和喜雲南米線

營業中

休息中

喺公司附近食午餐，發現到一間幾好食嘅米線。價錢唔貴，米線款式都幾多。米線叫夠三餸可以免費有一杯嘢飲。湯底叫咗特色酸辣米線酸酸辣辣好開胃。三餸揀咗牛肉魚腐同豬頸肉。份量都唔少。豬頸肉好入味，必食。

經常幫襯食米線，湯底係唔錯既。貪佢坐得叫做鬆動，價錢合理。見佢個餐牌影到碗蠔仔粥咁吸引就試下啦！完全圖文不符，簡直違反商品說明條例影就影到咁靚，出到嚟完全兩回事！ 首先，蠔仔粥已經冇乜味，要落咗多啲胡椒粉先至叫做有啲味，配料又少。重點係 啲蠔勁多砂！ 一路食一路吐啲沙出嚟，食食吓仲不停有大大塊蠔殼！！ 清洗得勁求其！如果係咁嘅，就不如做好你嘅米線算吧啦。要學人搞另一樣新嘢出嚟就唔該認真少少。冇叫你退錢或者換過 俾我已經好客氣（不過佢換第二碗都一樣係咁難食），同佢反映返第一次好似當聽唔到！！如果係真正老闆喺度就唔會咁嘅態度，有心好多。而家嗰個唔知係佢個仔定係親戚啦！之前有試過落錯單，之後有試過叫咗三個餸都扮傻冇送嘢飲，好唔老實。去到俾錢嘅時候再同佢講，先至哦 咗一聲。咁啱廚房阿姐喺度，就求其應咗一句：下次盡量洗乾淨啲啦真係冇下次

米線軟硬適中有口感, 湯底鮮甜無味精, 皮蛋靚, 莞茜嫩, 豬潤爽脆 -- 好耐冇食過咁靚, 大大碗好滿足。你在想：佢一定多人到做唔切, 服務一定差, 對吧? 又唔係喎, 我次次都唔洗等位, 服務誠懇親切, 改單都冇畀人鬧。绝對係本區寶物, 值得一試!******************************

正當214情人節 大部分人都出去大魚大肉/食好西時我選擇走去食酸辣米線❤️😚提帶一提 疑似老闆！？有態度有禮貌有服務除左湯底之外 麵食、配料同服務都令我想再訪🤪⍥ 酸辣米線 ❙ $27 自選三餸送冷熱飲品·本身已有少量芽菜 韭菜 炸醬 酸菜 腐皮及芫荽估唔到無花生😅食酸辣湯底點可以無！？所以我決定加錢都要嗌😌酸菜激少 但又係可以當一個餸咁嗌 鍾意酸菜既朋友可以諗諗🙌🏻湯底睇落相當惹味刺激 但食落平易近人酸唔夠酸 辣又唔係好辣 反而後勁有啲帶甜🤣食完隔左兩三個鐘 有少少口渴·米線滑溜 唔會好似譚仔咁硬😅上海拉麵 免費可以轉 比較似上海麵 偏稔 我本人好喜歡😍· 豬頸肉 $10 — 份量唔少 有厚度爽口彈牙 推薦👍🏻竹笙 $8 — 成日覺得好似絲襪 好索汁 好味道👍🏻芝士腸 $8 — 正常發揮花生 $7 — 花生唔夠香口 食落爭少少🤏🏻鮮牛肉 $10 — 無咩牛味 勝在爽口台灣貢丸 $8 — 不過不失 幾好味魚腐 $8 — 大大舊「咕𠱸」好索汁 推薦👍🏻⍥ 香草烤雞翼（3隻） ❙ $21雞翼好juicy 香草味幾出🤤烤得唔算油膩 表現ok

平時lunch都經常食佢，每個禮拜起碼要食一次。每次我都係食呢個招牌豬扒酸辣轉薯粉佢個湯底真係好濃郁，好夠酸，辣度可以簡微辣同少辣！嗌豬扒，或3餸佢會送一杯冷/熱飲品。無錯‼️係凍飲都送丫！超抵丫！先$48蚊‼️‼️lunch佢人流不斷出入，有時太多人等位都要轉買外賣😢豬扒佢係有少少淋，不過唔係太淋無哂豬肉質感個隻👍🏻👍🏻👍🏻花生🥜係必要食，佢啲花生好好食好脆，配埋個湯真系一流，呢間街坊鋪值得一試！要比更多人知道佢‼️好彩係呢頭返工😭😭可以試到！

呢間米線好唔起眼，大多數同事一話食米線就食附近嘅譚仔、香格里拉、雲貴香！呢間係好食過晒佢哋同埋價錢平，係街坊價，服務又好，係坐得少少唔舒服。米線有多個湯底揀，有酸辣、麻辣、麻酸辣、芫荽、蕃茄等等。佢都屬於重口味嘅一個湯底，但係認證咗係冇乜味精，因為唔頸渴！餸菜方面好多都係一個餸搭一個米線例如豬扒，如果想自選三餸送嘢飲，米線餸菜方面就會係無得揀豬扒，只有丸類同菜類等等順帶一提，佢嘅檸檬茶嘅茶底都好出色！我會為咗呢杯檸檬茶再去

