味千拉麵 (已結業)

今年的大年初一食肆選擇是比往年多，至少除左大家樂大快活美心等，仲有吉野家同味千，實唔使怕餓親。<br />老婆想食拉麵，所以來了這裡食夜晚果餐。人是不少，兩個人都要拿籌同等左十五分鐘。呢度裝修左之後光猛左好多，都唔錯。<br />叫了豬軟骨拉麵同咖哩冷麵，另外叫多個芝士焗什菌。我的豬軟骨拉麵湯底夠熱，有一點點油浮在面但好像不是豬油，不知是不是日本味千店自慢的「千味油」，味道還不差；豬軟骨味道不錯，但好港式口味，日本都無這個口味；麵偏幼身，一貫九州風味，但應是大陸裝作，已不用由日本運來，都幾彈牙；老婆的咖哩冷麵佢話好食，我就覺得麻麻，始終冷吃咖哩有點怪，不過佢就接受到；芝士什菌又係本地創作，純粹因為老婆想食芝士所以才叫，用錫紙兜上，芝士絕對多過菇菌，喜歡吃芝士的一定滿意，但我就覺得「漏」左少少。<br />總結來說碗湯麵是水準之中，整体而言還不錯。個人覺得其實味千同拉麵橫丁的店是有得揮，比起札幌拉麵就差左D，當然價錢亦平D。可惜為要遷就本地口味加入太多港式食物，其實行番日本果套都未必唔掂的。<br />埋單百一蚊，年初一同平

個朋友好鬼有興趣來，結果都要奉陪到底。晏晝來到，因為未夠一點所以唔係好多人，叫了粟米拉麵餐，包一客日式煎餃子。拉麵一般啦，奶白色的湯底都OK；30幾蚊當然係食大陸拉麵而不會是日本的，還算彈牙；配料有粟米叉燒同荀等，味道一般。煎餃子是mass production，度度食的味道都沒有分別，所以興趣不大，原碟由朋友食埋。埋單35蚊，幾經濟。

好耐冇幫襯過佢, 點知再黎, d野已經唔同左好多, 一來變相加左價, 好似d碗愈來愈細(淺), d小食份量少左咁啦; 二來d野好似冇以前整得咁有心機, d可能多客卦? 但佢成日都多人架啦~~~以前上菜見到個麵既賣相經已好想食, 因為d菜呀, 叉燒呀咁"砌" 得好齊整好靚, 不過而家好似是但左~好在味道仲ok!!

話明冷麵但係暖 <br>又唔辣，又有d酸，唔知乜味 <br>另外，拉麵湯都唔錯，可惜多味精

起碼叫做有D「食送」啦！唔係無時間行遠少少都無諗過入去幫趁，叫o左個北海道蟹湯麵，有一隻腳加四份一件身啦，不過D 肉梅梅地唔夠新鮮喎，叉燒又凍o既，仲有舊帶子囉，另外叫o左個豬軟骨，口感似足牛腩～～一定要彈o既係D 伙記，出去買下午茶就拿林啦，仲要拿住支煙fing下fing下咁響吧檯同D 麵司響度大呼小叫，真係耳都聾﹔仲有一個送貨o既仲乞人憎，架車撞到度門澎澎聲，咁大家梗會下意識望下架啦「你老豆呀？望乜X o野呀？」唉！都唔知點解呢間o野仲未摺o既～～一個午餐加下午茶就食o左九十蚊，但D o野食都唔知游o左去邊？

食完會口渴，冇禮貌，日文果句irasaimase都唔知講乜，唉~

點解咁難食的拉麵~ 有咁多人走去排隊呢?? 記得兩年前食過一次~ 麵唔彈牙~ 湯底勁淡~d 炸雞仲炸到晒~.. 唉. 又係請我都唔會去.~~

味千分店遍佈全港, 我想也沒有人未去過吧. 最近的新作薑汁豬肉燒定食, 大家不妨一試, 可以話係湯麵的另一選擇. 豬肉的薑汁味不太重, 份量很大, 男仔食都夠飽, 但千萬不要忘記食前菜, 青瓜的酸度剛剛好, 但每間的質素有出入, 本人提議到灣仔尖沙咀的分店, 品質較有保證.