和井鐵板燒專門店 (已結業)

又在旺角搵食，因兩人都不太肚餓，所以只想吃一些不太飽肚的小食，而且要找一間人不多的食店，可以坐得舒服點，經過女人街看到這間沒有太多人，而且記得我很久前也來過一次因為人很少，所以安排我們坐Bar枱，侍應第一時間把一個二人餐的ｍｅｎｕ放到我們面前（價值＄６９９），但我們卻選擇散叫第一次order了曼魚炒飯：廚師即時在我們面前炒，上枱後很香，但只有三四粒曼魚，應該只可以叫雞蛋炒飯炒雜菜：差不多成碟都是牙菜，只有幾片椰菜，沒有其他材料，而且牙菜很臭青日本芝士年糕：是炸的，炸得黑黑地，外面很硬，裡面ＱＱ，但沒有味道，男朋友說不錯雞軟骨：這個可算是最好吃，不是炸的，而是汁煮，煮得很香男朋友說唔夠喉第二次order了炒雜菌：這個也很好食，是金菇和秀珍菇，炒完後再加上炸過的蒜蓉，很香口汁燒鴨胸：可能平時食慣煙鴨胸：這個感覺有點so，但鴨胸煮得軟熟以這個價錢，食物不可算太差，但有待改進，埋單＄３５４

男朋友爸爸生日, 所以揀左食鐵板燒慶祝~ 睇過大家既食評, 有讚有彈, 親身試完之下有以下見解 野食幾新鮮幾好味, 個師傅亦都好識同客人so so, 見到之前有人話個師傅0即都唔笑黑口黑面, 我唸唔係講緊我今日呢個喇~隔離檯有個後生d, 真係好似就欠缺少少笑容,服務都幾好啵~ 又唔覺佢地唔識做野, 我地4個人, 嗌左兩個餐, 分別係大受好評既"大蝦套餐二人前"及"帶子皇套餐二人前"頭盤 - 豆腐沙律, 我就覺得冇乜特別鐵板燒前菜 - 翠肉瓜及南瓜, 都ok刺身 - 三文魚及鱆紅魚, 都係冇乜特別銀雪魚 - 好食啵龍脷柳 - 好大塊, 亦都整得好好味大蝦 - 正~ 都幾大隻, 略嫌蝦頭冇乜膏, 但係d肉幾鮮甜帶子皇 - 真係不能不試, 好好味呀~~簿煎牛肉 - 5成熟, 又係好好味火焰燒安格斯牛扒 - 又有得睇, 又有得食, 仲好重牛味, 又係必試~炒飯 - 我本身唔鐘意食飯, 試左兩啖, 都覺得好好味麵屎湯 - 就真係好一般了炒雜菜 - 可能佢地改良左, 除左芽菜外, 多左其他蔬菜, 又係整得好好味~甜品 - 雞蛋布甸, 好味呀~ 男朋友一向唔食甜野, 佢都食晒啵~ 總括黎講, 大部份

坐在長得像張敬軒的師傅面前看表演，算是賞心悅目，這個價位很抵。頭盤豆腐沙律和蜆肉湯，ok吧。主力是帶子和大蝦，蝦切開後仍有八大件，重要的是勁勁多羔，只憑鹽和胡椒吊味已很好吃。如果想更有看頭，或者可以要求師傅不切開，應該會更澎拜。帶子也是一樣，看著那原裝的帶子就令人心動，味道也相當好。可是主角出場後，埋尾就開始草率了。魷魚也算是很出色的配角，只是當時仍忙著吃帶子和蝦，冷落了魷魚，要不然在熱騰騰時那鮮味也煞是吸引。後來的炒野菜和炒烏冬，問題在於豉油太多太甜菜和烏冬卻太硬。那甜品鮮奶凍就更加格格不入了。埋單竟然像中式般收茶芥?算了，加茶也算頻密，又是那句：旺角嘛，就有它本身的法則，這個價位，將就點好了。

今次換左師父, 好似整得無咁好食今次亦都轉左食元貝唔食大蝦, 不過好明顯地大蝦係好食d, 不過唔緊要啦, 亦都唔係太差, 其實食品上大致同上一次差唔多, 不過係服務上就真係做得幾足, 上次講過話麵屎湯唔得就真係肯換, 到今次, 佢見我地挑走左d "孫" 出0黎, 佢又主動了解再叫師父整d無"孫" 0既出0黎, 真係好impressive 囉推介大蝦>元貝食物ok 0架, 努力啦不過想提返每位茶位要加5蚊, 下次唔該單聲, thx------------------------------------------------------------------------------------------------------------------今日220日

早期已發現了多時的餐廳XD因為出了糧所以決心去吃有位女服務員.....不是.....應該是老闆娘態度十分好,一問二答同女友叫了帶子皇二人前銀雪魚味道OK帶子大大舊,十分鮮味牛肉薄薄的易入口黃金炒飯/甜品及雜菜味道一般為我們煮食的廚師應該是新人,但手勢好好將會去多幾次,哈哈哈

