君成酒樓 (已結業)

星期日跟返完教會，跟爸爸來這兒飲早茶。星期日早上，這兒特別多人，尤其是家庭，我們等了差不多廿分鐘才有位。 其實每次來這裡飲茶我都會叫麻蓉包，因為呢度o既麻蓉包水準甚高，熱辣辣，鬆軟的包皮裹著呈半溶狀態的麻蓉餡，內裡還有半隻漏油鹹蛋黃，麻蓉餡雖略過甜，不過連同本身冇味的包皮同吃，確是能中和甜度，真係想起都流口水。另外，是日還叫了煎腸粉和腐皮卷。她們是用豬油來煎腸粉，感覺雖肥但很香，腐皮卷好大條，餡是豬肉絲、木取絲、甘筍絲、沙葛絲…等咬落口感極佳，聯同甜酸汁同吃，滋味無窮。

o係香港，真係成幢o個o的酒樓已經買少見少，新界因為從前是劃地政策，劃到幾多就o係你o既，所以都有不少名副其實o既酒樓存在。呢間前身名冠年華o既樓，我們一家幾乎每個星期都會去一次，但自從易手後就少去o左，但其實點心師傳、阿姐、侍應大部分都係舊時o個班底，新間o既君城仲將地下改成茶餐廳，多o左好多選擇。由於廚舴都係舊時o個班老師傳，所以食物質素沒太大改變，反而多了些新派點心，如春風得意腸、白兔餃等，但我最欣賞也是傳統點心，雞球大包、麻蓉包、豬燒賣、百花釀魚肚…真係好好味，但又極多油，超肥膩。午市時候還會推出重量級煲仔飯，我們一家六口，叫一烋都夠晒。最重要係價錢實惠嘛！

中文店名:君城酒樓英文店名:Royal Palace Restaurant地址:大埔鄉事會街9號寶蓮樓電話：2656 2668菜式：廣東菜消費: 足(每人$41-$100) Please update.Thank you!

已易手為君成酒樓,聽講是區議員張學明開的.不過雖然環境好了,但食客的態度依舊同以前一樣,他們一見到點心剛放出來便一窩蜂去搶,好像怕蝕底似的.若果是第一次去,可能會不習慣.

家陣裝修緊呀, 所以冇得食好好味點心下個月重開先有得食.

點心好味道....