吉野家 (大昌大廈)

營業中

休息中

本人今早到中環這間吉野家買早餐, 個counter個女仔不斷掛住傾閑計, 我一早已經企左係佢面前都無理我, 到佢停口我問佢 "到我order得未呢?" 嘩, 佢態度差到爆, 又晦氣, 咁佢掛住傾計唔take order, 講到邊都係佢唔岩架啦, 仲發我爛渣, 乜野服務態度呀? 跟住lunch又去這間吉野家買lunch, (((大家請注意, 我唔係特別仲意食吉野家, 只係這間店唔駛等咁耐, 又無乜人排隊咋 ))) 我真係勁討厭吉野家這間食店, 個個餐都係要人比多5毫子, 又只收現金, 唔收八達通, 買佢一個餐成堆散字找回來, 好討厭呢, 一係佢就收少5毫子, 一係佢收加價加多5毫子啦, 仲有呀, 真係唔明, 咁大間食店, 咁多分店, 都唔裝八達通付款設置, 真係out都爆, 唔怪得佢d食物款式都係out到爆

依家下午茶 + 2 蚊有綠茶 或者 汽水一杯 + 6蚊重有野菜真係好平 又飽 味道都係個隻味 今日叫左個細牛肉飯 叫左個牛汁野菜好淋唔知係咪放左好耐 所以食左幾粒就無食啦記著要同佢攞酸薑 << 配埋幾好食呢個下午茶 係5點零食 搞到夜晚成10點先想食野下次唔好咁晏食lu因為好耐無食過~ 今日食完先知 原來依家重有烏東, 火鍋, 鐵板餐個d揀搵日再試下其他火鍋都係4x – 60蚊有個 都好抵!!

面對市場競爭激烈，連鎖快餐店不時也要推出新產品，看看市場的反應，連專賣牛肉飯為主的吉野家，近日也有所行動，三線時段也推出新食品迎戰，週五晚試了它們的牛燒肉定食，總結下是創意可嘉，卻是甚有改進的空間。其牛肉火鍋於我來說，評價是正面的，所以才有信心去品嚐這燒牛肉定食，約五十元的價目之下，有生牛肉和時蔬各一份，另有醬汁、泡菜、生雞蛋、珍珠飯和綠茶等，還花了數塊錢加了一小兜芝士，整體來說，作為快餐來說是有點偏貴的。進食前對生料作出品評，吃了那麼多年，對「吉記」的機刨牛肉，也持有一定的信心，雖不是最上等的品種及部位，但選料準繩，其半肥瘦的牛片，鬆化嫩口總算兼而有之，不輕不重的肉味，價格和品質永遠走在平衡；看今次的生牛肉略為偏肥，但用來作板燒卻是合乎情理，其餘時蔬等也沒大問題。可惜這定食出現一些「破綻」，最大的垢病，凡作煎炒烤煮的煮食，其金屬造的「載具」，例必要燒紅至一定的熱度，打後才放入生料，才可令烤煮的東西達至香口的效果；可惜眼前所見，生鐵鍋內已預先放置生肉時蔬，卻是同一時間放入酒精爐內同步加熱，試問這樣的方式，焉能弄出好吃的烤肉?! 結果在「同步」的情況之下，這烤牛肉不但沒預期般的香口，反現

一星期兩次不快經歷,唔寫唔得首先第一次我夾好晒買$80,咁應該有4個印花跟住個收銀同我講$23先有1個我就話唔係嘛,$23第1個,之後$40第2個,如此類推,除非突然改o左o者之後後面有第2個女人話唔係,$23第1個,$43第2個,如此類推...結果要麻煩哥哥幫手教教佢兩條女真係唔明點可能自己員工都唔明公司推廣竟然要個客教返轉頭???跟住到今晚...想儲印花,咁買一份堂食一份外賣,咁外賣果份我問可唔可以遲D比我個女收銀話可以,咁我落ORDER啦首先我講到明要泡菜燒牛肉套餐,結帳時竟然無落單算,呢個小事,當妳聽唔到~之後我補返話要,咁收我錢但係無比單跟住我發現佢找少錢,我問返佢佢都好順攤比返我跟住D大問題先o黎料...我講明要堂食,等陣先o黎外賣,佢竟然一次過比我我已經黑面！咁外賣咪凍晒囉？咁佢都無o野拿返轉頭之後我拿堂食埋位,點解無泡菜o既?阿姐問我有無單?單都無張,如果佢唔肯比返我我都唔知點算...其實所有o野都係同一個收銀發夢所致我唔係想令人失去工作但如果唔正事呢個問題都唔駛旨意會再幫襯！不過公平一點,有彈亦有讚先讚一讚藍色衫o既哥哥仔,兩次都幫我解決問題再讚收拾桌面o既阿姐,我周

