台北倆伴

營業中

休息中

話說等左半個鐘頭，入座先講話限時一個鐘，即時呆左，好嬲，但等左咁耐唯有照食，因為d檯太細張，一埋去就要搭檯，叫左個蛋餅同臭臭鍋，個餐送到埋黎都無左4個字，大佬呀，得半個鐘多d 邊夠時間食？張檯勁細張，放個打邊爐既窩，再加份小食2杯野飲，根本就係食得勁辛苦😑😑唔會想有下次兩樣野都正常操作，叫埋兩杯野飲埋單4百幾，點解要食得咁折墮？真係無下次，惡夢因為太嬲，所以無心情去影相。無諗過食得仲慘過去茶記食

今日又黎到圍方行街兼搵食見到呢間台式餐廳既下午茶勁抵食$46-62不等 供應時間更去到下午6點怪唔之得咁多人幫襯 長期滿座咁滯➜花雕雞卷麻辣拌麵配紫菜貢丸湯及地瓜酥雞卷好入味 雞肉保持到嫩滑 有酒香拌麵既麵條好彈牙 份量都唔少麻辣醬惹味得黎又唔會太重口味地瓜酥外脆內軟 食到煙韌感➜老阿嬤焢肉肉鬆滷肉飯 配紫菜貢丸湯 $56焢肉肥瘦分明 入口同時有兩種口感加入肉鬆撈飯令滷肉味道更加分加埋碗紫菜貢丸湯 真係有台灣既味道➜九層塔起司培根蛋餅 煙肉好厚身煎到香脆 融化既芝士令蛋餅更香➜士林鹽酥雞每粒都大大粒 炸粉唔會太厚 啖啖肉好滿足餐廳仲有好多款台式飲品我地就揀左兩款茶類 無咁邪鮮柳橙四季春炭培烏龍起司奶蓋

我們一行5人於19:49到達，等待派位見有2，3張枱埋單及差不多食完，及地方有點細當等了差不多半小時，經理跟我說坐不下需要再等多半小時，相信該餐廳不會是好味道，要等1小時才可享用。首先可以分開兩張枱，還有很多其他方法垃圾服務態度⋯⋯永遠不會該集團旗下的所有餐廳。

我哋一行八人喺三月30號晚八點嗌咗外賣平台外賣，食咗飯同埋麵，鴨血，鹽酥雞等等。跟住集體第二朝劇烈肚痛及肚痾，基本肯定係啲嘢食有問題。我基本上唔會打食評，但係希望可以話俾人哋聽呢間嘢啲嘢食係唔衛生，大家小心。嘢食味道就正常，鹽酥雞、醬汁排骨、雞卷等等都唔差，後三步的份量亦不少。食嘅途中亦覺得沒有異樣，只是食藥後集體劇烈肚瀉，翻翻在OpenRice的食評及外賣平台內裏的食評都發覺有類似問題，並並不是第一次發生，強烈投訴及表達不滿！

👧🏻Wodafoodie in Tai Wai平日放假特登去圍方試下未食過既餐廳，新商場熱潮過左終於唔洗排長龍啦😆特登黎想試呢間台式料理，下午茶2點開始，套餐只係$46-62仲包飲品，款式好多，份量唔少，幾抵食！😍✨ 🍝花雕雞卷麻辣拌麵 $56拌麵麻味好重但唔會好辣😍每條麵都掛滿曬汁好惹味🥰雞卷既花雕酒味好重，雞肉都幾滑～✨ 🐮紅燒牛肉麵 古早滷肉飯 $58呢個餐岩曬大食既人，有麵有飯，份量都唔細！牛肉麵味道正正常常，幾鍾意佢個湯清得黎又好甜好好飲😋細細個滷肉飯但都好多滷肉，食曬兩碗好飽肚😆✨ 🍚老阿嬤焢肉肉鬆滷肉飯 $56好少見滷肉飯有肉鬆，有佢撈埋滷肉一齊食帶點鹹香，味道有層次好鍾意，滷肉肥瘦相間，仲有酸菜同糖心蛋，最岩食肉獸👍🏻✨ 🍜台南擔仔米粉 $46經典台灣湯麵，擔仔即係肉臊，米粉應該用左新竹米粉夠幼細同滑👍🏻✨ 🍳古早起司芋泥肉鬆蛋餅 $62必食之選！芋泥夠綿滑唔會太甜，肉鬆同芝士咸香好出，少少蓋過左芋泥味，但整個融為一體咁好好食🥰✨黑糖薑母茶✨桂圓紅棗茶✨荔枝烏龍冷泡茶📍 台北倆伴 (大圍)大圍車公廟路18號圍方5樓528號舖

