和味館 (已結業)

買咗2張團購分2次去食,只有第一次食有影相,第二次去電話無電無得影.首先,第一次去時係同1位遊客朋友去,點咗孜然炒羊排及椒鹽魷魚加2碗白飯. 其實係比較失望的. 因為2碟餸份量都比較少同埋鹹咗d,尤其個椒鹽魷魚真係鹹得滯又奀(即係,我响街市熟食中心食嘅係比較便宜,魷魚炸出唻比較漲/飽滿,食落個皮會脆......),孜然炒羊排個孜然唔係好覺.第二次就得我一條友去,點咗柚子汁焗肉排及西蘭花炒元貝加1碗飯.今次就比較好喇.柚子肉排酸甜開胃,個汁唔錯唔會好似檸檬汁咁酸亦唔太"杰",如果個汁份量多少少就好d可以醮多d唻食. 西蘭花炒元貝,d元貝都算大隻,有少少汁咁,味道幾好.2碟餸個份量都ok,我一個人食到最尾慢慢食係食得晒嘅.2次都係7點左右入座,起初無乜人,漸漸地就多人入唻食飯.以為因為位於橫街會比較冷清而做團購,但似乎生意還好.…Read More

這夜與朋友一行7人到紅磡食飯。我們周圍逛街，給我發現一間不錯的家常小菜飯店。飯店用餐環境優雅，枱與枱之間頗多空間，坐得舒服。而令我最感到意外的是，這裡的食物出品超有水準，街坊小廚的價錢，卻有星級酒店的水準，值得一讚。其實，愈簡單的餸菜，愈能顯出廚師的功駕，這間的家常小菜真是令我刮目相看。…Read More

朋友最近搬左黎土瓜灣，陪佢周圍試菜，路經呢間小菜館，派哂傳單話每人送一隻元貝皇，唔好蝕既心態緊係入去睇下佢堅定流啦！唔係講少真係送俾你架喎，仲唔野少添呀！叫左店長推介既至尊麻辣雞煲（半隻）！睇見都留哂口水，打開煲蓋聞到陣香味忍唔住要試一舊，夠哂入味，唔會太麻痺左條脷，辣度適中（有大中小辣任揀）忍唔住要叫個白飯黎撈汁食！清清地叫左個時令小菜上湯浸豆苗，嫩嫩的、唔油膩👍仲有好多小菜未試到，期待再黎試食其他菜式…Read More

同朋友一齊行紅磡接到張coupon 上面寫著送蒜蓉北海道元貝皇一隻， 就即時同朋友去試下，原來間食店對住大街， 好容易就搵到啦 入到小店侍應服務殷勤！ 原來將coupon送元貝皇係每人一隻（ 重係好大隻好新鮮，今日好幸運吖！）😆😆😆 我地叫左幾款小菜 ， 師傅手勢好好，菜式好有鑊氣 ，重好食過好多大酒家，價錢合理，又唔需要收茶介加一， 我相信哩到以後都會成為我嘅飯堂啦！😊😊😊…Read More

爸爸生日……揀左去和味館食……因為一早book 左位…所以唔駛等。一入到去……餐廳非常寬敞…而且光猛……感覺乾淨舒服。我地一共叫左７個餸……成家人都讚不絕口……不但環境好食物好味……侍應亦招呼得好好……真係要比個good.....下次一定會再黎…Read More