吃茶三千 (V Walk)

營業中

休息中

🧋慢熟芋見國王 $40 (8/10)🧋鳳眉紅茶x皇家厚奶x慢熟芋泥x國王珍珠呢間長期好多人排，終於到我🥳呢個應該係最出名嘅國王珍珠奶茶加芋泥版🤣其實芋泥份量好少，同廣告都好大出入，所以都食唔到咩芋泥味😂佢個鳳眉紅茶茶底真係好好飲，有陣特別嘅清香🥺❤️珍珠煙韌黑糖味濃，大小適中🥰建議大家直接嗌國王珍珠奶茶就得，慳返$6😂#hkfoodie #hongkongfoodie #hkfoodblogger #hkfood #hongkongfood #tstfood #尖沙咀美食 #九龍美食 #甜品 #sspfood #旺角美食 #globaleats #銅鑼灣美食 #cwbfood #tkofood #將軍澳美食

每次喺南昌站v walk出口就會見到好多人企喺出面等緊拎嘢飲，我幫襯過幾次都係叫🧋國王珍珠奶茶，用鳳尾紅茶底加皇家厚奶調製，奶味偏重些但又不失茶味，唔甜，至於珍珠煙韌度對我嚟講都好重要，因為我唔鐘意啲珍珠硬實實或者軟到毫無𡁻口😌呢間啲珍珠粒粒都有咬口就岩我🙂除此之外，特別鐘意佢地用麻繩嘅手挽設計，有時飲飲下想停一停都可以好似挽住小手袋咁，好方便！

長期人氣茶飲店呢間鋪每次經過都見到10個8個人等，難得今日早左收工，人少左，所以去幫襯12月轉左期間限定menu, 以芋頭為主，價錢同佢平時既飲品差不多，今次款款40蚊，當中三款有芋泥，亦三款有小芋圓，(組合唔同,total 都係4款)今次揀左慢熟濃芋厚奶，佢寫係紅茶X皇家厚奶X芋泥X小芋圓，叫左少甜奶味好重，好滑，芋泥亦打得好蓉好滑，不過啲小芋圓同芋泥好容易墜晒喺杯底，比較難食到，但好彩我係買番屋企先飲，最後要用匙羹解決值得一讚係飲管仲用緊膠管，又夠闊，唔會飲到一半支管就用唔到

📍吃茶三千-可能係全香港最好飲既珍珠奶茶⁉️🧐 茶飲界hermes⁉️呢間台灣過江龍可謂近期大熱店 間間分店都大排長龍先買到呢日經過V Walk分店 見到冇人排 就拿拿臨買咗杯試下係咪真係大家講既世一珍奶🤔-🔸國王珍珠奶茶 ($34)賣相幾特別 有條手工提繩拎住 打卡一流😛茶味極香濃 入口茶味瞬間蔓延口腔 非常清香 🤩睇返牌仔介紹 呢杯既茶底係用咗台灣既鳳眉紅茶 而茶底咁高質既因為係因為佢係用萃茶機即沖出黎既😱 非常新鮮 但製作時間相對亦較長 (´･_･`)個人幾欣賞佢茶同奶既比例 奶茶上面仲有一層奶泡 茶香奶滑 但鐘意奶味濃啲既人可能就唔係幾啱口味～另外今次嗌咗輕盈糖度 對我黎講甜度幾適中 要注意呢到既茶飲甜度係比市面既低少少‼️珍珠size亦比市面上既大粒少少 around 1.5倍(?) 所以幾有咬口 咬落都滲出淡淡既黑糖味 但對我黎講就偏甜咗少少整體黎講 呢杯絕對係一杯高質既珍珠奶茶 但可能因為我事前期望過高 所以飲落就冇想像中咁大驚喜 但我會話絕對值得一試（如果唔洗大排長龍既話🤪）

之前見到人地介紹呢間就想試吓😆上次無意間經過見到就二話不說即刻買咗一杯❤️‍🔥個人覺得以珍珠奶茶黎講有少少貴🤭🔺國王珍珠奶茶🧋 $34 (少甜,少冰)奶茶係用鳳眉紅茶加皇家厚奶製成🙌🏻本身都有d驚會太重奶味點知唔會😉但奶茶本身叫咗少甜但變咗半糖🥺而第一啖飲落比較重奶味但之後茶味較重😬唔知係咪溶咗冰關係飲到中間越來越淡🤧珍珠係較冧身但都係煙靭嘅🤤

