同濼堂 (已結業)

今日一嘗傳統的藥制龜苓膏，雖然天氣炎熱，仍不選凍食。食落第一口，苦味十足，但苦得來，當中有講不到的藥材味，而舌頭沒有因苦味而令味蕾有所改變，苦味過後， 換來的是甘香。

途經 皇后大道中, 突然口淡淡 .... 見對面馬路有間涼茶舖 " 同濼堂 " 於是便過馬路去飲杯涼茶 五花茶 $9 功能 清熱祛濕, 生津止渴, 喝起來清甜幽香又帶一點點的甘味, 溫度微暖, 甜度輕微, 舒服潤喉 ~本篇完 ~

火麻仁（大）　$20見到有潤腸健腎的功效火麻仁，當然要整番支先啦！最中意火麻仁既一點就是其濃郁不膩的芝麻味一般先炒香火麻仁及白芝麻，加水攪拌至滑身流質再隔渣，加糖提升甜香因此飲落除左富有芝麻香，還帶淡淡炒過的香氣炒過後當然帶油，但未有平常芝麻糊的膩度，火麻仁還比較清新但切記要有限度，唔好見好味就瘋狂飲，畢竟算是藥，有機會有副作用紅棗黨參水（小）　$15紅棗自身補血作用其實不大，但配上黨參，補氣血的功效得以提升只是……聽過苦口良藥吧？加入黨參後入口確有一陣微苦藥材香，味道不太親切忍得住，其實數秒之內會被黨參自身的甘味及紅棗附帶的清甜蓋過苦，僅是那一剎。

之前都同同事黎過飲涼茶，試過有一次, 我叫左碗雞骨草飲,  講明要唔太熱, 暖暖地就可以...(題外話: 如果要飲凍既涼茶, 就一定要你叫支裝, 而且價錢會貴D.........所以我都唔會叫凍黎飲......) 有個員工(50幾歲既阿姐)0係雪櫃加左D凍既雞骨草落碗, 當我飲左一啖時, 發覺超級難飲, 仲有D怪味!(好似擺得太耐變左咁既味......)為免會肚痛, 我當然第一時間出聲啦!...想要求佢換另一碗俾我....但佢即刻話我亂講...問我點會變左味?....(態度非常強硬...) 完全覺得無可能既事...好似我吹水屈佢咁......完全唔想換過一碗俾我....>.< 我真係非常嬲....最後佢個老闆非常親切, 肯換五花茶俾我, 我先無咁嬲.....奉勸各位都唔好飲佢既雞骨草好D!!!....其實, 佢呢間D涼荼都幾好飲...例如: 野葛菜、廿四味等, 飲落去都好足料~! 但唯獨是雞骨草就真係好令人失望........今日LUNCH時間, 我去左飲五花茶~今次我諗住企0係門口飲完就即刻番上公司...我叫完我碗五花茶, 佢就勁細聲同我講野...但我完全聽唔到佢講乜

去上環坤記食煲仔飯,路經同濼堂 , 原本只系路過想飲杯涼茶 , 由於唔知撿邊樣好.於是就開口問正在忙碌的老闆.通常.係呢的情況下..老闆一定都會黑口黑面咁求其答返,但係同濼堂呢位就大出我意外,唔單只無黑面,仲好認真的詢問我係解渴仰或降火.....的個係我第一個意外驚喜.由於老闆的態度好好,於是我抱著估且一式的心態同佢買左碗龜苓膏返去食.今日打開黎食,入口意外發現...內料中草藥味濃郁,且連包糖漿都好有香味 , 真係又令我大大意外.比起時下連鎖大廣告谷讚的龜苓膏,同濼堂 的認真,實在讓我驚喜又尊敬 !好食 ! 讚 !

一月中旬周五炭爐煲仔宴，未談是夜小炒，餐前食友Iris與Fraz分別拿出一系列小吃助興，最驚喜當然是食友記得偶不嗜酒，也會專程買來無酒精果酒，自己就不用每次皆以茶代酒，是夜是開胃的同樂堂酸梅湯，上環老字號涼茶店出品，既開胃亦消膩，不如坊般總是喝到有苦味，天然的梅子酸著實討好，是餐後消炭氣的佳品，感激感激！

路過上環, 黎呢度飲左碗龜苓茶茶味好甘, 飲得出用足料, 但又不會太難入口 地方清潔, 價錢也合理

經開這裡，見主打不是龜苓糕，不是廿四味，是特效感冒茶，見近排熱感傳裡，加上多日抽不到時間睇醫生，就坐下順便喝杯。18大洋一碗都算幾貴，附送嘉應子送口但都沒有品嘗；效感冒不太苦而味甘涼，喝後半小時開始已經見效，通鼻塞、止鼻水、頭痛減小，而在回程車上睡了半小時醒來整個人精神晒，而藥效可Keep到整天，有功效；可惜不是住附近，否則多喝兩日這點感冒絕對能解決。再回頭看，有功效的情況下18大洋亦算超值。題外話一：其實多次在感冒初期都有幫襯涼茶舖的感冒茶，但都沒有碰過這樣見效的；題外話二：不是每個人跟筆者體質及病情一樣，固沒有保證；題外話三：其實這不算食評，但亦可當作介紹食肆食材功能的題目。