名島麵包西餅店

營業中

休息中

名島麵包西餅店祝大家，母親節快樂，今次幫襯小店嘅栗子蛋糕，琴日落訂展示櫃嘅蛋糕都比人買咗，今日一打開好滿意，好多生果，生果款式最少七種，小店真係好有誠意，同一個栗子蛋糕喺「大x」或「美x」最少接近$500，大家真係要多多支持香港小店，佢哋依家真係捱得好辛苦！總共價錢$140個人口味總評分：10/10   地址：葵芳盛芳街17-19號京寶大廈地下A02號舖

吾知道點解由細到大都有啲情意結，好鍾意食傳統麵包店嘅蛋糕，間唔中都有啲掛住佢，會買一個六吋嘅返屋企食，細個食嗰陣時五十幾，原來依家已經要八十幾🥹蛋糕上面都係好多水果，有草莓、蘋果、菠蘿、火龍果、藍莓、哈密瓜、芒果同黃桃，再加埋真係勁林嘅海綿蛋糕，再加上勁多嘅cream，本身個人真係好鍾意食忌廉海綿蛋糕，所以覺得傳統蛋糕店嗰啲真係又好食又抵，仲有我覺得又唔係話好甜，所以真係物超所值🤣好過好多連鎖店

今時今日一兩毫唔收都明白，但一句貼咗紙話唔收唔好五毫子真係😤點解香港流通貨幣d鋪頭話唔收就可以😤唔係真係要買野！都唔會係度買！為有之後唔幫襯😔雖然平時用開8達通俾錢，但今日剛好用cash，真係😤終於明白點解啲大公司可以越做越大，咪就係有呢啲鋪頭搞到其他小店俾人感覺唔好囉！ 大家買嘢真係睇清楚先好買，唔係到俾錢果時唔收真係會嬲豬！

你的麵包好勁，唔優賣，看人來比膠袋，我有需先叫佢分袋，別人買得多，就分袋，叫我要排兩次隊，分兩次比錢，就分兩個袋，面口非常差，還要兩個職員一唱一和， 不如你賣蛋糕，都叫客人帶個盒，先有得買，笨，以後唔會再幫襯

成日去幫襯,見個四眼中年收銀阿姐,都係黑口黑面,奉旨唔會同啲客人講多謝。不過我通常都畀完錢,攞咗麵包就走,唔理佢算數。今天黃昏6時到我奶嘢,雖然只是買咗4個麵包,幫襯32大元咁多,個阿姐居然夠膽死同我講,唔鍾意唔好買,呼喝我攞返哂啲錢,話唔做我生意喎。冇辦法,唯有面懵懵,即刻擺低番啲麵包,攞返錢去隔離豆豆麵包買過囉,不過豆豆個靚女收銀,唔知幾好笑容添。香港人鍾意北上消費,唔係無緣無故的恨。喺香港畀錢買嘢,今時今日仲要受氣,你冇嘢呀。

昨天去買蛋白蛋糕，比錢時問可唔可以切第一次問無反應，第二問就態度惡劣大問，要入袋先切到架，之後就是但切2刀就算數，以後晤幫襯，有你以啲態度差既人影響香港，晤怪得咁多人北上消費啦！

星期六影家庭相，上到葵涌近貨櫃碼頭既工業大廈，而家興BB生日🎂玩蛋糕🎂，見到個攝影師攞咗個蛋糕🎂出嚟，我地睇到個盒係名島，就諗起荃灣間名島都係平靚正（荃灣名島第一☝️篇係我寫），攝影師都話同葵芳名島合作多年，都係平靚正，小朋友蛋糕🎂齋忌廉冇生果🍎🍊，擺好位後就影相📸️預咗個囡搗亂，佢真係大手擸入去，搞到周圍都係，攝影師就捕捉鏡頭，玩到3/8個蛋糕🎂冇咗就影完。可以拎返個蛋糕🎂返去食移返位影相📸️，唔覺冇咗3/8。食家人吹多次蠟燭🕯️就分咗嚟食，我細囡對蛋敏感冇俾佢食，其他人有得食。蛋糕🎂鬆軟唔錯，忌廉滑不過可能🤔忌廉tailor made俾小朋友所以較到唔甜

