影片
以上資料只供參考, 請與餐廳確認詳情
相關文章
果日lunch突然好想掃街， 之前都成日去藍田匯景掃街，不過就從未試過哩間小店， 今次朋友想食燒賣魚蛋， 又見佢沙爹好似好吸引咁就決定試下佢。燒賣， 魚蛋都係 $9/6粒， 我每樣都要兩串， 叫左微辣， 佢仲有小辣，大辣可以選擇。對我哩個唔食得辣既人黎講， 微辣都有d辣，但對我朋友哩個食得辣既人黎講，微辣就係冇辣 不過佢d沙爹真係幾香 ， 不過可能最好建議佢加多少少豉油， 如果唔係會較乾。因為佢淨係比沙爹醬，冇豉油， 好彩公司有不過哩間小店d燒賣魚蛋真係唔錯， 燒賣大大粒， 魚蛋就好彈牙， 好少食到咁高質既掃街小食， 平時間間都差唔多，魚蛋通常都唔好食， 不過哩間真係唔錯佢仲有好多野食，糯米飯，雞蛋仔，格仔餅，炒米粉等等下次行開都會再食
繼續閱讀
今日去藍田探朋友，經過呢個商場勁多小食，周圍掃街，試咗呢間吉吉魚蛋，我諗應該魚旦最好味，所以第一時間叫咗魚蛋，不過我想講原來樣樣小食都好好味，唔係淨係魚蛋😬，尤其是佢辣辣地嘅醬汁，令我胃口大開，仲有試咗佢哋格仔餅好脆口，花生醬多到流晒出嚟，好啱我胃口，店員仲好細心提我 我小心熱～我叫咗一些外賣返屋企，我最喜歡係魚旦／蘿蔔／瑞士雞翼／魷魚，雞翼做得好香好入味，白蘿蔔好夠淋夠味，好彈牙，魷魚好爽^ ^重點提示，一定要加埋啲醬汁吃，好有驚喜，最重要食物價錢都唔貴首先喺現場熱辣辣食咗佢嘅燒賣，豉油甜甜的，燒賣都好大粒，🤤味道都唔錯～
繼續閱讀
見到都幾多食評係話態度唔好或者嘢食質素唔得但係呢間小食店，成日都係好多人排隊尤其是返工同放工時間🕧🕐🕧🕜🕑🕝🕒🕞🕓🕟🕔🕠🕕🕡🕢🕗🕗🕣🕘食過幾次都覺得唔錯魚蛋燒賣，正常發揮比較讚嘅係魚蛋有得揀唔同辣度嘅醬料微辣、中辣、大辣都有可以因應返自己食辣嘅程度去揀返～有時口痕食個雙拼都幾開心，雖然有啲罪惡感😈😈😈另外腸粉套餐都係幾好嘅早餐選擇，嘢飲都有埋唔使煩～仲有見到都幾多客人會買炒米粉或者糯米雞做早餐💁♀️💁♂️💁♀️💁♂️💁♀️💁♂️💁♀️💁♂️💁♀️💁♂️💁♀️💁♂️至於店員態度方面其實落單至到攞嘢食都好快暫時冇覺得佢哋好串或者態度差
繼續閱讀
4月10日夜晚喺藍田地鐵站附近，想食小食，去店嗌咗個外賣。野食如下：雞翼，糯米雞加豆漿，雙拼，章魚燒落完單，就去咗附近再買其他嘢食，返到嚟見店已經打包好咗，拎咗個外賣就走。返到屋企準備食，先發現冇左個章魚燒，想打去舖頭講聲，發現店舖原來冇電話，完全冇得追究。嘗試過喺Google到搵到店舖有一個電話，但果一個電話都係唔啱嘅，打咗過去真係唔好意思。提醒一下自己，下次都係要保障自己對下單。 店舖可考慮增加聯絡方法。
繼續閱讀
今日買咗幾串小食，牛柏葉有臭味，臭渠水味，食物非常唔乾淨，應該放咗好耐，或者入咗劣質貨品，一入口已經吐出來了，如果俾小朋友食咗，就慘啦。🥵🥵🥵店員的服務態度超差，同店員反映食物質素，佢態度極之惡劣，仲話冇客人投訴過佢地的食物喎！店員的臉色臭過過街老鼠，說話語氣惡劣，好似欠左佢好多錢咁，完全係唔想做生意咁款，以後都唔再幫襯佢地差差劣的小食店，從來冇遇到咁差的小食店!!!!!💩💩💩💩💩👎👎👎👎👎
繼續閱讀