吉豚屋吉列豬扒專門店

營業中

休息中

吉列豬扒定食, 已包括珍珠米飯及味噌湯。賣相跟店外㕑窗的模型一樣吉列豬扒是即點即炸, 熱哄哄的, 咬下去脆卜卜, 炸漿薄、乾爽唔油淋淋。豬扒係厚切的, 炸得又滑又多肉汁味噌湯也一絲不茍, 裡面滿滿的雜菜及肉片, 留意的是肉片是切得四四方方的整齊, 單憑這便看出店家的用心及誠意

一個人經過呢間舖，總會想去試食一下（聞到個陣味，真係少d定力都唔得）。但無奈見到條隊已經唔想試，幸好今晚排隊既人少，一個人總係易d搵到位。吉列豬扒黃金餅定食豬扒入口夠熱夠脆，咬落唔會太軟，仲有豬肉味，但總係覺得味道唔夠豐富。黃金餅入口除左夠熱夠脆，第一啖咬落去已經有肉汁出現（肉汁唔會太多，但足以令人有驚喜）。咬開係見到層層肉，好正呀。真心覺得好食過豬扒。椰菜絲，無醋提供，食落真係覺得自己似羊，無味道但夠清新既椰菜絲。豚肉湯，諗住定食既湯一定係咸。呢個湯有少少甜味得黎，材料仲好豐富。有羅白，紅羅白，洋蔥，豬肉片，真係唔可以睇少呢碗湯。總結：呢個價錢係平過當年係朗豪坊同家樂坊既吉列豬扒店，但味道整體黎講都叫做抵食，只可惜無醋俾我食椰菜絲用。可以再試。

人在日本時，曾經食過這間Ca-Tu-Ya 感覺對Co-co, 吉野家好。諗住香港有開分店，可以一戰，點知有啲失望。門面睇都幾日本feel。但一入到去，有種似曾相識嘅感覺。嗯，係我地最熟識嘅茶餐廳感覺。關於食:吉列三重奏定食。賣相ok嫁，睇落唔伏。當我一啖咬落塊扒度。Holy xxxx.咩黎嫁。又凍又油又粉，好似食緊濕粉團咁。仲要一啲熱氣都無，慘過食微波爐吉列扒飯。香港人食飯，價格跟質素應該成正比，唔係反比。應該無下次。

平日下午2:30左右進去，沒想到也有8成滿座。本來想食芝士吉列豬扒，但餐牌原來一樣芝士類的東西都沒有，強烈要求有芝士！最後叫了吉列豬扒咖哩飯，問了一下侍應咖哩是甜還是辣，但沒人知道（其實每一家餐廳的員工培訓都需要，每一個員工都要知道自己店裡食物的味道）餐廳採用日本米，黏性較強口感不會太硬，棒！咖哩方面其實偏甜一點，不過建議可以更熱。吉列豬扒有驚喜，豬扒厚度足夠，鎖水功夫做得好，一咬下去肉汁滲出來。埋單$77，生在彌敦道，Ok啦！

小妹一直都十分鍾意食日式料理 呢間聽朋友介紹來到潮聖 來到見到menu真係好多選擇 於是叫咗吉列蝦拼豬排飯 加可樂價錢來說 適中 等咗約15minsorder到咗 好大份 份量真的驚人 所以最後我剩咗半碗飯講返個炸豬排， 真的有些日本食炸豬排的味道肉質鮮嫩 不會食起來 好難嚼總括而言係值得推薦必食的日式炸豬排飯

絕對物超所值的豬扒飯!!!! 脆! 肉厚! 大滿足的口感! 但絕對是推薦淨炸豬扒定食( 不要選有汁淋在豬扒面的!!!)口感更佳。這是我第2次光顧,我很少主動選連鎖店, 還主動吃了2次。 原因性價比實在高!!! 五十多元已有如此美味的質素, 是不二之選! 豬扒新鮮即叫即炸, 已加分! 肉質以這價錢算厚了, 不會乾身, 亦保持肉汁! 飯也配合得軟糯適中! 旁邊也可任加和風豬扒醬及加芝麻醬與椰菜同吃, 比去一餐快餐店, 所吃進肚的質素質好太多了! 一人份的, 吃過大滿足! 推介簡單的一頓和式快餐。

偶然坐車經過，便捉我太太黎試食係無諗過星期六會排隊外，等唔算太耐然後就坐便叫了兩樣野食，我點了吉列咖喱豬扒飯，我太太則叫了吉列豬柳湯鍋定食先說一下我的吉列豬扒飯我敢寫包單，佢係香港中真係整得好好食，佢認第二應該唔會有人認第一係豬扒方面，明顯炸得香脆，肉又鬆化，老人家絕對咬得入口，一般整吉列豬扒的店家，經常性係炸到脆一脆，但肉都炸到硬一硬，肉味都無晒，但呢間佢可以把脆、鬆化同肉味做到平衡，實在難得。而且最正係豬扒夠厚，有肉汁，有咬感。再配上咖喱，令豬扒的味道深化左，更加好食。我太太則點了吉列豬柳泡菜湯鍋定食我試了一口她的豬柳，味道ok，同豬扒比食入口明顯有分別，即真的是用了豬的不同部位製作，不會亂用同一個部位含胡過關，而我太太說叫這個如果叫烏冬版會較配合入口另附上野飲，唔太甜兩個人連加一食同野飲食左$176，以一間專門店黎講。算叫中游水平，但味道卻是上級的感受，未食過可以值得一試

今次行開油麻地就試左呢間吉列野既專門店。係門口排隊既時候見到都幾多款式選擇。而我自己食揀左食吉列豬排炸蝦，轉埋做讚岐烏冬。首先賣相我覺得炸得金黃，食落唔似返炸個種。味道唔錯，豬排同蝦都啖啖肉，唔會淨係食得個皮，豬排肉質唔錯唔會有雪藏肉味。另外有大量椰菜加埋芝麻醬食一流，中和返炸野既油膩感。仲有個烏冬個湯底都好正,飲完唔會太口喝。個set大概70-80蚊，價錢尚可接受。