建議：買完可以出外面既花園，慢慢飲傾下計如果講起好飲既珍珠奶茶，會諗起旺角既吃茶三千。大推佢地既#國王珍珠奶茶 🥤茶底係用佢地得獎既鳳眉紅茶，茶味好出，會有少少回甘。而且珍珠既煙韌度都非常好。今次路經Vwalk，甘岩近地鐵出口新開左吃茶三千，所以就行左過去試下新出既「慢熟濃芋」💜今次試左：▫️慢熟濃芋厚奶 (HK$40)▪️慢熟芋見國王 (HK$40)濃芋系列總共有4️⃣款，其中3️⃣杯既茶底係用左鳳眉紅茶，另外1️⃣杯就係用鮮牛奶－慢熟濃芋鮮奶🥛今次試既2️⃣杯，除左鳳眉紅茶，仲有皇家厚奶＋慢熟芋泥💜 一杯既配料係慢熟小芋圓，另一杯就係國王珍珠🥤 如果想減糖份同冰量，店員話可以做到盡少。兩杯味道飲落都唔錯，茶味好出仲有啖啖芋頭粒，雖然未做到芋泥既綿密感，不過口感都唔差。小芋圓細細粒 同珍珠都無煮過頭，口咬岩岩好。

無下次，叫我等半個中有多，為趕個一炸外賣我都算，其實不如沖左一杯先？都唔會阻好多時間，呢個都唔係重點。飲完都ok...過幾左陣搞肚痛，去完重痛更，搞到我唔上黎評下都唔得。真係要培訓下。

首先讚左個包裝先 用咗麻繩綁住個杯套 可以用手抽拎住杯野真係方便好多 而且好美觀✨😉出左我最愛既濃芋系列🥰好中意食芋頭 所以一定要試🥳慢熟濃芋鮮奶$40 （凍） 有芋圓同慢熟芋泥 岩哂芋頭控😝 芋泥好綿又有少少芋頭粒有時咬口😋 芋圓細細粒夠哂煙韌 而且同鮮奶好夾 鮮奶好濃奶味 有少少厚度嘅 唔係好稀好水個隻 雖然固定甜味同冰量 但唔會太甜 岩岩好 南投薑汁撞奶 $34 （熱） 冬天飲呢個真係好岩🥺暖笠笠☺️又可以暖胃 好岩女仔飲 飲落好舒服 薑味唔會太嗆 可以更改甜度 我叫左半糖覺得都ok

成日都去 吃茶三千 買飲品，原來佢地最近出左新既 濃芋系列 😍南昌VWalk店率先發售！！宜個系列既飲品選用來自台灣直送既九降風大甲芋頭，日日新鮮熬煮90分鐘製成濃芋系列一共有四款，今次我同朋友就飲左其中2款：慢熟濃芋鮮奶40鮮奶奶味濃郁又帶清香，芋泥質感綿蜜，粒粒小芋圓好Q彈呀，煙韌有咬口，仲好飽肚慢熟濃芋鮮奶茶40奶茶係用左重烘培既鳳眉紅茶同清香既鮮奶去沖，紅茶味好香，加入埋芋圓，好有口感仲有下面2款仲未推出，到時一定要再飲呀😍好期待慢熟濃芋國王 (12月14日) 宜杯仲有埋珍珠呀😍慢熟濃芋厚奶 (12月21日） #芋頭控 #芋泥控 絕對唔可以錯過 🥤😋📍 吃茶三千九龍深旺道28號 V Walk G-25號舖其他分店：旺角．上海街618/尖沙咀．海港城/將軍澳．新都城中心/銅鑼灣．希慎廣場

之前聽朋友推介呢間珍珠好好食，成日經過都無機會一試因為太多人等了，今次經過少啲人就嗌嚟試下啦。凍頂烏龍鮮奶茶+珍珠 $36首先要一讚珍珠真係粒粒圓渾又幾好咬，唔似之前食過嘅珍珠可能每粒有凹凸，咬落有芯咁。凍頂烏龍鮮奶茶飲落茶味唔算好出，但幾滑嘅。睇住佢地一杯杯咁製作，等候需時，質素都唔錯嘅但少貴。佢另外仲有杯國王珍珠奶茶都會想一試呢！順帶一提佢地嘅包裝設計係唔錯，手拎住幾方便，仲可以夾返住個飲管添！

