名苑酒家 (已結業)

Today I went to have dim sum with my lovely grandma. And what is best for elderly? Of course dim sum , which every Hong konger would enjoy 😂 however we both doesn’t have a big stomach so we only order 6 difference dim sum. I think 咸水角 is the best . They are fried perfectly . Even my grandma said it’s amazing , but the 腸粉is a bit too thick and not smooth as well . Other dim sum is above average and we had an enjoyable meal tgt. Happy to have meal with my grandma.

星期日最啱一家人去飲茶，今日嚟到明苑。叫咗幾樣點心，上菜都算快，好快有得食啦。首先嚟嘅係芫荽薑蔥豬手，清新芫荽味，啱晒啲鍾意食芫荽嘅朋友。再嚟就係馬拉糕，都幾鬆軟，但係稍微凍左啲，因為掛住食豬手攤凍左個馬拉糕乳鴿都中規中矩，但係就要特登問職員先至有椒鹽，呢方面可以改善下。仲帶咗燒賣同排骨，感覺上佢嘅豬肉氣味稍微重左啲。總括來講都幾抵食，唔太貴，食物水準都OK。

公司舉辦進修課程，同事一起全天上課，午飯時間只有一個多小時，飯後必須準時回到公司，所以我們在最近的酒樓預先訂了位，下課後以九秒九速度到達，隨即點菜 。我們六位，點了四位用的套餐，另加一款點心。皇牌自選超值套餐A : 筷樂價 $488 / 四位用。 包括老火湯、指定小菜三款、自選嶺南點心三款、自選大師粉麵一款。真功夫養生靚湯~原煲老火湯材料有冬瓜、豬骨、雜豆等，鮮甜美味，火候十足! 美中不足是小碗有點破損。😅XO醬翡翠炒螺片~翠玉瓜爽甜，螺片鮮美，微辣的XO醬頗惹味!醇釀頭抽五穀雞 (半隻)~五穀雞肉質嫩滑，醬油入味卻不太鹹，醇釀頭抽特別鮮甜!紅茄鮮竹泡菜苗~蕃茄和菜心苗都很新鮮，上湯鮮甜，鮮竹嫩滑有豆香!原隻鮮蝦燒賣王~ 鮮蝦大隻又彈牙!巧手潮州蒸粉果 ~ 水準可以，但沒有驚喜。紅米銀羅腸粉 ~以紅米磨成腸粉皮做的腸粉，餡料香口美味!豉椒海斑件炒河 ~海斑入味，豉椒夠香，河粉也很滑 ，味道不錯，只是醬汁稍嫌偏多及濃。鮑魚汁炆鳳爪~ (套餐以外另加)鳳爪炆得腍滑入味，很好!附送甜品 - 紫米露~雖然時間緊迫，但因上菜有效率，大半小時過後，我們已吃了一頓豐富而美味的午餐，這套餐頗超值!我

早上10:00到等左一陣位都好快到我地坐低之後望吓張點心紙 大部份都要11:00後先後之後我哋問職員有冇其他點心紙 個職員話冇，係得呢張感我地都照寫其他11前既野食 以為得感少野食我都有舉手(舉左好耐)問其他職員 ‘係得而半頁可以叫？’佢話:點心可以點知落左單先見到 岩岩坐落格離個枱有張綠色紙最後我自己行出收銀 叫佢改反個優惠點心價 舉手舉好耐先有人黎！態度同專業都較差！食物還可以用具方面都靚同衛生仲有可以獨立坐一枱客

住喺港島嘅我，貪方便通常會去就近揾食，今日嚟到銅鑼灣飲茶，一排無嚟，平時去開嘅酒樓頂唔住貴租，相繼摺埋。正諗不如搭叮叮落北角食，朋友建議銅鑼灣廣場二期有間集團式經營嘅酒樓，早茶唔貴，於是倆就喺呢間酒樓，品嚐佢哋嘅点心呢度除早茶時間有九折，另外亦有特價点心，十一点半後就無得叫，十二点半前埋單茶錢祇收$9/位我哋見特價点心最抵食，就叫咗個孖寶，蒸飯+点心，再点個炒麵同多個点心。最先送嚟個炒麵，幾大碟，料有韮菜同红蘿蔔，炒得唔錯，唔係好鹹可能肚餓，我食咗好多跟住嚟嘅菜餃都幾好食最後，孖寶送到 埋單唔駛一百蚊，抵食總結呢度食物ok，雖然服務麻麻，最重要飲早茶價錢平，如果在銅鑼灣區揾唔到酒樓，可以考慮嚟呢度