古早起司芋泥肉鬆蛋蛋餅係台灣通常都係早餐食蛋餅，呢個芝士芋泥肉鬆蛋餅就反而似一個甜。芋泥甜甜地，芝士又咸咸地，食落又覺得唔錯喎。加埋蛋餅又煙煙韌韌咁，做個下午茶都唔錯鹹蛋黃芋泥酥呢個炸嘢我又有啲興趣喎，芋泥麻糬包住鹹蛋黃再炸，外邊脆入便QQ彈彈咁。一碟有三嚿，炸得好出色。炭焙烏龍芝士奶蓋呢杯望落似啤酒咁樣，但係其實係一杯烏龍茶。上邊白色嘅泡其實係芝士奶蓋。作為一杯台灣茶飲，味道算係唔錯，烏龍茶係唔甜嘅，但係加上鹹鹹地嘅芝士奶蓋，係解渴嘅。

今日揀台北倆伴食下台灣嘢。慢煮豬軟骨麻辣拌麵將碗內的咸酸菜、葱粒、麻辣醬拌勻麵條，麵條口感煙韌，麻辣味好香，但唔會好辣，豬軟骨就夠晒入味。咸蛋黃芋泥酥(3件)入口嘅芋泥酥鬆脆，口內有香香芋泥蓉。紅燒牛肉麵拼古早滷肉飯牛肉麵嘅牛𦟌，肉質夠淋又入味，重有咸酸菜，加埋麵條彈牙，好開胃嘅湯麵。滷肉飯細細碗，食晒成碗都唔覺得膩，配搭半隻糖心蛋連同豬肉鬆加滷肉碎，夠晒野味。士林鹽酥雞酥脆嘅鹽酥雞，咬落肉質嫩。芋泥三色芋圓中間有一大粒唔係雪糕嚟，係芋泥，配搭三色芋圓，入面有一絲絲煙韌嘅仙草凍。桂圓紅棗茶芋香珍珠奶茶紫色好靚，飲落有啖啖芋香味嘅奶茶。

某日行圍方嘅時候見到呢間餐廳平日都要等位 就試試佢！佢嘅下午茶都幾抵食 四五十蚊一個餐 仲包埋餐飲~-🍜紅燒牛肉麵拼古早滷肉飯 💰$58兩樣都細細碗 可以試晒兩樣😗牛肉麵有一兩舊牛肉 牛肉好軟腍滷肉飯味道濃郁 滷肉肥瘦適中-🥯大腸麵線拼淡水焢肉刈包 💰$52啲麵幾幼細 個湯幾掛汁 大腸滷得香嫩另外刈包軟綿綿 包住香茜 淡淡肉 -🍳古早起司芋泥肉鬆蛋餅 💰$62芋泥口感綿密 肉鬆鹹香 口感好豐富食落又甜又鹹😗-🦀士林夜市蟹蓋 💰$52蟹蓋炸到好脆 入面有啲蟹肉、粟米、蘿蔔絲 成個配搭都幾新奇特別~-🧀炭焙烏龍起司奶蓋 +💰$18奶蓋嘅味道奶濃郁 有淡淡嘅鹹味-🧀愛民芒果起司奶蓋 +💰$22芒果甜甜的 成杯整體都唔會過甜

