周記茶餐廳 (已結業)

這間係香港仔嘅舊式嘅點心茶餐廳，經常早上至下午都人流裡面經常滿座，而門外都有好多人排隊買外賣點心，重點推介佢嘅魚翅餃、燒賣同埋佢嘅鳯爪排骨飯,不過本身覺得從前好食過現正的

居住香港仔多年,今日第一次拜會周記。周記雖然外觀殘舊不顯眼,但總吸引小人龍排隊等位或外賣點心。因為非繁忙時段所以等候不到十分鐘就可入座,不過仍需塔枱。環境不算舒適,但感覺好地道很有親切感。這裡没有擺放點心紙,只要直接向叔叔落單就可以。(驚喜位: 有點心車同叫賣點心姐姐。)好快點心就到了, 全部熱辣辣上枱。今次點了叉燒包, 咸魚肉餅飯, 燒賣~~ 叉燒包: 14蚊兩個大大的, 好抵食。包皮夠軟, 叉燒餡料多。咸魚肉餅飯: 咸魚味道適中,不會太咸。肉餅厚厚的,但有彈性,有肉汁有水份, 不乾身。白飯偏乾身,可加些少豉油更佳。燒賣: 18蚊4粒, 好大粒, 彈牙。如果覺得燒賣普通,不妨一試鹌鶉蛋燒賣。

呢間懷舊茶居係香港仔可謂老字號，由細食到大，可入去飲茶或者門口打包外賣，出品唔錯，精緻，懷舊。今日人比較多，我就買走算了。揀左叉燒包，燒賣，排骨飯。呢3種最能夠代表間茶居做得好唔好。先睇叉燒包：大大個，14蚊兩個，價錢方面同酒樓比算合理，當然唔能夠同連鎖式中式快餐比。味道方面，皮彈滑唔乾身唔鞋口，叉燒同個汁好好味，可惜皮較厚，變相內涵相對較少。燒賣18蚊4粒，我拍得住酒樓價錢。賣相唔錯的，有粒蝦仁，肉量足料，唔會太多肥膏，咬開好有肉香。打開飯盒，當然唔係咁少野啦，下面先真原來肉肉係底，都幾足料架，27蚊算係咁啦。真係排骨位，夠滑，可惜有點肥。鳳爪正常出品。飯底夠味，蒸得唔會過生過淋，好食既。總結：懷舊風味街坊茶居，出品唔錯，價錢合理

和同事到黃竹杭中午前做完嘢，相議後行去香港仔週記飲茶，大約行了25分鐘才到，好在剛好12點，人不太多，不用等位，兩人坐下，開了茶，第一樣想食的是大飽，得伙記話，一早賣完點心可以落單或從推車仔取又或到門口點，後兩者有點像細路時跟老豆去飲茶，如果不是下午要返工公司，坐着慢待新鮮出爐的點心才要，真寫意。發完萝！最後點了牛腸，山竹牛肉，鮮蝦粉果，細鳳爪排骨飯。山竹牛肉好juice，腐竹入了肉汁，好正！平時飲茶都只有蝦蛟，這裏有很久不見的鮮蝦粉果咬開，蝦份量不小，而且爽口鮮甜，加了唐芹，提升了香味和口感。蒸飯有分大細，如果要食飯飽，可要大，當點心要細，棑骨當然是雪的啦，但無雪臧味且入味，飲一粒粒，有米香，超正！牛腸，粉滑且爽，有米香，牛肉有口感，豉油有點甜，不太咸，好！另外，他們有炒粉麵飯，下次要再來試

難得有幾天假期，約了朋友一齊去吃早茶和爬山。這區的酒樓實在太多人，食物的質素一般，價錢又頗高。所以我們選擇了這家舊式的點心店。這種點心店已經愈來愈少，要把握機會來試試看。可能由於假期的關係，早上九點多已經有大約十個人在排隊，而我們只等了十分鐘就有座位了。我們點了幾款點心，整體質素不錯，比其他連鎖式酒樓更好。而這裡更有些特別的款式。其中一款是魚翅餃，是一種舊式點心，現在只有很少地方可以吃到。而它裡面，其實是沒有魚翅的，只是用一些蔬菜來模仿魚翅的口感。外皮非常薄，味道有點像豬肉燒賣，感覺不錯。不過，還是招牌的鳳爪排骨飯是最好吃，是一定要點的食物！環境還可以，不會很髒很亂，但不能跟其他酒樓相比。服務員都很友善，態度也十分好。價錢也是二十塊左右一碟，CP值是頗高的。如果介意環境的話，建議選擇外帶。

