味皇 (北帝街) (已結業)

超級中伏！！！ 什錦喇沙米線一上台成碗都係油，已經要自己「片」左先，點知食落去啲米線又未熟，叫個員工再煮過，等左好耐！之後再上台，碗野仲多油過之前，啲米線份量兩啖就食完，個重點係剛剛令上台，明明話剛煮熟啲，但碗米線可以唔熱😡😡😡唔會再去！同埋唔該唔好浪費食材！

朋友開了新的美容店在土瓜灣，作為朋友的我，當然要來光顧一下。因為太早來到，所以在附近的餐廳先吃個早餐。最後選了吃味皇，因為被門口的早餐餐牌吸引了！點了他們的通粉麵餐（$32），生滾牛肉蕃茄湯通粉配牛乳炒蛋和牛乳吐司！早餐當然要喝我最愛的即磨咖啡！牛乳炒蛋和牛乳吐司先到：吐司有微微烤過，配合牛乳炒蛋來吃剛剛好！炒蛋很滑得香～生滾牛肉蕃茄湯通粉的湯底很香，感覺是用真蕃茄煮出來的！份量又剛剛好～即磨咖啡很有港式的味道！比起連鎖咖啡店，我更喜歡港式咖啡！

經過土瓜灣又到食晚飯時間啦，行黎行去，都搵唔岩食咩。但其實土瓜灣真係好多野食。但本人食野真係好睇心情。個刻想食咩就食咩甘啦。行行下，特別比佢既豬頸肉吸引住，所以就走左入黎尼間「味皇」食兩餸一飯加湯。首先碟豬頸肉係好味既，加埋佢既泰式醬汁，酸酸辣辣的，相當唔錯。而佢碟雞半隻就差d啦。因為隻雞都切得唔好，一夾兩三件雞甘，個師傅個刀功真係有待改進，或者係把刀係時候磨下佢啦。搞到賣相同口感都差好多，正所謂色香味，佢就真係又無賣相又無口感，真係要彈下。但要讚下佢碗例湯，雖然樣貌普通，但飲落味道好濃郁，好足料，係碗高質靚湯。你見到湯入面既材料就知佢真係落重料去煲個湯啦。好壞真係差半，有好食有唔好食。所以都係比ok 算啦。

叫個香草肉碎飯 以為好似泰國食個d 張圖乾身好靚 黎到有冇搞錯呀?好似d蒸肉餅既碎廚餘咁 勁水 超難食 下次唔敢再黎仲有叫左個無骨海南雞 硬到食唔到 超難食 相就整得好靚 黎到超唔掂

超難食，本身牛肩扒肉質應該比較有咬囗，但可能比佢用鬆肉粉之類，令件扒雖然淋了但完全變了沒肉味只有鹽味，再加上咁大間餐廳中午４點去吃西式扒竟然沒西湯只有中湯，大家千萬别試

星期日早上去完跑步就黎到食個早餐!地方算大, 唔駛等位!叫左個生滾牛肉蕃茄米粉+炒蛋多士+凍檸茶!點知碗生滾牛肉蕃茄米粉黎到我發現有隻蚊滋仔浮響面, 我即刻叫人黎幫我換左佢, 樓面都幾有禮貌~個米粉唔係其他地方食個種硬身好似鐵線既米粉, 佢質地比較淋, 通透, 比起正常其他地方既米粉好食, 應該係新竹米粉黎, 非常推薦比大家茄湯就冇乜驚喜, 唔算濃。個凍檸茶就唔錯, 茶底幾夠濃 依個早餐埋單$35, 比我預期好喎~

味皇之前是以海南雞飯為主打，近期好似正在轉型，原來是配合集團發展。雖然裝修不變，不過食物由主打海南雞，變成東南亞食品。今天中午來吃中午飯，點了一個泰式乾炒牛河餐$48，連餐湯及餐飲。餐湯🥣：是青、紅蘿蔔煲雞骨湯，夠熱夠清甜，都算合格。餐飲：熱鴛鴦，茶和咖啡味道都算濃郁。泰式乾炒牛河，上枱時嗅聞到金蒜香味，河粉唔夠熱，牛肉質素差，又嚡又靱，簡直差到一個點。以前的海南雞飯好吃，現在的餐質素麻麻，好像越變越差，希望它們從食物質素改善，否則後果難以想像。

