味千拉麵 (已結業)

想食D熱熱地的東西，但又不太想自己煮，於是就落街食，但係假日到處都係排隊的人龍，咁啱見味千拉麵少人排隊，都好幾久沒吃味千，這天就正好一試，所以就不作他選。咁耐冇食緊係要叫反個味千拉麵白色的香濃豬骨湯底，放上幾片又薄又有口感的豚肉，拉麵質感較以前硬了一點，D配菜都好好食，味道不錯。其實以四十多元的一碗拉麵來說，這樣的質素尚算不錯，又更划算一點

男朋友有兩張團購 每張$100, 7月底到期, 是日晚餐就要久違了的味千,見到廣告有新款, 諗住試下新野.原來張團購一張枱只可以用一張, 我地要求分單店員亦都無為難,都幫我地分單張團購話叫一碗拉麵夠得$60就可以即時用埋送既COUPON換小食.我地即係每人有一碗拉麵＋一份小食, 都唔夠$100, 所以我地又加左兩款壽司:三文魚腩＋凡立貝未食已經飽哂，哈哈１）　原條豬軟骨雞湯豬骨湯拉麵 ＋CORN湯底比較濃,我非常之鍾意, 而且加左少少CORN非常MATCH個味道, 雖然原條豬軟骨唔係廣告中原圖咁大條,但都可以接受, 而且煮得好好味, 雖然淋但軟骨還是好有咬口.最重要係個湯底夠熱, 如果食拉麵湯底唔夠熱已經破壞拉麵之味道.2) 海鮮帶子拉麵＋半隻蛋一睇相已經無甚吸引, 味道比上一碗較淡, 可能只有豬骨湯味, 比較奶白色, 店舖所選的菌類亦跟帶子同色系,令到拉麵睇落去好唔吸引. 相比之下我同我重口味既男朋友都覺得豬軟骨果碗比較出色以上兩款小食, 炸雞非常好味, 唔會炸得太過火, 有肉汁. 相反豆腐我就不太欣賞, 豆腐正常唔會唔好食, 最敗北係佢將木魚炸到好乾, 其實唔應該將D木魚一齊去炸,

都唔知係咪比鬼迷, 明知結果竟然行入去明明隔離有間同價又穩陣嘅一平安, 竟然對腳唔聽使入去坐低...原祖叉燒拉麵麵肯 0 texture , 有啲似食瀨粉, 0 掛湯力豬骨湯開得太稀似洗碗水...極　　　難　　　　食點解仲生存倒㗎, 堅唔明.不過, 耐唔耐要食吓呢啲嘢, 先知到好食嗰啲有幾好食　個世界有幾美好Service: 明明仲有9個字先拉閘，　去到有４，５張枱佢話唔坐得，　硬係要我等一將就埋單嘅枱，　我問個青年點解其他枱唔坐得，　佢話”清潔”．　擺明係懶．到仲有半個小時有客企喺門口見冇人理就入嚟坐低，　個女經理就走埋去　”冇嘢食㗎啦喎”　repeat左三次，　喂，　你門口又乜indication都冇，　你好似怪人唔知你已last order好坐低．　連經理都係咁，　唔怪得啲細嘅．

在皇室堡看完電影, 朋友說味千的下午茶很便宜, 二人便直赴味千去也。坐下後看看餐牌, 果証朋友所言非虛, 於是我們叫了兩個下午茶餐和一個沙律一起吃。味千拉麵+凍檸茶$34。可喜的是拉麵並沒有因為是套餐而變細, 不過湯底真的像極合X道杯麵的味道。麵質是硬的, 卻是埋一箸; 芽菜、木耳及溏心蛋都很一般; 有點肥位的义燒反而可接受, 邊位明顯燒過, 算是合格的。跟餐的凍檸茶少甜, 夠大杯囉… -_-#煎餃子+熱咖啡$28。餃子無甚驚喜, 還好底部煎得脆, 起碼不是腍的。咖啡即使加了奶仍欠香滑, 普通。蟹籽蟹肉沙律$29, 蟹肉和青瓜絲未算有太多雪味, 蟹籽很多, 平靚正。身邊的人對此餐廳毀譽參半, 况且亦未到破地獄的境界, 以平取勝, 加上可能抱著沒有期望的心態, 故此便沒有失望。