吉寸 (已結業)

星期六放假落街搵食, 諗住食個茶記算, 但去到要等位咁兜兜睇下有乜食啦行過見到呢間串燒店午市就開左門睇到個menu有原條鰻魚飯, 什麼試行優惠價$48咁抵就入左去試下佢一落單就上左個前菜凍豆腐同跟餐汽水, 豆腐跟左啲芝麻醬同D啡啡黑黑ge 汁, 幾好食不到10分鐘個鰻魚飯就上枱嘩, 相當大條, $48 相當抵食, 都差唔多有兩部iphone 咁長食落肉質唔散, 唔太冧, 幾肥美, 唔乾曾曾鰻魚汁唔太over相當抵食錯有錯著放假食得抵食ge 野

平時中午經過長沙灣都會去隔離間雲南米線食碗米線，今日落到去見到吉寸開左午市，之前食過佢啲串燒覺得唔錯，就抱著好奇心試下佢個午餐。吉寸嘅午餐偏向日式，啱啱開午市就有試行優惠，好彩我經常落黎無錯過呢個優惠姐。眼見樣樣都好吸引，諗左一陣都係試下每日限量嘅手打吉列牛肉漢堡扒飯。落左單後，好快手就黎左飲品同一個小小嘅前菜 - 麻醬豆腐。眼見旁邊果個原條鰻魚食真係足一條，令我更期待牛肉漢堡扒會係點樣。主角登場啦，賣相還可以，好濃郁嘅肉味，啱哂我呢啲食肉獸，而且佢漿一啲都唔厚，可見老闆係用心經營。食飽後就令我諗起佢地嘅串燒，如果午餐可以食一兩串就好啦。

好耐冇上黎oprice真係忙到冇朋友今日先有時間上黎 唔講廢話去圖 今次野食想特別推薦 雞泡魚同魚翅裙邊兩樣出面真係好小地方有得食其他食物都係大路野冇咩特別海鮮較為貴 但都叫值好多食物都係10蚊起 比起其他店真心係平京蔥真心好食 又甜又爽為一不足就係我見到一串雞落左台面定係其他地方 佢夾返上黎……

過左一排，今次同屋企人再去吉寸食野見到佢地多左新野見到佢地新嘅菜式，大澳燒有燒瀨尿蝦乾，黃花魚魚春，魔鬼魚魚翅，魷魚乾，蝦豬串除左魷魚乾，其他都好少係市區見到黎到當然要試試佢啦黎到仲見到佢地今期大割引燒生蠔益街坊燒生蠔：燒到出黎亦唔算細隻，相當抵食燒白鱔：肉質爽甜，燒得香口蝦豬串：勁有心思，好有驚喜，上台已經好香蝦醬味，食落唔似我傳統想法味道好咸，咸味岩岩好，仲食到豬頸肉味，上面仲有蝦乾，咬咬下又有蝦乾香味讚，好食魔鬼魚魚翅：呢個有驚喜，之前係大澳食過呢啲乾，好乾好鹹，但呢到可以食到魚翅一梳流，唔咸得黎，仲食到香甜味黃花魚魚春：本人好鐘意食魚春，食到佢地搽左汁，甜甜地，魚春幾大件，食落好香魚春味，唔太鹹，唔咸，呢個魚春，遲下我一定會掛住佢再黎食過今次黎，牛舌又進一步，一啲都唔un，超嫩唔乾超好食值得我下次再黎唔知下次又有咩新驚喜呢

我住係美居見喱間之前係和味仔嚟而家轉咗手所以就試埋喱間如果好食就當多個選擇，食咗幾樣嘢，食物味道還可以唔似食評果幾個講得禁好食不過還算可以，環境就幾張枱地方唔算大不過有冷氣都ok，但味道就有d咸嘅不過見d串燒師父禁候生應該唔係入咗行好耐係差d經驗不過年輕人應該比d機會佢地嘅，要講嘅就係我食過哂幾間串燒覺得喱間d食物款式冇咩特別係出面都已經食過哂希望佢地會有d創意嘅美食就好，我每食完一間我都會寫食評講真話，唔想比d槍手誤導其他人，比d心機啦！有機會再嚟食的話我會再寫食評！

