君日餐廳 (荔枝角)

營業中

休息中

去開附近工作就找到這所茶餐廳，你又是看門面裝乾淨淨，不是附近的食堂級數。由於是一個人前來，所以只找到單人的卡位，雙人的卡位都放了留座牌仔，這裏有個小失望，因為單人卡位是比較窄的。叫了一下魚蛋河，第二個小失望是沒有粗面可供選擇，如果選擇又撈麵就加三元，這個價錢相對業界還算優惠了。小驚喜是能夠選擇奶茶或咖啡的紅豆冰，小缺點是沒有鴛鴦的紅豆冰，大缺點是使用粗的紙飲管，實在是非常無癮，如果能用粟米之類的粗飲管就適當。如果下次在附近，也有機會再次到來的，魚蛋河配料非常普通。

今日去咗一間位於荔枝角嘅茶餐廳，呢度環境舒服服務亦都好周到，我叫咗幾樣嘢同大家介紹一下XO醬肉片炒河呢碗XO醬肉片炒河真係好吸引！河粉炒得啖啖鬆軟，完全冇黐底，火喉掌握得剛好，肉片切得薄薄一層，炒到啲肉好嫩滑，味道非常入味。XO醬嘅香氣濃郁，帶有一啲微辣，令整碗炒河多咗層次感。搭配嘅青菜新鮮，口感清脆，食落去唔會覺得膩，真係一碗好滿意嘅炒河！凍奶茶呢杯凍奶茶真係必試！茶葉選得好，茶香味濃郁，奶味同茶味嘅比例剛好，唔會過甜，口感滑順。冰凍後飲落去，特別清涼，喺炎熱嘅日子裡，真係一啖就令人心情好好。每次飲都忍唔住多飲幾口，實在太好味！

下午茶好抵食又大份包埋飲品都係52蚊咋焗豬扒意粉滿滿芝士芝士配茄汁好香豬扒隻碟咁大塊冇雪味焗咖喱牛腩飯椰奶香味咖喱拌飯好夾會停唔到一啖追一啖牛腩好大舊不過比較韌非常足料真抵食

【深水埗區】【君日餐廳】去深水埗運動場睇香港超級聯賽嘅足球賽事，喺入場之前食啲嘢補充吓能量，咁先有力用粗口問候場內嘅職球員。不過嗰頭其實已經係荔枝角，假日下午喺球場附近嘅選擇都唔算好多，大路對面就有呢間「君日餐廳」，望落係一間幾光猛嘅新派茶記，就用佢。嗰陣係下午茶時段，有得叫下午茶，我就叫咗個 $42 嘅「芝士漢堡扒炒蛋豬仔包」，估唔到又幾好食，漢堡扒配上芝士，有幾分以前麥當勞嘅感覺，仲有塊炒蛋，唔講以為自己食緊「豬柳強」。佢用豬仔包嚟做皮，感覺好過英式啲嘅 muffins，係唔差嘅。個餐嘅餐飲我就加 $3 飲「凍檸茶」走甜少冰，正常茶餐廳水準，冇咩好講。跟住我再以 $34 散叫一份「原味花生醬西多士」，始終我對西多士係念念不忘，去到邊都想食。而佢嘅厚度都夠，糖漿同牛油都 okay，幾好。埋單 $79，冇乜特別嘢挑剔到嘅一餐。。。（地址：荔枝角長沙灣道782號香港中心地下2號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foo

喺荔枝角行街，順便同老婆入咗君日餐廳食午餐，叫咗黑椒汁雞皮煎蛋飯($50)同熱奶茶(隨餐送)。整體感覺係正常穩定，冇驚喜但都唔失禮。食品部分黑椒汁雞皮煎蛋飯($50)：雞皮煎得香脆，黑椒汁味道濃郁，但唔會過鹹，雞皮配埋飯食，夠味又惹味。煎蛋煎得啱啱好，流心蛋黃加埋黑椒汁仲幾夾，雖然冇特別創意，但以呢個價錢嚟講，絕對係正常好味嘅選擇。熱奶茶(隨餐送)：奶茶係正宗茶餐廳水準，茶味夠濃，奶香順滑，甜度啱啱好，飲落舒服，冇乜好挑剔嘅地方，係穩定發揮。⭐食品評分：3.5/5環境與服務餐廳環境屬於普通茶餐廳格局，整潔但冇特別吸引嘅地方。服務員落單迅速，出餐亦快，態度唔錯，但整體就無乜記憶點，純粹正常發揮。⭐服務評分：3.5/5總體感受君日餐廳嘅餐食質素穩定，冇話非常突出，但都對得住呢個價錢。黑椒汁雞皮飯係合理水準，奶茶好飲但普通。如果喺附近行街唔知食咩，呢度係個平穩嘅選擇，但未必會特登為咗佢專程嚟。⭐總體評分：3.5/5

每星期日都會在這間餐廳吃完早餐才返教會，沒有特別期望食物質素, 只是一般茶餐廳普通口味,  今天8-12-2024，在早餐的火腿奄列中，竟然食到異物, 發覺原來是塑膠棒及類似蟹腳殼的物體！但未見有相關同事跟進，令人擔心食物安全問題！

