名苑酒家

營業中

休息中

🏟️啟德體育園開咗之後多咗好多餐廳，身為啟德人嘅我當然都要去發掘吓有啲咩好食！有一間酒樓喺啟德園零售館2，見佢價錢抵食，裝修環境又非常唔錯，就試吓呢間先😆其實佢係名苑酒家，之前喺唔同區都有見過佢，不過就一直都未試過。♡紅燒脆皮乳鴿（買一送一） $68❥依家做緊特價優惠有乳鴿買一送一！$68有兩隻！幾乎見到每一檯都有Order😆 佢哋嘅乳鴿燒得超好，皮脆肉嫩，而且有一個甜甜地嘅醬汁同埋椒鹽提供，當我以後想食乳鴿嘅時候一定會諗起呢間酒樓🥰♡即燒脆皮燒腩 $88❥個皮燒得真係非常香脆，肥瘦分布平均，價錢好抵食，值得一試！♡香茅胡椒焗海中蝦 $128❥每一隻蝦都好大隻，而且好彈牙，胡椒嘅香味非常惹味，我個人喜好如果佢加埋粉絲底就仲正😆 一份有八隻蝦份量非常足！♡蒜蓉蒸勝瓜 $68❥唔係度度都有蒜蓉蒸勝瓜，但係每次見到我一定會Order！勝瓜好腍蒜蓉好香，好好味！✰兩個人食咗四個餸，叫埋白飯啱啱好，成餐都係三百幾蚊好抵食！仲平過我哋啟德屋村商場嘅酒樓呀😂 以後一定成日過嚟食啦😌

知道星期六飲茶人多，所以提早訂位，我們一行九人有大有細，訂了12:30，因為第一次去啟德搵唔到個停車場入口，所以怕餐廳會把預約取消，在12:30時馬上打電話過去，跟他們說5分鐘後一定會到達，接線的那位阿姐已經不耐煩說嚟到都要等，我說好了我們馬上到，12:35去到門口，告訴前台那位阿姐我訂了位及是剛剛打電話過來那位，她就說現在未有枱埋單，前面還有一枱等緊，然後我說我已經訂了位，那位阿姐根本趕客，她說全世界都訂咗位，訂咗位唔使等嘅咩，人哋前邊七位已經到咗都未嘈，就算我而家俾張枱你，你自己一個人坐咁大張枱好唔好意思，我當時以為自己聽覺出現問題，我以為自己出現幻聽，之後知道前面嗰七位根本係Walk in沒有訂位，嗰個阿姐仲理直氣壯話唔使咁勞氣，有位自然會俾你，最後等到13:20先可以入坐，仲要安排一張超細嘅枱，夾硬坐九個人，呢間餐廳請都唔會再去，就算做幾多買一送一都冇用，員工咁嘅工作態度，唔怪之得之前咁多分店都執晒，今時今日咁嘅服務態度，唔明點解可以咁樣放縱員工不禮貌對待客戶，希望管理層正視問題，就算嘢食好食，價錢又貴，員工咁嘅態度，顧客食到背脊骨落

今日係啟德行完街同朋友傾開食咩好，見呢間既燒雞通過乳鴿都好吸引，我地二話不說就去試下先😋入面好多客，每張台都超吾多有叫乳鴿，到我地想叫時已經售罄，好彩仲有我地好想食既燒雞，果然係招牌菜同咪甘出名既餐廳，d野食真係好好味，d裝修都係好新穎，運用左中西配合既裝修風格，超推薦🌟即燒脆皮燒腩新鮮出爐，皮色金黃焦脆！一口咬下「咔嚓」作響，皮脆如薄紙，脂香充滿成個口，肥瘦相間的五花腩🐷肉質軟嫩不柴，鹹香甘美，脆皮與油潤的平衡極佳🌟蟹籽蝦球粉絲煲熱氣騰騰上台，粉絲索曬d醬汁，蝦球碩大飽滿🦐好鮮甜彈牙，蟹籽「卜卜」在口中爆發，增添鮮味與口感，鑊氣十足🌟燒雞個燒雞皮又脆又香，肉嫩又多汁🐔輕輕一撕肉就掉下來，超嫩口，雞肉既香氣係口入面散開，連皮一齊食， 又嫩又脆，果然係招牌🌟酸菜魚湯底酸辣鮮香，層次豐富，魚片大大片👍滑嫩無刺，吸飽了湯汁的精華，入味又好食😋酸菜爽脆夠味，非常開胃，整體風味濃郁又平衡，讓人回味，值得推薦