七月二日 (星期五)上班前,相約了老公仔去吃個早餐,醒醒神老公仔提議到吉野家,因為新出了炒蛋早餐其實,見到menu都已經覺得有點貴了!$19是雞扒和炒蛋和腸仔快餐店$20會多一個通粉吧不過一場來到,就算一試老公仔叫了個炒蛋套餐而我則點了牛肉烏冬餐炒蛋+腸仔+雞扒炒蛋真是沒特別,腸仔都是最普通的那種,唯雞扒可以$19定價貴,如果包個小烏冬都可以牛肉烏冬,烏冬味道不錯,因為彈牙牛肉份量不多下次再到吉野家都是吃回牛肉飯吧...

四月十四日 (星期三)上次到來是應某週刊的要求來作實地訪問的相隔良久,今次來是為了試其新出的玉子雞肉丼定食簡單的材料,出色的成果玉子很香滑,雞肉很鮮嫩再加上日本米,合成一個很簡單而出色的配搭加$8可追加金菇牛肉卷小食牛肉很煙韌,配上爽脆的金菇是一個很享受的晚餐呢!

蕃茄濃湯牛肉烏冬 幾鍾意食吉野家烏冬, 滑溜溜又彈牙 上次試過粟米濃湯, 今次新推出蕃茄濃湯, 比粟米湯好味! 蕃茄湯都是較稠的, 味道不太濃, 少少酸酸甜甜, 味道跟烏冬及肥牛好夾

上回吃的是吉野家的牛肉飯，其盛著餐盤的宣傳紙上，有關於其牛肉火窩的介紹，還推介一些食法；通常有點錢就會身痕，正值新年期間遇上極為寒冷的天氣，要吃點暖身的東西，幾封利是錢，換來一餐牛肉涮窩餐。正價時段的火窩餐，分別有四十三元的配上白飯，和四十六元的配上烏冬，說真的單以這一個餐的份量，實在吃不夠飽，因此點了烏冬餐之餘，也花錢加了白飯、一隻生雞蛋、一個豆腐皮福袋，更花了十九元來多一份牛肉，價錢可要近八十元了。當酒精爐來滾燙著湯底時，我也檢查一下各樣食物，每份牛肉約有六至七大片，預了不是甚麼頂級和牛，用機刨的雪藏貨，片得甚薄，色澤不鮮艷而略有肥膏。另有麻醬兩兜和白飯一小碗，其烏冬已是預先煮好的，生雞蛋最後才用，再打開窩蓋，清湯內載著各式時蔬，見窩內本身已有福袋一個，早知如此，那就將加福袋的錢換成泡菜好過了。雖然可選清湯、濃湯和泡菜辣湯，但還是照傳統「和食」的傳統，叫個清湯底，由淡吃到濃。湯底滾起後，涮了一件牛肉，發覺肉質和味道，和其牛肉飯吃到的，可算是同出一脈。灼後縮成一團，口感嫩熟而略有咬頭，本身肉味較輕，但沾上帶甜的麻醬之後，立時變得十分可口。灼牛肉之外，間場也吃上窩內的時蔬和豆腐製品等，

很喜歡日本松屋的牛燒肉到日本旅行, 我可以一天三餐松屋牛燒肉的美味在於輕燒+ 醬汁, 配白飯+冰水是人間美味可惜吉野家只係作個名D牛肉根本無燒過加兩條青菽就算又唔係燒汁可苦扮牛燒肉呢令人失望

