吉豚屋吉列豬扒專門店

營業中

休息中

一坐低已經好多人，睇吓個Menu 食咩先～～Menu 大大張，圖片夠清晰，簡單易明，所以好快就諗好曬食咩lu👍🏻·滑蛋豬扒飯（梅）～滑蛋有調味，豬扒炸得香脆，好入味，配飯無得輸😍·吉列豬柳泡菜鍋烏冬～豬柳肉入口都係香脆！烏冬因該有泡菜湯底所以有少少辣，食完暖胃醒神👏🏻

旺角真係有好多好野食，要試晒佢都有排試今次就去試 “吉豚屋吉列豬扒轉門店” 嘅午餐。吉豚屋嘅選擇都好多，吉列豬扒應該係最出名，但午餐有超值套餐($69)，係期間限定，會定期轉菜式的，包埋湯同飲品。而今次嘅超值係吉列炸蝦雞扒定食”。本來想試吉列豬扒，但最後都係比超值套餐吸引住。餐湯好好飲呀，好足料，一啲都唔hea。炸蝦同雞扒都炸得好好，唔厚粉。另外，有其他醬可以自己加，加埋芝麻醬真係好味。飲品叫左巨峰提子乳酸，甜度正常。整體好滿意呀！

第一次去呢間食飯，就比佢個咖哩烏冬吸引左，開頭都怕會好辣，點知唔會喎，而且好好食，咖哩味仲好香，另外啲雞肉都好滑，唔會太鞋口，加埋一杯野飲，價錢都合理的，不過有一樣野要彈既就係，要加一囉🤪

下午茶時間我見到唔多人我同老公及BB打算試吓，點之一入去女店員冇禮貌叫我收車，其實我都明白如果好多人我都怕影響人做生意😡😡真係第一次去食嘢有人要求我收BB車😡😡😡幾好食我都唔會再去

好耐冇食過日式吉列豬。雖然喺日本吉列豬都係豐儉由人，平嘅超市或者便利店便當都會見到，中價有連鎖店，去到專食熟成豚肉嘅專門店都有，但頂晒籠都係$200樓下。香港嘅過江龍好早已經過咗$200大關，唔少已經要三百鬆啲先落到樓。『吉豚屋』嘅平價定位正正係預算有限嘅人嘅首選，唔駛一舊水可以食到正宗做法嘅炸豬扒，喺香港地實屬難得。叫咗『雙層吉列豬扒定食』，盛惠$89。雖然無得任食椰菜同白飯，主打嘅豬扒炸得唔錯。炸粉酥脆唔會甩皮甩骨，豬扒依然鎖住肉汁，一咬之下滿口油香，十分滿足。由於價格關係，豬扒嘅肉味係稍有欠缺，但性價比依然係唔錯嘅。

環境餐廳距離旺角站都幾近，行5分鐘左右就到，都好易搵。餐廳唔算寬敞，所以可能會有啲迫，但都幾乾淨。 食物1）豚肉豆乳鍋 配烏冬（$69）評分：7/10有豆乳鍋同壽喜燒鍋揀，但因為驚壽喜燒會咸，所以揀左豆乳鍋。豆乳鍋就唔算有豆乳味，但勝在夠清，湯底又唔會太淡。試咗一啖朋友嘅壽喜燒湯底，都幾濃味，但係食落可能有啲咸。豆乳鍋除咗有豚肉，仲有豆腐、冬菇、金菇、豆卜同菜。全部配料都OK，不過不失。豚肉都幾惹味，但係件件都好肥，如果唔食肥膏嘅話，根本其實冇咩肉食。雖然食落好滿足，但都係因為食緊肥肉😓 你見到我影嘅相都會大概估到有幾肥⋯ 但除咗豚肉肥之外，個鍋係幾好食嘅。感覺上呢個鍋都幾多菜，食落都唔會好似其他火鍋咁太多肉，同埋湯底都唔油。 服務店員服務都唔錯，幾有禮貌。順帶一提，餐廳要加一。

今日食左個日本豬柳定食，肉質霉爛，略帶微臭，明顯是豚肉來源參差，主打的豬肉都可以做到這樣難食，可想言知其他肉是什麼情況。白飯對於餐廳來說真的很貴嗎？碗飯細到我屋企隻狗都唔夠食。試左巨峰提子乳酸特飲，極度之甜，飲兩啖都已經放唔落口，員工態度極差！！！！餐牌上寫左叫定食，會送三張8元現金卷，查詢後員工不願解釋，只說我們沒有但為什麼並沒有更換餐牌？這樣寫在餐牌上，跟欺騙消費者有何分別？整體而言 垃圾一間 不要再光顧！

平平地我自己就覺得幾抵食而且佢嘅整出黎既質地，我自己就覺得好似日本整出嚟嗰啲感覺食咗好多間唔同既吉列豬扒，都係大約呢個價錢既啲吉列豬扒，都係覺得依間最抵食最好食

昨晚和朋友大慨8:30pm去用餐，需要在門外等一小陣，進入餐廳時聽到職員講，吾好意思，要你地久等，其實，要等位都不是他們嘅錯，但有如此待客之道，真不錯，而且明顯人手有點不足，但仍然服務速度很高……食物味道比以前有進步。

