台食館 (福榮街)

營業中

休息中

每次經過餐廳門口，都被佢門口嘅食品相而吸引，覺得好豐富。今日忍唔住去試下，果然冇失望！睇完餐牌之後，發覺有好多特色嘅野食都好想嘗試。第一道當然唔少得招牌紅燒牛肉麵。湯底味道濃郁，有藥材味，覺得好正宗。台灣手工扁麵本比幼麵更有煙靭口感，肥滑彈牙，亦都能掛上牛肉湯汁，體驗到湯底的精華牛肉炆煮時間剛剛好，唔會太淋，好入味，讚！第二道當然係蛋餅蛋餅係香港唔算普及，所以能食到好食嘅餐廳唔多。呢次揀左起司玉米蛋餅，蛋餅中間係芝士和粟米。芝士唔係拉絲果種，係爆漿芝士果種，睇落都非常之吸引。餅皮煙韌，有雞蛋香味。總括來講，蛋餅非常值得一試！飲品揀左蜜紅豆鮮牛乳，我覺得紅豆甜左少少，鍾意飲甜野嘅人可以試下！

話說今日經過深水埗諗住食個快飯喺文記車仔麵同埋維記嗰條街其實都好多嘢食咁不如試吓啲未食過嘅咁就揀咗呢間食台灣嘢嘅台食館咁我就叫咗個鹽酥雞拌麵（$5x)落單嗰時侍應姐姐仲話轉麻辣會好食啲咁梗係信佢啦鹽酥雞嘅份量都幾多都有十幾粒拌麵都有彈性少少麻辣幾好食如果再鹹同辣多少少就更加好啦咁然後加$8叫咗杯珍珠奶茶正常台式餐廳嘅珍珠奶茶珍珠都有咬口嘅都唔錯另外我哋叫咗個肉鬆芝士蛋餅（$36/38）但係唔記得咗影相反而呢個小食就出色啲又足料又好食建議大家都可以叫返個蛋餅食下

咁啱琴日行完街，經過一間台灣餐廳，被佢嘅餐牌而吸引，發覺好多特別既野食都想嘗試。見價錢都唔貴，於是進店叫外賣，想帶返屋企俾老公試下。我好鐘意食魷魚須，所以點左魷魚須鹵肉飯。份量都幾多，炸粉好薄脆，魷魚須相當Q彈，但外皮卻好酥脆，整體炸得乾身而且不油膩。滷肉切粒，瘦肥均勻，煮得非常軟腍，撈飯一流老公點左紅燒牛肉麵。我都試下，覺得牛肉好出色，煲到好入味好腍。麵條係台灣刀削麵，亦好q好彈牙，帶返屋企食都唔會淋曬。湯底味道濃微辣，但唔會油膩。我覺得鹹左少少，老公話鹹度啱啱好。我同老公約定，下次再去堂食試下其他野食，好多款小食同蛋餅我都好想試！！！

親愛的家姐話要請我食飯，隨機見到呢間台灣餐廳，見餐牌價錢都好適中，於是揀左呢間餐廳。這款是三寶牛肉麵香港食既牛肉麵黎講覺得相當唔錯，湯頭好香濃，超大碗麵配料又好多，牛肉亦很軟腍，牛肚好入味好淋。牛丸就較遜色，同出邊買噶差唔多，未有驚喜。家姐點左麻醬雞絲拌麵家姐原本以為係麻醬雞絲涼麵，上左黎先知呢碗係熱噶。但佢話味道都幾好，雞絲有少少鹹味，麵條汁係好香的麻醬味。配料有花生碎同青瓜絲，搭配麻醬撈麵食都幾match。今餐親愛的家姐找數，唔清楚幾錢，應該都唔貴！下次再試下其他食品

最近好掛住台灣味道，就來試下屋企附近呢間台灣餐廳點左軟殼蟹蟹黃膏肉碎拌麵。軟殼蟹薄薄炸粉，啱啱炸起，熱辣辣，咬落好鬆脆，不過要小心燙口！台灣麵條彈牙，配上店家特製的蟹黃膏肉碎，口感好特別。用料亦都好足，麵上邊鋪左滿滿一層的蟹黃膏肉碎，味道好香！呢種口味係第一次嘗試，想不到蟹黃膏加麵條的口感會如此夾。麵條滑捋捋的好易啜入口內，亦都好掛汁，入口滿滿蟹味。濃郁的蟹黃膏肉碎用黎撈麵，的確係一流！點左凍檸茶，比較中規中矩，無驚喜。下次應該要試下台灣飲品。呢間餐廳餐牌種類都幾多幾吸引，又加入了一些新派的元素，下次黎再試下其他野

