名點屋 (已結業)

好差的。等一人位。明明有其他位也要迫我和一些衛生不佳的人坐。附近的人不停的咳嗽，而位置好大風。環境惡劣，滿地垃圾也沒人清理。職員態度黑面無心地目黑心 。有其他空位也迫我坐不衛生的位。其他人也可以選擇他們指出喜歡的位。带位員好有問題。希望經理可以教導一下職員。不是所有客人要求也可安排。是職員私自看心情決定。

今日成家去試下呢間點心店星期日去幾乎全場爆滿 好多人排隊攞飛 店員上菜效率都好高 不過因為太忙 叫咗幾次先幫到我哋加水同埋收碟黑松露鮮蝦腸蝦腸味道偏鹹不過配上黑松露醬算係新穎酥皮叉燒包叉燒包鬆軟內皮都好脆不過酥皮灑上大量糖粉 味道偏甜流沙奶皇包做到流心嘅效果 但就做唔到流沙嘅感覺包點都鬆軟潮州蒸粉果大大見都抵食不過不失咁

一開始話想同朋友試下新野結果好失望1.垃圾服務態度2.食物質量麻麻服務係認真差到爆炸，我地坐係度等咗20分鐘都冇攞到落單張紙，我地驚佢冇幫我地落單就問服務員，兩個服務員就企距離我地四步都冇既距離，點叫都唔應，個阿姐終於回頭仲要一臉唔耐煩語氣好差咁問咩事食到差唔多我地見出面好多人等位就即刻起身買單，買單條隊好長，個阿伯係度埋單，收銀果個竟然係度講“53快d快d”見到咁我同friend已經好激氣，人地老人家慢d有錯咩，你都已經係個中年阿姐，點解對老人家會係d咁既態度，對人一d尊重都冇來到食物，我地叫咗牛肉腸粉，好似一d牛肉都冇🤷🏻‍♀️個鳳爪排骨飯冇麼特別，一堆排骨一個小鳳爪，個咖喱魷魚ok既。

中午同屋企人黎左黃大仙既名點屋食野，今次係第2次黎呢間食。叫左6樣野食，餐牌同其他茶樓差唔多，有包點、腸粉、炸野 。食物質素唔錯，蝦腸係比較喜出望外，入面脆口，幾特別。3個人6樣野賣單$200到。

黃大仙中心做左大改革,今非昔比,正當為結業既舊店感到可惜時,卻有不小新的店走進我既眼廉,而名點屋就係其中ㄧ間,去到既時候都幾晏啦,但去到就仲有野食,我地叫左個雜菜煲,粟米肉粒飯重有個煲仔飯,全部都正正常常,反而個雜菜煲竟無落 腐竹,經查問先知漏左落,他們亦好快拎入廚房,加番落去,但最令我驚喜的係,咁夜仲有點心叫,我地叫左蝦蛟,咁夜食到點心,已覺幸福,味道當然係好啦,但服務員講野好大聲,相信無覺惡意,相信我想食點心時,都會再泥☺

領展商場近年引進不少新式食店，今次有機會試 名點屋，有部分下午茶點心優惠，一碟可以平幾蚊：金瓜湯鮮竹卷($16.8)鮮蝦韮菜餃($18.8)上海煎生包($18.8)香茜叉燒腸($18.8)鳳爪排骨飯($22-正價）總體菜式屬算平均，鮮竹卷比較入味，用茶去表面層油依然好味。韮菜餃味道鮮味，而且夠熱辣辣，鮮蝦亦彈牙。煎生包未夠熱，似早已準備好，但又未到冷冰冰，屬接受水平。 原盅飯都ok，只係鳳爪得一件略為少。

平日早上十一點前，有早餐孖寶優惠，29元，另加一和茶錢，加埋35元結帳。29元的點心配撘選擇也多，所以是次一早十點左右來到，已有好多長者幫襯，不少都是單獨來的，叫一盅飯和點心。今次我只叫了點心，有馬拉糕和一籠四粒的魚包魚菰燒賣。一個人吃四粒燒賣，的確是多左啲。因為都有點咸，茶水方面香片茶有茶香，是最大的意外收穫，也覺得3元茶水費是值得的。餐廳環境尚可，因為好多單獨散客，所以都是搭枱。速食早餐來說，都是可以的啦。服務員都很忙，可能是人手不足，全場不停走來走去，起菜需時，可能真的是即叫即蒸。

食物唔鹹,唔算落好多味精。真心都算好食。食物: 食物選擇唔算多，但早茶時段，有個套餐（10幾款點心，任算2款），$29 有2款點心，份量係正價份量，所以好底食。（如5分滿分，我會比4分）服務: 個個員工都很有禮貌 評價: 都算合格 （5分滿分，我會比3分）坐位: 卡位比較細，因張枱太大評價: 5分滿分，我會比2分總括: 不防一試

呢間開咗好耐都未食過所以今次就嚟試下，難得多人可以一次過橋好多嘢食，但我哋最後都食唔曬啲飯我哋叫咗四個湯，分別係兩個淮杞田螺頭雞腳湯同埋兩個花旗參燉竹絲雞湯酥皮叉燒包，喜出望外啦，我本身唔係幾鍾意食叉燒包嘅但佢個皮好脆，入面啲餡都好香，幾好食 鳳爪排骨煲仔飯 本身諗住佢係煲仔飯會有飯焦啦但係佢係冇飯焦，但佢啲餸係好香嘅，啲飯亦都唔會好冧，係淨少少飯焦，如果有飯焦就比較好啦 海皇滑豆腐煲 豆腐係碎晒，好多料，不過都幾好味 籠仔秘醬蒸滑雞，醬係幾香，啲雞唔韌

