君戶鍋貼大王 (已結業)

今日終於有時間可以行吓街，搵啲嘢食下咁啱經過呢間上海麵，一於試吓先，一行入呢間鋪頭佢有一陣酸菜味即時覺得佢好正宗，今次叫咗個排骨粗炒+1個黐飯，粗炒面分量十足豬扒大大件黐飯香口美味價錢實惠值得一試！

今日lunch食上海野! 平平地又要快快地的話，君戶真係一個好選擇! 基本上，君戶既食物選擇都好多。而我今次就叫左雙拼 - 雲吞豬扒麵上菜速度快，大約等左五分鐘就食得! 豬扒炸得夠熱夠脆! 而雲吞夠大粒，夠足料! 麵夠多! 食晒成碗真係好飽肚!! 38蚊一碗，平靚正，性價比超高!!

因為要OT, 心情悶悶的，所以決定要食油膩啲，放縱一下。🤪🤪🤪🤪今次得2個人食，來到君戶點都要食佢個鍋貼，因為都幾平，不過平還平，其實食落都幾油，所以我多數1隻起2隻止，比起油油既鍋貼，我覺得菜肉雲吞都幾好食，貪心嘅我會加埋炸豬扒，都係油膩嘢，不過我覺得個豬扒係幾好食🐷🐷🐷同事話想試蒽油餅。ya.....唔好食，乾爭爭，又無蒽香。唔Okay👊🏻👊🏻👊🏻👊🏻👊🏻其實君戶我最愛既係粢飯，但眼闊肚窄，今次得2個人食唔落Lu......總括來講，唔係特別好食，不過食物唔貴，叫做多啲人可以試多幾樣嘢食咁解囉。😂😂😂😂

平時食開都係八方雲集的鍋貼，它是台灣代表其實鍋貼大王的更能夠代表上海.鍋貼大王皮厚身小小，調味更加濃小小.配埋豆瓣醬，真係絕配.酸辣湯就麻麻.菜都係麻麻.得鍋貼值得推薦.

LUNCH到呢到附近，唔係太餓又覺得想食D野，睇到大大塊既招牌：鍋貼大王，就入黎食喇。和普通的小店一樣，這裡不算太大，一般都要拼桌。要了鍋貼和鹹豆漿。睇到鍋貼好開心哈哈！味道唔錯, 仲有煎到個底金黃面又冇燶到。鍋貼都幾好食。

昨天中午上班要吃午餐時，朋友推薦這間鍋貼大王，裡面很多上班族，這次點了上海粗炒/必點的鍋貼/炸饅頭/鍋貼很好食，內餡很多汁，建議ㄧ定要趁熱吃～炸饅頭搭美奶滋也很好食可以當點心，上海粗炒就還好了，下次在吃吃看別的囉！

反左一日工，肚餓到打鼓咁。穩d野食先。大大個鍋貼大王。店舖入邊伶仃有幾個客人。黎到呢度當然要叫反個鍋貼試下啦。上臺賣相麻麻。碟側邊與其話係辣椒醬不如話豆瓣醬更貼切。因為齋鹹，並不辣。師傅為左鍋貼不沾鍋，個鍋應該都落左唔少油。因為個黑色碟底都可以見到。雖然係咁，鍋貼味道都可接受。可能真係肚餓得濟，竟然叫多左個豬扒菜飯。我以為個飯不靠顏值或者靠內涵取勝。不料內涵都係差少少，豬扒炸得太干。而且份量又小。或者可能有一大碟菜飯係側邊對比豬扒份量確實唔多。菜飯般般。

平時lunch Time我都會選擇帶飯，但係上個星期因為想慰勞吓自己，所以就選擇出街食lunch然後我自己就搵左呢間食鍋貼嘅餐廳，因為首先佢價錢夠平，第二就係佢好多位 Lunch Time都唔需要排隊🤩之後就梗係嗌我最鍾意食嘅皮蛋瘦肉粥，同埋鍋貼啦！同埋因為都驚自己唔夠飽，所以嗌多一個生煎包😋個粥都算幾足料，好多瘦肉，但皮蛋就嫌少左啲，如果比多兩三舊，咁就好啦😋佢啲粥都好綿，唔會話好水，都唔覺佢有落味精，值得一讚！而鍋貼就中上水平，咬落去有好多汁，好好食！而個包就比較乾身，入面嘅餡料同個包好容易就分開。

今日十分幸運可以訂到場地，於駱克道體育館打羽毛球。完場鐘聲響了，原來已經是夜晚十一點。我跟朋友邊行，邊談天，邊找宵夜的地方。不知不覺，就走進去一間鍋貼店。裡面都幾乎坐滿了人，員工忙個不停，十分熱鬧。我猜我們是給這間店的溫暖所吸引吧。既然來到鍋貼店，當然要試一試這邊的鍋貼跟豆漿。新鮮熱騰騰的鍋貼吃起來感覺很滿足，鍋貼外皮香脆，內餡飽滿。再配以一杯凍豆漿，為了這頓加上了一個平衡。與球友一邊有講有笑，一邊吃鍋貼喝豆漿，是很開心的事。吃過這頓宵夜，也為了這晚畫上了完美的句號。不知道下次再來這間店會是何時呢？

