台灣ET鹽水雞

營業中

休息中

第一次買，A餐淨肉加3菜，正常今次第二次買，我話A餐另加份雞腿肉29蚊再多加1菜，私自加一大團面，我不食碳水化合物，雞肉份量和上次一模一樣，騙我說雞腿肉本來就不多，其實是用一大團面取代了我另加的雞肉，菜的份量亦少了我只會給這家商店呃一次，87蚊，我就當跌左錢比乞丐，以後亦不會再幫襯，作為一間店舖，非要這樣因小失大，失去了聲譽和品質，亦難怪香港人不願意在香港消費，這樣的服務態度和狡辯實在令人氣憤最後2個字：騙子

A餐 (雞胸+雞腎+魔芋絲+高麗菜)- $50(Request: 淡味+走麻油+無辣)之前吃過覺得調味太重所以這次request了淡味和走麻油 覺得剛好很合我口味～雞胸肉有些偏鞋 有些偏嫩滑 雞腎有咬口 挺不錯的魔芋絲只有3-4扎 份量有點少(ᗒᗣᗕ)՞高麗菜新鮮爽脆 不會煮得過軟整體質素不錯 只是份量偏少 價錢偏貴 當lunch的話其實不太飽肚(ಡ‸ಡ)—————————台灣ET鹽水雞 (尖沙咀)尖沙咀科學館道14號新文華中心地下58A舖

等待時間長寫紙點餐既時候只係見到一個食客已經等緊，但係我最後都係等左15分鐘先攞到餐，而途中佢淨係出左兩張單，而每張單都唔係好多野。買得外賣就係想要快少少攞到返去食，睇嚟呢間舖可以訓練到香港人既耐心。-食物份量不多其實價錢都唔平，但係份量的確略少，女仔應該覺得岩岩好，但男仔大機率覺得唔夠食。-味道不錯味道係好香既麻辣，對鐘意食辣既我黎講係滿足既-整體而言，趕時間既話絕不推廣

嗌左個一人餐$50，可揀三款配菜，蓮藕、甜不辣只有各一片，苦瓜只有十少片，更甚係一人餐嘅雞髀，盒內嘅肉根本冇一隻雞髀，只有數十少條雞肉，完全不值，冇下次！了！！

❥ 一人餐 ($48) - 雞胸 + 三個配料 + 麵底 （$10）❥ 雞胸 + 白蘿蔔 + 蜂巢豆腐+ 甜不辣+油麵份量幾足，但正餐嘅話要加個麵/ 飯底，如果唔係應該會唔夠飽～個人比較鐘意食乾身嘅雞胸，所以對佢啲雞肉好喜愛！但如果你鐘意食嫩滑嘅雞可能會唔夠滑，不過好好嘅係佢去左骨，係十萬個方便🤩同埋雞胸份量都幾多😋 配料方面三款都幾入味，特別係白蘿蔔同蜂巢豆腐，但又唔會話好咸咁👏🏾 個汁酸酸甜甜幾開胃～我加左中辣，然後都真係幾辣，唔太食得辣嘅人可以試左小辣先🙈 嗰度係一間細細地嘅鋪，淨係做外賣，可以填完紙仔就喺附近等～ 如果喺附近返工嘅人買返去食都幾方便～

呢間小店好有歷史，不過我向來都出街食所以從來都未食過，對我嚟講係新野😅, 今日飯腳要清假，所以我就趁機試下。舖好細，得幾十尺，只做外賣，好似車仔麵咁自己剔，我揀咗A餐46蚊，有雞（已切件）同三款配料，配料選擇好多，我要咗齋鮑魚，鳳爪同豬耳，另加10蚊配冷麵，走辣，要蒜同蔥，配料本身應該無調味嘅，豬耳好爽囗，鳳爪已去骨👍，麵本身有汁嘅，個汁都幾好味🌟，整體唔錯，特別係天氣開始暖，食呢啲幾開胃👍, 不過份量唔多嘅，男同事見倒話應該唔夠飽🤣

一個人係尖沙咀，又唔係太肚餓，但又要食晚餐，就決定食鹽水雞。咁就叫左個一人份量 （鹽🧂水雞🐔+3個配菜： 蜂巢豆腐、甜不辣、鳳梨）要小辣。咁好彩小辣真係唔太辣，我仲接受到。佢小小辣咁令到成件事好開胃。咁佢都撈得好好，全部都有味。咁講番個雞，係幾多同幾好食，小小辣得黎又有咸味。另外3個配菜： 蜂巢豆腐、甜不辣、鳳梨，都係辣得黎又有啲咸，個鳳梨仲帶啲甜味。食落幾好味同開胃。佢成盒個份量都大，食左佢就真係可以頂左晚餐。

«704»好想去台灣夜市所以周圍搵鹽水雞食﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷一人餐 $46雞胸/雞腿/三隻雞翼+3款配菜配菜好多選擇，有好台嘅芭樂、血米糕、百頁豆腐🤗 而且都好多水果類，連香蕉都有得揀😂我嗌咗雞髀 甜不辣 百頁豆腐 小辣，雞肉好腍啖啖肉，雞皮爽脆吸埋汁好惹味，小辣都幾勁加埋係重蒜，食完勁過癮，但個口要抖陣先🥵如果當lunch食記得要加麵先夠飽🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣台灣ET鹽水雞尖沙咀科學館道14號新文華中心地下58A舖

