古早味休閒台灣 (已結業)

一向都會來到女人街覓食。這天放工後來到女人街街頭，有店員宣傳這間新開的台灣食物。 我們看看餐牌，感覺也不錯便上去試試。這店地點很方便，在先達對面。上到去邊一人叫一個餐，先叫一個番茄牛肉面，另外一個炸雞扒肉燥飯。飲品叫了一杯奶蓋珍珠奶茶，和一杯仙草奶茶。飲品先來到，味道也不錯不會太甜，奶蓋很厚，而仙草奶茶感覺不會太濟，本人幾喜歡。之後牛肉麵來到，他的湯底十分濃郁很香有番茄味亦有點九層塔的味道，很有台灣食物的特色，不是一般的台灣餐廳都可以做到，另外雞扒肉操飯的雞扒肥瘦適中，不會太油膩，肉操並不是一般的炸醬，食物是有誠意的。總括來說這間台灣食物很不錯，不是一般的貨色。下次來到女人街也會再到這裏試其他食物，而當天的客人也有很多，希望這裏長做長有。

去過兩次，仲想再次環境、野食ok，價格唔貴，食物算多選擇，服務態度好，香港黎講，呢D價位性價比好高啦試左牛肉湯麵，牛肉三大件，牛肉好味湯底唔錯；台式云吞：細細份細細粒，餡料有別于港式云吞，味道見人見智，反正適合細食嘅我嘗試涼拌青瓜小食味道OK;滷肉飯無令我失望；招牌甜品芒果千層，個人覺得一個人吃一份有點膩總之仲想再去啦，每次都係晚餐時間去，仲好想去試下下午茶餐啊，因為好似午餐下午茶餐先至有配小食套餐顧住食唔記得影相啦

旺角 台式牛肉牛筋麵$68-個湯夠濃，牛筋牛肉夠軟嘉義雞肉飯$55-雞肉撕成絲包個前菜同飲品～地段方便，服務好，價錢合理，食物質素不錯，係好成正比呀～唯一唔好係冷氣吹住會凍

依間叫古早味既台灣食店，聽聞係銅鑼灣有間分店做得不錯，我就未試過，但依日咁岩經過旺角依頭見佢原來都開左間分店，於是同友人一齊黎試試有提供午市套餐，價錢合理，款式又多，都有齊主要台式地道菜式最後每人叫左款午餐黎得食台灣嘢，當然要叫番啲台式飲品啦加少少錢要左杯奶蓋紅茶大大杯奶滑茶濃，清涼好飲午餐我就叫左酥炸雞扒麵賣相已經好吸引個麵係採用番台式粉麵底，厚身彈牙好QQ個湯清清地但仍很入味雞扒酥脆可口，熱辣辣脆卜卜，好食餐廳仲提供好多台式小食我地都叫左幾款試試首先有鹽酥豆腐豆腐外脆內軟，十分香口，質素好過唔少大酒樓推薦之後上既依味係宜蘭蔥餡餅亦係餐廳既推薦小食層皮煎得微脆，餡料充足入味，食落唔會覺得油膩仲帶少少汁，好食最後叫番樣甜品，就係手工（紅豆）三色芋圓好大杯佢有差不多成15粒以上，粒粒都好QQ，又唔會太甜，好味（提提會食得幾飽）講番店面環境乾淨企理，黎食當日時間尚早仲未放飯時間，之後都漸漸多人整體黎講，食物質素好，價錢公道，服務算不錯，值得一試

經過嘅時候發現呢間食店，裝修OK，諗住係幾傳統台灣食店，未到差極，點知真心難食到喊，完全伏哂牛肉麵啲牛肉勁”銀”，啲麵餅可以係痴埋一舊到底有冇心煮㗎？然後杯珍珠奶茶係我飲過世界上最難飲嘅珍珠奶茶，一個字「垃圾」，小食又係令人失望，一塊熱嘅薯餅都offer唔到？咁就收左我$65！香港充值得太多呢啲垃圾食店！比D心啦個樣好似好得？食落就知.....個味好怪，牛肉係咬唔開，再睇下個麵餅，點食呀？世上最難飲嘅珍珠奶茶最好嘅，我淨係覺得D服務員態度好好, 無啦

當日中午時間好肚餓, 馬上從公司到這間臺灣著名的餐廳。我點了很出名的豬軟骨拉麵, 以及麻辣雲耳。首先，很佩服老闆的心意，他能把豬軟骨，煮得非常之到位，很鬆軟以及入味。因為一般食客最怕豬軟骨太硬不能入口，但他們煮得非常到位。口感不但好 而且很入味。基本上，煮得很到位。我很喜歡。其次我再試試他們的麻辣雲耳， 入口有點辣，但非常香口。我覺得是perfect match..最後我覺得有少小辣,所以點了一杯非常出名的珍珠奶茶。過咗一個滿足的中午😊

