古老燒鵝大王

營業中

休息中

八月上旬‧晴這裡是個有趣的地方，早上是個賣叉燒燒鵝的地方，但晚上搖身一變就成了個夜宵聖地。除了串燒，五元三件的煎釀三寶也真抵食，我的目標當然是炸雲吞。夠脆口，雲吞皮沒有什麼鹼水味且乾身。餡雖少但勝在香口，平平地都ok的。

四月上旬‧陰天比較起燒臘，似乎這裡晚上的串燒食物更得我心。見火光熊熊，又來看看有什麼好吃，見有泰式臘腸，來一串。肉質是比廣式的臘腸軟熟，掃上燒汁燒起，加上微焦的邊位，吃起來是很香口。12元一串，是不便宜，但好吃。又見有牛舌粒，下次要吃這個。

三月上旬‧晴都說這裡很有趣，早上是燒臘舖，晚上就變了賣完全不同東西的地方，除了各式地道小食，還有泰式燒烤及食品。這一次吸引我的，是這個烤豬腩。烤得外皮香脆，肥肉味道甘腴，瘦肉部份是略韌的，如果可以再切薄片一點就更好了。買二十元已經吃得很開心了。

正月上旬‧晴這裡很有趣，早上是賣各式燒臘的地方，到了晚上，就是賣潮式小吃及泰式串燒，感覺跟早上是完完全全不同的。先寫晚上來，看見串燒幾吸引，就要了雞軟骨及雞腎各一串。燒得幾香，雞軟骨吃起來脆口也夾雜香腴。雞腎也好吃，幾厚肉的，不會燒得太乾身，也不錯。辣汁幾冶味，下次可以要再辣一點的。不過要十元一串，幾貴。

夜夜回到觀塘，不想自己做菜，就去古老大王宵夜部買泰式粉吃，因多次走過，看到那泰式燒肉的吸引，今次決定一試．因不想留在此吃，就來一個外買好了要了喜歡吃的金邊粉，餸就要了豬頸肉及很想吃的泰式燒肉，湯底有兩種選擇，一是豬骨湯，另外是冬陰宮，泰式嘛我當然是選後者啦！回到家亦要一點時間，本打定是會淋了，但吃的時候，金邊粉仍是”煙刃”好味，冬陰宮湯少少辣，雖不是多料，但很香很有味道；餸也算很多很足，豬頸肉很入味，又有咬感，好好吃；泰式燒肉雖是在湯內，但仍吃到一點脆，而且肉質不錯，肥瘦層次不錯．另外還有蘿蔔啊!又是很淋又入味.然而兩餸也只是２５元，平平而且真的好味，那兒還有其他如車仔麵的餸，不過我還是會選泰式的美食啊！

太耐冇食碗仔翅... 對上一次食都起碼5年前突然間想食返係咩味, 咁岩行過哩度見到佢開左檔整碗仔翅, $15唔算平, 就當回憶一下, 還自己一個"心願"要左個魚肉碗仔翅. 靚女好快咁"不"左比我, 滿滿的再蓋上.魚肉好多好彈牙碗仔翅夠杰, 足料, 再加點醋, 真係人間美食之一是日晚餐真係滿足.

有傳要清拆但未動工的裕民坊一帶，同鵝頸橋一樣是夜夜笙歌，同行的突然癮起要吃碗仔翅，夜麻麻附近好似就只得這裡仲未打烊，走了兩條街口摸到上來，天口咁熱，咁行法其實都幾鬼辛苦的！同行的走去吉幾粒辣尖椒、茄子，見老細捧著由內舖廚房炸起的魚蛋漲卜卜，就拿著話滿又唔滿的碟同埋碗仔翅埋位坐定定吃，有幾座強力風扇，坐得唔算太辛苦。炸三寶流量幾快，吃落口熱辣辣，尤其是魚蛋更是熨嘴，雖然粉比例唔少唔算彈牙，但吃到有蒝荽，撈埋豉油、辣油一齊吃，過得去啦；談起碗仔翅，最好的是車品品吧，但原來有更好的，也真「R頭」，一碗材料唔算多的翅，要下醋吊味，談不上好吃，但廿四小時的碗仔翅就得這裡有賣，幾獨市的，難怪愈夜賣得愈好。自攜了兩支可樂，靚姐是隻眼開隻眼閉，沒說什麼，原來走時才埋單，靚姐反問二人吉了幾多粒，是出來行講個信字的小店，有趣～

3月11日晚上, 沒有人陪食飯, 就不如買個飯盒填飽肚就算。行過『古老』, 買了一個叉燒飯, 13元一個餸,真係好平啊!飯盒有好多飯又多叉燒, 真係好抵食, 平時買叉燒, 我諗十五元也買不到這麼多呢, 依家有埋飯, 又會咁O既!叉燒很瘦, 正合我心意, 而且不會硬, 味道亦唔錯。這個平民飯盒, 又OK喎!