夜晚七點入坐，剛坐低出面就開始排隊，所以我地幾好彩。 環境清潔，坐位唔會太窄，似日本餐廳嘅裝修風格。 我叫左咖哩吉列豬扒飯， 而我朋友就叫左吉列豬扒定食。 冇三分鐘就上菜， 而且熱辣辣，似即叫即炸。 咖哩汁，豬扒同飯嘅份量非常足夠， 豬扒厚切，肉質好林唔會乾身，炸粉好薄好脆， 唯獨浸咗落汁嗰部分林咗, 不過冇所謂都好好食。 咖哩汁好香， 而且呢碟係我喺香港第一次食曬飯仲有咖哩汁剩嘅日式咖哩飯😂，完全做到日本嘅水準! 總括而言非常之滿意，值得一試。 提醒大家枱側邊有一樽點豬扒嘅汁, 食豬扒定食可以加。

今日同朋友去左旺角分店嘅吉豚屋食飯，由於本人仍持有學生證所以就叫左個$69嘅豬柳定食。一黎到，有個湯，三件炸豬柳同一個白飯（如圖）個湯有好多料，例如豬腩片，洋蔥，紅蘿白，日本蘿白，蔥花。湯都係普通嘅味噌湯，但d豬腩片有醃過，頗為入味，所以加左少少分！豬柳帶少少油膩感，唔算炸得介口，食落去有口感，有肉感，有肉汁，但肉質唔算岀色，係可接受嘅。肉味亦偏淡。米都係日本米，但唔系一般嘅珍珠米，食落去有口感！我自己加左d豬排汁，味道偏酸，但可接受，有陣梅子嘅味道，但略嫌梅子味太重，會喧賓奪主，但整體都唔錯嘅！！

自從旺角開了這間分店後少了到油麻地分店吃, 兩人座位尚算舒適全靠大大menu 分隔鄰近的聲音, 雖然最近推出牛油果豬扒餐, 但也吸引不到我倆棄選最愛的泡菜湯烏冬。湯底濃, 泡菜香, 有微辣感覺之餘烏冬入味非常。吉列豬柳就一定無得彈, 話哂都係吉列專門店啊, 如果要同日本當地的吉豬比較, 這間可以說是日本出名店的七八成水準👍

炸豬扒挺厚身，外脆之餘入面口感仍保煙韌鬆軟，一點沒嚡口，要挑剔的話，只是脂方比例較少，欠一份油香，整體肉味也不俗，配以滑蛋齊吃，非常香口惹味，飯也是用日本珍珠米，黏度十足，沾上了蛋汁後同樣很美味。也試了滑蛋蝦丼，也是數十元的價錢，豈料炸蝦卻有足足三隻，而且每隻也是人份量十足的，香脆的外層下是爽口非常的蝦肉，鮮甜味美，配上滑蛋就更覺美味，層次感豐富。除了傳統日式丼外，還有鐵板和加入韓式元素的主吃，總有一份合大家心水!

呢間吉列專門店下午茶時段去食真係非常抵食，而且食物水準都幾好，價錢又平， 吉列炸得好酥脆，唔會油膩，食完唔會成口油味👍🏻吉列豬扒定食 😋 加一隻蝦 吉列炸蝦定食😋😋除左吉列野好食，啲椰菜絲都好爽口好fresh,有胡麻醬可以撈埋食😍 味噌湯夠香濃， 可以任飲就正😁係日本食吉列專門店好多都可以任加白飯，味噌湯及椰菜絲，不過呢間咁平咁抵食當然唔會有啦。每次食完埋單時，職員都會送張coupon 比你下次再去食，不過coupon 有限期架

今朝去咗食早餐，朋友推介日式早餐👍🏻就跟左佢黎食呢間吉豚肉 門面都幾日式 日文字有啲睇唔明，我睇餐牌早餐真係幾豐富價錢稍為比一般快餐貴少少～但係都算便宜！佢有吉列豬扒/雞扒。我叫咗鐵鍋豬肉泡飯配炸雞定食～感覺好正佢另外送飲品，我叫咗椰果荔枝茶✌🏻等左5分鐘左右，食物就到啦～ 鐵鍋泡飯真係熱辣辣，裏面嘅豬肉都好多了，有埋紫菜同蛋，感覺好健康！泡飯味道唔錯，唔會太硬，但係又唔似粥！都算幾正宗，不過湯就略嫌鹹咗少少～椰果荔枝茶都好特別，不過椰果就好少，好似淨飲緊荔枝茶一樣但係都算幾好味，唔會太甜，茶味都好濃整體來講，算係一個唔錯嘅早餐，因為平時食早餐都係麵包或者快餐店嘅茶餐，而家多咗個選擇，仲係日式，所以幾值得去試！仲要唔使同其他人迫，坐嘅位置都好寬闊