏冬附送既溏心蛋，溏心在哪裡!?!?!?!?!? 雖然唔使加錢附送，但係都可以有誠意D呱？ 清酒煮蜆，好淡，同埋得5大隻特價＄58有四隻，比想像中好總括來講咁樣食左三百幾蚊感覺唔太抵，河畔有大把好D既選擇

上次黎食石窩飯好回味，今晚再食好似差左。石窩芝士溫泉蛋豬軟骨飯 ($48)：可能個石窩唔夠熱，撈埋溫泉蛋食就令飯只有微溫；豬軟骨淰身入味，加埋芝士好正。其實唔加溫泉蛋可能好食d。香蔥拖羅碎飯 ($68)：拖羅唔夠新鮮肥美，撈埋飯食太乾身。河畔呢間日本菜唔太正宗，所以賣點都係石窩菜，但真係要熱些會更好。

今日係白色情人節,應該好多餐廳都會好多人所以揀左間黎屋企好近地方既餐廳餐廳細細間...都滿哂人所以都等左1-2分鐘到.......坐吧台望住2個壽司師傅由於e間餐廳出名既係手打烏冬,所以叫左1個稻亭冷烏冬,1個天婦羅烏冬另外叫左1碟三文魚壽司,海膽壽司,香蔥拖羅壽司同三文魚子壽司,再加鯖魚如果以1間小餐廳黎講,e到d烏冬真係唔錯由其湯底好好味最鐘意就係鯖魚 魚油多..食落唔肥膩但本人就冇點食壽司...因為賣相唔太好不過最唔好係冇凍水飲....雖然綠茶味唔濃....但連1杯水都冇未免太過份服務方面本人都覺得ok...起碼叫人即黎~唔會黑口黑面所以下次都會再黎