行書店行到攰攰地睇到呢間係角落嘅台式小食店，就入去試下。叫左一份鹽水飯拼青瓜，雞腎。味道方面，覺得呢份鹽水雞夏天食夠曬fresh, 調味唔會太重。雞肉已經幫大家拆曬骨，食落好嫩滑，值得一試！

之前在葵芳以及深水埗，都吃過幾次ET鹽水雞，這次友人很久沒吃，於是就買了半隻雞連同幾款配料回家😒。但係可能亦都因為是半隻雞，除了雞腿以及雞翼之外，還有些是雞胸肉或雞背脊，因此吃到雞胸肉的時候，感覺上還是挺「乾爭爭」的，不夠滑溜的雞肉。雞翼以及雞腿當然比較好，但雞肉好像都比較結實，沒如在深水埗吃過的那麼美味，小辣味道也挺為香辣的但配料，一個是米血糕，米血糕的質地雖然看似硬身，但其實咬下去一樓就很鬆散，不太結實的質地，咬下去口感欠佳，與一向對米血糕的印象截然不同。

今日嘅行程十分匆忙，根本就冇時間食晏，行經呢間鹽水雞泡，就諗住手快快咁食返個quick lunch，佢個鹽水雞可以揀三個配料，筆者於是揀咗魚肉、豆卜同秋葵，再另加$10就可以有個冷麵，由於我唔係太食得辣，於是就揀咗小辣程度，非常惹味，實在係速食之選！

A餐 （1人用） 雞胸或雞腿或3隻雞翅 ＋ 任選三款配菜 8分 💰44鹹水雞係小編其一熱愛既台灣小食，鹹水去滷既雞配上惹味既胡椒粉，可想然知點解台灣人熱愛依款小食。當天主菜小編嗌了雞腿，認真份量並不算多但都算醃得入味。雞皮會係其一加分位，細薄爽彈。小編要讚係佢地會將雞肉除骨，剪到方便入口既size，一邊行一邊食都唔會話狼狽。佢地提供多種台式獨有配料，例如豬血糕，甜不辣，百頁豆腐等等。小編就係嗌左依幾樣😄。豬血糕形狀還在不會到糊既質地，算可接受。甜不辣超級Q彈而百頁豆腐都吸收曬佢地調配醬汁既味道，超級正！小編見過不少foodies話香港ET鹹水雞同台灣差好遠，小編都同樣有此感受。但是你可以同佢講我想重口味d之前食過，佢地一定可以卑翻你台灣一樣水準。唯一要批評就係價錢，44蚊唔係平同埋份量真係細，分分鐘4成飽肚感都無。如果以買香港小食，44蚊真係無6成都有7成。

今日下午茶想食個輕食，就決定買個ET鹽水雞外賣慢慢食。我選左一人套餐，雞胸，紅蘋果🍎，金針菇同薯仔，承惠$44，價錢唔算抵食。個日見到佢地有推薦檸汁，只需另外再加$2，因我平時都幾鐘意食酸野，就決定試試呢款醬汁先。配料都有幾多選擇，竟然連紫薯都有。等左5分鐘就到手啦！賣相好吸引，但個味道就有啲九唔搭八，非常之奇怪咁，無論食雞定係配菜都唔夾，而且濃味之餘又好膩咁，都食得幾辛苦下，可能我唔應該選呢幾款配料加呢個醬汁啦😂但雞件都幾滑，整體5/10分。

尖東近樓梯口有一間賣鹽水雞既小店，店鋪細細好容易走漏眼。晏就時間都幾多人買排隊，大約有5-6個人，買完拎走返錢司食架啦。係紙度圈圈想要既配料交比收銀姐姐，製作時間大約10分鐘左右，等待期間仲有時間去第2間店度買野食😆 尖東美食誘惑多啊...雞胸/雞腿/雞翼3隻 + 3款配料，仲可以+$10要個麵。我揀雞胸肉+3款配菜 $44 加蔥加蒜雞肉份量算多，唔會太靭咬唔開，雞皮中間仲有啫喱係度😛。一大棵西蘭花切開細細粒、蓮藕咬落超爽口、百頁豆腐有香濃既豆腐味，內裡滑溜溜。味道方便較濃味，蒜蓉味道強烈，食完飲咗2升水到夜晚都仲有蒜蓉味，好彩唔洗見客😂下次都係走蒜蓉好啲

熱騰騰的天氣，無乜胃口！同事話不如去同鹽水雞食！初初都麻麻地下食雞的我，都俾我同事引左去買因為其實都要行到好遠，係尖東個邊的！位置不顯眼，鋪頭比較細間！我就選擇左一人餐，有雞胸或雞腿或雞翼（3隻)再加配料三款（$44）可以加$10有個冷麵呢到D配料都多選擇，而我就揀左皮旦，小黃瓜，黑木耳！比想像中好味既，而且無骨，我呢種懶人至愛份量都算多，同埋D雞好嫩口，唔(鞋)！少辣，加蔥加蒜好惹味！如果食得辣可以食中辣會好D!但一個午餐成五十幾都幾貴下！