平時係南昌v walk食飯，經過見到呢間新開的奶茶鋪，見到佢勁多人試，一於買兩杯黎飲下。原來呢間鋪頭嘅茶全部都係即叫即冷萃，一定唔係預先沖好嘅隔夜茶。國王珍珠奶茶原來係佢間鋪嘅招牌，紅茶底加厚奶，茶味同奶埋都幾平均，唔算係茶味好重，我覺得適中。我最鍾意佢嘅珍珠，夠晒大粒，係出面珍珠嘅1.5倍，又好咬口，甜味夠，出色。另外叫咗杯時令鳳來密冰茶。係新鮮鳳梨汁，加上水仙桂花，飲落幾清新，鳳梨味重，加上纖肉果子，即係寒天，食落都幾fresh.加上佢嘅環境，可以坐係度嘆返杯茶，望下街景，都幾寫意！

《吃茶三千》因為屋企行過少少就係南昌，所以有時唔個去邊都行去嗰邊既v walk 行下街！見到開咗間新既台中人氣茶飲店，主打現萃茶湯，仲有部特製既萃茶機現萃6款台灣高山茶！個外帶包裝仲好特別同靚！即刻買嚟試下！🍭國王珍珠奶茶($34)其實我最鍾意呢間茶飲店係佢採用低糖配方，分咗完美/輕盈糖度，完美係出面既70%，輕盈就係出面既30%～ 呢杯叫咗輕盈，飲落去真係唔會好甜！飲得好舒服，而且啲茶味都好出同香濃！珍珠係好彈牙唔會一patpat~~ 而且份量都唔少！🍭鳳來蜜冰茶($38)見到有介紹佢個鳳來季係拎咗獎同每日只限首150杯，緊係叫嚟試下！呢杯成份係有鳳梨湯、水仙桂花、百花香蜜同埋纖玉菓子～ 甜度會影響蜂蜜既份量，所以我order 咗正常甜度～ 呢杯相對會比較甜少少，但飲落都好清香！

見到一出地鐵站係vwalk有間新嘅台灣手搖飲品店，就買咗兩杯飲品試吓，見到佢哋推介六款萃取茶，今次試左個水仙桂花密同埋個熔岩黑糖波霸鮮奶！佢哋嘅外賣都好貼心用麻線索著比你拎，唔怕會拎到手好凍😙兩杯入面個熔岩黑糖波霸鮮奶比到驚喜我，真係好好飲，個黑糖鮮奶都好融合，令到黑糖同鮮奶味道都好平均，唔會覺得好甜，佢嘅珍珠都好煙韌，整體來講我覺得係好值得試嘅一杯黑糖珍珠鮮奶！黑糖珍珠鮮奶佢係固定糖和冰。水仙桂花蜜係用台灣嘉義水仙桂花做嘅萃取茶再加蜜糖衝出黎嘅，佢嘅甜度可以揀少甜，水仙桂花嘅味道清淡得來都好濃桂花味道，再加上蜜糖，真係啱晒夏天飲！

冇得走冰，返到屋企自己人手去冰，啲冰有超過20粒，太誇張了。倒完冰杯野得返三分二，飲兩啖就冇了。飲咁多間，呢間最誇張………………..甜度固定 太甜了！唔會有下次。

V walk又開多咗間茶飲店，望個menu覺得整得好靚(笑)&感覺好新鮮，唔係平時一般見開嘅款式。可能真係飲得太多奶茶類，所以嚟到呢度就揀咗兩杯望落好fresh嘅飲品💛包裝好特別，個個買完都會拎住喺招牌位打卡🤣松針芒果茶 (少冰走甜) $30即係松針綠茶+芒果果露💛由於芒果本身都好甜～所以店員建議我走甜🤣飲嘅時候就係芒果嘅清甜，加埋綠茶真係好好飲啊～～～玉露青檸 (少冰 輕盈50%甜度) $30即係玉露青茶+青檸原汁💛本身店員話嘢飲因為落咗青檸原汁會偏酸，建議我飲正常甜度，但我真係好怕甜😂所以都係要咗半甜～飲落真係有d酸，但我ok呢種感覺🤣夏天飲好refreshing💛※ 店員好貼心! 落單前會講定大約要等幾耐～又會好細心咁講解d嘢飲! 重會建議你可以加咩配料&甜度🥰💛