台北倆伴

營業中

休息中

台北倆伴 位於大圍餐廳大 坐得舒適 下午茶時間有茶餐古早滷肉飯拼大腸麵線有一個滷肉飯再加麵線組成完全還原台北麵線味道 大腸乾淨 麵線腍滷肉唔會硬亦唔會乾 五花腩脂肪比例高好香五香粉味 加埋肉鬆 流心蛋 好送飯 鹽酥雞肉鬆滷肉飯除咗滷肉飯仲有配鹽酥雞+紫菜貢丸湯+地瓜酥鹽酥雞係即炸 所以上枱時脆卜卜 雞肉Juicy 粉漿好薄 紫菜貢丸湯唔會過鹹 地瓜酥煙韌 帶有地瓜味 非常滿意 由於鹽酥雞真係好食 所以encore澎湖荔枝蝦球蝦肉非常彈牙 真材實料 而且外層非常脆口免費跟餐 選擇左台灣奶茶 點餐時職員建議可以選擇小甜另外加錢四季春奶蓋 奶蓋非常濃厚 突顯到茶香味用餐體驗唔錯 職員都好有禮貌

今次同朋友去咗大圍圍方呢間一直想試嘅台灣小店「倆伴」，下午茶時段竟然有齊牛肉麵、滷肉飯、小食同飲品，份量抵食又豐富，完全係台式控嘅福音！ **🔶 鹽酥雞肉鬆滷肉飯套餐（HK$62）** 套餐包齊滷肉飯、鹽酥雞、炸地瓜同貢丸紫菜湯，一次過滿足晒貪心又想試多款嘢嘅胃口！滷肉飯肥瘦均勻，滷汁濃得嚟唔會死鹹，加埋肉鬆同溏心蛋，真係有種台灣古早味嘅樸實感。鹽酥雞炸得香脆，炸地瓜酥甜甜哋煙煙韌韌，當飯後甜品啱晒。貢丸湯鹹香清淡，飲一啖中和返油膩感，配住飯食好舒服。 **🔶 紅燒牛肉麵拼古早滷肉飯** 朋友叫嘅雙拼set，牛肉煮到好淋，湯，加埋酸菜同幼滑麵條，台式風味即刻出晒嚟！滷肉飯都一樣足料，男仔食晒成碗都夠飽肚。 **🔶 大甲芋頭芋圓鮮奶** (+$18)芋頭鮮奶奶味超濃，飲落順喉又唔會太甜，咬到粒粒芋圓同芋頭蓉，口感豐富，芋圓控必試！ **🔶 黑糖珍珠奶茶（少甜）** (+$12)朋友叫咗少甜，黑糖香依然突出，珍珠煮得Q彈，少甜後甜度剛好，唔會飲完滯住滯住。 **總結：** 兩個人食到捧住個肚走，人均$80幾蚊有齊主食、小食同特飲飲品，真心抵食！食物質素對得住價錢，尤其滷

早兩日同媽咪行完大圍街市，見未夠鐘接妞妞放學，緊係餵飽咗自己先！好想食鹽酥雞嘅豬太郎就畀呢間台灣倆伴吸引到，仲有多款下午茶套餐𠻹！都幾抵食噃～.➜鹽酥雞肉鬆滷肉飯配紫菜貢丸湯及地瓜酥 熱辣辣嘅鹽酥雞外皮脆卜卜，唔會太厚粉，仲少少椒鹽，夠惹味；油香滿滿嘅滷肉飯，加咗肉鬆撈埋一齊食，口感更豐富；地瓜酥有驚喜，超濃嘅番薯味，外脆內軟得嚟，咬落煙煙韌韌。.➜台中芋頭貢丸新竹米粉諗住清清地叫多個米粉，但啲貢丸係有餡呀！第一次食有芋頭餡嘅貢丸，好特別！令成個米粉無咁單調！.➜花雕雞卷睇落好睇又好食嘅花雕雞卷，散發陣陣酒香好入味，而且肉質嫩滑，唔會柴口。.➜珍珠奶茶 & 愛文芒果起司奶蓋兩杯都可以揀返少甜！珍珠奶茶嘅奶茶茶底味濃，更加啱媽咪飲！愛文芒果起司奶蓋嘅起司奶蓋夠濃夠厚，鹹甜滋味同芒果好夾。.

