古珐蛋糕 (花園街) (已結業)

1. 香芋椰蓉蛋糕（$85）好驚喜🥰 係坊間古早蛋糕店冇既味‼️見到即刻要試下先，係我好中意既芋頭呀，其實椰蓉我冇特別喜愛，不過見佢淨係得表面有椰蓉，咁就試下啦size同其他店舖都差唔多，入面有唔少既芋泥，我問過店員，佢地話芋泥係佢地自己蒸自己打，食落味道都唔錯，冇過多既調味，所以唔會好甜，質地非常綿滑。蛋糕體都好特別，好有水份，近住芋泥既蛋糕體亦相對其他地方濕dd，不過放心唔會成pat野，有芋泥都keep到個蛋糕體真係唔錯，mix埋表面少少脆同甜既椰絲，呢個配搭👍🏻 家母表示食過好幾個古早蛋糕，呢個蛋糕既質感佢最中意，軟熟濕潤，又唔會過甜

今日和媽媽去太子買花，走著走著的時侯， 聞到一陣香噴噴的蛋糕味。沿着香味，我們找到古早蛋糕店，看到店內的蛋糕只剩下少許，我即時去排隊購買啦。由於晚上才來，剩下的口味不多，建議大家可以預先看電視螢幕的蛋糕出爐時間，可以買到新鮮熱辣的古早蛋糕，而且款式口味也會較多選擇啊。服務員姐姐很細心介紹他家的出品，原來全部蛋糕都用高品質材料製成，包括: 紐西蘭著名的牛油和日本著名的3.6牛乳。一共有八種口味，這次我先試試我最愛的抹茶味。宇治抹茶蛋糕 $75一大樽抹茶蛋糕，放在盒子內，包裝得體。一拿出來有震騰騰的感覺，抹茶味蛋糕非常鬆軟，軟軟熟熟、軟綿綿，令人心花怒放。但抹茶味不夠濃，可以加長抹茶粉嘅份量！

位於太子的古珐蛋糕，是一間台灣手工古早味蛋糕小店。老闆堅持用高質材料製作蛋糕，由用料至製作過程都一絲不苟。採用源自紐西蘭1886年的100%天然純牛乳製品Anchor牛油 和 源自北海道的100%特濃3.6純牛乳製作，主打 零香精、零色素、零防腐劑 的健康古早味蛋糕! 品牌在九龍城創立，而太子為第二間分店，地點更為方便，想吃的朋友更容易購買啦! 明亮的店舖，在黑暗的街道上份外顯眼。環境比一般的古早味蛋糕店大，客人能清晰看到廚房和包裝蛋糕的地方，乾淨整潔，吃得放心。而且更設有餐桌，想即時品嚐蛋糕，也可以唷!古珐蛋糕有八款口味，包括: 經典原味$65、清新檸檬$70、爆漿芝士$75、朱古力$75、香酥肉鬆$75、宇治抹茶$75、鹹蛋黃$85 和香芋椰蓉$85 口味。朱古力古早味蛋糕都$75當日七時半才到，只剩下兩個口味，下次要早點來了! 層次漂亮的朱古力蛋糕，非單一的純朱古力色，而是原味和朱古力的黄啡色混合版，有驚喜唷! 面層撒上朱古力粒，但整體甜膩度不高，朱古力味不算濃，濃一點更好哦。宇治抹茶古早味蛋糕 $75全新口味的蛋糕，是限定口味，抹茶控要快點去買啦! 古早蛋糕做得非常鬆軟，蛋糕體

爆醬芝士蛋糕 (HK$75)近期因為疫情的關係，去唔到台灣食經典的古早味蛋糕，但唔洗驚，而家香港都有得食啦。前排經過太子，遠處已經聞到香噴噴的味道，發現有新鮮出爐的古早味蛋糕，立即買件返屋企食！ 蛋糕口味款式選擇多，大約有七款口味，全人手製作，過程一絲不苟，令蛋糕更蓬鬆軟化，將最好的蛋糕呈現給大家。店鋪採用了北海道100%純牛奶去製作蛋糕，蛋糕鬆化，軟綿綿，入口溶化。而且雞蛋味濃郁，蛋香四溢。而芝士口味蛋糕中間有兩層薄薄既芝士，拎起就會聞到芝士的鹹香味，多食也不覺膩口。蛋糕絕無添加香精，防腐劑，色數等等，美味而不失健康。