喺調景嶺返學，由於我本人好鍾意食米線，有陣時放lunch會特登過嚟食米線！午市時間，有時好多人，要喺出邊排隊，仲會成日搭枱，不過為咗盡快可以食到好食嘅米線，搭唔搭枱都冇乜所謂我每次嚟都一定嗌豬頸肉！超級好食！啲肉好大塊，食落個口又爽脆。佢嘅魚腐都好大嚿，索埋啲湯汁，真係好食得好過分！所以嗌一杯鹹檸七就可以幫助解渴值得一提嘅係佢嘅炸醬，同出邊普通米線唔同嘅係，佢唔係甜甜地嗰種炸醬，而係有啲腐乳味嘅好特別嘅味道，我覺得拎佢嚟送飯都一流🤣🤣我都有食過佢嘅豬皮，店舖嘅menu有推薦，而我就覺得佢嘅味唔係咁啱我食，但係佢好辣係幾正嘅。一開始我唔知道原來嗌3餸可以免費送嘢飲🤩之後我再去食就次次都嗌3餸了！溫馨提示特飲如鹹檸七係要加$4的再溫馨提示，佢嘅酸辣湯底係非常之酸，我鍾意佢嘅麻辣湯底多啲，推薦俾大家食

牛頭角米線 36肥牛酸辣米線太抵了吧仲要勁好味，服務態度又好，經過可以試試地鐘站行5分鐘就到叫三個餸仲包嘢飲 酸spicy 仲唔使加錢，好食過譚仔，小孫小辣我都食得落！

以前每星期都會幫襯但疫情原因隔左一年先再來好在間舖仲係度～好掛住佢的麻辣和酸辣米線推薦酸辣豬排米線，湯底酸酸辣辣甜甜地，好開胃，豬排數量好足夠～一碗會有兩塊大塊，或者3-4塊中等大細，又整得好香好味自選麻辣米線湯底係好香的辣，我唔太食得辣，所以一般叫2少辣或3少辣，辣度唔會好刺激，有少少麻麻地的辣，可以令人食上癮餸方面推薦揀佢的豬頸肉～一碗米線價錢40-60左右，睇你叫幾多餸，份量就夠曬飽，都好抵食

Thanks for early closure of Kowloon Bay MTR station at 8pm, I got to try out 和喜雲南米線 for the first time after dropping off at Ngau Tau Kok station before walking home.For HKD$45, I got 3 pieces of meaty pork chop! The only complain was that the pork chops were dipped in the soup for too long, and the fried surface became a bit sloppy…I really adore the sour & spicy soup base! It might look really red and hot, but it’s actually more on the sour side instead of the spicy side. Delicious!And Ribena

和喜米線係位於牛頭角道唯一一間米線食肆，佢有平常米線鋪頭一樣既湯底選擇，最出名應該會係佢既蕃茄湯底，見每個街坊都一人order一碗，我都忍唔住試吓，但佢嘅米線就麻麻，不太彈牙，但蕃茄湯底就不過不失，如果再濃啲就更佳！🍅🍅🍅👍🏻

During lunchtime, here is so packed, cause my friend got a table first, so no need to wait. A bit crowded the table setting hereI ordered shanghai ramen with pork neck. I like the noodles soup which consisted with fermented vegetables, sprouts, and bean curd sheet. I normally won’t go to have Chinese noodles when I dine outsides, but the taste is really good here.But I think pork neck is just so so with not much seasoningsmenuverall the shanghai ramen is nice and I finished all haaaa

做到三點都未有野落過肚，求求其搵間鋪就鐘咗什去。於乎就入咗去間叫和喜，食米喜嘅廳餐醫肚。由於已經三點，所以諗住食少少就算，咁啱佢又有下午茶餐，有兩款。一款係自選米線送飲品，第二款係28，米線配兩隻雞翼，二話不說就決定食佢。 佢有麻辣同香草雞翼揀，我要咗麻辣雞翼加小鍋米線，佢可以另加錢選配料，好似一般食米線咁，我就冇加到，所以$28埋單。等咗一陣，最終有得醫肚。雖然話下午茶餐，但同正餐冇分別，重多過譚仔果啲，非常多。小鍋米線姐係清湯，雖然話係清湯，但都好清甜。重有腐皮，韮菜，肉碎，蔥等等嘅配料，唔加餸都唔太孤寡，而且重有雞翼。米線彈牙唔淋，幾好，同埋好多，好大碗。至於雞翼，冇咩醃過，只係用waver叮完再起面灑啲麻辣粉，好家庭式，由於急住食完出去趕車返公司，所以冇影到。下次會再黎試下其他野食。

今日放假約咗舊同事一起吃lunch ，放假得閒當然遷就返工人，一於去九龍灣試試新意思。 舊同事話食飯時間好多餐廳也超忙，不如簡單一些吃米缐。 不過吃米缐也不一定吃連鎖餐廳，也有一些其他選擇。 今次就到和喜雲南米線吃，店子裝修簡單但門口貼上很多食物相，D相拍攝得幾sharp，真的好想看看實物是否一樣咁靚。 終於等到碗米缐來到，食物又擺放得幾整齊，浄看也覺滋味。 味道整體也幾好食，感覺上無乜味精。 牛肉味道也有鮮味，但猪大腸份量十分少，吃兩啖就沒有了。

連續有幾個食客追單，正值下午茶得幾客單都手忙腳亂，隔離有一枱客幾個人已經食完碗米線，追了幾次的五隻烤雞翼仍然未來，結果他們氣憤埋單走了，五分鐘有職員拎碟雞翼出來，疑惑邊枱客叫了雞翼，發現個客走了，即時幾位職員一齊歡呼有五隻雞翼食，原來貴店出單慢，是為了職員自己食