好少去圍方食嘢，見到呢間呢個鐘數都有啲人氣，就入去嘆返個下午茶花雕雞卷麻辣拌麵 $56一個套餐包4樣嘢，好豐富！麻辣滷肉拌麵+花雕雞卷+地瓜酥+貢丸紫菜湯拌麵好creamy，夾雜榨菜嘅爽口，口感豐富！朝天椒的麻辣味好搶，同時滷肉鹹香惹味，味道上都好有層次花雕酒好入味，充滿醉香；同時雞卷肉質彈實嫩滑，果然係店舖招牌菜！地瓜酥一啲也不油膩，入口香甜軟糯，帶一啲酥脆，份量都啱啱好，唔會食多食濟 紫菜貢丸湯好有心思咁切細咗啲貢丸，食起嚟更加方便愛文芒果起司奶蓋 跟餐+$22唔係講笑，芝士奶蓋成尺厚，香醇濃郁，配合清甜的愛文芒果，真係非常滋味，好想可以再飲多杯！

原來星期六日冇下午茶，以前好似三點後有不過唔緊要，我已經諗住嗌小食嘅牛三寶，不過今次冇得走啦變咗好辣，要問侍應拎幾杯熱水嚟過一過🤣🤣食得辣嘅男朋友都覺得啦牛腱四件，牛筋牛肚各三件今次依然好味大嚿！平時嗰啲牛筋會細細地一條當一件，今次好大條㗎而且炆得好腍，牛肚都一樣係！軟硬適中，牛腱就正常發揮，唔會太腍又唔會太晏！而且都幾厚格一片男朋友個便當都幾靚仔咩都有啲，不過佢滷肉飯啲豬肉就唔係咁好食，炸豬扒好好味，其實佢係酥炸排骨，但係台式嘅排骨就係豬扒🤣🤣咁仲好😚鴨血同埋個湯就普通啦，湯就有啲鹹冇乜特別鮮味，不過好多紫菜冇乜纖維就加多個菜，好味不過偏貴因為40幾蚊 娃娃菜大碗嘅服務態度同環境都好好！好味過沙田嗰間

今次外賣，之前亦都叫過好多次。$88一個餐，以前肉份量正常，而家件數同size都縮水，得兩件加埋得我半隻手掌大嘅排骨。左邊仲係骨嚟嘅，右邊亦好厚炸粉。打去餐廳問佢話係根據公司標準去出餐，而家係得兩件排骨，即係無加價但縮咗水，仲要話排骨梗係有骨㗎啦。唔建議大家用$90食得一件肉仔嘅撈面。最搞笑係我申請退款一半時(當然拒絕了)send左張相比商家，商家同外賣平台客服一開始堅持見到三件排骨，簡直就係指鹿為馬😅但一開始話有三塊係正常出餐份量，後尾又改口兩塊都係正常份量，因為公司標準更改了，唔知邊句係真。你哋員工自己/改policy個高層俾$90食個咁嘅餐都會嬲啦。

🌟首推：「逢甲肉鬆榨菜蛋餅」外皮酥脆，內裡軟糯，一口咬下滿口肉鬆香氣！搭配著清新的榨菜與嫩滑的蛋液，讓整個倆伴餅的口感層次變得更加複雜又美味。肉鬆愛好者絕對不能錯過的絕佳美味！🌶️「花雕雞卷麻辣拌麵」辣得恰到好處，花雕雞肉的鮮美與麻辣完美結合，每一口都充滿著雞肉的鮮嫩與調味的辛香。拌著細細的面條🍊「鮮柳橙四季春」來點清新的茶飲解解辣吧！鮮柳橙的清甜與四季春茶的淡雅相得益彰🥤最後是「芋香珍珠奶茶」溝滿整個奶茶的芋頭香氣與Q彈珍珠的結合，喝一口就愛上這種甜蜜的滋味。搖搖珍珠在口中爆開的瞬間，真是一種無與倫比的幸福！

