名苑酒家

營業中

休息中

簡直就係一肚火長話短說腸粉有曱甴燒賣一上枱就已經係自我解體狀態然後叫左隻乳鴿遲遲未有原來去左隔離枱🙄到埋單又無啦啦計多我兩蚊外賣膠盒 好在有對單姐 咁難食我係咪仲要打包拎走呀？由頭錯到落尾 野又難食 服務又差 五個點心都要二百幾 真係未試過飲茶飲到咁激氣為左夠二百字先比到劣評咁我唯有繼續打想同個經理講佢碟野有曱甴 嗌左五分鐘先有人應 就咁收走然後話幫你取消啦咁就走左去 好似家常便飯咁 最搞笑係隔離枱冇叫乳鴿但人地放碟乳鴿落枱又食喎 你話係咪搞笑 外賣盒又亂咁加落人地張單到 呢間野真係亂黎到一個點吖😤

我們二人叫了個$788的四人套餐包括豐料靚湯，龍蝦南瓜麫，另自選兩小菜。當然，咁嘅價錢，不應有太大期望。埋單$900。但太離譜了，撰文是仍在憤怒!但我沒有出聲，因不想動氣。湯是淡而無味，明顯是生意好，加了不少水溝稀了。龍蝦是甩手甩腳，有頭有尾有殼，欠肉。兩小菜是黑醋骨，真的是炸了的黑麻麻的骨頭;牛柳粒是6粒手指頭般大小。全餐幾乎是吃伊麫撈汁。飽是飽的，況且還有一肚子的氣。以後不會再來吃晚飯。

上月在這食店，食過晚餐，抵食，今日（26/6/2021）再來飲早茶，八時多到，時間尚早及下大雨，唔駛等位。點了2份早餐孖寶，$32份，星期六 日及公眾假期加$3，以$35食2個點心，都係抵。鮮牛肉滑腸粉，內有翠玉瓜，爽口潮州蒸粉果，粉皮有咬口，餡料亦多陳皮牛肉球蠔皇叉燒包1份孖寶A，$32份，星期六 日及公眾假期加$2，$34食2個點心，都真係抵皮蛋瘦肉粥鮮蝦菜苗餃另見必食“蟹籽牛肉燒賣”$9.8，又叫埋所有點心都可以，蟹籽牛肉燒賣送錯去隔離枱，放了一段時間，等有服務員時，無講任何野，直接放在我枱，有些不滿。

提前慶祝父親節帶家人去酒樓食飯叫左2人魚翅鮑魚餐🥢同4人龍躉鮑魚套餐🥢古法扣六頭鮑魚鮑魚炆得入味、易咬口、個汁仲可以撈白飯添😋，同埋配菜花膠炆得滑同入味😋👍🏻上湯焗海蝦南瓜麵有成10隻海蝦，上湯入落蝦入和麵內，味道不錯。黑豚厚切叉燒皇名符其實厚厚一舊叉燒，咬落去肉腍有汁😋👍🏻藍莓流心糕面層同內層有藍莓醬，糕甜甜的、鬆軟。我個仔食完一個又一個。桃膠生磨杏仁茶淡甜、滑而香的杏仁味，仲有桃膠碎。整體來說，菜色味淡較健康，不感到口渴。

今日同屋企人去到樂富呢間酒樓飲茶。先講服務方面，入到嚟酒樓嘅時候，冇待應生問我哋想飲咩茶，亦冇人幫我哋擺茶位。等咗大約十分鐘都冇人理，然後我哋自己出去攞碗筷，跟住再要自己走出去搵侍應生幫我哋開茶，眼見附近嘅枱都有好多吉枱，但係冇員工執嘢，好明顯係間酒樓嘅人手不足。食物方面 ，送餐嚟嘅速度係正常嘅，但係點心嘅水準就麻麻哋。叫咗一碟油條，又係超難食 。屋企人大家一致認為，呢間酒樓我哋以後都唔會再嚟

昨日（25/5/2021）朋友生日，預訂了這食店的晚飯。做緊推廣2-3人惠顧，$1有頭抽豉油雞半隻，另有乳鴿及燒鵝可選，另加了梅菜肉崧蒸豆腐及瑤柱海味雜菜煲。三個餸都可口，雞很入味及很滑，豆腐及梅菜清清地適合夏天食，雜菜煲內有好多魷魚及蝦，三個人食，絕對夠食。飯後送的甜品都唔錯埋單$298，平均每人$100，抵食。

呢間名苑近排新竉，成日黎飲茶，附近得一間茶樓所以特別吃香，佢既炸鮮奶我食甘多間，算係幾好味，整得好唔錯，另外，鮑汁鳳爪都非常推介，好入味，其他就都係不過不失，價錢稍貴

早上叫了孖寶點心 (即以優惠價選兩個指定點心， eg A點心+B點心)， 吃了A點心後等了一個鐘，B點心還未到，於是我問伙計，伙計第一句答我就是'機鎖了'! 我不明甚麼意思，只感到問非所答! 後來明白原來伙計是說今早已沒有B點心很久…氣憤的是既然沒有B點心，為何酒樓伙計不主動告知客人，等客人可及早選擇其他點心? 結果是客人呆等了一個鐘，客人問到才知道沒有B點心! 最氣憤的是與伙計及'似是'店長理論時，他們一些歉意也沒有! 還覺得自己無錯，無問題!最後當然再沒有心情吃和坐，只好結賬。結果A點心還要以正價收費呢 (一個A點心還貴過孖寶)!