這間點心茶餐廳已經光顧多年，在香港仔屹立不倒，全靠老街坊和盅頭飯,每個下午例必排隊，價格亦非常合理，但比起以前已差了點，雞扎味道ok, 但魚肚已換成豬皮, 蝦餃的蝦肉鮮爽，食得出的新鮮，比例亦ok, 盅頭飯不斷的出爐，雖然出名首推的是鳳爪排骨，但我至愛還是牛肉飯，牛肉新鮮，沒有梳打味，坊間很多牛肉用梳打"拿"得太勁，食到的苦味在這裡沒有出現，燒賣亦屬於我喜愛的不健康燒賣，肥肉較多充滿油香，，正。雖然冇以前咁好還是值得推介

每次去試新食店既點心，都會同周記比較因為周記太好食啦，水準一直保持高位每次必食雞扎，大大舊魚肚！係整件既精髓！之後就食燒賣，成粒蝦係裡面，仲好夠彈牙，正！鳳爪排骨飯都要食 （雖然我唔食鳳爪，唔太好排骨）但係個飯吸收晒個精華，面層粒粒分明，底層吸晒個汁，夠晒香。最後如果仲食得落既，就會叫牛肉球，都係唔錯既選擇，但個喼汁好酸，點少少就好啦。雖然佢有碟頭飯有炒粉麵，但每次都係會叫點心

最近幾次來到香港仔覓食，都不知道有甚麼好吃，今次也不例外，但是給在下找到這間周記茶餐廳，就不如入內坐坐。周記真的是茶餐廳，有水吧樻位，坐位也是以四人座位居多，門口位擺放了蒸籠，故此也很明顯是吃點心的茶記。不過當入到餐廳，除了點心外還有碟頭飯供應，既然賣點心和碟頭飯的，就點點心為主吧。坐下後點來一壼香片茶，香片雖然茶色雖然與其他的沒異，可是卻欠了一股清香撲鼻的氣味，茶味也未算夠香呢！鳳爪排骨飯有大和小的分別，在下點來一個小的。吃下鳳爪時，味道不是平常吃到的椒絲辣味，偏淡味道，排骨肉質較腍入味，是正常的味道。整個蒸飯醬油較少，顯得米飯乾身。牛肉腸粉粉皮較厚，不夠滑溜，茜荽也欠奉，因此吃下沒有香茜味道，不過牛肉都算有點滑的感覺。然而這個腸粉，吃起來已經放涼不少，因此「凍」了不少。雞札是在下其中喜愛點心之一，當中有魚肚，火腿，雞件和粟米芯。整碟點心都幾熱，材料也夠軟腍，魚肚亦能吸收當中精華，火腿煙靭有口咬，痽件也不錯吧！整體來說，味道是較為街坊味道，不過不失。據女友說，周記逢星期六日早上會較多人排隊，而且晚上也不會開門。

一間舊店零裝修、無著整齊員工衫、冷氣無北極嘅溫度...反而高興！因為將所有欠缺原素同心機全部放係食物度！整個食堂都被前後包抄，所以啲點心、蒸飯上到枱時都係熱辣辣...必食推介： 排骨蒸飯、北菇雞飯（飯索番肉汁而且用蒸籠煮所以飯質較爽）。細飯＄21，大飯＄24 山竹牛肉（like嘅原因保留傳統做法，竟然又果皮） 魚翅餃（當然無魚翅啦！依個點心係香港近乎絕跡應該只有老舖先有） 燒賣（燒賣就係燒賣；無黑松露、蟹子之類新派卓頭，但換來有手切肉及肥肉粒粒）其實兩個人食到依度已經好飽！如果仲有位可以整多件馬拉糕！滿足！