繼續快餐系列，反正不乏一些有趣的新產品出現，好味與否，試左先講。事緣放工經過一間「吉記」，見到其中一張海報，有一味名為「牛燒肉定食」的，指明是即叫即弄，雖然其元祖牛肉飯味道不差，亦不乏機會吃到，不過性格使然，凡有特別的東西出現，必會產生一定(甚至很大)的好奇心，三十元一客定食?! 要等三分鐘?! 當然沒有問題啦 !三分鐘話咁快就過，一看這美其名「燒」過的牛肉飯，發覺賣相上差別不大，除洋蔥外，多了一些甘荀和青椒，吃下去的牛肉，也沒發覺有任何烤過、煎過或炒過的跡象，香口欠奉，醬汁是甜了一些，味道不算太差的，至於那多出的三分鐘的功序是甚麼，真是不得而知，吃過一次下，都是吃回元祖版好過。價錢不算太貴，只是和心目中的要求差了一截，反而加多五元的蟹籽冷麵沙律，果真不俗，味道帶點酸，十分開胃，麵條也很爽口，今回是綠葉勝於牡丹了。

經濟低迷,連吉野家都減價了...幫襯一個細碗飯套餐,R１:牛肉飯 + 泡菜 + 可樂.. $27.5, 牛肉飯一貫好味,可以叫店員提供多一些牛肉汁,加在飯上更加美味,而我更要求了一包酸薑食,配合牛肉飯食更加開胃中午食飯,唔使三十蚊,生活無咁困難~

其实比较喜欢openrice这里。一直都有参考。晚餐原来想去御泰轩，但是等位人龙太长。于是转落同层的吉野家鳗鱼牛肉套餐盐烧三文鱼野菜奶茶最主要是那个小菜中的野菜，其实就是配饭的渌杂菜堆埋一碟。不好吃其他我觉得都一般般

吉野家呢排PROMOTE的鰻魚飯, 有兩款, 一款係一碗仔, 睇相片睇一片鰻魚甘大把 $38另一款係一碟, 鰻魚拚牛肉 $43, 相差幾蚊, 梗係雙拚啦鰻魚唔錯喎, 牛肉一貫的水準雙拚飯 + 汽水 $43, OK啦, 雖然不至於抵食, 但起碼唔會失望先比起佢地常見的牛肉煎雞飯, 呢個好食D而且最好就係可以另外問店員拎多些牛肉汁來撈飯, 免費的招呼 : 收錢的, 收碟的店員都好有禮貌, 值得讚揚

10月30日, 黎食個快餐, 因為有張coupon可以用黎換一個小食~ 平平地又可以慳錢~::: 和風牛肉飯(大)餐 ::: $29.5呢個飯應該唔駛點評論, 飯底用到珍珠米真係一D都唔馬虎, 牛肉不嬲都好入味~ 我諗暫時都係佢獨大, 因為日式牛肉飯快餐香港真係未有第二間, 喺日本食過松屋唔知幾時會登陸香港呢~::: 照燒鯖魚 :::反而想讚下呢樣小食, 平時好少叫吉野家既小食, 一來唔平, 二來冇乜特別. 不過今次有coupon換就叫咗照燒鯖魚試下~ 好好味, 鯖魚肉唔鞋, 照燒汁都好香, 燒出黎塊皮仲有d脆添~ 整體算唔錯, 幾好~耐唔耐都會黎食牛肉飯, 感覺多咗人食吉野家~ 又出咗火鍋, 有機會試下~

八月十三‧陰天持續要在公司開夜，吃了不少各間舖子的外賣，坦白說，還是吉野家的合口味一點。 是晚三款味道叫齊，分別是牛肉、雞扒及東坡肉。比較起來，還是還原基本步，牛肉最美味。牛肉當然不是什麼靚貨，但薄切及有肥肉在一旁的，吃起來不韌，用上洋蔥同煮，墊底的肉汁又香又甜，用來下飯就最好；煎雞扒用上的燒汁偏甜，也杰，感覺上一般。雞扒的皮吃起來是又肥又油的，雖然也不難吃，但與公仔箱食家推介的是兩個樣子；東坡肉就最不濟，汁還有點豆豉的味道，比起雞扒的更濃更杰，見到都怕。 難怪日本方面也是以牛肉掛頭牌，始終也是吃這個穩陴。 套餐還包味噌湯、泡菜及小啫喱，包裝貨色，當然是一般了。吉野家的飯也不錯的，但是晚的硬了一點。 每人37蚊左右，怎樣說，也比吃炸雞或漢堡包好好多。