影片
雞湯米線 附有幾隻濃湯底，黃酒紅棗杞子湯，鮮濃雞湯，四川麻辣湯👍🏻仲有其他米線選擇雙拼加$8仲可以額外加豬油渣同炸花生$2海南雞米線（配鮮濃雞湯底）$42龍雞湯真係好正啊！首先飲咗第一啖湯 全身暖笠笠，雞湯好濃 好補身！雞肉好滑，配上米線食 米線吸晒雞湯的味道 好正，大推介！！我仲加咗豬油渣同炸花生 增添口感🥜！除咗米線，仲有其他外賣小食。人氣既～五香牛𦟌 $35五香牛腱醃到好濃好入味，牛腱並唔韌，加餸又多一個選擇啦。人氣既～鹽香雞翼$20鹹鹹香香嘅雞翼 香噴噴令人食指大動。仲有人氣學生餐推介！觀塘嘅街坊有多一個選擇啦😍😍
繼續閱讀
今日收工行過觀塘，見到君樂海南雞，門口擺咗幾隻油亮亮嘅海南雞，望落好吸引，忍唔住買咗隻無骨海南雞返屋企試吓。一打開盒，啲雞肉好滑，皮薄得嚟又唔會太肥，食落去真係好入味，雞肉嘅質感好嫩，完全唔會覺得乾或者柴。佢哋嘅醬汁都好正，有薑蓉、辣椒醬同黑豉油，三種醬汁都各有特色，薑蓉香而不辣，辣椒醬帶少少刺激，黑豉油就鹹香得嚟唔會過火，撈埋一齊食真係好夾！ 整體嚟講，呢隻無骨海南雞真係幾高質，價錢又合理，絕對係平民美食之選！下次一定要試埋佢哋嘅其他菜式，如果你哋經過觀塘，真係可以試吓😋
繼續閱讀
係觀塘搵到間勁抵食嘅外賣海南雞飯店🐔學生餐$35就有交易，價錢回到10年前🤑~~~~~~~~~~~~~~~~~我叫咗海南雞飯同口水雞+豬手飯，雞肉係無骨嘅，方便食用，而且雞肉幾嫩滑。口水醬汁唔會好辣，帶點甜，海南雞有好多姜葱。~~~~~~~~~~~~~~~~~另外大推薦佢嘅飲品桃膠紅棗杞子蜜！好多滑嘟嘟嘅桃膠，紅棗杞子蜜清甜又好飲。~~~~~~~~~~~~~~~~~
繼續閱讀
🌸無骨海南雞飯 $40🌟🌟🌟🌟🌟份量十足，無骨海南雞鮮嫩肉質有咬口，油飯夠香，還有薑蔥蓉、黑醬油、酸辣汁配搭，非常惹味。🌸芥末墨魚 $35🌟🌟🌟🌟芥末醬夠香濃，還有甜醬配搭，橙色墨魚爽脆，一盒內有墨魚鬚同墨魚肉。🌸桃膠紅棗杞子蜜 $10🌟🌟🌟🌟🌟這個是滋補的杞子養顏的飲品，桃膠煲到像啫喱一樣滑捋捋，紅棗住得夠綿但紅棗味道濃郁，每一啖都滿滿材料。🌸芒果布甸 $15🌟🌟🌟🌟🌟濃郁芒果味，布甸底有鮮甜芒果肉，味道有兒時舊式酒樓嘅味道。
繼續閱讀
今日放工去觀塘協和街街市買埋餸, 經過君樂海南雞, 呢間店專門做外賣, 見佢門口乾淨整潔, 又多人排緊隊, 啲價錢非常公道, 就買啲返屋企加餸先; 呢度除咗招牌嘅海南雞, 仲有好多特色飯類同招牌小食, 選擇好多, 仲要係街坊價錢。無骨海南雞飯 - $40我買咗無骨海南雞飯; 無骨海南雞真係好方便, 海南雞經過慢慢的烹調 , 肉質嫩滑可口, 雞皮色澤金黃, 食落皮薄爽滑, 雞肉味道濃郁, 生熟恰到好處, 而且去骨, 啖啖肉, 非常滿足; 配埋海南雞醬油, 但唔洗點醬油已經覺得好夠味呀。泰式滷豬手飯(有蛋) - $42泰式滷豬手帶有咸咸甜甜的味道, 有少少微微似豬腳薑的甜味, 又有啲似泰國滷豬手味道。佢滷得好入味, 豬手皮已經成了一層啫喱狀嘅豬皮, 都幾黏口, 係骨膠原嘅感覺, 肉質都鬆軟; 白飯裝滿一盒另上。香辣雞腎 - $25雞腎唔算辣, 但好爽脆, 而且以$25的價錢都算大盒呀!呢間外賣店都好多元化, 就連焗飯, 米線等都有得賣, 價錢都係 40幾蚊一盒飯, 真係好啱一, 二個人唔知食咩嘅時候買返屋企食呀!
繼續閱讀
您可能會有興趣的...