味江南 (已結業)

味江南，一間係尖沙咀樓上小型上海餐廳，已經去過N次食佢地中午套餐，而每一次都無失望。今次食紅燒獅子頭。有白飯，湯，甜品，飲品一杯(纸包飲品或熱茶）。可以加錢轉菜飯，加炒清菜，加小籠包。紅燒獅子頭上枱有兩大舊，差唔多有網球 size，一個人食份量非常足夠，加上有上海白菜伴邊。味道真係唔錯，D肉好入味，好嫩，(上海白菜一樣）。整體非常餸飯。粉葛老火湯唔錯，味道唔算太咸。甜品係木瓜雪耳，不過不失。基本上一句可以 summarize，水準高又平又好食 (大厨以前係雪園做）。Lunch $65 無加一，撰擇多，出菜快，坐得舒服，有飯，有餸，有湯，有甜品，有飲品！真係比一般快餐店好得多！绝對推介！

超級過份，超級離譜！！嘈到完全接受唔到！！！未試過食飯食到頭痛！！！😡😡😡成餐飯食到全場都嬲，有人要轉枱，BB 都大喊！我唔明！頂唔順同店員講，請佢叫另一枱靜少小，居然草草了事話「佢地就走」，咁係咪即係叫我地全場去忍去就？點解可以咁樣做生意？我唔明，全場個個都側目，頂唔順咁樣，都唔去處理？離譜同家人傾下計都聽唔到，坐隔離都聽唔到，完全無囇心機食飯，好嬲，無下次，咁嘅服務，請我都唔去，你唔係去吖嘛？！

今晚約左班舊同事飯聚在尖沙咀味冮南，一間味道不錯的菜館，地方不是很大，但坐著也不會椅背貼椅背。惟一感到不滿是其冼手間，女厠得1格，要等唔方便，而且地濕。菜單今日有以下，另服務也不錯！

We were the only table under the Typhoon 8 signal that night. The staff was very detail-minded that he called during noon to remind us to becareful if we still head to the restaurant that night. Lucky that we went there before the storm arrived so we got a chance to enjoy a finger licking good dinner. Deco is simple but with the friendly staff, it is like home. The restaurant was opened for about 2 years and the chef worked in renowned restaurants, like Xia Fei Society Shanghainese Cuisine for a

到尖沙咀食晏，到了午飯時間，周圍都很多人！之前曾經有朋友曾經話亞士厘道有很多選擇。咦！我見到有上海菜食。餐廳環境不錯，幾光猛！坐位幾寬濶！我叫一個套餐，回鍋肉+小籠包～賣相吸引！有紅椒、芹菜、豆腐乾、半肥瘦肉一片片！味道濃濃的！用來送飯一流！小籠包～皮薄，餡料肉質唔錯！汁多！加上姜絲同醋，更加好味

尖沙咀食晏真的難搵位，今曰去樓下舖碰碰運氣。餐廳座位都算寬濶 。我點了個麵餐而友人則點小菜。麵餐包括麵食，燻旦同小籠包嫩雞煨麵：麵羹軟稔，有少許雞肉和切菜，湯汁帶少許雞湯味。 小籠包：皮很薄，充滿湯汁，肉饀有鮮肉味而唔會過於結實。 燻旦：呈茶色，半流心旦王，有茶香但頗鹹。魚香茄子飯：帶油光，咸咸地有少許豆板醬味道，唔辣，無乜肉碎，味道不錯，頗惹味。 甜品隨餐附送：芋頭西米露：芋頭很綿，西米露很稀，隱隱約約才食到甜味，無乜椰汁味，似奶水多D。

今日外母生日，第一次試呢間上海菜。一行17人大約5點半鐘去到酒樓，佢哋預咗間房俾我哋打麻雀,間房雖然細細哋，但都有電動麻雀枱，有驚喜！打到咁上下，唱完生日歌，切蛋糕，好有心思咁幫我哋分好哂啲蛋糕。到開席，覺得啲餸無論味道同擺設都好有心機。酒樓經理每一道餸都會簡單介紹。份量同味道都好好，唯一美中不足之處就係張枱唔夠大，擺唔晒啲餸。當晚食嘅生炒糯米蟹，葱油脆皮雞都好出色。相信係舖仔細細，大廚能夠嚴謹控制品質，外母同屋企人食完都好滿足。會番去再食過。