同朋友入咗去試吓，我哋買咗份醉雞肉，味道係唔錯，都幾香酒香味，嗌咗一個蟹粉撈麵，其實一路都未食過，所以都好期待，但係蟹味唔重，覺得冇咩味，另外嗌咗一個牛肉牛筋鍋，都幾多料，兩個人食都好飽，但係價錢唔算平。

今日上堂之前約咗朋友仔喺大圍食飯，正值下午茶，我哋嚟咗呢間例如圍方嘅台北倆伴台式餐廳食飯。餐廳有多款下午茶套餐，種類豐富，而且價錢實惠。另外，仲可以嗌唔少台式小食同飲品，非常吸引。紅燒牛肉麵拼古早滷肉飯 $58呢個套餐有兩份輕量嘅台灣牛肉麵同滷肉飯。台灣牛肉麵湯底濃郁，麵條煙靭。配菜有酸菜，同湯底好夾。牛肉大大條，有牛肉同牛筋嘅部份，非常美味。滷肉飯滷肉份量多，可以撈成個飯。滷肉好黏，豬肉嘅肥瘦分布各一半，配方非常好。另外仲有糖心蛋同肉鬆。鹽酥雞肉鬆滷肉飯配紫菜貢丸湯及地瓜酥 $62鹽酥雞肉新鮮即炸，熱辣辣，外皮薄薄一層，好脆，面頭仲有些少椒鹽，非常惹味。紫菜貢丸湯清清地，材料豐富。地瓜酥好特別，有濃濃嘅番薯味，質感煙煙韌韌，而且有炸過，食落外脆內軟。黑糖珍珠奶茶 +$12下午茶套餐已經配有飲品，想轉特飲的話價錢就可以。黑糖珍珠奶茶嘅珍珠非常煙靭，充滿黑糖味，奶茶茶底香濃。大甲芋頭芋圓鮮奶 +$18芋頭鮮奶奶味濃郁，底下芋泥香濃，仲有甜甜嘅芋圓。咸蛋黃芋泥酥（3件） $46呢個芋頭酥必叫！芋頭酥外面果上左麵包糠，炸完後非常香脆。之後就係煙韌韌嘅一層外皮包住滿滿嘅芋泥餡。芋泥餡芋泥味濃郁

去開沙田洗牙，一向喜歡食台灣野既我，見到圍方呢間未食過，一於上去位於五樓既台北倆伴喇，不枉我慢慢搵到上黎頂層。門口都循例望一望餐牌先，有下午茶，仲要勁親民價，感覺好抵食，二話不說就搵位再慢慢揀食咩好喇。下午茶餐多款配搭都好吸引，我揀咗腦阿嫲焢肉肉鬆滷肉飯，野食好快上枱，滷肉好夠腍入味，每啖飯和餸都足夠比例。飲品珍珠奶茶，好濃茶香味，唔會太甜，正合心意。小食彰化花雕雞卷，睇見隔離枱咁精美忍唔住都叫左，個花雕酒味未食都聞到，其實已經好夠飽，但係就好想試下就嗌埋食兩塊，順便做外賣今晚加料。

