味一番

營業中

休息中

上星期五晚去呢度食, 地方小小竟然有幾個waitress , 難得!二個人食o左1)三文魚刺身(半客) -- 我無食, 男友話新鮮. (2)北寄貝(半客) –好甜啊~~(3)無骨雞翼-- 鬆脆好味, 但感受唔到有雞肉.(4)味一番拉麵–主要有炸豬扒, 煎雞扒, 1/2 雞蛋. 麵質煙“un”, 炸豬扒浸冧o左, 所以唔知鬆唔鬆脆, 味道沒什麼特別, 煎雞扒ok.(5)野菜tempura -- 有2件矮瓜, 1件南瓜, 2件蕃薯, 及2件冬菇. Tempura 粉漿ok , 好鬆化.南瓜同蕃薯唔係好甜, 矮瓜好多油, 本人無食冬茹.(6)炸軟殼蟹壽司-- 等o左好耐至有得食, 以為炸軟殼蟹會熱辣辣, 點知…凍嘅 ... 超級失望. 如果係熱辣辣會係好好味整體上ok , 有下次!

上星期六去呢度食lunch，因為我仲病梗所以冇點佢d燒物同炸野。2人叫左1個set lunch-- 烤豬排拉麵，1個138刺身拚盤同一個梅子冷麵。個set lunch根據我阿媽所講係just ok，不過我見佢都食晒應該唔差。138拚盤有2隻甘蝦，4小片海膽連青瓜，4片油甘魚同八爪魚... 新鮮程度都ok... 海膽同八爪魚遜色左d...梅子冷麵係好好味!!!我好耐冇食過咁好quality既冷麵，亦真係有梅子味!!!!! 可惜我眼見成個menu冇乜野我可以叫黎送個麵(因病)，所以淨食個麵就好難食得晒...但係我下次一定要再食過!!!! 服務小姐見我食唔晒問我係咪唔好食，我就好serious咁同佢講唔係...!! haha!!!!

好味又抵食! 呢間小舖我三數個月都會番o黎食一轉.禽晚一行三人,食o左(5分最高):1. 炸無骨雞翼(4.5)-鬆脆好味,搵唔到第二間有呢個質素2. 蝦Tampura(4)-有四大隻,新鮮大隻.3. 炸南瓜薯餅(3.5)-厚厚o既一件,餡料軟棉棉,唔會炸到乾爭爭,只可惜冇咩南瓜味.4. 芒果/牛油果加州卷(4)-芒果加州卷清香.正5. 火山拉麵(4)-叫o左大辣, 係超辣. 老細話係用o左指天椒粉炒做湯底. 勁!6. 燒雞軟骨(4)-香口,有頭.7. 冷稻亭烏冬(4)-軟硬適中,好.8. 金菇炒雜菜(3)-油o左d9. 鹽燒魷魚鬚(3.5)- 合格.間舖係細d,所以如果隔離吸煙,都幾慘!

食物ok，只係地方太細。

若然毫無目標到山林道搵食,確實係幾費人心思..今晚同女友就周旋於街口既cafe,肉骨茶同味一番之間..最後經過20分鐘既優劣比較之後,決定到味一番試試..等數分鐘後有位入座..嘩~真係不能怪要等位入座,因為此店真係細如豆腐潤,若果要坐得舒舒服服,此處可以從名單剔除~不過侍應們有禮待人,抵消了不能改變既環境問題..同女友研究一番後,決定捨套餐而散叫..先來既係滑蛋豬扒定食($4x),同女友每人一啖,好傢伙!雞蛋半生不熟,滑溜溜,乃係我同女友嚮往以久既滑蛋汁~加上豬扒炸得鬆脆,同女友都一致讚好..不久味一番招牌飯定食($5x)上桌,離想像不遠,係每一種材料都有既"公司飯",味道不俗,不過相信都不會再點了~定食食至一半,遲來既牛油炒露荀($3x)同雞肉棒($25)陸續上桌~露荀份量不大,不過味道不錯~露荀爽口,汁料味道並非預期中既牛油味,取而代之係沙津醬加芥辣既混合物,十分醒胃~一向鐘愛露荀既女友讚不絕口,而本人亦覺滿意~不過碟面頗油,兩口子清碟後刻意回避,深諳眼不見為乾淨之道..雞肉棒一向深得本人愛戴,此店雞肉棒亦不例外,表層燒得脆脆又不會太,咬落啖啖肉又有少量軟骨,好味道~!女友雖覺不俗