在大圍新開商場圍城，－向都是大集團食店為主，其中有一間台式餐廳下午茶，性價比極高，座位都好舒適，啱我剛剛shopping 完鹽酥雞肉鬆滷肉飯雖然用小碗盛著，但滷肉飯份量充足，肥肉比較少，滷肉味濃有順滑感，甜中帶鹹嘅感覺，滷肉控制得恰到好處，呈亮晶晶的啡色， 鋪了烚蛋及肉鬆更加好味，另外加入店家自家製酸菜，令到味道昇華不少紫菜貢丸湯是傳統福建風味，地瓜酥外表炸過，煙靭無比，好香甜咬口鹽酥雞，炸得脆卜卜，內裏肉質鮮嫩，灑了鹽酥粉好滋味逢甲肉鬆榨菜蛋餅蛋餅好多餡，蛋皮充滿蛋香，包住大量肉鬆同榨菜，－齊食有種好鬆軟嘅感覺，－分為四件，可以細細啖慢慢地咀嚼鮮鳳梨水果茶清新舒服，有好多水果，香甜解渴冷泡荔枝烏龍茶味道清香，樽仔入住飲唔晒可以拎走

圍方開幕咗一段日子試過唔同嘅餐廳呢間價格係最貼地性價比最高嘅一間下午茶時段仲有好多選擇跟埋飲品真係好抵✨逢甲肉鬆榨菜蛋餅蛋香味濃郁．包着肉鬆同榨菜味道同口感更豐富✨鹽酥雞肉鬆滷肉飯配紫菜貢丸湯及地瓜酥香脆嘅鹽酥雞．炸完依然保留肉汁滷肉同飯嘅比例恰好每粒米飯都充滿肉汁✨紅燒牛肉麵拼古早滷肉飯厚厚嘅牛肉．口感軟腍配呢種麵質好夾套餐仲可以upgrade 台式飲品▫️珍珠奶茶▫️芋香珍珠奶茶▫️鮮鳳梨水果茶

大圍都可以食到台灣菜了~~~平日三點來也很多人，要稍等才能入席。每日都有下午茶套餐😳，最便宜約$50就有交易。台中芋頭貢丸新竹米粉（套餐價$46）雖然是下午茶價錢，但份量卻不少，絕對夠飽。貢丸裡面有軟軟的芋頭餡🤤新竹米粉像髮絲般，口感很好。跟餐點了荔枝烏龍冷泡茶。冷洗茶茶味甘濃，有淡淡的荔枝清香。古早起司芋泥肉鬆蛋餅（$62）我最愛的蛋餅組合———起司加芋泥加肉鬆。餅皮煙煙韌韌；餡料鹹鹹甜甜。

嚟咗幾次圓方都冇試過行到咁高行街，今日唔經唔覺行到5樓見有野食 - 台北倆伴就食起身第一餐😎環境闊落舒服有卡位紅燒牛肉麵配古早滷肉飯 $58Braised beef noodle soup with braised pork rice份量實飽飽，滿一碗飯！紅燒牛肉近牛展口感，唔會太硬既！古早滷肉飯就多肉，肥瘦剛好😏咸蛋黃芋泥酥 $46Salted egg yolk & taro mash cake睇緊蛋餅同埋佢芋泥酥之間諗咗陣，不過覺得烏麗酥喺食肆好少見，通常係當手信咁買！睇吓佢有咩特別😜 好特別，有係芋泥加少少糯米，好糯几几😝 好炸口🙂‍↔️！沙茶牛肉鍋 $138Satay beef hotpot津白、冬菇、金菇、米雪糕、甜不辣、芋頭貢丸、福州魚丸、蛋餃、鵪鶉蛋同埋蜂巢豆腐。蛋餃好有肉料同夾沙茶煲！牛有四款，有牛筋、牛肚、牛丸同埋牛板腱。除咗牛丸同埋牛板腱，牛筋同牛丸都好香軟，入口膠膠質nice！可以配珍珠米飯或者粉絲，甚至乎可以加$10改成王子麵或者滷肉飯。我就揀咗粉絲，因為同黃子軒一樣樣，佢都會好吸湯。下午茶最開心係可以順勢配埋嘢飲！熱飲同凍飲都有六款唔使加錢嘅，都已經有啱飲嘅！不