昨日和朋友在圍方吃了這家台式食店，點了牛筋牛肉麵及一個小鍋，吃了一半已經發覺味精超重朋友平時食量大但😅😅😅吃了一半已經停手🤪🤪🤪怕怕🫠🫠🫠不會回顧

{🍽️ 香港搵食 🍽️｝台北倆伴下午茶時間，望下meau價錢都幾親民呀！！甘岩今次唔使等位即刻入得 😎😎 之後lunch行過好多人架🥹 叫左佢地店既招牌菜紅燒牛肉麵評古早滷肉飯 🤩🤩 牛肉炆到好腍，而且啖啖肉得黎仲好大舊，連埋湯入面既鹹酸菜一齊食，都幾惹味！！滷肉飯都好香，隻滷水蛋係流心蛋嚟㗎😍😍 滷肉入口即溶，蠔涌又香味，正！！仲叫左台南擔仔米粉，滷肉配埋米粉、蝦同鹹酸菜，清淡得來又有啲味，都幾健康 😎😎小食就叫左士林鹽酥雞同埋私房麻辣牛三寶 。 鹽酥雞份量都好多🤓🤓 小小鹹味，而且超級脆口！！牛三寶超大份，除左有腱心、牛肚、牛筋之外，仲有蜂巢豆腐等配料，連埋麻辣醬汁一齊食，超級好食！！當然唔少得出名嘅珍珠奶茶啦😍😍😍 珍珠好有咬口，飲落有淡淡既茶香，幾解渴；仲叫左熱既桂圓紅棗茶，養生茶😂 都幾好飲📍大圍車公廟路18號圍方5樓528號鋪

去大圍想食個下午茶行到圍方頂層．望吓呢間價錢超級抵食唔怪得全場爆滿超多人下午茶跟飲品．份量啱啱好都有好多選擇✨鹽酥雞肉鬆滷肉飯配紫菜貢丸湯及地瓜酥鹽酥雞酥脆唔油膩配上迷你滷肉飯．仲有湯同香脆軟糯地瓜酥✨花雕雞卷麻辣拌麵啖啖肉嘅雞卷．充滿花雕味道麻辣拌麵．帶點微辣同麻感粗身麵質口感香滑✨老阿嬷焢肉肉鬆滷肉飯配紫菜貢丸湯滷肉同飯比例恰好帶點肥肉嘅焢肉．份量充足✨麻辣鴨血臭豆腐鴨血口感軟滑臭豆腐吸收湯汁精華．係必點嘅小食今餐抵食．環境舒適有服務一定有下次

台北倆伴大圍車公廟路18號圍方5樓228號舖經開大圍，老友推介地道台灣菜，環境舒適食材新鮮，果然冇介紹錯。😽逢甲肉鬆榨菜蛋餅即叫即製，外層香脆，蛋味濃郁，榨菜爽口，肉鬆惹味，醬汁鹹度適中，趁熱食，好味道！🤤鹽酥雞肉鬆滷肉飯+花雕雞卷麻辣拌麵配紫菜貢丸湯及地瓜酥鹽酥雞外層香脆，肉汁豐富，肉鬆滷肉飯煙韌有層次，豬肉香滑，醬汁開胃，配鹵水蛋，送飯一流！😻花雕雞卷醬汁惹味，雞肉鮮嫩，口感鬆軟。麻辣拌麵口感煙韌，配料有酸菜、滷肉和香蔥，辣度適中，大滿足！😍紫菜貢丸湯 湯底鮮甜，香蔥紫菜爽口，貢丸彈牙，好正！😚地瓜酥 外層香脆，餡料香甜。😉櫻花蝦甜不辣香氣四溢，面層佈滿了櫻花蝦，口感煙韌，推薦！😋鹹蛋黃芋泥酥即叫即炸，炸油新鮮，甜度適中，鹹蛋黃靚。💖桂圓紅棗茶紅棗圓肉菊花靚，香甜的味道慢慢滲出，飲完 好舒暢。😺荔枝烏龍冷泡茶果香味濃，烏龍茶提神醒腦。😸仙草奶茶少甜少冰剛剛好，仙草香滑，茶膽香濃。😁台北倆伴 環境舒適氣氛好，食材新鮮夠地道，款式夠多少食正，侍應服務態度好，還會再來。😎🤘

My friend recommends this restaurant for our lunch and said there is one from Tai Po as well. It is new to me and I found that the meals there are super delicious and with high CP value. The portion is large and the taste makes me think of Taiwan. The restaurant environment is wonderful as it is comfortable and spacious. Highly recommended to those who love Taiwan food and love healthy drinks.