最近台灣古早味蛋糕店來勢洶洶，今次就去左太子花園街嘅呢間「古珐蛋糕」，買左個古早味蛋糕來做下午茶同早餐👍🏻全部都係新鮮現製，零香精、零色素及零防腐劑，所以冷藏保鮮只有三天，要盡快食用哦除左經典原味之外，仲有朱古力、鹹蛋黃、爆漿芝士等等口味，選擇好多元化呢～最後揀左自己最喜歡嘅：香芋椰蓉蛋糕蛋糕份量十足，面上佈滿焗至半香脆的椰絲蓉，好香口！中間清晰可見有不少粉紫色的芋泥，芋泥蓉味道天然，甜甜的，充滿芋香！蛋糕本體的口感好鬆軟，有蛋香，甜度適中，好好食呢

出外到花園街買鮮花回家擺放，途經花園街的一間蛋糕店，門口顏色鮮艷，再望吓賣乜，原來是台式的古珐蛋糕，反正疫情下的限聚令不能外出晚飯，買一些回家吃也好⋯⋯———————新鮮出爐熱辣辣的古珐蛋糕🍰有幾款味道，我選擇了一款我覺得特式又喜愛的🍰🥧香芋椰蓉蛋糕——-新鮮又香又熱辣辣出爐的味道⋯⋯回到家第一時間就沖一杯咖啡慢慢嘆😋蛋糕🍰的軟熟就像海綿🧽的軟熟，蛋香的味道和蛋的份量，一吃便知足料，椰子🥥的椰絲鋪滿外皮的蛋糕面上，蛋糕的外皮焗得又香，薄薄的烤面令蛋糕更加香滑而又不會過了烤的程度，香芋更加足料的佈滿蛋糕🍰入面，咬一口蛋糕內滲出芋蓉的味道，椰絲芋蓉蛋香的軟滑，滑溜軟熟的蛋糕🍰就溶入口中.......😋😋🥧喜歡它的味道🍰喜歡它的天然🧽喜歡它的零味精🥚喜歡它的零色素🌹喜歡它零防腐劑........❤️喜歡——-就是喜歡它的簡單（古珐蛋糕）🍰😋

今日同媽咪去咗旺角行街街，去到花園街嗰個位聞到勁香，哦原來又係古早味蛋糕店～媽咪受唔住誘惑 捉埋我衝入去😂😂呢間古珐蛋糕，喺九龍城都有分店，佢地有好多味揀，芝士，肉鬆抹茶鹹蛋黃味等等～～我地諗咗好耐究竟食鹹蛋黃定芝士好，最尾都係揀左芝士店員好細心幫我地包靚靚～～但可惜我哋撞唔啱佢新鮮出爐時間～～店員話其實返屋企叮翻熱一樣咁好味！我地急急腳帶住個蛋糕衝返屋企，第一時間拆黎試食xD返到屋企拆開話已經好香芝士味再叮一叮不得了蛋糕鬆軟而且芝士餡流出黎，味道好似我哋平時食芝士脆餅咸香味重～正正！

今次應該係第二次買古早蛋糕嚟食，呢一間嘅蛋糕同樣好大個，而且好墜手， 分量真係唔少。聽店員講椰香芋頭係新出嘅口味，所以就決定一試。.👩🏻👧🏻草根喺放工時間去到鋪頭，避開咗繁忙時間，人流唔算多，所以店員效率高，剛剛買到嘅蛋糕帶微暖。.🔪切開中間會見到見到蛋糕入面有啲淡紫色嘅芋頭蓉💜，表面加咗椰絲，表面有少許豹紋效果，望落去都幾吸引㗎😍蛋糕食落主要係以椰子味主導🥥椰子味好重，好似食椰撻個陣味🤤雖然見到芋蓉但係真係食唔出🙈呢個口味感覺上單調咗啲👀不過蛋香味不錯👍🏻蛋糕質感綿密，食落感覺亦都算唔乾身可能係新出品，要再調教下口味啦👉🏻👈🏻

