影片
營業時間
今日營業
07:30 - 21:30
星期一至日
07:30 - 21:30
以上資料只供參考, 請與餐廳確認詳情
大前日（7-6-2025 Sat）一早，同老公回收完物資後去附近食嘢，天氣太熱又餓，即避走最近嘅商場涼冷氣先，入到嚟都好多間舖未開，原本諗住KFC，但老公話冇人service唔坐，於是走嚟台灣麵，我哋嚟到時都冇乜人，咁就坐咗一張卡位，睇完menu就用QR code落單，要咗：4. 熱好立克老公飲嘅，我一直嗅到好香。2. 熱檸水普通正常嘢，都係飲到尾有啲澀。2.5分1. $41.00嘅香煎雞扒，腸仔炒蛋牛油方包嚟到睇見，都有啲粟米粒 而且都好貼心地已將雞扒切開，睇見都算厚，有啲似炸，食落夠味，外皮脆，肉質仍嫩同juicy；粉蛋係全熟；粟米，腸仔同牛油方包都正常冇乜問題。3分3. $44.00嘅黑椒牛扒，火腿奄列牛油方包睇到黑椒汁係另上，牛扒幾大件，試吓先，黑椒汁唔太辣，OK；牛扒好鬆軟好腍。4分抵食：食完呢份早餐，只覺得啱啱夠飽，我哋重要等到2：30pm至食晏添。2.6分服務：都正常冇乜嘢嘅，俾錢就一聲多謝都冇。2.5分環境：啲凳都開始凹陷，坐嗰個位都好彩feel到有冷氣，強度係未飲熱嘢前係啱啱好，唔凍唔熱，飲完熱嘢（其實都食完晒嘢至飲，已經冇咁熱）後，就唔夠涼。其他：喺點餐嘅時候，見到免費嘅會係熱飲同凍豆漿 ，普通凍飲要加$4.00，咁我梗係會揀免費嘅凍豆漿，但篤入去睇，話凍豆漿售罄，咁即係如果想飲凍嘢飲嘅人，就焗住加錢，因為係一大清早8：30左右，凍豆漿有冇咁快賣晒？上次食評係2023年9月28日提交嘅呢篇：https://www.openrice.com/zh/hongkong/review/%E8%A6%81%E5%BF%83%E6%B0%B4%E6%B8%85-e5041126
繼續閱讀
今日經過荃灣悅來坊， 想簡簡單單食嘢， 同太太小朋友搵咗呢間台灣麵，😋😋同太太點咗一個二人餐，🥰🥰叫咗個豬扒麵 餐廳都幾好仲會拼埋其他菜式， 我就叫埋個炸豬扒麵 太太就叫咗個雞扒刀削麵份量超多 豬扒就正正常常🙂🙂面都好大份都幾好味， 個豬腸都幾好食鹵得夠濃鬱， 油麥菜勁大份， 加埋肉燥好好味太太刀削麵煙煙靭靭，😋😋食落都幾好味， 另外花枝丸都好好食🥰🥰總括你講呢間餐廳嘅份量勁多， 二人餐可以三個人食感覺都幾抵， 下次都會再嚟幫襯😊😊
繼續閱讀
諗住入去食早餐，服務員叫我坐低，我咪諗住坐卡位，點知突然另外好似一個深灰色衫，類似負責人黑口黑面嘅老女人，態度好差咁突然叫我坐另一邊同人搭枱既個種枱，咁我都有聽佢講坐去安排嘅位，點知，佢之後諗住出個QR code俾我既時候，就細細聲同個服務員講：我先唔會俾佢坐啲咁靚嘅位，佢以為我聽唔到其實我已經聽到！我聽到之後真係好嬲好唔開心，完全冇想食嘢嘅意欲了，之後我就走咗，因為我唔想對住呢個人食嘢！
繼續閱讀
今次去咗熊貓酒店悅來商場，雖然食肆選擇唔多，但呢間台灣麵分店真係值得一試！🍲酸辣湯白菜雲吞配新竹米粉 🍜 酸辣湯一上來已經香氣四溢，白菜雲吞又大又飽滿，仲有啲酸辣湯真係開胃，配埋新竹米粉，爽滑無比，整個感覺就係一字：正！🔥鮮茄濃湯白菜雲吞配粗麵 🍅 鮮茄濃湯味道濃郁，配埋白菜雲吞，真係好食到唔想停口。粗麵嘅口感好Q彈，每一口都係滿滿嘅滿足感。🤤台式豬軟骨刀削麵 🐷 台式豬軟骨飯真係香濃誘人，豬軟骨煮得好腍，入口即化，再配埋刀削麵，每一口都係幸福感爆棚！😋總結 價錢係略貴，但係質素真係保持到！整體來講，呢間台灣麵分店真係唔錯，值得一試！下次再帶朋友過嚟嚟食好嘢！🍲🍜🐼📍地址 熊貓酒店悅來商場
繼續閱讀
以前每次食台灣麵都在九龍灣展貿， 第一次到荃灣分店， 店內的裝修跟九展是差不多的， 餐廳主打台式料理，點了一個二人餐， 已包括兩碗湯( 酸辣湯和貢丸湯) 、肉燥油麥菜、 皮蛋豆腐、 豬軟骨肉燥飯、 牛三寶刀削麵、 柑桔檸檬和熱好立克。 二人套餐份量多，味道都算不錯， 就是豬軟骨有點硬。 整體菜式種類多，價錢合理。🏷️溫馨提示～ 整個用餐體驗均屬個人分享意見， 只作參考😊。 台灣麵地址: 荃灣荃華街3號悅來坊B1樓B102號舖
繼續閱讀