和好姐妹shopping 行到一袋二袋 諗住隨便搵野醫下肚 正好在先達對面。有人派傳單 古早味台灣小店 好內都冇食過牛肉麵 一於去試～ 牛肉牛筋麵～ 牛肉牛筋都好大件 好入味。牛筋好腍 充滿骨膠原 正。湯底唔會太咸 清清地 幾好。鹽酥豆腐 熱辣辣 正～ 皮脆內滑 炸粉唔會太厚 推介！乾煸四季豆～ 大大碟 唔會太油膩。四季豆先泡油再炒 所以咬落脆口 配埋肉碎 幾開胃架。花枝蝦餅～ 粒粒花枝撈上蝦膠 彈牙爽口 配埋泰式醬 幾惹味。甜品必食。大大份 賣相又靚 呃like之選。香蕉蜜糖方塊磚。每一件方塊都沾滿蜜糖再焗 香脆又有濃濃甜味。滿瀉既忌廉 令到每一口既方塊磚更美味～地點方便 價錢實惠 味道不俗 經過旺角 如果懷念台灣的味道 一於走趟古早味 ！

正所謂一不離二, 二不離三, 既然食過兩次都覺得好味, 就梗係要嚟第三次啦🤣人哋個menu咁多款美食, 總可以有新嘗試嘅😉 不過由於啱啱瞓醒😬可以話係早餐時段(其實已經係日上九竿)😂😂😂所以都唔會覺得好肚餓, 睇嚟睇去, 最後我就決定咗試下呢個台式手卷, 仲鳳尾蝦網米春卷, 食完仲心郁郁叫多咗個甜品伯爵奶茶慕絲蛋糕, 全部都冇令我失望, 可以開開心心咁離開 首先介紹下個台式手卷先, 喺台灣都好似冇乜見過咁嘅嘢, 原來佢表皮係好似手抓餅咁, 味道香脆, 值得一讚嘅就係佢一啲都唔厚, 唔會令人覺得咬咗厚厚嘅麵粉咁又乾又滯, 裡面有黑色同紅色嘅台灣腸, 兩隻都好好味, 份量啱啱好, 配搭住小小生菜, 青瓜同小黃瓜, 又清新又酸酸的, 又開胃又好味, 以女孩子嘅正常食量, 成份食哂都覺得飽lu。 跟住就輪到個鳳尾蝦網米春卷啦, 真係一流, 網米超薄, 炸到香香脆脆的, 值得一試。而最後嘅甜品: 伯爵奶茶慕絲蛋糕好有驚喜, 望落去以為甜爺爺, 其實佢有淡淡嘅伯爵茶香, 配搭住小小甜度嘅慕絲, 層次分明, 仲有小小好似馬卡龍嘅小脆餅, 一樣好好食 真係好滿足期待第四次再會。

台式料理來說，古早味這間餐廳論食物質素同服務態度都算是值得再去。平時食開魯肉飯，今日想轉下口味，叫了嘉義雞肉飯，雞肉絲份量好多，配埋炸蒜撈飯食，好食。牛肉牛筋麵，牛筋牛腩都好鬆軟，配菜有蘿蔔同白菜，好冧，湯底鮮味十足，一定要品嚐一下。九重塔手抓餅，同原味相比，加咗薄荷葉，煎完出嚟但一啲都唔油膩，有點似香港的蔥油餅，好香口。吉列豬扒，即叫即炸，粉唔厚，配埋沙律醬絕對好食。胚芽奶茶，正正常常，奶味濃郁。最後埋單都只係$200都唔使，食物質素好好，服務亦都好好客，所以性價比都幾高，下次嚟一定要試埋佢啲甜品，賣相好精緻，好吸引。

最近留意到旺角開了新的台式餐廳，今天決定來試試餐廳位置寬敞，環境舒適竟然星期六也有set lunch !而且價錢相宜，款式也是頗多的古早味牛肉麵小食是雲耳、中華沙律及炸蝦，全都是冷冷的，味道普通，雲耳有微辣、中華沙律不夠冷、炸蝦外脆內軟，如果炸蝦是熱的會更好牛肉麵的味道非常濃郁，很喜歡他們的牛肉， 肥瘦均勻，而且非常軟身入味。湯底有濃郁的滷包味，店員說加入了辣的豆瓣醬，但我不覺得有辣味，所以大眾應該可以接受的嘉義雞肉飯感覺就像手撕雞肉飯，朋友說味道適中，反而喜歡喝它的湯珍珠奶茶我點了少甜少冰，不知是不是因為特製，令整杯奶茶失色了。整杯奶茶茶味偏重，喜歡喝奶味的我更覺得整杯是茶味濃，沒有什麼奶味，亦沒有台式的味道，可能不叫少甜會比較好一點，這杯少甜就等於微糖。珍珠軟硬度適中，口感煙韌，不帶甜味仙草奶茶這杯沒有特製，但由於用了同一個茶底，都是茶味偏重，奶味較淡的，中規中矩吧！整體來說餐廳的食物價錢相宜，但希望可以提升食物的質素，打造特色台式美食