💛💚🧡$3.5酥皮蛋撻🥧口感介乎酥皮與曲奇每次經過餅店，Hatty都會留意吓有冇蛋撻食🤣見到佢有酥皮蛋撻，梗係要食返個😝初時以為係寫$5.5，買嘅時候先知道原來係$3.5😳💛酥皮蛋撻💛 $3.5以酥皮蛋撻嘅價錢來講，$3.5真係好平😚拎上手係暖暖哋，相信岀爐咗一段時間🥧酥皮嘅部份冇想像中酥脆，可能放得太耐😣令酥皮層次唔明顯，底部有少少曲奇撻感覺🤏🏻蛋液偏少，甜度適中 口感實在但欠缺滑嫩感🥚依間麵包西餅店有幾間分間，集中於荃灣葵涌區😆經過可以一試，始終$3.5可以解下蛋撻癮都真係唔錯😛 BTW記得save post，方便到時候跟住嗌啦❣️📍名島麵包西餅店📍葵涌盛芳街17-19號京寶大廈地下A02舖

今早落車經過這裡，買一個餐肉飽當早餐。午餐肉味道怪怪的，是我不喜歡的南乳味道。我覺得很難吃，但麵包是正常的，味道可以，只是自己個人的感覺。或許下次試另一款，可能另有一番風味。

剛巧落車行過，見到這間麵包店，於是就入去買了個麵包當早餐。早幾天在其他地方吃過蒜蓉包，有點掛住佢，所以看到就買了兩個。蒜蓉包樣子也很好，蒜蓉味道都可以，入口都香，算不錯。價錢非常平，只是三蚊。如果下次再經過，一試無訪。

我好有禮貌咁問個女職員，短頭髮，紅金色頭髮，年齡大約40-50歲，請問蛋撻大概幾時出，問完佢勁差勁冇禮貌黑曬面話唔知喎，佢冇諗住會走去入面問下囉。我再問多個女職員，佢又係話唔知喎，極嬲呀!點解呢間店既服務態度會咁差呢？我以後都唔會黎買野，我會叫晒所有朋友家人都唔會黎買野，將你呢間既服務態度話比全世界知！facebook公開你呢間服務態度差既醜事，真係唔好去呢間野，免得自己嘔血後果。

今早好想食蒜蓉包，曾經見過這間麵包店有得賣，所以就進去買了個試試。蒜蓉包是新鮮出爐的，見到放麵包的位置還有熱烘烘的煙，味道非常香。回到公司麵包還是暖的，咬落去是軟綿綿，配上牛油及蒜蓉，好香，但我還是覺得蒜蓉多一點會更好。這間麵包店是屬於傳統的麵包店，所以真的非常抵食，下次會再來的。

葵芳分店女收銀（短頭髮啊姐）對客既服務態度差到極 。今日 大約6點去買麵包既時候 ，依個年約40-50多 既金色短髮女店員對客既態度呼喝 eg : 喂 、咩啊而且將d 麵包同找錢扔俾客人 。前面個伯伯買完野 行慢少少就用帶有怪責既語氣叫伯伯行快d 唔好阻住 。我第一次「見識」到咁既服務態度 對客人好似有仇咁 。咁大間鋪頭請d咁既伙記 ，我以後一定唔會再黎買野 ，屋企人同身邊既朋友都唔會幫襯。一間好既鋪頭 好既商家 最重要既除左食物品質之外 店員既服務態度就最重要 。客人消費完 反而要令個客咁嬲 ，雖然好難做到每一個客人都滿意 但都唔應該咁對待客人 。