訂枱後仍要等一小時才有枱，服務態度及質素較茶餐廳不如.又容許多人於酒樓內吸㖶，投訴也不理會，有BB 切勿入內！食物質素還好，碟頭也大。價錢算是合理， 座位一般，不太擠迫。

本身都有食依間拎左張飛 中位枱 等左9個字有幾張細枱 2張大枱遲尼都入左之後個位李小姐 身為reception 唔叫飛 問另外3位介唔介意逼少少就帶左入去之後有張大枱走左都無人等都唔比我地入我唔知係咪我著黑色衫就要比佢歧視各位如果1-3位 6-16位先好去食因為佢地啲枱好死 無得彈性執比你地依啲4-5人食以後唔會再食食麥當勞都唔食佢

今日同一班fd去食名苑既圍餐🤤有大大隻乳豬，脆卜卜🤤好正個炸蝦天婦羅🍤好脆好香，不過有啲熱氣🤭另外仲有鴨掌蚊冬菇🙂好濃好香🤤不過有啲差既地方係呢個圍餐冇粉面飯，飽足感一般

去過呢間酒樓幾年，但一次差過一次。中秋叫左個$1880六人套餐，諗住食得開開心心，但啲服務員態度奇差，每次想叫佢地，都超驚俾佢地「疾」或「串」。食物味道尚可但偏鹹，有老人家、細路仔就唔係幾好。食六人中秋套餐八道菜，份量好細，好啦唔緊要，自費加半隻乳豬。終於捱到最後，等上「甜品」，等左一大輪都未出場，寫明係「七彩繽紛慶團圓」，大家都估係乜要咁耐？諗住提吓位侍應姐姐上埋甜品啦，阿姐勁唔耐煩：「你地仲要咩甜品呀？」（心諗：姐姐，我地又煩你，真係對你唔住囉！」之後佢就拎個月餅來，叫我地六個人「分嚟食啦」。嘩，八道菜變七道，真係取巧呃錢囉！掠水！我諗唔會有好多人覺得「值」。冇下次了！拜拜👋🏻。

食物不錯，但這裏的服務態度很差。我自己一人吃東西想去個洗手間，想叫位經理幫忙睇住枱上的食物，她好不耐煩的答，貴重物品唔會幫你睇㗎！之後就好無禮貌地叫其他樓面：睇主唔好收呀！然後，有份點心上錯了，我跟旁邊正在擺杯碟的經理講，但她繼續做自己的事，一語不發的望住我然後低下頭繼續工作，我再同另一位經理講來錯了，這位經理更誇張，先用眼神啤我，然後再用丟飛天通菜的手法，將黎錯嗰份點心飛去其中一咖車仔上，全程都係一句野都無講過。（超短髮，帶黑框眼鏡，包包面，不高）講咗咁耐，其實冇禮貌嘅全部都係經理。其實其他樓面態度都非常好。我不需要超好的服務，但也不想受氣。

今天去了朋友家打麻雀，晚飯時間便到樓下附近的酒樓吃個便飯，本來以為座落在屋苑商場內的酒樓不會太高質，但吃過這餐飯後令我諗法改變了。舌尖三精品首先點了一道前菜舌尖三精品，顧名思義有三款前菜，包括有麻香鴨舌、水晶餚肉和陳醋紅海蜇頭，全都可以刺激味蕾，難怪取名為舌尖三精品。首先吃我最愛的鴨舌，鹵水味可以，不會太鹹，但略嫌不夠麻辣，可以再辣一點。然後再吃海蜇頭，爽爽涼涼很醒神。最後吃餚肉，的確是很香，但脂肪比例較重，食多一點會有膩感。即燒脆皮黃金豬燒乳豬的確很受港人歡迎，燒至外脆肉香極為吸引，最緊要這隻豬皮夠薄，肉也不會太厚，才令整體口感不會變差，點一些芥末或是乳豬醬，味道更上一層樓。馬拉盞生啫豚肉芥蘭用砂煲盛上熱騰騰，香氣撲鼻，芥蘭新鮮爽脆，咬落好清甜，馬拉盞味道濃郁，炒得入味，伴有豚肉一齊炒，嫩滑香甜。黑松露醬帶子炒滑蛋炒蛋略嫌有點炒得過火，蛋汁還香甜飽满，同黑松露醬味道好夾，加上有鮮甜的帶子粒,口感層次豐富。鮑魚汁珍菌花膠豆腐豆腐煮得外脆內軟，豆腐味香甜，口感滑溜，用料豐富，有炒珍菌同軟稔入味的花膠，吸收晒鮑魚汁的精華。宮廷羅魚湯雞煲翅用料十足，用整隻雞煲成，湯的顏色呈鮮黃色，濃稠香甜，

侍应态度差，冇人情味。上星期帶妈妈到樂富名苑酒家吃下午茶，我们两人只迟到十分钟，侍应已不讓我和妈妈进入，我说是很远來而且妈妈行动便，求她多次也不讓我们进入。她说三點後要截数，再讓人入去(应該說3點後想讓生客入去)，後來有女人也帶一位年纪和我妈妈差不多大的老人家入去，那些侍应又招呼她们。(熟客迟到照开位)，非常公平。而且有一位男侍应还说謊，说她们吃的不一样(意思是说她们不是吃下午茶)是來吃晚市的，後來我帶妈妈到别的地方吃东西，但一路上都感到很失望和愤怒(因为從来未遇过如此冷漠又冇人情味的侍应)，於是我放下妈妈在楼下，我又跑回楼上名苑問門口的女侍应晚巿幾點开始，她回我6點，於是我更扯火。最後那裡的主管出來道歉说那男侍应是新來的只做了3月(但我想門口的女侍应不是新來的吧)。我之前來這裡吃过一次下午茶，這裡的食物是Ok，环境一般。价格雖然偏贵一點，但如服務一般是冇問題，我会继续邦襯，但他们的侍应這样对待客人，我是会再去的，希望樂富名苑酒家能正视客人的投訴，培訓高质数的员工，改善目前的服務态度。