今日路過深水埗，隨機見到一間台灣餐廳。見到餐牌上種類都唔少，好吸睛飯麵類有滷肉飯、湯麵及拌麵等揀，仲有蛋餅同特色小食添。另外，飲品亦有幾多選擇，例如奶茶，綠茶及特色飲品等都有點左香酥綜合便當賣相超吸引鹽酥雞炸粉脆薄、入口嫩滑，真台灣味道！台灣腸就無洗多講，相信沒有什麼人能夠抗拒，非常惹味最最驚喜的係炸魷魚須，冇諗過可以炸到咁酥脆，非常之香口。必點！滷肉飯肥瘦平均，米質煙韌。滷肉汁多，足夠撈整碗飯仲點左份水餃，皮薄餡多，但味道就未算有驚喜。總括來說，這間台灣小店還ok，食物味道好，價錢屬於大眾化，可以一試

今日係深水埗附近，諗住搵一間餐廳食。見到呢間野好似多人啲，唔會伏。點知….. 伏到…. 從來未食過咁難食既台灣菜。我哋叫左4樣野，分別係：排骨滷肉飯蕃茄牛肉麵小食拼盤珍珠奶茶珍珠奶茶啲珍珠係硬既，排骨滷肉飯既排骨好大陣豬臊味，啲飯又凍又硬，蕃茄牛肉麵個湯底唔夠味，小食拼盤正常！但個飯真係勁難食，食左幾啖已經食唔落。呢間野真係不可一不可再。最後呢餐$213，真係食完得啖笑，返屋企煮個麵，完。如果可以再選擇，我唔會再入去，好伏。

整體而言未食過咁無誠意既台灣食物 沒賣相不要緊 但連食物都沒質素就令本來很肚餓的我都瞬間飽左 食慾是一下子沒了食物唔夠熱亦係一大令人沒食慾的錯今晚叫左四樣野：滷味綜合便當（$60）飯係凍又濕 得幾粒滷肉 唔知點撈飯滷味毫無味道 完全無入味 硬要讚句得豬軟骨都軟既都叫有味既但其他配菜（豆角、西蘭花）一律無味甘梅地瓜($33)地瓜條油到一個點 甘梅粉唔夠多芋泥肉鬆蛋餅($38)一上枱又係凍既 🤨得6舊頭尾兩舊都無肉鬆 份量少檸檬愛玉愛玉細到唔太啜到 雖然都有一定人流入黎我會諗可能係人情味搭救佢既無水準食物點知員工態度都好差 沒禮貌落左order先再落套餐野飲我話要檸檬愛玉佢即刻用啲好差態度講：「吓加21蚊架Wo」（重點係講價錢都講錯）我話：「吓呢度寫加20蚊Wo」心諗我知要加20蚊呀，唔使好似睇唔係人地加20蚊飲你杯野飲好Wo🤬後來我明白原來佢係想借住惡劣態度嘗試等我唔使飲到杯咁難飲既飲品，可惜我無領情結果今餐完全唔想食 影響心情千祈唔好試伏 除非你好想食劣食坦白講深水埗有好多好好味既餐廳等緊大家！

食物都好普通，滷肉飯肉質十分柴，而且沒有賣相可言。另外珍珠奶茶嘅珍珠全部黐埋一舊，我以為係冇任何的承意。永遠都唔會再過嚟幫襯，希望可以好好改善下啲食物質素，加油。

依家夜晚冇得堂食，同屋企人食晚飯想偷下懶就唯有叫外賣啦😂因為佢選擇都幾多下所以就每樣都是啲有唔同款～～呢間台式餐廳價錢都幾平民，外賣到返屋企都仲係好香～～要叫外賣嘅朋友可以參考下😍醬軟骨滷肉便當滷肉滷汁都幾濃，每份便當都有，配飯食就算冇餸都幾正😂軟骨同滷肉個汁接近，如果啲顴骨再林啲會更佳😂豬軟骨其實都幾大嚿，份量足👍鹽酥雞滷肉便當外賣返到屋企啲鹽酥雞仲係有啲脆，無淋曬，呢個位都幾值得讚😆而且佢嘅份量都幾多鋪滿晒成盒飯！本身都驚鹽酥雞配飯會有啲dry，但好彩有滷肉汁就Balance左成件事😆滷豆腐滷肉拌麵外賣嘅面或多或少都會有黐埋一舊嘅情況，咁係正常嘅！但係拌麵明顯冇便當咁好食，因為或多或少都有少少淋咗😖我諗如果麵嘅話堂食會更好！嘉義手撕雞便當呢款便當係最驚喜嘅一款✨ 唔知大家有冇喺台灣食過呢嘉義雞肉飯😆我覺得佢呢款就有啲似啦！好似台灣嘅味道🤩因為啲飯入邊會有啲雞油，食落去好惹味！推介～～台灣菜出名嘅點少得蛋餅啊～今次就叫咗兩款蛋餅，起司玉米蛋餅及起司肉鬆蛋餅～蛋餅就一定冇得輸㗎啦未到嘅話我諗間間都差唔多，都係咁好食😆台灣蔥油餅好可惜外賣到咗真係淋咗少少，我諗如果堂食仲係趣嗰種蔥油餅應該