同朋友去左大圍圓方食台灣嘅下午茶，真係好開心！可以悠閑同朋友傾計，一齊享受美食。．首先，我地試咗一品臭臭鍋小辣。呢個鍋有鴨血、豚肉、肉丸同娃娃菜等等….真係好豐富！湯底麻辣香濃，每一樣食材都入味，令人食嘅時候嘴巴都會發麻，好過癮！如果你鍾意吃辣同熱騰騰嘅鍋物，呢個菜絕對唔會令你失望！.另外，我地仲試咗古早滷肉飯同大腸麵線。滷肉飯味道濃郁，肉質軟嫩，配埋滷汁，真係好味！大腸麵線好幼細，大腸滷得香嫩，一碗分量剛剛好。．甜品方面，我地試咗芋泥三色芋圓。芋泥滑順，三色芋圓軟綿，甜度適中，好好味！食完辣辣嘅菜式後，食返甜品真係好開心！．飲品方面，我地揀咗古早冬瓜茶同芋香珍珠奶茶。冬瓜茶清涼解渴，芋香珍珠奶茶濃郁香甜，珍珠Q彈，好有台灣風味。

喺商場裏面都可以搵到好嘢食嘅🫶🏻位於大圍圍方商場嘅呢一間台灣菜真係值得一試 尤其是下午茶時段真係抵到爆炸💥 而且份量一啲都唔少😇.🐷T04 老阿嬤焢肉肉鬆滷肉飯 配 紫菜貢丸湯飯上面嘅滷肉都真係幾肥 完全符合滷肉飯嘅特質 撈埋啲飯一齊食油香滿溢 加上有啲肉鬆同埋酸菜 撈埋個飯一齊食口感更加豐富🫶🏻 搭配嘅紫菜貢丸湯味道都唔錯 唔重唔會有好重手嘅味精味🤣.🐷T09 花雕雞卷麻辣拌麵 配 紫菜貢丸湯 及 地瓜酥麻辣拌麵可以揀唔辣同埋小辣🤣 對於我呢啲唔係特別食得辣嘅人就非常之好啦 份量充足而且咬落有嚼勁😆 再加埋有兩片花雕雞 味道濃 一路食麵已經聞到隔離啲花雕酒味😇而且仲有兩條地瓜酥 其實淨係食到呢一度已經覺得飽.餐飲方面跟餐叫咗一杯黑糖薑母茶同埋冬瓜茶 兩杯都係熱飲 感覺不錯.🐷咸蛋黄芋泥酥鹹甜結合的咸蛋黄芋泥酥 個皮都炸得酥脆外脆內軟 🤓 色香味俱全嘅感覺😂😂😂.🐷古早起司芋泥肉鬆蛋餅呢個係蛋餅口感比較硬生嗰隻 所以食落更加酥脆 而且切好晒要食都好方便 食起來鬆軟多汁 加上芋泥同肉鬆好夾 口感豐富😆大推😇.🐷蟹黄秋葵蟹黄秋葵勁吸引 秋葵鮮嫩多汁 非常開胃 雖然唔係個個都鍾意食秋葵

圍方越來越多食店，今日經過這間台式餐廳，木系裝飾令人舒服。下午茶有套餐選擇紅燒牛肉麵拼古早滷肉飯牛肉非常軟滑，帶點膠質，有驚喜，麵質彈牙；滷肉份量足，肥肉比較少，少油膩感麻辣鴨血臭豆腐拌麵，紫茶貢丸湯及地瓜酥鴨血又麻又辣，少辣過癮，臭豆腐臭而不辣，拌麵更有咬口，微辣口感，地瓜酥香甜香菇滷肉A菜菜爽甜，加入滷肉更鹹香芋泥三色芋圓芋圓煙韌彈牙，芋泥球幼滑，加入仙草，口感豐富鮮鳳梨水果茶有粒粒鳳梨果肉，清新黑糖珍珠奶茶珍珠煙韌，茶味清新，不會太甜上菜快，職員有禮，下次會再來！