星期日晚來到，都冇乜人！唔駛等。實在太開心了。例牌叫了無骨雞翼、串燒、同拉麵，個waitress仲送o左一個三文魚刺身(唔知點解)，雖然得四小片，但好新鮮。其他食物水準都可以保持，尤其係無骨雞翼，我order了三客，因為實在太美味。最後，waitress又多送一個雪糕給我們。真係唔知當日發生咩事，唔通係老闆生日送大禮？！

8/11，十二點九到o黎到，雖然已營業，但都好似未準備好咁。入面無其他客人，但都要等約20分鐘先有得食！好彩都無人，如果坐滿哂都可能會有d迫！全約有20個座位，6個係bar台位！我地兩個人，叫o左一碗味一番拉麵($38)同一個無骨雞翼($15)，重有杯o野飲送o忝！個麵有叉燒、豬扒、雞扒、粟米、昆布、牛肉，而且都幾大碗，兩個人食再加一個小食就o岩o岩好！個雞翼都幾大隻，又鬆化、切開四件上碟，好食！

無骨雞翼$15一隻--- 好正!! 一定食!!豬排烏冬+辣湯底(中) --- 個辣湯底好正~ 夠辣! 可惜吉列豬排放在湯中上枱!燒牛肋骨$58 --- 份量適中, 燒得恰到好處, 見到中間係紅既!!芒果/牛油果加州卷各$28半客(約4件) --- 味道ok ... 略嫌卷得鬆左d !! 燒羊鞍$48 --- no comment 因為本人無食!清酒煮蜆--- 味道ok ... 略嫌清酒少左d!!4人食$345 ~

裝潢方面:好有日本feel呀，雖則鋪仔細細，但感覺好舒服，食得好自在。衰在個廚房用白瓷磚白光管。食物方面:好低食丫，我果日兩個人食左二人餐加小菜，都係每人百多元，最愛雞泡魚片，無骨雞翼，豆腐同埋芝麻雪糕。

地方須小，但都幾整潔，服務態度都幾好，拉麵同個金菇牛肉卷好好味，不過三文魚就嘛嘛，靜靜地，食得幾好feel o架！

我試o左佢o既串燒豬腸，感覺會係炸大腸好味d ，我又試o左無骨雞翼，好有肉，感覺又會係肯x 龜好味d ，還是湯麵較理想！或者我係外賣o既關係啦！如閣下有任何不滿，敬請原諒！多謝！

呢間舖,雖則係細D,但有種感覺就係好親切,好似"香港人"咁講,我成日都去!!係呢到,我好鬼鍾意食o既係"去骨雞翼",另外係"天婦羅"同埋"芝麻雪糕",個"去骨雞翼",脆卜卜,好好味,,至於個"芝麻雪糕",雖則$18,得一個球,好似唔係好抵,但因為好食,所以都係必叫o既,哈哈,不過去食前,最好去訂位呀,費時等咁耐啦!!

有時老友生日或者聚會, 都會o 黎呢度食o 架!! 貪呢度地方細細, 叫多d 人o 黎就同<br> 包場無咩分別!! 呢度最好食+ 抵食o 既呢, 就係去骨雞翼: 去骨酥炸, 再洒滿椒鹽,<br> 啖啖彈口嫩肉( 請注意* 因為好食同埋熟客經常外賣" 力" 走o 既關係, 所以就真係<br> 有買趁手), 另外仲有個天婦羅拼盤, 當中就有蝦、矮瓜、楠瓜、蕃薯.. 都<br> 不過係$55 咋!!( 如果我冇記錯) 其實呢度有好多是日新鮮推介, 所以大家不妨係<br>" 日弟" 餐牌之前, 留意o 下掛係一牆上o 既notice board 啦!!

朋友帶我o黎依間食宵夜~ 原來幾正o架~ 店內只坐得二十人( 已經計埋吧檯), 但都坐得幾舒服~ 小食around $30~ 最正係炸軟殼蟹($45)~ 一D 都唔油~ Yummy~~ 叫o左五個小食, 加一, 個friend 有九折, 埋單$235~

The price is very reasonable.Sushi and Sashimi is very good, but the size of sushi is a little bit smallThe cold 清酒is very speical