今日買完D聖誕節玩具，行過福榮街諗唔到食乜，隨心行入舖頭，事旦點左兩個飯，兩杯嘢飲，意外地有驚喜，排骨兩大件，鹽酥雞即炸，滷肉剛剛好不多不少，兩杯嘢飲精心製作，仲有小食炸魷魚鬚，下次行過，一定試埋佢個牛肉麵。PS.洗手間非常乾淨，女仕幫襯不二之選！

比門口既食牌吸引左入黎食，叫左鐵路滷排骨滷肉飯同鹽酥雞滷肉飯，個人認為相當一般，除左份量大，味道不予置評。仲叫左黑白雙響砲奶茶，同普通奶茶冇分別，而且吸管根本吸唔到珍珠

去完福榮街買玩具，天氣又熱，就去搵間店舖食嘢。呢間有主餐又有小食，於是入去睇下。唔使等位，不過二人座位要搭枱，比較迫。 呢個餐牌有啲誤導人，喺蛋餅同吐司下面擺台式飲品，又寫免費又寫加錢，畀人誤以為呢個係一個餐，點知唔係，飲品要另外單叫嘅。 單叫一杯普通嘅綠茶，都要25元，我寧願出去台式飲品店飲，廿蚊有找。套餐價錢親民， 招牌紅燒牛肉麵(59元)， 加珍珠奶茶(加8元)。 另外叫了個芝士肉鬆蛋餅(36元)， 唔包飲品。 紅燒牛肉麵牛肉都算燘得幾腍，牛肉都入味，算係最好味嘅。幼面冇咬口，比較腍，湯嘅顏色係深啡色，不過係冇味嘅， 同食開嘅牛肉麵湯底爭好遠。 芝士肉鬆蛋餅蛋餅煎得唔夠香，裏面啲芝士好少，食唔到有芝士味 ，肉鬆嘅份量都唔算多，成個蛋餅都麻麻地。 珍珠奶茶最差就係呢杯珍珠奶茶，冇奶香亦都冇茶香，啲珍珠好韌，一啲都唔好趙。台灣嘢做珍珠奶茶做得咁差 ，單叫又貴，好彩冇再嗌第二杯台式飲品。

原先到福榮街想食車仔麵， 但實在太難等了😅， 大排長龍之下即興入台食館吃晚餐。 餐廳主打台灣菜， 店內光猛但座位比較迫， 晚餐有古法花雕醉雞卷$35、 烤小香腸蛋餅$36、台南滷肉飯$48、 番茄牛肉麵$62、 芋見圓子髒髒丸$29、 芋香奶茶$10。 ▫️古法花雕醉雞卷🌯 ～ 小食冷盤，雞卷是雞髀肉， 入口有清清的花雕香，肉質不算嫩滑， 但造型幾可愛。 ▫️烤小香腸蛋餅🌮 ～ 蛋餅香滑， 味道都幾好。 ▫️台南滷肉飯🍛 ～ 滷肉飯有滿滿的肉汁，很惹味。 ▫️番茄牛肉麵🍜 ～ 湯的味道很濃， 牛肉有幾件，非常軟腍， 麵的質地似刀削麵。 ▫️芋見圓子髒髒丸🧋 ～  面層有三粒芋圓🍡，口感非常硬， 應該是用來裝飾的😂，滿滿的芋蓉很好飲， 甜度適中。 ▫️芋香奶茶🥤 ～ 香噴噴的芋香味，又滑又好飲。 台食館原來有分店， 價錢新民，味道都不錯哦！😄   

因為想食台灣野，所以上foodpanda搵，見到呢間未食過就叫黎試下。外賣送到黎一開，份量相當公道亦算多，飯量多到細食啲既女仔可能未必自己一個食得哂既程度。但味道真係相當普通。叫既係鹽酥雞排滷肉飯便當，而野飲分別叫左凍水蜜桃紅玉同凍珍珠奶茶。便當既配料有雞扒、一啲蔬菜（豆角，西蘭花，木耳）同滷肉。木耳用左醋去調味，少少酸都幾好食，但豆角同西蘭花都係無味。而雞扒方面餐廳選用左雞胸去做，無肉汁、乾身、”鞋”口，炸皮包唔住雞扒（可能因為係外賣焗住既關係），有啲肉甚至已經脫落無左塊炸皮。而雞扒既調味粉亦落得唔夠，只係有少少香氣，但食唔到鹽酥雞扒應有既味道。飯亦偏乾身，有幾啖甚至係硬到好似飯焦咁。而滷肉醬亦欠缺油香，不黏口，有瘦肉肥肉，肉既大細唔一致，瘦肉肉質亦偏柴。最後野飲就普通，不過不失，不過值得讚既係雖然無甜度揀，但佢做到唔太甜，相信好適合平時飲野中意叫少糖既人。以上係外賣既食評，可能堂食即時整即時食會好啲，但整體食物既味道黎講我唔會想再去試多次呢間餐廳。