周記醬料

營業中

休息中

紅磡搵野食都真係幾多選擇。用得醬料嚟做舖頭名，照理都應該有返咁上下水準。 擺出嚟配小食有兩個選擇，一隻係招牌辣醬一隻係麻香。 辣醬夠香夠辣，唔係浪得虛名。 至於麻香，唔知係咪要調教到降低辣度，令到麻係有既，但係其他香味唔係太出，相比下較失色。用嚟配辣醬，有好多種小食。魚肉燒賣幾有質感夠彈牙。 至於魚味就中上，但配埋辣醬就一流喇。炸皮蛋魚肉豆卜，豆卜炸得非常乾食香脆。 入面釀咗一小塊皮蛋同魚肉。 皮蛋唔算濃味，主要都係食豆卜既香脆同辣醬既香。 整體上都係相當唔錯既。炸鮮肉韭菜餃，外皮同樣炸得香脆。 餡料都算飽滿同鮮甜，就算唔落辣都相當好食，當然落買辣醬就再高一個層次。總結嚟講，小食係相當唔錯既，但都係辣醬最重要。

睇電視介紹「周記」，特意黎試吓。黎到要排幾個人$10/5粒親民價，就唔客氣叫魚肉燒賣+陳皮魚旦各一份。店員問我辣唔辣，我只要鼓油👌🏼怕辣。燒賣其中一粒有啲啲魚腥味，魚肉口感琳琳地。我忍唔住想加辣椒，店員話「麻香辣」唔辣只係麻香👍🏼，試咗ok喎👍🏼忍唔住試埋辣椒醬，點知真係辣🌶️🌶️要買🥤飲品… 要竹蔗水啦！貼住張紙「幫襯食物 飲品減兩蚊」，但原來「只限即沖調飲品☕️」竹蔗水冇減價$18幸好味道清甜可解辣。

收工時間經過已經一大條人龍，大約等左幾分鐘已經排到，嗌左份燒賣，加左少少豉油同少少麻辣醬，d豉油甜甜地，麻辣醬幾香又唔太辣，燒賣煙煙韌韌，口感有啲似金龍，略帶淡淡既魚味，夾埋都幾好食🤤

平日晚上6點幾排了30人我在星期六試下早上10點唔多人燒賣細粒，質素未至於差鼓油有點酸，無黃豆味辣椒油唔香，係有一少少辣魚蛋太冧，唔夠咖哩味平靚正，去林記小食仲好

睇到網上報道話周記醬油開咗間分店喺紅磡，鍾意食燒賣嘅我，決定去試一試。去到嘅時候，見到大排長龍，一心嚟到，決定都係排隊。等咗15-20分鐘，嗌咗佢哋嘅魚肉燒賣同腸粉，咁樣就可以同一時間試到佢哋嘅燒賣同醬油質素。好失望。一啲魚肉味都冇，好似淨係食咗一對粉團，粉團裏面有好微細嘅蝦米味道。腸粉方面，係滑嘅，但係我深信其他小食店都有呢個質素。燒賣味道真係好差，其他店舖嘅燒賣好食過佢好多。真是一句講晒，好失望，試一次就夠啦。