餐廳所有海南雞/口水雞等全部肉質惡劣，全家大細去食冇人咬得到或吞落肚。侍應阿姐仲話自己正中海南人，海南雞就係咁樣。心諗咬都咬唔到仲要死撐。海南雞瘦肉比較多，但咁膠既雞原來先係正中🤷🏻‍♂️

侍應十問九唔應，出錯嘢唔認仲強逼個客要，飲品循環再沖黎serve客，少甜變少冰，瑞士雞脾變炸脾😠，隻炸脾似隻雞翼咁大隻！都唔敢叫佢換，怕佢會加料呢間野，黎一次都嫌多！

逢星期六喺土瓜灣上完堂.......夜麻麻都會走來味皇食返個消夜先搭車返屋企.....因為我要轉兩程車先可以返到入元朗所以為怕肚餓....次次都要來醫一醫肚先走不過呢間味皇都算多選擇每一晚佢哋都會有唔同嘅晚餐以供選擇炒粉麵飯常餐乜都有.....今次我揀咗呢個鹹魚煎肉餅食落去都幾好味因為肉餅外面煎到好香好脆....但裏面肉質仍然保持軟滑....加上有少少肥豬肉吊味食落去更加覺得好香口如果一個餐＄65都尚算接受得到啦.....

今晚係土瓜灣上完堂.....其實都冇食個晚飯....咁就不如晚飯消夜一齊食.......附近有一間餐廳.......又好似有好多選擇.....咁就是鬼但但入去食啦......簡簡單單食個粟米班腩飯......為咗唔浪費.....我都叫咗姐姐幫我少飯......但係個賣相就一般般....汁就夠啦.....不過略嫌啲斑塊太乾.......後來見到個餐牌.....蝦醬炒通菜都係30元....覺得又幾平......卒之叫咗一碟....不過有啲可惜.....唔係太多菜葉......不過食到飽一飽......一舊水有找......粗粗地算啦....

這家味皇之前巳食了多次, 都巳覺人手不夠. 今次再去, 只得3位服務員, 其中一個沒穿制服的顯然是高級一些, 見他只是間中幫手送餐給客人.  當日叫了個下午茶餐, 是滷水雞脾配薯條, 等左一陣, 見出菜位巳有餐, 但高級服務員好像視若無睹, 之後隔了很久才由他送來, 但來的是炸雞脾配沙律, 我巳立即說是要薯條, 那位高級服務員一句對不起都冇, 就攞回去換, 後來我想下應是點了滷水雞脾, 再問他, 他只拋下一句, 係炸雞脾, 沒滷水, 語氣及態度都極差.  如果沒有滷水雞脾, 落單時為什麼不說?!  及這位高級服務員的態度好有問題, 簡直是像同公司有仇, 在倒米!

之前食過尼間味皇，吾係話好食，但今晚做野做得太夜，成10點多，其他食店好多都收工，唯有入味皇食啦！因為佢地收12點，睇到餐牌焗飯的圖片都好吸引，就試一下焗飯，估吾到有意外驚喜😜焗豬扒飯，大大塊豬扒加上蕃茄、芝士焗到金黃色，飯是用蛋炒過先焗，味道超正👍焗芝士海鮮飯，飯底也是用蛋炒過，海鮮也很豐富，有魚、蝦、魷魚、青囗，加上芝士焗至金黃色，又香又好食😋 以上焗飯送是日餐湯或咖啡或茶，但過了晚上十時，餐湯好多時已經賣完。

今天早上六點半已經掛了八號風球，附近食肆都沒有開門，只有味皇及大快活開。我叫了香酥豬排公仔麵餐，有多士及炒蛋，多士OK，豬扒同蛋都無乜特別，只係個麵就好差，食落唔係大光麵，千祈唔好叫麵呀！

這間食肆在其他地方都有分店，其實算係茶餐廳，而海南雞飯是其中一種餐。海南雞飯的鷄比較滑，配菜有一個蕃茄+兩片青瓜，仲有一碟醬汁，而飯是鷄油，整體味道不錯，連餐飲都係五十幾蚊。