喺疫症又開始大爆發之際，特意再次嚟到呢間位於太子嘅古珐蛋糕，佢呢間嘅蛋糕有款係外面眾多古早味蛋糕店都好少見到嘅口味，就係鹹蛋黃味。家母係鹹蛋黃愛好者，自從上次買完返去經佢一試後立馬上癮，所以呢次專誠再嚟一次。鹹蛋黃蛋糕：外觀經已非常美觀，不規則的𠝹痕烤痕，配上陣陣嘅焦香，仲有蛋糕本身濃郁嘅蛋香，聞落都覺得非常好味，而口感鬆軟，鹹蛋黃分佈於蛋糕內不同嘅地方，可以話差不多每件嘅蛋糕都會帶有鹹蛋黃，而蛋糕味道除左蛋味濃郁外，仲有鹹蛋黃嘅獨特咸香味，令蛋糕味道層次昇華到更高。

今日大約12:00經過太子分店，見冇人排隊，還有15分鐘朱古力蛋糕就新鮮出爐，就買咗一底朱古力蛋糕，另外還買了新口味：芋頭椰蓉蛋糕，超級香噴噴，收銀姐姐好有禮貌，仲比我試食蛋糕食落一啲都唔甜，好綿密好香軟

古早味蛋糕店一間接一間地開，深受港人喜愛。記得最早期為了一嚐這款蛋糕，特登入屯門區幫趁，一試便愛上。今次晏晝時間經過太子，見到有間新開古早蛋糕店有人排隊，立即幫襯買一個回家慢慢吃～蛋糕口味有不少選擇，除了原味、醬爆芝士、朱古力、肉鬆外，還有較少見的抹茶、檸檬 及 邪惡的鹹蛋黃！今次試了芝士味，店員從焗爐拿出蛋糕，細心地提示吃不完可以放在雪櫃，存放三天。蛋糕表面鋪滿芝士粉，蛋糕濕潤鬆軟，內裏藏有大量芝士，口感豐富，芝士味香濃。

古早味蛋糕係呢一年可以話係最受歡迎嘅過江龍嘢食呀。係街到見到人攞住一個長方形蛋糕盒，就知附近實有一間啦。呢間古珐蛋糕係九龍城開鋪，最近係太子呢到插旗。即刻方便左好多，係地鐵站行過去都係兩三分鐘。店舖門面好大，仲有冷氣添，係夏天真係超級貼心。即使等緊嘅時候都唔會好辛苦。有個大玻璃位，可以見到擺放蛋糕嘅位置同廚房。作為客人嚟講，即刻多左份安心。大大個電子Menu就可以好方便咁睇下有咩味，好清晰，又唔洗逼下逼下咁。肉鬆蛋糕 蛋糕除左甜嘅口味之外，其實咸咸地嘅配料都可以好夾。超多肉鬆鋪係面，中間個層又有肉鬆，超級香。蛋糕非常鬆軟，蛋味又好濃。兩者夾埋真係無得頂。一大件買番屋企，同屋企人就啱曬。食唔曬留咗第二日做早餐都得！味道同口感都keep到！

行過太子花園街，見到開左間新既舖頭，原來叫古珐蛋糕，俾佢既香味吸引左😚入到去覺得鋪頭好光亮企理，是。見啲員工喺透明板後面整蛋糕，大部分工序一目了然，完全唔需要擔心衞生問題💪一於買件番屋企俾媽咪嘆下先😋店舖極窩心，每一款蛋糕都會有出爐時間顯示，想揀邊款出爐蛋糕都有時間可以睇🤪蛋糕嘅款式好多選擇，今次我就揀咗鹹蛋黃蛋糕，唔係度度有架😚蛋糕新鮮熱辣辣，暖笠笠，蛋糕🍰表面已經見到大量既鹹蛋黃，超邪惡，超想一啖咬落去，十萬嗰吸引😊咬落蛋糕超鬆軟，食落好有口感，無令我失望既勁濃鹹蛋黃粒😊又唔會唔覺得膩，配埋充滿蛋味既蛋糕，令人停唔到口呀😋😋好期待下次試埋其他口味，正😍😍

近期台灣古早味蛋糕真係大熱，其鬆軟的質感 吸引了不少粉絲，今日試了一間新開張的古早味蛋糕店，大大件蛋糕，都只是70多元， 價錢都幾吸引。想試的綠茶味是限定，不是天天都有，朱古力味又已經賣光，便試了檸檬味， 摸上手還熱的，帶到回家還有微溫。打開盒，蛋糕香味隨即撲鼻而來，本來是留給家人做早餐的，忍不住試了一口，口感鬆軟， 帶濕潤感，有淡淡的清新檸檬味。餘下的便放在雪櫃，可以冷藏三天。 還強調沒有香精、色素和防腐劑 ，味道不錯，價錢合理，下次試下其他口味先。