雖然唔係貴，但係要服務無服務。另外，食物質素超差，燒賣係百佳買得到既魚肉燒賣，仲要蒸到over哂，又無豉油。鍋貼賣相可以，但內裏又多油又多肥豬肉，唔推荐。炸饅頭第一口幾好，食多兩啖成口油，半個饅頭都係油，唉。最好我諗係個擔擔麵，但都只係一般水準。同賣同類食品既餐廳相比，食物質素完全無得比。無下次。

《君戶鍋貼大王》 #食在灣仔📍灣仔莊士敦道191及193號地舖-🔹炸豬扒菜飯 $38豬扒偏薄淋身小小乾但可以接受 岩岩炸起熱熱地都幾ok但個菜飯就好唔得 d飯淋 菜小 無味難怪我見所有人都係食米線啦仲有好多選擇 有下次嘅👌🏻

不嬲都對上海野食情有獨鍾, 特別係水餃同鍋貼. 夜晚放工行經呢間餐廳見到有哂呢兩樣野食當然要入去試下啦. 叫左一碗韭菜水餃, 好大隻, 而且好足料, 肉味亦夠濃, 最估唔到既係碗水餃入面加左榨菜, 而且同水餃一齊食真係好夾, 值得一試. 個湯底反而無乜味. 同時亦叫左碗菜肉雲吞豬排擔擔面, 擔擔面既醬有驚喜, 好香, 而個面質亦適中, 唔太軟. 塊豬排算係普普通通啦, 唔係太特別, 調味亦唔係話太濃. 而且有骨. 下次會試下佢個魚腐或炸雞翼. 叫左兩客鍋貼, 上到黎果時見到好多油, 可以因為剛剛煎好, 未吸好油啦, 但係真係唔係太想放入口, 因為目測真係太油啦, 到最後要用水餃既湯底洗洗佢先可以食. 鍋貼咬落口係脆口既, 但係味道一般, 可能因為鍋貼只有鮮肉沒菜去帶出肉既鮮味 所以下一次都未必再叫. 服務果面, 鍋貼可能太受歡迎所以等左好耐. 但其他方面都唔錯既. 

一向喜歡上海餛飩，貪佢皮滑餡靚，菜和肉的分量均稱，不油膩。之前到過新蒲崗的分店 ，覺得非常美味，今日又黎灣仔店，是看看是否一樣。 叫了一碗菜肉雲吞，兩隻煎餃和一杯凍豆漿。豆漿夠凍，但略嫌太甜。兩隻煎餃皮薄餡靚，煎得相當脆，亦不太油膩。菜肉餛飩，雖然是清湯，但相當咸 ，雲吞的皮相當厚，菜肉比例非常好，口感豐富。埋單40個大洋，以一頓下午茶來說，亦不算便宜。

經過莊士敦道看見大大個招牌寫著《鍋貼大王》， 好似好吸引，本身唔肚餓，只是饞嘴，於是被《大王》兩字吸引入咗去試下。一隻鍋貼 $3.5， 一份五隻 十四元 平均每隻 $2.8， 加埋一杯豆漿 $9，埋單 $23。店舖叫《鍋貼大王》，主打鍋貼， 心想叫鍋貼應該有保證。 點知一上桌，見到個賣相超油膩，心知不妙，唯有搵杯清水沖下才敢進食。 食落感覺皮厚， 肉餡味道尚可，但有碎骨，要小心咀嚼，否則連牙都咬崩！ 故事教訓， 千祈唔好貪平！

香港人同上海人都過著忙碌生活，所以，可以讓人快快食，吃好就可以走的食肆，總有他們的忠實擁躉。所以，上海式的速食文化，也好受香港人歡迎。速食 style 的小籠包店、豆漿店、鍋貼店、生煎包店，越開越多，而且有部份更是連鎖式經營。而是日路過一吃的《君戶鍋貼大王》就是其中的一家。下午茶，要了一個牛肉生煎包配鍋貼。生煎包香口，外皮甜，而且不太油，輕輕的脆，入口就充滿了牛肉香味，肉汁亦滲進了包皮內，味道很是好。而鍋貼，很脆，是皮薄的那一種鍋貼，肉次包在皮內，有爆汁的感覺，算是不錯。跟餐配豆漿，就算唔跟餐，我都會叫一杯豆漿。豆味雖不是最濃郁，但配起生煎包同鍋貼來，非常之合襯，凍凍的，消暑去油，飲下去，很舒服。簡單鍋貼生煎包，快快吃好，繼續一天的生活。