呂錦記手撕雞專門店 (筲箕灣道)

營業中

休息中

行經過西灣河電車路附近，發現左一間新開既手撕雞店，見鋪面紅紙都未拆落黎就想試試，買黎加餸孝敬屋企人！原味手撕雞 Original Flavor Shredded Chicken 半隻$58半份既手撕雞都非常大份，原味有種懷舊情懷，食出雞既原汁原味，有齊雞脾、雞翼部位，雞皮都特別香滑，伴隨少少麻油同白芝麻。蟲草花水晶雞 Cordyceps Flower Crystal Chicken 半隻$88利用錫紙包實曬，半隻都見到隻雞係大Size，仲要慢慢拆錫紙已經聞到好濃烈既雞香味，雞汁精華會慢慢流出黎！加上有蟲草花既配搭，雞肉都香滑嫩口，值得加餸！其實呢間外賣店係內地唔同城市都已經有分店，今次黎到香港西灣河同葵涌都有分店，平時經過都真係值得一試！

⭐️今日同好姊妹嚟西灣河飲茶飲晏咗，經過呢間小店有人排隊，買咗兩個餸返屋企😂一問之下，原來小店只開業3星期，真夠運🤘🏻======= ======= ======= =======🔥惹味孜然粉手撕雞💰$60雞肉非常幼細鮮味、配上香噴噴孜然粉，再感受到少少雞油香但唔覺得油膩，好味到唔停得口👍👍🔥古法蟲草花水晶雞💰$88蟲草花營養價值很高，配以雞味香濃又加上啖啖肉，清香撲鼻嘅蟲草味，實在好有驚喜👍👍其實老板用錫紙包裝，完完全全保留雞嘅原汁原味，不得不讚細心🫶🏻======= ======= ======= =======⭐️屋企兩位少爺以為呢兩個係由我親手做😂食得津津有味，亞仔話「今日啲餸特別唔同味，媽咪好叻叻」唔知好嬲定好笑嘞😅咁以後可以慳水慳力，再去幫趁「呂錦記」試埋其他味道🤣整體來說，「呂錦記」性價比高，必定會回頭的一間手撕雞外賣店。

近排返大陸成日都買啲雞返嚟食，因為佢哋嘅做法香港好少見，見到附近開咗間類似我平時食開呢種做法嘅雞，梗係要買黎試吓～同埋佢個名咁熟悉搞到我都想試吓呂錦記有幾特別😁-鋪面裝修簡簡單單咁，專做外賣，都幾受歡迎，我入去一陣都已經有四五個人一齊買～🐓蟲草花水晶雞 半隻 $88因為我哋兩個人食，每樣半隻已經好夠食了👍🏻佢同我平時食開既都一樣，都係有錫紙包住，一打開超多汁，如果想第二日食嘅話就要拎去蒸一蒸返熱，佢入面都係超多汁，勁正～蟲草花都好多，啲雞就咸咸地好似咸雞咁，雞肉都係超滑勁juicy超嫩!仲有一對即棄膠手套，唔會整污糟隻手🫶🏻🐓川香手撕雞 半隻 $60跟住就到手撕雞啦，因為選擇困難症嘅關係，所以就叫店員推介一下邊款好食😂佢介紹咗川香手撕雞，食落落真係好麻好香🤤仲要係超嫩滑都係😻本身我都唔係好食得辣，但呢隻辣我又覺得ok喎可接受，食辣就更加惹味😋試過之後唔使返大陸買，喺香港買都得了🤭

有時食外賣，可能都唔想食得太肥膩或太多飯，所以手撕雞都係一個熱門選擇，西灣河呢間見新開，+12蚊又有埋小食，見又平又大份，就試吓先手撕雞都有好多口味😋🪄鹹香去皮手撕雞🪄麻油手撕雞🪄五香花生手撕雞🪄西域孜然手撕雞🌶️🪄天府藤椒手撕雞🌶️🪄香辣手撕雞🌶️🌶️🪄青瓜醬去皮手撕雞🌶️🌶️🪄川香手撕雞🌶️🌶️🌶️🪄印度魔鬼手撕雞🌶️🌶️🌶️🌶️🌶️有辣有唔辣任君選擇😂唔知要咩味好唔使擔心有幾款味道可以提供試食的而想挑戰味蕾就要試吓印度魔鬼😌但我第一次食想試真佢雞味多D,所以都係試吓西域孜然先🤭雞肉唔會嚡，好入味，明顯食到雞味而唔係雪藏雞，60蚊有半隻手撕雞份量都唔錯👍🏻另外再叫多個古法蟲草花水蒸雞$88 半隻 雞肉又嫩滑，非常Juice，用錫紙包住三個鐘內都可以暖住食，如果想整返熱，連埋錫紙一齊蒸就可以非常方便💯平時要嚟加餸都非常好選擇除咗秘製手撕雞，仲有麻辣雞腎、秘製麻辣雞翼尖、麻辣雲耳等等小食選購💮

