吉野家 (又一城)

營業中

休息中

今次叫細牛肉飯餐($25),飲麵豉湯,但當取飯時,由於我不太喜歡食泡菜,所以話唔要,阿姐就即刻話幫我換啫喱喎,真係好人啦!講返牛肉飯,牛肉好似少咗啲,洋葱就鬼咁多,麵鼓湯ok!

一路以0黎0係吉野家食都係佢d牛肉飯, 今日試下"新"0野~~唔油膩清清地的感覺不錯~ ^^ 加多幾片薑更好食~麵豉湯好鹹...>.<

1.細煎雞飯$15 ~ 可能太耐沒食過吉野家了,所以覺得今次的雞不算煑得乾爭爭..2.海苔珍菌米粉$15 ~ 米粉較中國夏門米粉幼,珍菌另上,份量適中.

今日食咗個特盛牛肉飯,其實我唔係好明特盛係咩意思,係碗飯大碗啲,還是牛肉會靚啲???牛肉無之前食嗰啲咁多筋,牛肉汁亦有很多,味道不錯.

跟babe來個quick supper，我選了吉野家，babe選了noodle place蟹籽三文魚飯(大)($28) - 這次想試新野，三文魚碎+蟹籽舖滿飯面，有少許wasabi味，味道的確單調了點，而且熟三文魚實在不及生的好吃，下次還是吃原有的煎雞飯或牛肉飯吧

我就選咗味千,bb就選咗吉野家,吉野家一向比我感覺係水準平穩,去邊度食,個味都係一樣,但今次差少少,bb叫咗:大牛肉飯餐, 大牛肉飯+麵豉湯, ($29,飯味道ok,但今次個汁出奇地淡,倒晒落飯都無味,個麵豉湯就勁咸,飲一啖都想吐番出嚟)總括嚟講,都食得過,可能今次一時失手,會再食!

睇完戲後理想醫肚地, 成個foodcourt全部店鋪幫襯過, 佢係服務及禮貌方便明顯較好, 排隊人唔多, 顯示流程順暢. 買得都開心.招牌牛肉飯比其他分店靚, 無一種'耐'感覺. 水晶飯口感軟硬適中. 可以可以.另外有個貼士, foodcourt揀位千祈唔好坐近垃圾桶方圓十米附近, 有次初時還以為邊個人除鞋, 惡臭難擋. 但第二次再坐近垃圾桶位時又有同一種臭味, 為此食場敗筆.

30/7(日) 8pm昨晚食完一頓令人難以忘懷的fine dining,今晚要收歛點來個便宜快餐.與男友逛畢又一城後隨便吃點東西果腹.因自己不太餓,男友提議光顧吉野家.反正不餓,沒所謂!自己要了海苔什菌泡飯跟味噌湯$22,男友則點了雞牛雙拼野菜飯跟可樂$33.海苔什菌泡飯--份量算足,什菌及泡飯亦不少,湯底頗香菇味,略嫌油膩了點!雞牛雙拼野菜飯--自己只吃了其野菜,西蘭花,椰菜花及紅蘿蔔,味道極之"飛機餐"不太討好!男友則認為煎雞及牛肉均保持水準!味噌湯--食味不過不失!個人認為此連鎖店之食品算是較健康的一家.

2006/06/18 13:30大約一年前黎過, 果時仲未有吉野家, 唔知幾時成為呢個foodcourt o既新成員......星期日的午飯時段還不算太多人, 大部份都係一家大細, 一行三人行兩轉已經找到座位.叫了一個大的雞肉飯套餐, 落單後五分鐘後便製成, 賣相是不錯的, 除了雞肉外還有少量雜蔬. 味道方面燒汁不過不失, 但不夠熱, 可惜雞肉相當鞋而且還附有少少雪味, 唔夠熱亦係致命傷, 認真唔掂, 要檢討檢討.....承惠$25大洋PS. 值得一讚是酸薑片已改為獨立包裝, 比以前衛生, 而且份量不少.

去開又一城，見係食飯時間，順道上Food Court揾食，見吉野家好久沒有幫襯過，今趟決定支持她一下！牛肉飯以前食過---太肥膩！今次吃她那個三文魚蟹子飯，因為要買多幾樣比伙計食，所以要打包...點知，個哥哥仔話："為咗要保持食物質素，所以三文魚蟹子飯不設外賣！"咁正？！又啱嘅！因為三文魚一熟晒就會"鞋"，如果做外賣焗到返去都熟晒。咁我情願犧牲吓啲伙計都硬要一試(啲伙計真係可憐！)，點知，滿懷渴望咁去食個飯...唉！啲三文魚一樣係咁"鞋"...(洪老板，記得補償吓我...同啲伙計)

好耐無食吉野家, 經過西九龍中心原來開左間,心郁郁去試見到menu,就想食牛肉飯同埋鹽燒三文魚,咁多然叫左個:8號餐:野菜牛肉飯(細)+泡菜+鹽燒三文魚+野飲,盛惠$40我覺得都幾貴吓,算喇,好耐無食過,個鹽燒三文魚完全唔得,又唔熱,又唔覺佢燒過,又無魚味,同幾咸吓牛肉飯幾好味咯,而家仲有d紅椒片可以加落d牛肉飯度,落左仲好食食完出黎大門口先見到原來咁叫仲抵:1號餐:牛肉飯(大)+野飲,$25盬燒三文魚,$15咁樣都係$40,但係碗飯大d,反正d泡菜都係得幾條,今次笨左,下次都係單叫1號仔算,個三文魚唔掂個肥婆經理又黑口黑面,日資餐廳都算服務唔掂

叫了一個$15的雞扒出前一丁餐原來雞及麵是分開上的,而且又附上麻油,實在不錯但雞扒的汁跟出前一丁很不襯,混起來的味道怪怪的其實一個$15的餐,還想要求甚麼呢?不過又真是能飽肚的^^