同友人到啟德體育館睇波前，先在名苑酒家醫肚先，品嘗一下傳統粵菜。餐廳設計精緻，坐於落地玻璃窗前的話，更可飽覽窗外美景。首先點左買一送一的～紅燒脆皮乳鴿，炸得並不覺油膩，鴿皮薄香脆口感，調味得咸度適中，叫埋支啤酒🍻就是爽極啊。招牌荔枝柴燒鵝皇(下庄)，皮香脆脆肉嫩，帶點荔枝清雅香氣，咬落有鵝油香，肉質柔軟啖啖滋味，配酸梅醬更正。蟹籽蝦球粉絲煲，蝦球鮮彈爽口，粉絲炒得乾爽口感，微辣惹味。金銀蛋莧菜，菜鮮嫩可口，湯汁香濃，很合我哋嘅口味。

<名苑酒家> @minggardenhk 啟德體育園搵食新地標💥【名苑酒家】主打高質點心＋中菜，環境寬敞光猛，啱晒家庭聚餐or朋友打卡小聚👨‍👩‍👧‍👦📸！下午茶時段做緊八折，茶位一律$8，就算係高質原隻鮮蝦系列都好抵食🦐✨！酒樓級點心即叫即蒸，擺盤靚、餡料足，一啖咬落超滿足。推介幾款人氣點心＋甜品，全部都係精緻又夠味，打卡一流📷，食完想Encore💕#mochicouple_hk啟德搵食團⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 🍤1️⃣ 原隻鮮蝦滑腸粉($45.8)呢個腸粉真係✨滑到無朋友✨！用咗原隻鮮蝦，即叫即蒸，啖啖都食到爽口蝦肉🦐！腸粉皮薄滑透光，唔會過厚過實，淋上香甜豉油汁，好食程度直逼米芝蓮！入口滑嫩唔會斷開，中間仲有淡淡蝦甜味，好加分！😋🍠2️⃣ 芝麻芋絲脆軟夾)$35.8)一咬爆香🔥！外層炸到超脆，入面係香滑芋茸＋芝麻香🧇💜！四件一份啱晒開心share，食落完全唔油膩，仲有微微甜味～芋絲控/炸物控必試！👍 芋蓉同芝麻係完美Match，外層炸到金黃，脆得嚟又唔會搶味，啱晒下午茶嚟個甜鹹交替口感!🥟3️⃣ 鮮蝦蟹肉菜苗餃($

最近來到香港的新地標——啟德場館，發現了一家寶藏餐廳🏠.這裏的裝潢時尚雅緻，環境相當寬敞。開張到現在有超值優惠：.1️⃣ 鵝掌扣鮑魚 買一送一2️⃣ 紅燒BB乳鴿 買一送一晚市小菜：菠蘿咕嚕肉，黃金蝦球也非常好吃，而且價格合理！.真是太吸引了，已經吃過 5678次了🥰 朋友個個都讚👍中午茶市還有 88折優惠，蝦餃、燒賣、龍皇海鮮泡飯脆脆必點。食材新鮮，服務人員熱情有禮，總是面帶微笑，回頭率💯地鐵啟德站 D出口，步行至啟德場館 Mall 2。

第一次來逛啟德體育園，順道在附近吃個午餐才繼續行程。這酒樓盡頭的座位是設於落地玻旁，正面向著啟德體育園，視野廣闊，非常光猛。但是這酒樓樓底較低，如果坐滿食客的話，環境會較嘈雜。～養生紅棗包第一次吃這款包便立即愛上。淡淡紅棗味的包子賣相似糕點，吃起來包質有點煙靱，味道微甜，是我喜歡的。～順德煎鮮肉蓮藕餅煎得恰到好處，外微脆，餡料豐富。～𧐢皇流汁叉燒包外皮白滑，餡料亦充實。～蘿蔔千絲酥外脆內軟，好吃。～安蝦綠茶鹹水角賣相討人外，還有內涵。綠茶味道討人。～羅漢齋炒河清清地的炒河，有著多種蔬菜和菇類，味道也不錯。～紅燒脆皮乳鴿這酒樓正值有乳鴿買一送一優惠，我們又怎能放過呢？乳鴿$68 便有兩隻，一開四，份量也不少。乳鴿皮雖然不算脆，但亦肉厚，而且味道也不錯。眼見是每枱也會點的，因實在抵食。