買完飛睇戲，得返40分鐘，極速食個飯，選擇君日抵食又快手嘅，當然係海南雞飯啦我鍾意飲白湯，但係賣晒，紅湯俾我有驚喜喎，甜得嚟有微微辣，好香濃我通常都要蔥油，但係呢度得泰式汁，但係有一個驚喜俾我喎，香辣但係唔太酸，啲雞點咗泰式汁即刻惹味晒，油飯都好香口而唔肥膩$67有湯有嘢飲嘅套餐，晚餐喎， OK啦係咪？

黎到荔枝角呢邊, 準備食午餐, 行下行下見到呢間餐廳有位就入去食, 天氣太熱唔行咁多.地方算坐得OK 唔會太擠迫既餐廳, 最後就點左個lunch 食, 豬扒雞翼意粉, 有湯.湯OK, 正常啦, 唔會有咩期望豬扒雞翼意粉, 豬扒口感正常 唔會太好味又唔係差個種, 係一個普通lunch 味道啦...雞翼2隻, 無特別凍檸檬茶, 正常茶記味道.不過個餐既份量夠唔夠食就見仁見智啦. 反正返工食個lunch就唔會期望太高.價錢正常就算了. 總結返工速食lunch叫做可接受, 如果放假出去食既話呢間就唔會揀...

服務差，一開始點錯食物搵侍應更改，但侍應話落左單就唔俾改，有點兒離譜，而且一副你唔鍾意食就過主的態度。無奈畢竟自己叫錯，我都沒有爭論，繼續食返叫錯的食物。 食物是台式肉燥豬軟骨飯，個汁一時咸一時酸，襯得好奇怪，應該未撈勻。肉燥食落去冇未肥瘦可分，全部都係瘦肉。講真又未到食唔落口，但一定唔會好好食，因此實在不推薦。惟一可以讚就係環境夠光猛，在街出面好易一眼見到佢。其他諗唔到有咩可以讚。價錢方面就一般茶餐廳價，唔算平又唔算貴。

早起的鳥兒有蟲吃🐛今朝一早到荔枝角，食個早餐才工作今次揀咗位於荔枝角道，門面頗大的「君日餐廳」早餐常餐 🍽️ $42又係最愛嘅沙嗲牛肉🐂餐牌只要有沙嗲牛肉，我就會忍唔住揀😅沙嗲牛肉份量OK👌厚肉、少韌！沙嗲味算濃，麵煮耐啲就好（個人喜好）多士正正常常，可惜無得配腸仔！配兩隻太陽蛋都煎得唔錯嘅🍳店員服務友善，不過枱面少污漬、杯有啲啲舊總括嚟講，整體不過不失🆗有機會經過都可以再食下一次嘅😌📍君日餐廳 - 荔枝角

去荔枝角的君日餐飲，真是一場舒心的美食體驗！店內座位寬敞，讓人一坐下就感受到格外的舒適。在這炎熱的天氣下，店裡的冷氣調得剛剛好，涼快得來不覺寒冷。每張桌上都配備了熱水瓶、乾淨的水杯及紙巾，細節之處顯示出店家的貼心和周到。談到食物，這裡的美味可說是物有所值。加$3就能享受到一杯冰涼的飲品，實在是解渴又經濟。唯獨美中不足的是，加時菜每份$8卻略嫌份量小了些，希望未來可以有所改進!總的來說，這裡是個不錯的選擇，無論是想要一個悠閒的午後或是和朋友聚會，君日張飲都能讓你的時光添上幾分美好！

今早係附近搵早餐食，見呢間餐廳有卡位同環境都唔錯餐牌有沙爹牛肉麵選雙蛋牛油包，加杯熱奶茶醒神吓$40沙爹味都十分香濃，而牛肉都好滑又冧唔錯，而煎雙蛋是剛煎好又熱係流心蛋嚟㗎黑白奶茶都好滑香濃醒晨呢到最好就可自助點餐，員工服務態度有禮，地方整潔

剛剛去完食午餐焗飯, 好好味, 我吾小心倒左杯凍華田, 樓面好仲笑笑口, 免費比過另一杯我添, 蝦米雪菜肉絲米粉非常好吃。味道鮮美，讓人回味無窮。除此之外，常餐多士也非常值得一試。外皮香脆，口感十分棒。另外，西多士口感豐富，非常美味。

和同事去lunch, 個set lunch 炒飯已經係凍冰冰，換咗都只係好少少，都算，杯嘢都未飲完一半，就放個留座牌，咁諗住算啦，lunch time 唔好阻人，但佢然後過多唔夠5分鐘又放多個牌，咁不如以後係門口寫明lunch time 幾點到幾點只能食30分鐘，遲就罰錢啦，我真係有諗過唔走睇佢可以放到幾多個牌都好喎

上星期六約左人3：00喺附近，就早少少出門口，食埋嘢先集合食開識路，唔使等直入坐低睇下食乜好，醒胃又想滿足少少飯癮，就叫左咖哩雞扒飯。特飲要加9個大洋，又無傳統紅豆冰，就叫凍奶茶义電。10分鐘就飯到，靚姐仲温提我隻碟好很熱。個汁微辣，加埋焦香的芝士碎，清碟是常識吧！下午茶份量夠，味道有heart，$51抵唔抵，見仁見智P.S. 埋單時有約5-8人在等位