味蔵 by city’super (已結業)

社交平台 citysuper網頁見到新開張，好奇下同阿爸阿媽去試試，當補祝父親節。去到附近，位置比較難搵，係皇室堡側門隔離，去到附近見到大門被木板圍住，以為無得食要白行一趟，原來大門裝修未完成，好彩！去到大堂，好似去左間6星級酒店，好靚好grand，架lift仲要有張櫈可以坐…去到門口，帶位姐姐都幾好禮貌，好快就帶我地入座，坐左係一個窗口卡位，不過個位有啲縮，我阿爸比較肥，所以坐入去都幾困難同辛苦，不過座位都算好坐同舒服…睇menu, 價錢係中上價錢，不過就比起一般日本餐既menu有心思，例如：味藏健康定食、味藏便當（特上）、一夜干定食都好吸引，好少日本餐會有健康定食，不過最後係店長推介下，我地叫左味藏便當(特上)、一夜干定食同吉列豬扒定食(店長推介)......等左唔算好耐，食物上枱，賣相吸引，不過我唔係相機食先既人，所以開始食先記得要影相，味道比想像同相像中好，一夜干簡直喜出望外，因為我好怕有骨，但佢個一夜干真係出色，味道唔會太咸，而且個肉質好新鮮，$198抵食！味藏定食份量比相像中大份，個牛同天婦蘿都好好味，我老豆食曬個天婦蘿😅，特別要讚既係個味憎湯，好濃好好味，同出面既好唔同，

父親節日, 緊係好好慶祝下啦發現係銅鑼灣糖街有間新開日本餐廳"味藏"上到去服務員招呼得好, 坐位空間夠廣闊, 光線充足,值得一讚👍🏻👍🏻睇menu先知原來係City Super集團開既價錢中上吉列豬扒定食豬扒炸得夠脆, 切得細細件容易入口,肉質厚實,味噌湯有偏鹹(純粹個人口味)雞湯烏冬烏冬似手打,口感煙韌特別讚雞肉嫩口,雞湯味濃而不油膩海鮮鍋定食湯底揀咗木魚湯(有三種湯底俾你揀)夠香,配料豐富😋最後叫咗甜品，只得呢兩款總括來說，食物質素高，服務員態招呼得好適合聚會既地方❤️👍🏻

銅鑼灣一向假日都多人，難得這間日本野食新開張，又近皇室堡，唔太多人，一家人可以立刻坐低食。~~~~~~~~~~~~~~~~~~~~嗌左吉列豬扒定食和大蜆烏冬, 比d 細路食曬，小朋友好鐘意食烏冬，吉列豬扒就炸得好鬆化。大人就食d 鍋物，天婦羅和燒魚，唔錯。~~~~~~~~~~~~~~~~~~~~今日父親節，還送甜品添，芝麻布甸，好好食。~~~~~~~~~~~~~~~~~~~~買單時，原來新開張，citysuper 會員再九折。下次會再來食~~~~~~~~~~~~~~~~~~~~

琴日突然發現同事生日 啦啦聲搵位食飯 壽星話要食日本野，但又唔想食燒肉咁熱氣。好彩同事搵到有個新餐廳，好似好靚喎，就去試下啦。可能仲新，都好易搵到位！環境好舒服幾好坐。唔錯。我食左個色彩魚生飯+烏冬賣相一流6細碗不同款式口味魚生飯 開頭好擔心唔夠飽 食完6細碗 已經好飽。烏冬係彈牙、湯底好濃。原來係日本茅乃舍湯底，其實係好出名😅同事叫左個嘩一聲既特上定食又靚又好食 有魚 有牛肉 有刺身 有豆腐。。。飽到肥仔同事話食吾哂d飯。仲有一個喜之次佢係一夜干 即係鹽漬過再風干燒既時候完完全全冇落鹽肉質鮮美 唔會一夾就散