拜完山，勞動過後，就是吃午餐的時候。大家都希望吃好一點，要我諗地方。靈機一動，尖沙咀有間上樓的菜館，筆者一直想試，那就捉大家來陪我做白老鼠。或許是因為假日，中午都幾冷清，只有三兩檯客，我們可以安安寧寧、舒舒服服享受一餐安樂茶飯，真好。中午其實有客飯，幾十蚊連飲品，不過看過菜色並不是我們想要的，那就索性拿個主餐牌散點。第一道送來的冷盤，是雞絲粉皮。雞絲和青瓜絲唔會只得幾條，粉皮滑溜，麻醬的份量適中，很開胃，蠻不錯。再來的脆鱔，端上來時已是陣陣醋香。吃起來口感香脆，醋味足又沒有搶喉，教人停不了口。當然也要試試這裡的滬式點心，小籠包最實際。來了兩籠，算是包得幾靚仔，夾起不易穿，可以「盪鞦韆」。湯汁雖稱不上是澎湃，也不少的，加上肉餡鮮，有水準。服務生推介糯米羔蟹，即管又來一隻。羔蟹確是多羔，但未算超級甘香，糯米飯則煙韌可口。蟹羔連飯一同放入口中，是我的吃法。隨之而來，就是會令人「嘩嘩聲」的金陵皮片雞，想不到能在這兒吃到此等的功夫菜色。又薄又脆的雞皮，一點點雞肉，紫菜同埋包包，配上醬汁，香口又多重層次，實在太合心。還好，大家都信奉膽固醇萬歲，難得有人陪，梗係要食紅燒元蹄啦！待者讓大家的相機食完之

情人節除了可同至愛共渡之外，今年更具特別意思! 因為是與一班相識數十載好友一起團年和慶祝情人節!其中一位好友介紹新開業，位於尖沙咀亞士厘道的味江南。當中共有18位朋友，菜色主打江川滬，前菜有八小碟，有老上海燻魚，脆炸響鈴，水晶肴肉，黑魚子燻蛋合桃，醋酸青瓜,海蜇。跟著有荔茸香酥鴨，金陵片皮雞，酸湯星班片，香糟龍蝦球，生炒糯米蟹。當大家都好滿足既時候，朋友更特別柯打了荳沙煎軟餅及胖大海甜羹!八小碟不用講，碟碟精彩，正宗上海燻魚，甜中帶鮮味;不得不提是黑魚子燻蛋，蛋黃軟滑，完全流心的形態配上脆卜卜的黑魚子，在口中有不同的感覺!值得一提是金陵片皮雞及生炒糯米蟹。大廚不會將價就貨，特別用上新鮮雞做金陵片皮雞，食出新鮮雞的鮮雞味道;生炒糯米蟹用上菲律賓羔蟹，蟹的鮮味完全與黏糯香軟的糯米飯配合得天衣無縫!甜品的荳沙煎軟餅，外皮脆脆地，內裡輕甜的荳沙。胖大海甜羹原來用上胖大海，此乃是唱家班的開聲良藥，除此之外，大廚更加上桂花和金桔，增添不少香氣!2015年2月14日的情人節晚餐+團年飯+新餐廳試菜，只可以用一個字去形容~正，不得不繼續介紹給其他好朋友去嚐試!

今日係尖沙咀行街 經過亞士厘道見到有間新開張既上海菜叫"味江南"咁我同d朋友就入去試下啦 首先環境方面都幾好 有純音樂 同埋坐落都幾舒服好啦 入正題 食物方面都幾多野簡咁我地主要就嗌左糯米蟹 牛小排 辣子雞 脆皮雞 仲有d無影到糯米蟹 重點推介 味道好match 之前無諗過糯米同蟹加埋一齊係咁好食 辣子雞 夠辣 我鐘意 最重要辣得黎又吾會覆蓋左陣雞味 牛小排 呢個賣相同味道都係一流牛肉肉質好嫩 仲有d醬汁 食落去又吾係話好肥膩 抵讚 最後我地見d經理係咁推介隻片皮雞 之後嗌左隻試下好特別 片同肉分開晒 吾會有骨 好細心 仲有塊麵粉皮跟埋 夠飽肚呢間上海菜真係無令到我地失望 價錢又吾係話太貴 但d野食真係好好味 下次我一定會再黎食 

前幾日同家人去尖沙咀食飯，見到有間江南菜新開張，心思思入去試下，一入到門口見個場環境舒服坐低之後叫左幾個前菜：口水嫩雞，老上海燻魚，黑魚子燻蛋同風味醬黃瓜，味道真係好好其中生炒糯米羔蟹係招牌菜，糯米食落口都係蟹味，又吾覺好膩，蟹就吾洗講都係新鮮既。整體黎講真係會成日去食