串燒店，日本居酒屋就食得多，但係未食過一間咁juicy嘅燒牛舌~由於我同朋友OT完放工諗住求其揾個地方食下宵夜，然後係facebook見到呢間新開嘅串燒店就決定去試下~點知有新發現~一向厚牛舌唔係燒得太乾就咬到牙都軟埋~所以我平時都偏向鐘意食薄身嘅牛舌~但係呢間串燒店嘅牛舌厚肉得黎又唔乾~仲好juicy~真係好好食! 估唔到呢個價錢可以食到質素高嘅串燒~喜歡食牛舌嘅朋友一定要去試下~絕對唔會失望! 仲有老闆超級好人，叫左個“豬仔脾”同燒羊架會好貼心幫我地用交剪分埋~對於食客黎講最愉快嘅事就係食到好食嘅野之餘遇到親切嘅老闆

收工路過，原來轉咗手，變咗我嘅大愛食物串燒店，梗係沖入去試啦！心急到唔記得影相食食下先記得，汁燒雞軟骨無得頂，啲普通串燒我幾鍾意，牛仔骨同牛肉粒好正，唔會燒到好乾，味精肯定唔會多，因為食完唔口渴，仲有啲迷你飯食，$26/碗，超抵，佢可能怕啲客唔夠飽所以有咁嘅飯食，好細心，同埋食得出係用心去燒，我最鍾意嘅啡菇呢度都有得食，正呀！整得好好，流心芝士，夠juicy....喺度做嘅係一班後生仔，好有禮貌，睇到佢地樣樣嘢都好用心，支持創業年青人，加油

又到大夥兒聚餐嘅時候今次搵到呢間串燒小店一黎到見到是日海鮮二話不話先點了條盲鰽燒魚時間長，先下單穩陣，燒到出黎勁香，肉質嫩滑，火喉剛好還試埋佢地個泰式生蝦，鮮甜，汁醬都好到味串燒方面牛舌：係牛舌芯，加鹽同牛椒已經好好食，嫩，無過火，正牛柳粒：牛味重，食完有餘味，不錯雞翼：醃得幾好食，燒完唔乾有肉汁金菇肥牛卷：好juicy，爆汁的感覺，燒到咁多汁，正羊架：醃得不錯，幾好食汁燒五花腩：佢地個汁幾好食，還食到肉味，唔錯茄子：味道不錯，唔會只得粉味翠肉瓜：好多汁，正仲有牛仔骨，雞脾菇，花枝丸，雞腎，雞軟骨等等都幾好食，不能盡錄價錢比起我地之前係第二區食真的平一大截，平均$150-$200食到海鮮同咁多串燒，幾抵食

同老婆都本身叫成日食串燒本身都有一兩間食開有日經過見到又開左多間串燒就今次黎呢間試下餐牌選擇算多，選擇大路野多有啲食物味道係唔錯，好似啲汁燒五花腩，羊架，雞翼，牛舌，翠肉瓜而其他啲味道都不過不失，火喉都控制得尚可，無話太燶，太老，太乾時間等得尚可接受15-20分鐘就有得食整體黎講，味道係不錯，對比出面食開啲串燒無咁濃味，咸度尚算適中，但未有喜出望外嘅感覺，未有帶到太特別感覺，如果有多啲特別野食就會更吸引

睇到飲食男女個post就約埋班fd黎試下啦7:30去到已經坐得滿滿好彩有打定去訂位如果唔係我諗都有排等加上我地6個人，唔留枱都好難有得食我地叫左太多野，乜都叫齊咁濟整體黎講都好食服務不錯，坐低後佢地會介紹有咩好食，海鮮有咩新鮮，有傾有講叫左幾多海鮮，又扇貝又蠔又魷魚又聖子，食落真的好鮮甜，好新鮮牛舌，五花腩，雞翼，羊架，安格斯一口牛，翠肉瓜，芝士大啡菇好食到我地再加單食到個個飽哂，埋單每人都唔駛200蚊，食埋海鮮，抵食