今日夜返屋企, 地鐵落左閘, 所以要行第二條路返屋企哩間燒鵝大王係必經之店. 其實我喉住佢d 串燒好耐架啦今次決定左點都試一串第一次黎唔識規矩, 食咩就自己拎上碟度, 老闆娘就會燒返熱我真係前世未食過咁好食既串燒!!d 醃料好入味好好食. d 汁好似bbq 汁咁, 甜甜地既. 辣汁亦岩岩好雞腎索索聲. 勁爽口.簡直係掂, 下次試多幾樣先

27.3.2009每次經過呢度都好想食串燒同炸雲吞今次叫左雞軟骨同雞腎雞軟骨好好味, 好好咬, 夠爽, 幾鐘意食呢樣雞腎有d硬, 同埋薄左d, 食個時好難扯出黎炸三寶有好多款色揀有魚蛋, 豆腐, 紅腸, 炸雲吞, 茄子, 青椒炸雲吞如果有岩岩炸起就最好味不過今次得豆腐係岩岩炸起, 都好好味我發覺豆腐係賣得超快, 好快賣完又好快再有炸出黎所以夠新鮮, 又熱又好味上面舊魚肉都好彈牙, 食落會真係有魚味, 唔係一pat粉紅腸我都好鐘意食食完去左ok買可樂飲, 唔死心又返返轉頭睇下佢有冇炸雲吞企係門口等左陣, 真係有呀!!勁開心拿拿林迫埋去夾左4件 (好多人買緊)呢度d炸三寶好係好在可以自己揀自己夾再同返老闆娘講話幾錢真係幾free, 自己鐘意邊舊就邊舊熱辣辣拎係手, 隔著紙袋+膠袋都感覺都好熱d皮脆卜卜, 入面個饀都係魚肉黎, 都幾大舊架雖然咬到一口都油, 唔理la, 好食就得炸雲吞必食其實係入面食真係幾污嘈, 我試過見到地下有隻大曱甴當時仲未係好似而家咁多人去食個地下又長期都係好油, 好"線"不過又真係幾多人渣車兜過黎呢度買野食

2008年12月30日 星期二平時想食便宜的一餐, 有時都會到這裡買飯盒醫肚。今晚行完工展會, 腳又累又手挽很多戰利品, 所以是是但但一餐吧!買了一個雞飯, $13元, 真的很便宜, 最近這食店剛裝修, 但飯盒的價錢竟然還減價, 真的與市民共渡時間, 抵讚!!平時多食义燒飯, 义燒多數好靚, 不肥不瘦。今日試試食雞飯, 嘩~ 雞好肥, 厚厚的脂肪把我嚇壞了!! 本來味道是ok的, 但我是崇尚健康的人, 下次都是食义燒飯好了!!這裡的飯盒, 通常會將膠羹放在飯裡, 弄得膠羹肥了, 很不方便啊!總括來說, 我是推介這裡的飯盒的, 但义燒飯是較為健康的選擇!

我只有晚上才會經過這裡，不知道日間它是一間燒味店.....難怪有燒腩仔串燒!收工後為時相當晚，只有這裡提供小吃略為醫肚。要了鵝肝、雞軟骨、鴨胸三味堂食，份量很足，三款串燒的火喉剛好，可是...........那辣醬汁實在大煞風景，太咸，咸得非常過份!咸而不香，應該是魚蛋串用的辣醬，反覆狂掃下非常咸而帶微澀....令串燒大大失色!如果再幫趁，必定走醬!

12.6我地食完甜品, 就去食宵夜啦….好奇怪呀。黎左呢度食魚肉同埋煎釀三寶。不過呢間野加價加到好貴…串燒真係好貴。最近裝修過, 內裡的台櫈也新淨清潔。我由食魚肉一碗十蚊, 加到依家十五蚊了。 不過依舊是大大碗, 可惜欠缺咬口及鮮味。入面仲會有生菜, 幾健康‧。煎釀三寶是自己到出面拎碟夾進去的。五蚊四件, 我們夾左十蚊呀。個人認會最好食的炸雲吞。老闆們都很放心顧客, 因為佢地不會數著你夾了幾多件, 是埋單的時候報數自己夾左多少的。

依家到快餐店食個快餐, 閒閒地都要三幾十蚊, 所以有時都會幫襯『古老燒鵝大王』, 買個飯盒就一餐啦。我最喜歡吃义燒飯, 單拼飯只需14元, 义燒通常都好靚, 唔會太肥, 但又唔會太硬, 10 幾件义燒已經夠晒餸了。但提提大家, 如果超過晚上九時半的話, 所有飯盒一定已經賣晒, 要買就要趁早喇。依家經濟低迷, 這裡的飯真是不錯的選擇。

六月七日(六)不熟觀塘的很小人知道，古老燒鵝店入夜約九點後會變身作小食基地。種類繁多，有煎釀三寶、串燒、魚蛋、冰八爪魚等～　本人最有興趣的是串燒，故 買了兩隻燒雞翼，選了一只辣一只不辣，不辣原來已經是沙爹味，辣味是還掃上一層黑色辣醬燒，由於阿組忘了每樣一隻，兩只也掃了辣醬，發覺後只放回水沖洗再塗沙爹醬燒~ ~"辣味燒雞翼($18二只)很辣，一口較下去比預其中辣，再吃一口已滿頭大汗，忍不住要到超市買飲品，老婆的一隻理應不辣，但阿姐先掃辣醬再沖洗舉動已令這隻雞翼帶辣，老婆吃了兩口太辣已吃不下…. 雞肉質算嫩滑，燒得亦不錯，香氣四溢，雞翼size亦巨大，但對本人來說實在太辣～值得一選是各款串燒都可以自己挑選，揀一串合心水後阿姐才燒～