吉野家 (已搬遷) 新店位置

起碼都有一年無食過吉野家牛肉飯啦記得N年前係跟餐有隻生雞蛋俾你搾飯的...尋晚叫左兩個餐特盛牛肉飯$30, 唔覺得係多左牛肉(有可能多左5%, 所以唔多覺啦)另一個蔬菜牛肉飯配煎三文魚三文魚應該係煎定的, 所以來到只係微暖, 不夠熱佢地既牛肉飯確實係幾掂但可能我八點半去幫襯既關係牛肉乾左少少, 唔夠肉汁希望下次去食午餐, 水準會更加好

昨天看飲食男女內的蘇絲黃個專欄,大讚吉野家的煎雞飯又平又好食,所以今日叫個牛肉煎雞雙拚飯來試.一直以來,每次來吉野家都只會叫牛肉飯,每次見到那個極漂亮的飯碗,盛滿著滿滿的牛肉,D珍珠飯又香又軟,都已經感到很幸福,加上真係很好味,每次都會全部食晒,無得剩!而今次個雙拚飯賣相都好得,看見都已很開心,先嚐D煎雞....真係有D失望,D雞個皮唔脆(蘇絲黃話脆的),無雞味都算,個汁真係好唔得,好"杰",味道怪怪的,雖然都知係雪雞,但真係同蘇絲黃講好唔同,不過牛肉飯同D野菜就真係好好味,下次都係食返大牛肉飯.

“衰仔怏d食啦!我趕住返工架….”坐在對面的這個少婦,雖只有廿多歲,但已是兩子之母,已經係下午的兩點多,但仍要忙著上班前照顧兩位小孩進食,小弟雖未曾為人父,但亦感受到要獨力照顧兩個小孩之苦, 點左一客日式煎雞飯,熱騰騰的日本軟飯上,鋪滿煎得香脆的雞件,翠綠唧西蘭花與奶白的椰菜花中間還點綴左紅粉菲菲唧蘿蔔,單看賣相,已令人垂涎三尺,再大口慢嚐下,只覺其雞肉鮮甜,配菜新鮮. 短短2分多鐘已可弄出如此佳餚,雖是大集團經營的速食,但觀其出品,毫無半點媽呼,廚師的高質素與店舖的誠意實在可嘉． 少婦一家,來去匆匆,感受到其生活實在忙碌,對面前美食相信亦無閒暇欣賞,除可輕嘆一句生活迫人外,亦只有再嘆多一句生活迫人.

本人食過數間吉野家可以話元朗都幾好味食過咁多間灣仔個間等得係最耐的~可能人手唔係好夠啦~元朗出餐真係好快~~~有時可以話唔使等~最多都係一分鐘~~~d牛肉好好味~~~可以唔使問佢拿汁份量~剛好~其他吉野家~有時多有時小咁~~唔係好穩定咁不過吉野家~都幾好食間間都ok~的~~但係元朗比較好P.S:食過元朗,kwan hang,灣仔,沙田,屯門~