吉野家

營業中

休息中

天氣凍凍地，就去就近嘅吉野家打邊爐。嗌咗兩個芝士竹輪鍋配牛肉+1個燒鯖魚。燒鯖魚味道鮮甜肉質嫩滑，感覺似係野生嘅鯖魚。用積分換嘅就抵食，如果要加錢食就不了。邊爐方面，我哋揀咗濃湯做湯底，濃湯唔會太鹹，反而係比較甜，日式邊爐果然濃湯先係王道，完全唔使再點豉油都好夠味。呢個邊爐有三條蟹棒三個芝士竹輪，金菇，冬菇，南瓜同埋粟米。不過粟米唔夠新鮮，唔甜唔好食，好老。烏冬轉咗供應商之後冇咁酸，不過就比較有筋道，煮好耐都唔淋。

香港人好繁忙，多數早餐都係快快了事茶餐廳，麥當當，大家樂，大快活...都係快又方便的選擇吉野家打邊爐同牛肉飯我就食得多。今次試下佢d breakfast。選擇都好多，而且都抵食我個set $23有交易基本多士熱飲一定有，加多個麵同雞蛋另外可以加錢topic加餐肉，腸仔都不錯啊下次可以再試埋其他套餐（由於忘記了影menu，所以不能介紹了）環境望落去都係以年輕人為主係收銀機買完，等餐時間都不太耐。快速早餐又一選擇

唔經唔覺2018年已經過左一半有多啦！踏入7月份就係班天真爛漫精力充沛既小魔怪暑假大日子，小女子十分好彩，可以體會到呢份喜悅，但唔係因為我有份放暑假，而係我可以賣甩個小朋友，將佢安置係我親愛的外婆家中......等我可以尊心返工今日係我自由的第一天，當然要好好享受一個美味早餐。但由於太過自由既關係瞓晏左少少，所以都係食左個簡單又快捷既早餐。今早選擇左吉野家開始我個Good morning.我喜歡吉野家既牛肉烏冬，配上一杯即磨咖啡真係一絕。牛肉烏冬：甜甜既牛肉汁淋上熱辣辣既烏冬，加上有軟綿綿牛肉同洋蔥，配上冬系先有既獅子狗同卷卷魚蛋真係不得了呀！咖啡就唔多介紹，大家口味都有唔同，但無個啲燶燶味就已經好岩我口味。今早每一啖都係自由既，所以我真係好滿足

👫雖然宜家天氣好熱🔥，但見吉野家出咗新鍋，就即刻同friend去試下啦👾 📢想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 不定時更新食評⭐️一一一一一一一一一一一一一一#雪見鍋 <$69>▫️跟飯🍚▫️跟汽水🥤▫️加泡菜 <$5>.自選湯底🍲🔻清湯🔻濃湯我地揀咗濃湯，呢個鍋嘅配料有生菜、粟米、金針菇、蟹柳、豚肉等，同埋主打蘿蔔蓉，令鍋嘅味道好清甜😋 湯底煮滾之後，蘿蔔蓉會慢慢散開，令蘿蔔嘅清香更突出🤯 雖然呢個鍋比平時嘅芝士竹崙鍋貴啲，但除咗附送豚肉外，仲可以跟一款肉類🧐 感覺上抵食咗👍🏻 豚肉係歐洲貨，約有80g，比較薄身，好易煮熟🐽 食落韌韌地，幾有口感，唔會太油💁🏻‍♀️ 雪見鍋限定醬汁係蘿蔔柚子醋，酸酸甜甜，特別開胃，仲可以減輕肉膩感添🤤 除咗飯之外，仲可以揀韓式粉絲、出前一丁或烏冬✅一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️供應期由3月22日至6月下旬▪️除九龍塘店、紅磡置富都會店、香港站店及油麻地中港匯店，全線分店均

美好的星期五晚上，收工之後去咗食吉野家雪見鍋 🍲雪見鍋應該都算係吉野家新推出冇耐嘅😆呢個鍋嘅特點係本身有豚肉同蘿蔔蓉，然後額外仲跟牛肉或雞肉，所以肉量比平時其他鍋多。呢個雪見鍋除左有芝麻醬，仲有蘿蔔柚子醋，微微酸咁，用豚肉點嚟食都唔錯😌不過呢，呢個鍋本身係冇芝士竹輪㗎！你喺我呢個鍋見到嗰粒呢，其實我係拎同行朋友嘅😛咁計番都要70蚊一個鍋，如果細食嘅女仔可以兩個人share一鍋。或者叫一個鍋，然後額外加錢加料，咁會抵食啲😌

最近天耀新開了一間吉野家分店，今晚既晚餐就決定試下呢間分店既質數啦。一提起牛肉飯既話，好多人係腦裡面應該會第一時間諗起－－吉野家，吉野家係牛肉飯專門店，牛肉飯當然係佢既主打。我係睇餐牌決定食咩既時候，比我看到１個新出既系列（？），三重芝士系列。見到幅圖好似好吸引，有３種芝士（莫扎里拉芝士，車打芝士，巴馬芝士），今晚就一於試佢啦。我見到可以揀豚肉／牛肉／煎雞／牛肉煎雞雙併，今次我就揀左食豚肉，因為平時都係揀食牛肉，而且豚肉價錢比較平（＄４２）＊外賣再＋＄１。呢間分店有個半開放式既廚房，所以可以見到部份既製作過程。係等待既期間，我見到好多堂食既人都打邊爐，所以店入面都有陣好香既湯底味。一轉眼，終於比我見到廚房整我個飯。我見到個員工係豚肉上淋滿大量既芝士汁，之後就鋪上芝士粒，最後就灑上芝士粉。芝士好似唔洗錢咁，超級多。一打開個盒就見到，濃濃既芝士同埋滿滿既豚肉，已經流哂口水。豚肉既底下有肉汁，送飯一流，豚肉亦煮得非常入味。極力推介大家要試下，特別係芝士愛好者，一定唔會失望。