今日去飲茶，發現廁所完全冇擦手紙、冇洗手鹼液，銅鑼灣食肆可以咁做生意！如果洗手鹼液缺貨，臨時去超級市場買樽洗手鹼液有幾難？不過我發現呢間酒樓唔係一時三刻冇洗手鹼液，因為廁所連個掛响牆上的洗手鹼液樽都拆埋，牆上留有明顯水印！作為食客去完廁所冇得洗手，我覺得難忍。唔知酒樓啲廚師、伙記係咪會帶私伙洗手鹼液返工？？？？？我去完廁所要上上邊嗰間太湖海鮮城酒樓借廁所去洗手（其實覺得超唔好意思），人哋乜嘢都有，又有廁紙、又有擦手紙、又有鹼液。唔係淨係我一個覺得有問題，我眼見都有其他食客同經理投訴，但經理目無表情，覺得咁都要投訴好莫名其妙。亦都冇話主動俾張消毒濕紙巾嗰個客！食完先去廁所先知咁，後悔莫及！中午飲茶收成$10幾蚊茶錢，咁嘅質素，咁嘅衛生水平，咁嘅服務！下次一定唔會再嚟！完全沒有競爭力的酒樓！

訂左晚上7點，叫菜色時，女侍應不斷介紹貴價菜色，我地決定要d平民菜式，果位女侍應對菜式價錢不清晰，旁邊有個好似“高級”d既女侍應來回幾次提醒價錢，有d混亂囉！同時間，女侍應仲係不斷介紹貴價菜式，聽唔到我叫左d咩菜式，最後我忍唔住叫佢唔好係咁sell野，佢仲鬥嘴話:呀姐，我介紹菜式比你之嘛，你唔要咪算囉，我唔係sell野。之後走左去。落左單都無覆單，隔左陣又走返黎覆單。未食先開火，前菜好特別囉！食緊中途，突然發現天花有d野跌落黎，抬頭一望，天花霉霉黑黑，有水滴落黎，我地通知其中一個男侍應，佢幫我地轉枱（實情係晚市7，8點時段都唔爆場，有吉枱），咁我地一家人一齊幫手拎杯碗，最後完成轉枱。有d侍應只會企係某張“貴客”的枱，先稍微有d笑容表情，上菜的姐姐每次上菜都笑晒口，好話連連，其他人都木口木臉，真係好大對比！後來我地加多左一個菜，問返該位男侍應落左單未，該位男侍應竟然無答我地就走左去。哈哈，食到尾段，我地都深深睇化左呢間酒樓既經營文化啦，一笑置之！最後埋單，發現菜式的價錢不符，此時果位好似“高級”d既女侍應又再出現，話唔知我地有無訂過菜式，否則要收此正價，我亦都再次表明我地無訂餐，但亦都唔

成班興趣班同學，呢晚嚟咗呢間位於銅鑼灣廣場二期嘅寧願就家食晚飯。餐廳一般中式酒樓裝修，感覺都幾乾淨。乳豬全體 - 皮脆肉嫩有肉汁，鹹度適中，燒得相當唔錯，可惜影相嘅時候已經俾同學夾咗幾嚿😅松茸翅裙湯 - 松茸味十分香，用料豐富。味道濃郁，唔油膩。天婦羅炸蝦 - 又係只影到畀同學夾淨幾件個樣。😅 外層麵衣夠鬆化，入口略嫌油膩咗少少，入面嘅蝦肉就普通。清蒸桂花魚 - 因為我哋人多，所以呢條桂花都超過兩斤以上，桂花魚夠新鮮，肉質彈牙，火候控制得幾好。杏仁露 - 杏仁味夠濃，口感十分幼滑，甜度適中，好食！

🇭🇰#香港捐窿捐罅記 instagram: foodkiller_dk聖誕請另一個舊補習老師飲茶 我見近排好多地方都做到點心好靚仔 好似打卡用途多過食 果日特突叫左幾樣試下🙂-🦢銀湖紫薯天鵝酥🦢（精）個頭好硬 唔食得 咬壞牙 個身反而有驚喜 好酥脆 入面既紫薯唔過甜雖然好貴 但都食得過🍞奶黃包🍞（大）變左黑包 食落口冇特別奶黃冇流沙 只係普通野 佢整黑佢就收貴d可以唔叫 冇捐失🥖蔥花炸兩腸粉🥖（大）炸兩二十年前炸好 仲要係淋 好似阿伯咁腸粉冇特別 正常 唔合格🐷精品厚切黑豚叉燒皇🐷（$118）叉燒幾淋 有好少燶邊 但太瘦 不過佢咁厚都淋 已經幾好食肥d會更好😌😌😌🦐鮮誅荀尖蝦餃🦐（特）個皮幾厚 又難咬開 就算比你咬開左入面都冇汁 幾難食其他點心都正正常常 同平時出街果d一樣我就唔特別寫🤦‍♂️🤦‍♂️🤦‍♂️🤦‍♂️總結來說 麻麻 唔洗去食-🎈銅鑼灣駱克道463-483號銅鑼灣廣場二期7樓平均傷害：$150好味值：5/10...