望穿秋水, 女朋友係外國返0黎.....咁耐無見, 想食好D, 見未食過鐵板燒, 所以就搵下女人街啦, 見到LE 間個MENU 好似幾正, 就入左去食, 叫左大蝦餐.....豆腐沙律, 無沙律醬, 一般三文魚刺身厚切, 新鮮的, 唔錯大蝦, 幾好食, 蝦頭分開上, D蝦糕+蝦一齊煎, 都幾香口, GOOD銀雪魚煎得幾脆, 不過太大塊了, 開始飽中間有一塊冬菇同瓜, 非常一般, 可有可無牛肉+炒飯其實都幾好食, 不過因為之前條魚多得滯, 開始滯菜就一般啦, 芽菜ONLY--------------------------------------------------------------------------------小事一則, 話說我話面屎湯唔夠味, 竟然真係有FOLLOW UP, 非常IMPRESSIVE-------------------------------------------------------------------------------問題一則, 個餐好似3X8, + 冬OT一杯+1 = 466. 女朋友唔知記唔記得X 係乜呢-----------

之前個男師傅去左幫上野個老闆手,所以都唔係好想泥,不過又因為要掃晒成條女人街的關係,唯有搏一搏啦三文魚海鮮炒麵-等左十幾分鐘先上枱(朋友們的更要追單,等多數分鐘,才上枱,最後才知落錯單呢!不過算罷!) 有海苔碎在面,不錯,不過三文魚粒很鞋,而所謂的海鮮亦只是魷魚腳碎罷了....炒麵不算太油,'un'度剛剛好!!不錯!miso soup-2-3件豆腐,有海帶,味道不會太淡或太鹹,可算是女人街中的above average!朋友們的:金菇牛肉汁飯-牛肉不會太肥,不過我還是喜歡吉野家的...雞蛋雞肉飯-雞肉應是雞脾肉,很厚但滑!!

今晚食過覺得唔錯，諗住上o黎寫下食評，但見到呢人咁寫覺得好奇怪，又唔係咁差啫．．．．今日媽咪生日，平時佢咁辛苦去照顧頭家，所以我同家姐、老豆特登想請媽咪去食鐵板燒！！！（媽咪話未試過喎！～）呢間係女人街頭第一間鐵板燒，７點幾８點喇，唔想周圍行所以決定就呢間啦～我地叫左個大蝦二人餐＆帶子皇餐，四個人可以食多ｄ唔同既野！！兩個餐既關係所以有兩款唔同既刺身：三文魚＆雙色刺身（八爪魚同北寄貝）→　三文魚最新鮮，我至愛。四個豆腐沙律→　正常味道但份量好足，家姐至愛。好大隻既大蝦同帶子皇各兩隻→　大蝦真係好香好香，而且媽咪話煎得勁靚，而帶子皇好大粒，ｃ父話唔好煎到熟晒，最好外面剛剛熟入面少少生先最好食喎～！的確唔錯。龍利魚同銀雪魚→　正常，銀雪魚比較滑。牛肉粒同牛肉薄燒→　唔錯，薄燒好ｄ。而牛肉粒我鐘意食生ｄ，家姐鐘意熟ｄ，ｃ父都照我地要求，好細心！（值得一讚！！）炒飯同炒芽菜，仲有四碗好熱既麵豉湯→　呢個時候已經好飽，但好香所以都試少少，個飯真係好香口，而個芽菜淡淡地比之前既香口野黎一個好好既平衡，個湯正常。自家製雞蛋布丁同豆腐雪糕→　佢地話布丁話自家製叫我們試試，好滑。好少見ｄ食肆連甜品都咁認

尋晚去左食，即使以旺角水平都唔可以接受。左等右等，都唔見有沙律出，反而突然放左碟聖子係面前。「我架﹖」「係呀。」「下﹖但係我其他野都未有喎。」「哦，咁應該係隔離果位啦，因為我無為意邊位黎先邊位黎後。」囧...好，我忍。蟹子沙律終於黎啦，好，蟹子呢排應該好貴定啦，青瓜又一定好平定啦，食左一啖就算。噫，面前位師傅唔見炒緊聖子同牛肉，點解會有碟牛肉聖子放係面前架﹖係唔係我架﹖﹖到底想點呀間舖﹖﹖﹖哦，隔離塊板既師傅炒既，照食。利害，第一次食到唔熱既鐵板燒聖子，亦都係第一次食到金菇牛肉巷上面，會有類似辣椒醬既物體。跟住上的青口，好腥，咁既價錢，我都預左用雪貨，但係可唔可以解凍呀...炒雜菜，清一色芽菜。炒飯，呢個唔錯。埋單連加一，食左$150，實在完全不能接受。