今次去咗西灣河太安樓想買啲嘢食返娘家加料 附近見到一間新開張嘅手撕雞專門店吸引咗鍾意食雞嘅我去購買 手撕雞都有辣有唔辣八款可供選擇 🌶️🌶️🌶️川香 🌶️🌶️香辣 🌶️西域孜然 🌶️天府藤椒🌶️🌶️🌶️🌶️🌶️印度魔鬼原味 麻油 五香花生。 古法水晶雞就有 花膠 蟲草花 🌶️🌶️天府香辣因為選擇困難症。店舖職員推介左第一食揀店嘅熱賣 原味手撕雞。果然係熱賣 雞肉鮮嫩 又保留到肉汁 咸香四溢 更有少少少芝麻在內 倍添滋味再揀左古法水晶雞 蟲草花 包裝精美 有錫紙 包裝後 再有靚靚膠盒裝好唔怕漏油出黎 返屋企屋企一打開 滿滿蟲草花雞香四溢 半隻雞連皮 保留到雞油 嫩滑咸香付送埋一次性手套俾你 親手撕開黎食 大滿足重有啲小食可以供選擇 買返屋企送酒一流呂錦記手撕雞專門店（西灣河）筲萁灣道33-55號 麗灣大廈地下J1舖#呂錦記手撕雞專門店#手撕雞#西灣河美食#水晶雞#手撕雞專門店#hkig#hkfoodshare #hkfoodsnap #hkfoodblog #hkfoodie#hkfoodblogger

《斬料加餸必食😝》———————————————-#呂錦記手撕雞專門店 🐣-呢間新開嘅手撕雞專門店性價比高，十分鮮嫩爽滑，主打外賣，啱哂加料，我都買咗兩款拎返去同屋企人一齊開心share 🥳 有好多唔同口味揀，有辣有唔辣，任君選擇！-🌶️ 天府籐椒手撕雞一絲絲嘅雞肉口感豐富，籐椒味道突出，配合著鹹香嘅雞肉，食落夠哂過癮😌-🐣 蟲草花水晶雞蟲草花水晶雞則係比較清淡嘅口感，啱哂長輩食👵🏻 以新鮮雞製成，原隻上大大份，鮮嫩爽滑🤩-除了食物方面，呢度嘅服務亦非常出色，店員都好友善，主動向我哋介紹唔同味道嘅分別，而且出餐速度都好快，十分方便😚-⭐ 參考價錢︰天府籐椒手撕雞：$60蟲草花水晶雞：$88🍌抵deal指數：7/10

🌕Hello我係Moon🌕間唔中都會喺西灣河太安樓，呢度行吓街掃吓街，😳原來呢度開咗一間新嘅手撕雞專門店，雖然係新開，🤨但係都已經見到依度嘅客人好多，買嘅時候都要排隊㗎！😆呢度嘅選擇唔會太多，🤔不過講到明係手撕雞專門店咁就梗係貴精不貴多！🤭我就揀咗印度魔鬼手撕雞，同埋蟲草花水晶雞！🤪印度魔鬼手撕雞真心辣嘅，🤣係過癮又刺激嘅辣！😂雞肉仲好嫩滑，每啖手撕雞都充滿魔鬼辣，非常入味，非常惹味！😌蟲草花水晶雞自私食真係好爽，😝半隻嘅份量係好滿足😌雞肉又嫩又滑，仲有雞皮好香嘅雞油加成！😎徒手扯肉，大啖大啖食，真係超幸福！🥰呢度仲有小食，😛如果覺得唔夠喉都可以買返一兩盒小食，😝買返去加餸又或者宵夜時段食都唔錯！😋🌕最後MoonMoon都幾滿意間手撕雞專門店，因為佢哋嘅雞肉真係好嫩好滑，😌份量仲好足！掃街嘅時候，買埋佢其他口味，睇吓正唔正先！🌕

今次搵食黎到西灣河，太安樓附近。太安樓美食眾多，本身就已經花多眼亂，近日附近仲新開左一間手撕雞店手撕雞口味足足有8款之多，每份半隻，由傳統既川味香辣手撕雞，懷舊風味既麻油五香手撕雞，到新派惹味既孜然味，以及極辣既天府藤椒同印度魔鬼手撕雞都有可以話係應有盡有，想食乜味就食乜味麻油手撕雞今次就簡簡單單試一試麻油手撕雞，正所謂基本野做得好，其他味就一定唔會差嘛果不其然，麻油味可以保留到雞肉本身既味道，食得出選用雞隻味道香濃，新鮮美味調味恰到好處，麻油香唔會太鹹，可以帶出雞既香味蟲草花水晶雞見到大量既新鮮蟲草花係面頭，就知道性價比好高水晶雞表皮非常滑，水晶雞既做法比手撕雞雞味更重加上蟲草花本身既香味同雞都好夾，呢個蟲草花水晶雞的確好食不過要留意返，水晶雞係未斬既，拎到返去要自己處理一下手撕雞店既包裝最怕油淋淋，呢度既包裝就無呢個問題包裝非常乾淨，就算拎返屋企都唔會怕整污槽手同衫啦呂錦記依家做緊新開業優惠，買手撕雞加12蚊就送小食啦分別有雞爪，雞腎，魚皮，中華沙律可以選擇仲有限量100份免費雞湯送添呀平日晚諗唔到食咩？不妨黎呂錦記加餸啦！