每個禮拜六中午, 如果經過大街又未食野準備返屋企, 通常呢度就是我的外賣飯堂. 本人未試過堂食, 因為永遠都是超級長龍, 等到嘔. 盅頭蒸飯的飯非常好味, 同汁好配.分析下, 首先推介是鳳爪排骨飯, 鳳爪皮軟而且筋也軟, 吸晒豉椒汁咬落去D汁嗶出黎好過癮. 排骨好咬勁, 多汁鮮甜.北菇滑雞飯, 雞非常滑而且很甜很有味, 冬菇就索晒雞汁勁好味, D汁流落飯度變成雞汁飯好好味.鹹魚肉餅飯, 普普通通, 不過肉餅幾大塊幾入味算唔錯.糯米雞很香, 雞肉好甜而且好多, 糯米唔會太硬剛剛好.其他的點心都有水準, 不失為中午飯下午茶的好選擇.

整條香港仔大道，好像沒有甚麼較有吸引力的食店，看見這間周記茶餐廳，人頭擁擁，似乎很受街坊歡迎。早上賣點心，午市買炒粉麵，這類的點心，是一早整定的，價錢都是街坊價。差不多大多食客，都會來一盅鳳爪排骨飯，我也不例外。此鳳爪的味道有點點怪，很假的感覺，不太自然，排骨質素不錯，肉質鬆化，饒具肉汁，飯底乾身，但還是不夠入味。恕我偏見，與我最喜愛，土瓜灣明珍的排骨飯，是沒有得比。蝦餃是一貫街坊點心店的質素，外皮略厚，餡料都是蝦肉居多。魚翅餃內裡的餡，有點過乾，味道亦平平。膽固醇之友的鮮竹卷，醬汁不太多，是有點意料之外，街坊點心店，甚至酒樓做出的鮮竹卷，其醬汁一向厚死沒命賠。我不常來香港仔，這間周記的點心沒甚個人之處，相信也沒有機會再來。

呢間嘢之前都會去下，之後D點心一時時好食，有幾次D點心裏面凍架，叫佢地換就好唔願意咁，所以之後都冇乜點去食，今日趕住返工經過唸住去買籠糯米飽當晏畫啦，點知一拎籠嘢出來嗰時，個皮係奶白色溶哂咁，我咪話想要過第二籠囉，呢籠蒸到爛哂咁，個亞叔仲要話邊有啫，d糯米飽蒸出來係咁架啦!你估我第一次食糯米飽咩，擺到明唔想換啦!平時呢間嘢d態度都唔係咁好架喇!

I walk past this restaurant all the time. Every time I walk past it, they are people queuing outside and the shop is absolutely busy and crowded. This shop is absolutely famous, everyone living around the neighborhood knows about it and the terrific dim sums they make. Finally I have the time to really visit the place with my friend instead of just walking past it. As I know, they close the shop pretty early and the time we arrived here was nearly the time for them to close already. We immediate

食快餐食到厭得閒飲下茶都唔錯香港仔呢間周記堂食平均年紀應該五十以上所以我去親都幾乎係最後生o個個周記最出名應該都係排骨飯排骨蒸得夠淋 夠入味加d 甜豉油落白飯度, 夾到痺啦 醃過既鳳爪 (不過其實呢度d 鳳爪麻麻地)overall來講都係正, 推介~

今日見完醫生，好掛住周記個排骨飯，返屋企時經過香港仔就去買外買，最近門面做咗小小裝修，感覺整齊好多，買咗個細排骨飯，我前後都有人排隊，個個都係買排骨飯，真係熱賣之選！好好彩買完即刻有巴士，車上已經聞到飯香，真係好想即刻打開個飯盒。。。返到屋企已急不及待，D排骨好入味，啖啖肉，肥瘦適中，D豬油滲落D飯度，令到D飯好香，D飯有飯香，唔會太濕，加埋甜豉油，簡直係人間美味！我唔係咁鍾意食鳳爪，但係佢哋都做得幾好。三扒兩撥就食完盒飯，回味無窮，係時候開始節食做運動啦！