🇬🇧朋友英國番左黎香港🇭🇰點都要抽時間met下佢呀😍我仲帶左佢去香港新地標食好西添🥳🐣四季椰子雞湯：湯頭非常清甜✅椰子香味特出🥥煲完湯嘅鷄件仲好滑👍飲完好暖胃呀🥳🦞波士頓龍蝦：龍蝦梗係要配伊麵底啦💯我地揀左上湯牛油🧈龍蝦新鮮彈牙✅啲伊面仲索曬啲汁👍好惹味呀❤️🐠瓦煲生焗薑蓉黃花魚：上枱嗰陣仲瓦煲仲係＂芝芝聲＂又香噴噴呀👍好大條黃花魚🐟開邊之餘上面仲鋪滿新鮮薑蓉❤️提鮮不少呢😍🥛生磨蛋白杏仁茶：杏仁茶唔止味道夠濃🔥而且仲好香好滑添👍

最近同朋友去啟德行下，去左名苑酒家食中菜。呢間餐廳相對新穎，裝修風格現代而富有設計感，同傳統嘅酒樓相比，空間寬敞，令人更加舒適自在，好啱一家大細一齊去。🔸四季椰子雞湯 湯色清澈，好香椰子味，加上雞湯好鮮甜，好滋潤🔸貴妃五殼雞雞肉肉質鮮嫩，鮮香，唔會太肥🔸香茅胡椒焗海中蝦 蝦肉鮮甜，搭配香茅和胡椒的獨特風味，讓人耳目一新。焗製的過程保留了蝦的鮮味，蝦殼香脆到連殼都可以食！🔸蒜蓉蒸娃娃菜呢道素菜簡單但風味，蒜蓉的香氣與娃娃菜的清脆口感相得益彰，讓人感受到清新嘅蔬菜味道。🔸椒鹽豆腐粒豆腐外脆內嫩，椒鹽的香氣撲鼻而來，呢道小吃不單作為開胃菜十分合適，仲可以作為配酒的小點心，食唔停口。

母親大人想去啟德體育園逛逛週邊環境，一早搜尋了有咩啱佢食，就鎖定了這間名苑酒家，真的不錯啊！🔸紅燒脆皮乳鴿（買一送一）：見到呢個優惠當然要點，而且乳鴿一啲都唔算細隻，外皮烤到金黃酥脆，肉質鮮嫩多汁，仲帶有一陣陣香甜嘅紅燒醬味，抵食又好味。🔸蜂蜜柚子脆蝦球：蝦球炸得外脆內彈，柚子清新加上蜂蜜酸甜適中，清新解膩。🔸響螺海皇燉冬瓜盅：冬瓜盅裡面有好多海鮮，鮮蝦、元貝等等，燉得好入味，湯汁濃郁，冬瓜吸收咗海鮮嘅鮮味，基本上每一枱客都有叫呢。🔸宮廷杞子貴妃糕：呢款甜品賣相不錯，杞子嘅甜味同糕身融合得好，口感綿密，甜而不膩。

一直都好鍾意食乳鴿，但係而家酒樓嘅質素好參差，而且價錢都唔平，見到有人介紹呢度嘅乳鴿買一送一，咁就一於嚟試吓啦。第一次嚟啟德體育館，估唔到呢度嘅環境好優美，而且仲有落地大玻璃，感覺好似高級酒店餐廳。本身就係為咗乳鴿先嚟，所以一坐低就叫啦。見到隔離全部都有食乳鴿，而且佢嘅份量好多，賣相都整得好精緻。乳鴿皮整得好脆，而且肉嫩滑，呢個價錢性價比真係好高，如果唔係叫咗其他餸都想再叫多一個嚟食呀。另外我哋仲叫咗脆皮燒雞，差唔多有半隻雞，而且雞皮好脆，肉質又係好嫩滑，非常推薦大家都試吓。原個冬瓜盅做緊優惠，咁就梗係試吓啦。佢嘅冬瓜盅好大，我哋四個人一人飲咗兩碗都仲有剩，而且裏面有好多材料，有瑤柱同埋蝦，呢個價錢真係一流啊。好少酒樓，有得食法式焦糖燉蛋，同埋佢嘅價錢好平平朋友就叫咗一個嚟試。估唔到咁出色，好適合作為中菜最後嘅甜品結尾。

