名廚

營業中

休息中

香港中央圖書館近天橋位有間粵菜專門店-《名廚》。這食店只做包廳客，適合私人飯局，私隱度極高，空間感好舒服，侍應招呼好週到，不時入房斟茶換碟等。沙薑豬手~呢個前菜都做得唔錯，沙薑豬手夠爽滑，輕輕鋪上薑蓉，更覺美味。龍皇藏金衣~廚師將酸菜魚嘅神髓發揮在龍蝦伊麵上，fusion菜感覺強烈，keep住龍蝦伊麵嘅香味，亦有酸菜魚水晶粉嘅味道，少少酸少少辣，當然，龍蝦件件可口啖啖肉，正！醬爆鮑魚雞煲~ 熱辣辣煲仔上，勁大隻鮑魚切粒，雞球炒得勁香口，加入蔥頭更惹味。横行抱玉~蟹蒸肉餅， 肉餅本身有馬蹄，入口軟淋也爽口，蟹肉鮮甜，呢個季節啱食。大澳蝦膏蒸豬肉筋~用蝦膏蒸豬肉確實唔錯，呢個豬肉筋有口感得嚟唔會韌， 下面放上了貌似豆卜炸過嘅腐皮麵，索滿汁配白飯更理想。雙色芥蘭煲~繼續煲仔上，熱辣辣吱吱聲響，嫩綠芥蘭，仲有炸得香脆嘅紫菜，加入少少肉鬆非常惹味。西洋菜煲豬肺~這個老火湯西洋菜香味濃郁，豬肉煲得好淋，食落好香。香墊粢飯~這個第一次食， 香脆可口，幾特別。冬蓉薏米露~呢個甜品都好少吃到，冬瓜配薏米，最啱清熱去濕，食埋甜品為這頓美食畫上完美 的句號。

好耐以前食過，覺得幾好食，2個月前再嚟時裝修緊，等佢裝修完開番，今日終於得閒嚟，菜牌上好多新餸，而且仲有套餐添，不過我都係鍾意散叫，味道依然keep到，都係咁好味，侍應仲會將當日買到的新鮮食材推介給客人，就以西芹炒蝦球為例，侍應話今日買咗新鮮又嫩的bb西芹，推介用帶子或蝦球炒，我揀咗蝦，果然西芹食落冇渣又脆，蝦亦新鮮彈牙；魚肚冬菇蒸雞係舊有菜式，新餐牌唔見，問咗侍應生話可以整到俾我，侍應生服務很到位，抵讚，下次要再去試新餸。

-名廚 🥢位於銅鑼灣既名人飯堂兼私房菜裝修後 重磅回歸!以鑊氣十足的中式家常小菜聞名的餐廳整體間隔私隱度極高 地鋪連一樓有7間VIP房最大果間什至可以容納18個人 岩晒大家族 / 朋友聚會想講當晚餐牌係全手寫 手字非常令又好有心思就連帶菜式都款款別具巧思又夠火喉呢! 當晚人均500-600蚊 而海鮮係用時價計算的！以包廂形式黎講 食到高質私房菜既質素都算CP值高! 一開始我地就飲左 西洋菜陳腎煲豬展湯 冇味精 好足料~ 🥢龍皇藏金衣酸菜魚就食得多 酸菜湯汁龍蝦伴薯粉+河粉都係第一次食選用以南澳龍蝦 先以熱鑊加薑蔥爆炒龍蝦球再贊上中國黃酒 令醬汁香氣濃郁 保留到酒香味食落啖啖肉 配搭香港人至愛既河粉 煙韌彈牙倍增成個組合都係好新鮮 幾欣賞張師傅既創意 🙌 🥢橫行抱玉 aka 膏蟹肉餅 先將本地膏蟹與豬頸肉芋頭肉用紹興酒同醬油蒸煮蒸煮過程中帶出膏蟹的鮮味 同時融入柔軟爽彈的豬頸肉最後係表面灑上薑蔥粒 令鮮甜蟹膏份外誘人 個人超中意呢道！口感偏軟身 同時非常佐飯呢~ 🥢家鄉醬爆鮑魚雞煲 ($688)雞煲係用上龍崗雞同南非鮑魚炮製而成 雞肉係配搭豆豉 / 蒜蓉 / 花雕酒醃製數小時而鮑魚用左清

朋友請食飯，揀咗位於中央圖書館隔離嘅名廚食晚飯。之前都有聽過呢間係「星」級中菜廳，好多明星都會嚟食，可能因為咁，入面私隱度都幾高，咁啱去果日地下果層無開，門口有職員叫你搭𨋢上一樓。頭盤叫咗個沙薑豬手，佢用新鮮沙薑整，食落去清新，切好一粒粒，作為前菜都唔錯。之後再叫咗個乳鴿，朋友話名廚乳鴿好出名，一早訂咗幾隻，一人半隻share食。皮脆唔在話，撕開隻鴿果陣啲肉汁流晒出嚟！雖然話鴿肉唔算話好多，但調味唔錯，唔會死咸，基本上唔洗點個鹽都夠味。叫得名物果然有唔係浪得虛名。經理話呢隻係新鮮乳鴿，即叫即燒，同埋處理/風乾/燒果陣timing好重要，所以之後想加多兩隻都加唔到，唯有下次再食過。老火湯，好似係栗子粟米湯，好有屋企feel，唔會油膩。經理話係用本地粟米去煲。主菜方面，我哋見餐廳社交平台推介鮑魚雞煲，所以就叫咗個試下。鮑魚煮得啱啱好，都算大隻，可能因為用熱鍋上，所以雞件都有啲焦香味，食得出佢無加味精，因為食完唔會狂飲水。芥蘭兩味，芥蘭葉炸到好脆、而芥蘭嘅蘭度就炒到好香，不過我最鐘意嘅係脆脆菜葉上面加咗肉鬆，估唔到幾夾。最後經理問我哋試唔試個煎粢飯，本身都飽飽地，仲食糯米都驚會過飽，點知佢話