平時去開鐵板超, 諗住去試下其他鐵板燒就選擇左和井. 一入到去鐵板位冇晒都幾失望, 得order 枱坐. 4個人叫左兩個二人餐帶子同大蝦+聖子皇x2 . 食物泥講唔岩我食, 大部份食物都要用大量蒜容去整, 本身我唔鍾意食蒜容, 如果鍾意食蒜容既人應該會好鍾意. 仲有d野好多油, 見到推油攪到食慾大減.佢地既服務我就覺得唔掂, 雖然面帶笑容, 又會同你講下野, 但做既野就拎我好不滿.1. 放低左豌炒飯, 隔一陣乜都唔講冇啦啦拎返走, 然後擺過另一豌落泥, 非常冇禮貌>.<2. 食完晒收野個陣, 冇啦啦收埋我地三杯未飲完既清酒, 之後同佢講, 佢拎返其中一杯比我地, 真係比佢激死, 淨係識得講對唔住係度笑, 都唔知請埋d 咩人.講環境真係好好彩冇坐鐵板位, 因為當人多個陣, 油煙好犀利. 尼間野一定唔會再泥, 去鐵板超價錢都係貴小小, 但比質素的話就差好遠.

星期一的午市, 味去過諗住好多人會坐bar table, 故前一晚打去訂位, 訂位時staff explain得好清楚, 好polite, 味去已經覺得唔錯~去到冇乜人, 叫左個雪餐, 唔記得左朋友叫咩餐, 好抵食, 有野飲, 檸蜜又唔駛加錢~唔駛加一, $38有埋專人係你面前燒, 個次係女廚師Penny, 好好人! 我放野食d位有d messy + 唔知點好個時, 佢煮緊野食都出手幫我擺番好d位! excellent service!之後有好大班人坐bar table, 店主(我估係, 男人黎) 叫staff問多次我係唔係訂左bar table的個位客, 因為個班人坐哂就會full左bar table, 驚真係訂左位的人黎到冇位, 照顧好周到!野食方面, d汁食落去都唔差嫁~我唔食生野, 但d牛肉粒唔會搞到裡面都熟哂, 咁我都試一試, 裡面仲係紅, 不過冇血水流出黎, 仲有個皮好crispy, 正!

見佢派傳單咁落力,晚市去試試先.先叫個牛仔骨試試,等咗半個鐘先有得食.不過睇住個師傳燒,好有功架,都ok.一食落就知受騙,雖然燒到啱啱七成熟,但硬到暈,食一半,lur一半好心d貨入得好d啦!

哩到旺角通菜街，即係女人街，搵食真困難，係因為有太多選擇，唔知點揀，搞到你樣樣都想試，乜都想要食，心大心細！結果，見哩間入面坐滿人，係門口又印有好多二人套餐嘅介紹，今晚就決定揀呢間鐵板燒專門店試一試啦！左揀右揀，揀咗個大蝦二人前（$378），都有幾多嘢食：1. 豆腐沙律（2客）- 沙律菜、車厘茄、粟米粒、豆腐粒加埋千島汁，配搭同味道ＯＫ啦，幾醒胃，搵豆腐粒做沙律都幾特別！2. 三文魚刺身- 正呀！新鮮、肥美，但又唔會話好肥膩，刺身份量都好足，厚厚嘅5大片！3. 鐵板配菜–只係兩片冬菇加兩片翠肉瓜，仲要有少少燒燶咗，跟老虎大蝦一齊上！4. 老虎大蝦- 老虎蝦起肉鐵板燒，大大啖蝦肉，幾好味，都算爽口彈牙！至正係點紅色嘅秘制醬汁，酸酸、甜甜、又有少少辣，好惹味！而蝦頭蝦尾就另上，蝦膏唔算多！5. 鮮龍利柳–全晚最欣賞係哩個龍利柳，煎得好香好脆口，好夠牛油香味，食落完全唔腥，又無雪味，都應該唔係雪藏貨啩！6. 美國安格斯肉眼扒- 安格斯肉眼切粒粒用蒜片鐵板燒，香口有肉味，我哋要五乘熟，但好似有成七乘熟咁，所以唔夠嫩滑，韌咗Ｄ，否則，相信會更好食！7. 煙肉黃金炒飯（2客）–賣相與味道都普通咗Ｄ

我差不過每個月都會去一次可能我係果度既VIP, 佢地都特別好服務而每次我都會搵大廚阿BEN煮佢煮得一流不過我次次都係食大蝦餐因為比較抵食同埋件扒正D想食鮑魚可以再加錢, 而且會仲抵D樣樣野都好新鮮服務又好食完又有埋甜品..

今日出o黎旺角買手機, 老爸話要食日本o野, 於是又o黎呢度食lunch.今次叫o左鰻魚飯定食, 豚肉薑汁燒定食, 同咖哩吉列豬扒飯. 前菜係泡菜大豆芽, 好鬼辣! 至於主菜方面, 以鰻魚飯最好, 豚肉薑汁燒已經唔係板燒了, 所以好一般, 咖哩吉列豬扒飯的咖哩還可以, 但係吉列豬扒就唔掂, 豬扒好硬又過了火, 而且份量少! 甜品係牛奶布甸, 雪到好鬼凍! 味道少甜, 都好滑! 不過覺得比以前退步了, 下次也未必會再幫襯!!!