相約好友們於啟德零售館嘅「名苑酒家」晚飯，第一次來，樓底夠晒高，從天花板吊下綠色植物，配合綠色的餐椅，感覺舒適。🔸響螺海皇燉冬瓜盅:湯料豐富，裡面有好多海鮮，瑤柱、鮮蝦、蓮子等等，燉得好入味。🔸撈起泡椒魚皮絲:魚皮處理得好爽脆，泡椒嘅酸辣味好醒胃。🔸百里香雪花牛肋排：牛肋排烤到外焦里嫩，帶有百里香嘅清香，肉質鮮嫩多汁。🔸XO醬金蝦啫啫芥蘭:芥蘭處理得好脆嫩，金蝦鮮甜，配上XO醬嘅香辣味，味道層次豐富。乳鴿更做買一送一優惠，當然要叫返一隻試吓，香脆可口，超級抵食！甜品方面也不錯，宮廷杞子貴妃糕甜而不膩。生磨蛋白杏仁茶滋補又美味，杏仁香味濃郁。法式焦糖燉蛋嘅焦糖層烤得好脆，燉蛋綿密柔滑。

酒樓樓底高，空間感好大，環境乾淨舒適👍🏻價錢親民但質素無馬虎，乳鴿同鮑魚玉掌仲做緊買一送一優惠，好抵！（記得留意可以用嘅時間）😍 服務員態度都親切，整體感覺都幾唔錯👏茗茶$8一位四季椰子雞湯 $48湯底清甜，好香椰子味！飲落好滋潤，用左好多材料煲，男朋友都話好飲👍🏻紅燒脆皮乳鴿 $68 （買一送一）🌟乳鴿皮脆肉嫩，都幾多肉。本身乳鴿唔蘇，紅燒醬汁甜鹹適中，滲入肉質好入味！兩個人食，份量多到咬到牙骹軟😂黑椒蔥爆牛柳粒 $98牛柳粒炒得入味，黑椒味偏重。肉質幾嫩唔算好韌。蔥同洋蔥嘅香氣好濃，又入味，我都食左唔少🙈蔥油蒸黃花魚 $88黃花魚新鮮，肉質細嫩，蒸得啱啱好，無腥味。蔥油簡單，但好岩餸飯，小心送上黎嘅匙羹會有啲油🙈富豪瑤柱蛋白炒飯 $88正👍🏻仲有我鐘意嘅粟米增加口感👏 飯粒粒分明，瑤柱同蛋白炒得均勻，鑊氣十足，份足夠兩個人食都好飽，價錢真係抵！可口可樂 $18法式焦糖燉蛋 $28無諗過酒樓有法式燉蛋，貪得意叫左😂 燉蛋滑溜香濃，焦糖帶點微苦，對比出面嘅燉蛋，我覺得唔算甜，不錯。宮廷杞子貴妃糕 $383大舊都幾多，一齊share哂。杞子味清香唔太甜，有啲養生feel🙊結論🫰紅燒脆皮乳

第一次幫襯，覺得新裝修環境靚，但入到去環境好嘈雜，好似去左街市咁，想聽屋企人講野都聽唔到，食物選擇算多，味道還可以，但服務員叫極都冇人回應，如果坐近放碗碟位置仲嘈。方便老人家，所以再第二次試，點知今次未入去已經有不愉快經歷，老人家先取飛，未知是否環境嘈雜關係，定叫飛系統細聲，老人家表現未叫到，我取飛上前查詢，因為服務員安排入座亂左，我未查詢已有2名客人嘈，服務員及經理服務態度惡劣，安排入座混亂，客人查詢入座情況，態度差鬧客人，叫客人聽安排，不是按飛號叫，按人數，想點安排就點安排，咁樣態度，不了！附近還有很多間食肆，冇必要再幫襯

上週六我本身訂咗枱晚上7點和家人食晚飯。餐廳當日都有打電話來確認訂位。到咗預約時間，我和屋企人去到餐廳才發現已滿座！ 而且門外有很多訂咗位但不能入座的顧客。場面極度混亂。負責安排入座的員工態度很差，一副愛理不理，唔關佢事的樣子。我本身訂咗張12人枱，一問之下發現原來佢哋沒有預留位置給預訂枱的顧客，而係見有Walk in客就一律先安排入座！ 職員亦冇辦法確定我哋要等幾耐。我們一行12人有老有嫩，十分無奈。最後唯有選擇離開。 後記： 我哋之後去咗食落2層樓同一位置的greyhound cafe 慶幸他們馬上有枱，而且食物同服務質素都令人十分滿意👍。