此酒樓職員個個都是經理，客人自行到收銀處埋單，單上需要有所更改，不足為奇，'經理'會嬚麻煩，喜歡'教導'客人，找人吵嘴，真係食完都背脊骨落!雖然它有地利，但銅鑼灣食肆林立，單是該廣場已有莫他選擇，如此待客，俾錢也受氣，奉勸大家慎選! 食品價格方面，屬一般，未有特别出色。

今日有貴人請食團年飯，訂咗幾位同事都鍾意黎既名苑。一行7人叫左個餐同一些小菜，老火湯係同事每次黎都必叫的，確實每次飲都覺得夠火喉同夠濃足料，阿姐會幫手分湯之餘仲自動送上湯渣，今日呢個魚湯都好鮮甜！除左個套餐附送一煲，仲另外叫多一煲，所以每人可以今以飲兩碗燒鵝半隻都好大碟，肥瘦適中，好味！今餐最喜歡個蜂蜜柚子明蝦球，甜甜的帶柚子味，而且蝦球大，炸皮不會太厚，encore多舊金不換珍菌深海章魚不算好出色，但隻章魚真係好大囉！奇翠珍珠鮑魚都OK的，真係有D 細細隻的鮑魚，為數不少，仲有豆干同翠肉瓜粒，幾好！薑蔥窩燒海斑件都不錯的，唔多骨，惹味！炒飯乾身，鮑汁味重！仲有個厚切叉燒皇拼海哲無影相，D叉燒都好好味！夠淋又入味！其他點心/小菜唔特別提但都OK的.黎呢度飲過幾次茶，中午都有糖水送的，幾好！每次不同款，今日是紫米露，免費的，不要要求太多！

年初二訂了枱食晚飯，當時人流不多，但接待員多番叫我哋等候仍未安排入坐，白白呆等一輪。入座後餐具仍未擺好，一大盤筷子放係枱上，等了一段時間先派筷子，又見到侍應多番用手接觸筷子前端，我們要重新清洗先安心。座位安排方面亦不妥當，枱與枱之間好狹窄，待應及傳菜不斷行過都踢到座椅，全餐飯都坐得不舒服，而上菜時待應更撞倒茶杯，茶弄濕了枱面及親友，待應竟視若無暏，無道歉亦無安排餐巾處理弄濕的枱布，服務態度極差，親友要自行用紙巾清理枱面及衣物。食物質素比幾年前差了很多，餸菜亦要多番催促先齊，無論服務及食品都令人失望。

我今天與友人到銅鑼灣廣場二期名苑酒家吃中午飯，因店內顧客不太多，所以很快便可入座了。我們今天只叫了一碟瑤柱參菇伊麵，小籠包及甜品。今天的伊麵炆得比較油膩，𥚃面有幾片切得薄一薄的海參，但不覺有瑤柱，只有少少的荳牙、芹菜和金菇，伊麵熱食則尚算可以。小籠包配上醋來吃，湯汁味道ok嘅，但餡中的肉就欠鮮味了。七彩燕麥軟糕甜品則有些特別，原來是凍食的。糕是煙韌的，加上外面的脆脆燕麥碎，口感十足。總括而言，今餐食物水準一般，碗筷茶具略有特色，待應服務則一般，結帳是$201。

坐左起度勁耐都無人拎餐牌黎，叫佢拎餐牌又問我地飲咩茶，9唔搭8，跟住勁耐先拎到個餐牌黎，侍應態度極差，唔願做野，應左都唔過黎！集團應該重新培訓所有職員！茶壺無人加水，真係街邊啲酒樓既服務都好過佢，唔知係咪銅鑼灣區唔憂做，所以一啲都唔在意客人感受，永遠不會再黎！

銅鑼灣廣場二期 7 樓分店晚市當值員工服務態度差劣，樓面個個都叫經理，阿婆是經理、阿伯是經理、連人妖一樣的又是經理，客人叫一個做事，就一個推一個，再叫第二個，就再推落第三個，最後全部只得到「等等」兩個字，那些「經理亅面上還要一臉不悅，根本當時只有另一枱客正在用餐，那麼清閒真的不知道要等什麼！本人深明現今香港請人困難，但以酒樓飲食業來說也不可能有如此低劣的服務員工出現，連街邊大排檔都不如，難怪晚市時段都水靜河飛！即使此酒家全線結業也不足為期。