近排食台灣料理，多數都係去果幾間連鎖分店，食得多都有啲悶，所以今次就去咗一間叫古早味嘅台灣料理試吓。位置非常方便，而且環境唔錯，座位大部份都係卡位，坐得好舒服，而且服務員態度好好，料理選擇好多，總有一款啱你食。紅燒牛肉麵去食台灣料理又點可以少得紅燒牛肉麵，牛肉大大嚿，而且好有口感，湯底亦都好香甜，棉質比夠林，不過就好入味，整體牛肉麵都唔錯。涼拌木耳一向都好鍾意食木耳，因為又健康，又好味，而且一啲都唔肥，呢個木耳整得好香，莞茜味啱啱好，酸酸辣辣咁，非常開胃，非常好味。炸花枝蝦餅好鍾意食煎炸野，呢一個蝦餅非常之香脆，熱辣辣，而且入邊好彈牙，再點埋個泰式辣醬，非常好味。好耐冇食過一間咁好食嘅台灣料理，而且價錢相宜，性價比相當高，值得推介。

今晚又同媽咪撐枱腳 特登帶佢嚟食呢間古早味台灣餐廳😋食佢個花枝蝦餅😝😝我哋叫咗個台灣牛肉麵🐮 一個花枝蝦餅 台式手卷 甜品就要咗個綜合芋圓😋台灣牛肉麵有少少辣嘅 因為落咗啲豆瓣醬係個湯底度😛 刺激下味蕾 但係又唔會真係好辣☺️ 媽咪就好欣賞佢個麵底👍👍 好似係手工麵咁 好煙un！👍花枝蝦餅係推介嘅😍 因為炸粉唔會太厚 亦都唔會有油味 食落仲好有口感 粒粒花枝！😍😍 一嚟到我哋食完先記得影相 原本有六塊架😂😂台式手卷就幾得意😝 入邊嘅有兩款台灣腸 醃蘿蔔同青瓜 不過手卷個酥皮我就覺得可以再鬆化啲😛 我都好欣賞佢個設計👍☺️ 好方便食 真係有好似台灣掃街咁嘅感覺呀😝😝 太好味唔夠喉tim😂😂 我哋仲加咗個雞翼 薑母黑糖雞翼！😍有驚喜！！個汁真係有薑母同黑糖味😍仲有啲薑絲喺面添啊 有啲似食糖水嗰個薑湯！好好味阿☺️☺️綜合芋圓就有芋圓 紅豆 綠豆 珍珠 同埋涼粉😝 不過芋圓我就覺得煮得淋左少少🤔 但有奶香 配埋其他配料食都唔錯既 尤其係涼粉😋😋成餐飯都係$200多啲 好食又抵食！😋😋

跟朋友隨便走走，遇到就上去吃吃，坐位不錯，職員不錯。感覺價錢在旺角區還好。。。但個人覺得偏貴。。。特別看到份量會覺得不太值這個價，而且又加一又沒套餐價，我也沒叫飲料。只有我朋友叫了。可能我不知道什麼是古早味吧？湯輕嘗會辣味較重，若然大口吸食會有蕃茄味，牛肉只有三塊，雖然幾大塊但如果多些就好，麵是闊條？？挺好吃吧。。。這個。。。38感覺份量太少了，醬汁也不是很夠，容器裝得不易沾醬。。炸粉太多朋友的珍珠奶茶，我試吃一口，還不錯的。但也是份量不值那個錢我試吃一口，不太喜歡，朋友評分75分。。。供參考。總結來說，不會特別介紹。。。。

之前已經食過都牛肉面和鹽酥雞覺得吾錯，而且坐得都分舒服，今日得自己一個食飯都忍不住去這裡再試其他，到到七點都大半已滿座，幸好仲有三人位，一人可以坐得舒舒服服食晚餐。不久食物就來到：紹興醉蝦有熱和凍食，最後選擇了凍食，價錢$78吾貴，而且沒想到咁大隻而且份量不少，十咬落去勁香紹興酒香，蝦頭同蝦肉十分入味，推介好食。古早味蕃茄牛肉麵$60，之前食過普通味，今次有蕃茄粒增加了口感，湯底依然清得嚟濃郁，面身有口感，牛肉淋身味濃，整體都可以。凍胚芽珍珠奶茶$19，奶茶味吾會太甜，配上彈牙珍珠，味道好味。見到這裡甜品都多選擇，今次一人試了穀麥捧捧泡芙$15，表面脆口，入面吉士醬吾太甜，不過吉士份量偏多，我留一半吉士已足夠。

來過兩次，第一次是晚餐，牛肉麵很好吃，有水準；宜蘭的蔥餅也很好吃。之後再經過試了下午茶，也是點了牛肉麵的下午茶餐，但這次的麵底不行，太軟爛；珍珠奶茶的味道也不太理想…還好湯底跟牛肉不錯…是因為下午茶餐比較便宜…?還是麵的質量下降了…?有機會會再吃試試看