今日八個人嚟咗呢度食係第一次嚟 叫咗好多嘢食㗎咩都係食唔曬環境都幾舒服唔係話好迫 豆豉鯪魚油麥菜，我香豆豉鯪魚味不過 好油十分油超級油 沙律蝦雲吞， 雲吞正常但因為沙律醬係凍嘅，雲吞係熱嘅，咁佢啲沙律醬擺喺上面，所以個餛飩好快就凍咗 不過其實兩者都幾夾 金粟脆炸魚塊， 有啲浸咗落汁就淋咗，有啲冇浸就仍然係脆的 籠仔臘味糯米飯， 一般。但味道都夠香，同出面嗰啲一樣都係好油， 飯比較濕同埋黏，變咗一pat pat咁不過材料都算夠嘅

食物小選擇，價格唔算平，服務態度要有改善空間，食品質素很普通！裝修靚但態度麻麻地！感覺唔好，食到一肚氣！我只叫一個臘腸煲仔飯等左起過半個鈡！人哋比我遲來都已上枱！佢話人哋啲已經煲定先，我的要另外煲！其實我叫前，應該可以先同我講，你的飯要等長小小時間！

一大班朋友行完山落黃大仙，其中一位山友推介這間吃煲仔飯及點心的餐廳吃晚餐，我們到達時間尚早，未到6點，一行8人被安排坐進一間房，侍應千叮萬囑我們8點要交枱。我們點了一個二人餐，一個四人餐，再加兩個菜，已經滿枱食物，非常熱鬧高興。兩個煲仔飯，一個臘味，一個鳳爪排骨，四個燉湯，有川芎天麻，烏雞，雞腳等，足料好味。兩個例湯是芥菜黃豆排骨，例湯味精較重。其他點心有帶子餃，燒賣，錦鹵雲吞沙律醬，不過不失。小菜有蝦仁豆腐，豆腐很滑很好味籠仔蒸雞，味道較濃，雞很入味一個牛肉，好像是辣的沒有試另加了一個豆鼓鯪魚油麥菜，鯪魚比較少再來一個沙薑雞不錯環境舒適味道不錯，滿足的一餐

上黎寫食評先發覺有人同我經歷差唔多....早早睇左就唔會幫襯啦!自從客XXX執左之後,呢頭都冇乜平靚正點心呢間開左一排,咁岩今次約長輩飲茶就去試一試首先等位時已發覺極混亂,不過我好彩等左3分鐘左右已經有位一入去印象已經唔好,餐具唔太乾淨,都洗左好一陣子野食選擇唔算太多,落左單,連張點心紙都收走埋,等左好耐都未有野黎,一催冇耐就立即黎左碟菜...野食黎左一半,終於俾返張食物單我,但係落漏左一碟,我地見都夠食,就唔追佢落返單啦燒賣唔建議叫,因為好油........比較好少少係薑汁千層糕其實野食味道真係冇咩值得講,好一般飲茶對單係常識吧! 埋完單睇返張單,剛才漏單既點心竟然有印係張單上!!!我立即拎返張食物單(即係釘喺點心紙上面那一張)同佢對,個收銀竟然話:係呀,呢張單冇,但係我地系統有喎我話:碟點心跟本冇上,你退返錢啦佢話俾信用卡冇得改,叫我外賣返屋企食................仲有補充少少,員工都好散慢,試過唔止一次將人地叫既野食放喺我乎檯上到我地出聲話冇叫過,先睇返話係上錯左我地叫幫手加水或催單之類,都唔太helpful

點心都ok、煲仔飯都還可以、 但是叫套餐菜不可以揀佢話廚房到時俾咩菜就咩菜、我話可否唔要菜心得嗎？侍應話不可以佢話廚房話事…………無耐。真的來了碟菜心、我心諗有啲人唔食菜心敢點呢！望到其他枱真的有啲生菜有啲芽菜！！！芽菜嗰枱無食到…………我諗佢哋不喜歡食芽菜。希望個套餐可以給客揀要咩菜啦？有個男人高級啲、 佢啲態度差到呢！ 執到金都唔識笑 、啲下屬見到佢敢邊度會好對啲客。

呢一日經過黃大仙中心，媽媽想飲茶又咁啱見到呢間點心舖，入咗去試試但令我非常不滿，覺得對媽媽唔住-首先入座門口有一部取票機，但攞咗飛之後完全冇人理反而有人直接行入去，就有人帶佢入座咁部機有乜用途？-其次，座位好細好逼張枱又擺水壺茶壺餐牌等等嘅嘢多幾碟嘢食嚟都唔夠位擺-第三，送餐問題座位編號其實好清楚寫咗喺枱邊但第一次個阿姐一嘢pat低碟嘢，講咗隔籬枱號就走咗仲要碟嘢的確係隔籬枱完全唔對號做嘢第二次另一個姐姐又係講住隔籬枱個號碼俾隔籬枱碟嘢我哋同佢講清楚先分得番清楚個枱號-食物方面還好，唔算難食不過四粒燒賣入面有兩粒燒賣70%係全肥豬膏-最後最差最差最差服務極差除咗某兩三個姐姐之外大部份都係西態度一碟食物pat落嚟啦同佢講嘢落單無回覆就走咗去舉手無人理收銀更加賤格有人打尖更加會幫嗰個人收錢先同佢講唔該，佢除咗講銀碼數字一句聲都無出過最後仲要就咁將要找俾我嘅錢放喺枱面呢一間極品，就算食物再好食我都唔會再去