口甜舌滑 (已結業)

這次第一次來試間甜品店, 跟媽媽兩個人, 食完飯來到, 其實飽飽的, 而且從外面看, 覺得跟普通甜品店差不多, 但是媽媽極力推介, 於是給自己一個機會, 去試一試,店內座位不多, 大約可以坐12~14人左右,媽媽一進來就點了芝麻湯圓, 我想了很久,結果點了最普通的荔芋椰汁西米露(熱),媽媽的湯圓先到, 她吃一口薑湯, 叫我也一吃口, 薑湯的薑味很濃很濃, 而且喝一口立刻感覺身體暖暖的~(今晚大約是今年最冷的一晚, 只有7度, 吃了一口薑湯立即就感到暖了)湯圓我沒有試, 媽媽說也很好吃, 但她還是最喜歡這個薑湯~我點的荔芋椰汁西米露原來並不普通, 他們把芋頭搗爛成芋泥, 加在椰汁西米露內, 芋泥有一點點綿綿的~ 與西米露一同在口腔內溶化~ 而且芋泥很香, 味道很夠, 每一口都是滿滿的幸福味道~另外他們用的是比較大粒的西米, 吃起來口感較好~兩個人消費大約是$30,好久沒有跟媽媽一起吃東西了,這次, 給了我們甜蜜蜜的好滋味~(這次沒有拍照~ 下次再去的時候一定補回~)

剛好去九龍城食完泰國菜,醒起朋友之前同我介紹嘅一間係附近嘅甜品店面唔大,只得四張摺枱,哩度嘅甜品選擇唔係太多,除左傳統中式糖水之外,我見店內牆身介紹嘅就係榴槤飄飄同埋楊枝甘露~楊枝甘露度度都有,所以我最後揀左榴槤飄飄底下係榴槤同冰打出黎嘅榴槤底撈西米,上面係新鮮榴槤肉,topping加上一啲甘柚肉,食起黎好有口感,榴槤味仲好香甜添,食到咁上下再咬一啖新鮮榴槤真係好滿足呀!

位於九龍城已一段時間，沒有靚既裝修，好有家既感覺。 價錢大眾化，選擇亦多。 其中以芒果和榴槤系列最出色。 有部份甜品還提供大和小的，就算人少也可試多一點甜品。 芒果西米撈，芒果份量足料，芒果香而甜，很好很好。 榴槤飄飄，料多亦夠味，朋友說會encore!

夏季, 是食芒果嘢最好的季節. 叫咗楊枝甘露, 因為是 Signature Dessert!芒果在這時侯是最甜的了.... (不過其實我本人喜歡酸的多一點, 芒果同橙都係.. 所以請不要搵我味蕾來作標準!)楊枝甘露有椰汁, 芒果肉, 西柚, 西米, 同雪凍了的芒果汁/冰.芒果冰很好吃. 西柚有點略少, 比例上不足.絕對會再來, 因夠晒凍解到暑!!

食完大閘蟹,就拎珠果豆腐花出來吃,今次有加花奶.珠果仍然是那麼彈牙.只是豆腐花今次不明為何這麼甜,花奶味也唔夠香.豆花的杏仁味今次沒有這麼突出,加上豆花整得幾鞋,唔夠滑,豆味也唔足夠.整體來說比起之前失色了榴槤糯米糍:以往一向吃開是芒果,今次第一次吃了榴槤味道.糯米糍皮雖然幾厚,只是也不失煙韌.椰汁味唔算濃,椰絲雖然多也沒有甚麼味道,榴槤香滑無苦味,因為今次是糯米糍,並唔係班戟,所以無乜榴槤肉,看來下次要叫其它榴槤甜品止癮先得了

在專業人員的建議底下，太太的其一補身恩物竟是傳統甜品芝蔴糊對我們兩口子來說，的確是正中下懷正是給予機會及籍口我倆大吃甜品可也....芝蔴糊之旅的第一站是身處龍城的"口甜舌滑"。平常不經常到這兒吃甜品，反而在附近的"金滿堂"就是常往之地。挑選來光顧之原因，乃因抵達龍城時的時候尚早，金滿堂尚未開門做生意，又不欲走得太遠，因利乘便之關係，就走了進去買碗外賣拿走....回到家後打開發泡膠盒蓋，煙便冒了出來，觸手仍是熱的。對小弟個人來說，芝蔴糊在這種狀況下才是最好吃的 (因有足夠熱力才能迫出芝蔴香來)。質感十分的杰身，芝蔴香蠻足而且又沒有澀味。甜度亦不算過份的甜。吃得出是自家製的出品.....想起"吃糊"，馬上便想起西環老店 "源記"。這裡不知會否成為此次旅程之次站呢 ?