佢開張左兩個星期我已幫襯左佢地三次啦就寫篇食評支持下佢地啲後生仔啦佢地啲食物真的不錯味道不算太濃，食物唔算得話高級檔次，但食得出唔係cheap野大部份都燒得好惹味味道都keep得住牛舌每次都有食，呢個好好食金菇肥牛卷，一樣普通野，但食完佢地果個，係會回味一啲唔顯眼嘅菜，翠肉瓜、雞脾菇、冬菇呢啲，燒得好食，呢個要讚試左佢地個芝士咖哩牛肉飯，有少少鹹左啲，但撈云啲飯，味道啱啱好，一流，再多啲芝士就更正

見到飲食男女介紹就去左試試地址也算好找7:30去到已經差不多坐滿好彩還是不用等位$15炒蜆好抵食味道好食，蜆肉也算厚肉，無沙叫了一個吉列豚肉飯個豚肉不是普通豬扒，厚切好滿足，有咬口，好食，$26蚊算幾抵另外叫左啲串燒牛舌，羊架無得頂汁燒五花腩的汁味調得不錯，五花腩不算太肥，但有油脂香肉香流心芝士大啡菇，實在視覺的享受花枝丸可以一試，加上汁燒更香口惹味最愛的薯條，新鮮薯仔手切即炸，好好好好食，份量不算少有心的小店，會繼續支持

平時去串燒店得串燒同海鮮為主行過見呢間吉寸門口有飯賣，仲見佢有$15炒蜆一於試試佢一行二人叫左兩個飯，鹵肉飯同芝士咖哩牛肉飯，加埋幾串串燒鹵肉飯味道不錯，有點入口即溶感覺芝士咖哩牛肉，友人說味道幾香濃，芝士不少，牛肉都不少，不錯不錯$15炒蜆，都有成十幾隻，叫兩三碟仲大碟過出面食一碟味道還可以，$15值回票價還有串燒火喉唔錯牛舌好抵食同好好食食完即再encore仲有即炸新鮮薯條，簡單但美味遲啲再黎encore

試新野，找到呢間新開，就試試佢。叫左安格斯一口牛，牛舌，汁燒五花腩，豬頸肉，金菇肥牛卷，泰式生蝦，燒鰂魚，韭菜，冬菇，翠玉瓜。第一轉影左相之後就忘記影相不得不讚佢地嘅牛舌，嫩，厚切，唔un 一口牛油份好高，好香牛味汁燒五花腩&豬頸肉，個汁味好好食個鰂魚火喉啱啱好，嫩滑香口，新鮮無腥味仲有埋生蝦食，又唔太貴，68蚊無記錯有6隻，好新鮮，幾大隻下，但無影到平時都無點打食評，新開本地小店值得支持店員話遲下又有新野，話試緊整邪惡鹵肉飯遲下又多個開飯點了

7點鐘行過看見新開張有優惠就入去試試，入內裝修簡單，暗暗地，還算舒服，串燒店算是坐得寬落平時大部分啲串燒店都會落勁多孜然粉、味鹽、辣粉等等好多味粉，燒到出黎好咸，好乾曾曾但呢間吉寸啲串燒有啲驚喜，燒到出黎好多都好juicy好有肉汁，店員話個汁燒個汁都自家制，唔會得個咸字，讚店員提及過師傅會去街市挑選啲新鮮海鮮返黎，所以我地就試左扇貝同蟶子皇，新鮮鮮甜有啲串燒都需要有待改進，好似雞腎就比較un少少，茄子就淡味左啲，但大部分都喜出望外，得閒經過可以再一吃店員話佢地會陸陸續續慢慢加一啲新菜式，到時又可以黎一試還回味住佢地啲汁燒五花腩，豬頸肉，金菇肥牛卷，新鮮扇貝同蟶子皇