台北日記 @ 搵食市集 (已結業)

簡短評論：肉燥係怪香料味 過甜 唔夠咸唔夠調味 野食同menu有出入 麵都煮到無曬彈性 極失望原本想食沙田偉華嗰間台灣野既但屋企人話呢間新開 未試過 但真係後悔到不得了嗌左個香腸肉燥撈麵先講啲腸仔 佢張menu就切片/原條既 仲跟蒜片但出到黎就打直切 都唔知點咬 啲蒜片又消失左喎味道就正常普通但啲肉燥就真正過分 望落正常 啲肉幾靚但一食落係完全失望有陣完全唔關事既香料味 又過甜又唔夠咸唔夠調味麵又煮過曬火 好軟蘿蔔望落有色但就食落零調味真係絕對唔會再幫襯

成日行過又未食過就諗住試吓新野，就叫咗個滷肉撈麵配炸物外賣。炸物新鮮熱辣啱啱炸起，可惜加咗幾多辣粉舊墨魚春卷都好似冇味咁 。粉仲多過墨魚個撈麵一夾起已經覺得伏伏地啦，又淋又少滷肉汁😅重點係個滷肉汁完全冇味，所以成個撈麵都冇味道可言。啲五花肉粒已經少都算，仲要啲豬毛都仲係舊肉上面，食都唔想食。配菜方面有白蘿蔔、半隻流心蛋同少量椰菜。蛋係ok嘅，但啲菜又係咩味都冇咁。成餐外賣最夠味就只有罐跟餐嘅可樂。五十幾蚊嘅話大圍絕對有更多更好嘅午餐選擇⋯⋯

本身住九龍區好少去大圍食嘢，記得曾經食過大圍市集嘅滷肉飯好好食，朋友同我講個市集開翻，收工特登入去諗住回味下，點知一去到價錢已經貴咗一大截，心諗冇所謂啦一餐半餐，點知就出事。鹽酥雞都叫正正常常，但個飯真係搞吾掂，個飯又濕又難食，白飯就多，肉燥勁小，青瓜又出水，啲配菜完全出晒事。真心講句比狗食嘅滷肉飯。衛生情況惡劣，見住個收銀收完我錢又攞起啲黃瓜放落我碗飯度，見到即刻唔想食。強烈建議大家唔需要去試，我亦都唔會食再返去食狗糧。