8-7-2009，我和同一個人重回舊地來到"口甜舌滑"吃甜品。正值中午時份，烈日當空，很想吃點冰凍清涼的東西。還記得上次來的時候，是12-5-2008四川大地震發生當日。口中吃着的是楊枝甘露，你一口，我一口。那楊枝甘露味道雖然平凡，芒果酸味甚重，可是心裡還是甜甜的。今次相隔一年後到來，店子剛剛開門。小店依舊，打理店鋪的仍然是他們兩人。無言無語，因為默契勝過一切。我們兩人都各要了個"榴槤飄飄"。"榴槤飄飄"無論用料、製作、外觀上與楊枝甘露相類似。最令人驚喜的是當中加入薄薄的冰碎，除了豐富了其口感，同時成為炎夏中一脈涼透心脾的清泉。榴槤味道清香不膩，惟略帶苦澀，屬整體之敗筆。此外，柚肉份量稍多，喧賓奪主。店中顧客只有我們兩人，氣氛清靜，四周環迴着的，只有她忙著應酬安撫電話另一邊廂的他的聲音。而我，只有低着頭、默默地吃着我的"榴槤飄飄"。她問我何以忽然興之所至想吃甜品。真來，她真的甚麼都忘了。

食完母親節飯，自然想到食糖水。以前住樂富時，間中都會嚟食榴槤飄飄。難得再嚟九龍城，當然要再來一個！榴槤味仍舊香濃，但榴槤肉帶啲苦味，亦冇以前咁新鮮。真係退步咗？

某日經過想食D甜品，叫了一碗杏仁露。很快有得食，老細一放低，嘩，個樣似係杏仁糊多D！杰到冇人有，心知不妙，一入口，竟然有D一粒粒既渣！好明顯係就咁用攪拌機打完無隔渣。老細，你究竟知唔知杏仁露係要滑先好味架？無錯你碗杏仁"糊"係好香杏仁味，但我都只係食左三啖就成碗放棄左。

看回食評,原來差唔多3個月沒有食過了.家姐好想食這間店的豆腐花,咁啱路過一定要買啦!除了一向吃開的珠果豆腐花外,今次還買了紅豆珠果豆腐花珠果豆腐花仍然咁美味.超滑又夠杏仁香,珠果還是那麼彈牙.沒有失準.至於新買的紅豆珠果,紅豆稍甜,加上份量超少.那些放在上面的七彩珠珠,淋淋的也沒有甚麼味道,豆腐花同樣用上杏仁豆腐,只是糖水稍甜,怕甜的人唔好連水食啊服務:店員挺有禮貌,不錯16元1碗好抵食,外賣加1元,合共17元X2=34

上次食過珠果豆腐花覺得唔錯,今次又和妹妹一起買回家享用.除了珠果豆腐花,今次還買了黑珠果豆腐花,首先兩款豆腐花也是有好香杏仁豆腐花的味道.還有好香的花奶味,分別只是珠果和黑珍珠的味道.本人喜歡珠果多一點,珠果又彈牙又夠煙韌.黑珠果望落去似火龍果籽.吃下去沒有珠果般彈牙,加上花奶過多,吃一點便有很飽滯的感覺每碗17元很抵吃,因為1碗份量足夠2個人吃呢

和上一位食家一樣…我這天吃的也是公司涼粉也許是選錯了吧……我覺得這碗東東味道不大好冰凍程度未算太夠,但也夠清涼。紅豆都算係起到沙,幾好味,綠豆落得重手左少少…但味道一般般。那些「東南亞」的粒粒是整碗東西較甜的東西…但…正常味道吧初初吃還可以的…不太甜…但吃著吃著…其實係…唔甜-_-椰汁香也不重…整碗東西還要好大改進呢…不過對比起九龍城其他新興高檔甜品店,我覺得這兒還有那些街坊型的味道

男朋友介紹既。之前見佢出名，就諗住試下喇。點知入到去，成間鋪頭無人既!?心知不妙!叫左個公司涼粉，$16，點知就係涼粉加紅豆同膠粒。好似成碗可以係超級市場買罐頭番黎溝埋佢咁。真係唔明點解要特登去食囉。環境普通，招呼求其都算喇，仲要唔好食，係未轉左手丫?

我和家人間中都會到九龍城揾食,而呢間就係指定嘅甜品店,鋪位細细環境一般,普通服務,都算乾淨,但佢地D甜品我成家人都好話好食,起碼個人認為好食過任何一間甜品店,最鍾意佢地D芒果西米撈,楊枝甘露,大大碗,諗起都想食。

晚飯過後，一家黎食糖水。叫左碗楊枝甘露(細)$26，芒果肉不少，芒果汁亦足夠，但楊枝甘露靠碎冰粒保持溫度，影響口感，加上西柚有點苦，整體上不夠好，有改善空間。家人吃的糖水質素亦普通，蛋菜糕太甜。