叙福樓金閣 (已結業)

入去天水圍探朋友，咁就約埋係敘福飲茶啦！朋友話呢間啱啱裝修完幾個月兼且依家上埋市添～ 點心價錢相宜，亦都唔洗點等位，兩個人都唔洗搭檯，feel good~~蝦腸皮唔算厚，內蝦冇特別雪味，可以接受。燒賣，同朋友一人兩顆，味道唔錯。鴨腳扎，內有芋頭、蝦滑，唔錯。炸餛吞，不油膩，外脆內香。豬手，入味夠淋，補充骨膠原朋友好like啊😋點心味道整體都算可以，唯一不足酒樓好似唔係幾夠人手，唔知係巧合定咩，希望可以改善就good啦💪

本身是打算去另外一間酒樓飲茶的，唔知今日做咩，好多人，要等好耐，所以就去了敍福樓試下，等一張就到。入去中間位置，有一陣味，枱布傳出來的臭味，油益味，希望一陣會好d。這裏是推點心車的，好懷念呀，仲有出面有大排檔，有炒米粉，煎腸粉，煎糕等等，煎腸粉都好滑又軟，米粉多料，好多菜。這個係鳳眼果。好厚的皮，一般般。鴨腳扎有肉同芋頭，入味夠淋又粉，都好大隻鴨腳呀！叉燒包好味，足料的，叉燒唔肥呀。魚翅餃一籠4粒，唔肥好香芫荽味，好耐冇食過了。奶皇包，真的流心的，夠熱又好流心，好好味叉燒瀨粉，都夠大碗呀。叉燒淋淋地唔會好肥。干蒸牛肉，好少酒樓有的了，好食呀，唔會好實身。仲有糯米卷，好正，糯米係啡色。入面有花生蝦米，好好味呀！！隔了兩星期再來，也是好臭的枱布，今次比上次更濃，味道揮之不去，酒樓真的要好好改善！！食物係好味，但推車仔局限了自己想食的意慾，去到3pm就不會再出新點心。

本身無期望，因為裝修前食過。裝修完變成金閣後，野食水準提高左好多，特別推介燒鵝同冬瓜盅，超級好味！價錢經濟實惠，上菜速度快，服務唔差。唯一缺點係冷氣太大，食一陣就好凍😫絕對會再黎食😋

今天喝的是香片茶，有茶香，不會太濃，合格。金錢肚，賣相很不錯，份量多，色澤好，口感不會過硬，味道讚。香茜餃，香茜味不重，外皮軟薄，味道清新，每次都叫，很少茶樓供應。鳳抓排骨飯，搶手貨，細細盅，飯軟熟，讚。糯米卷，沒來得及拍照已被夾兩舊，皮薄餡多，糯米香。咸水角春卷，特價點心，味道滿意。粉果，特價點心，略嫌多餡。豆沙包，特價點心，本人不愛豆沙，茶友反映好味道。此茶樓沒有點心紙，只有點心車，懷舊感重。

今日小弟牛一，同爸媽老婆仔女一家5口去左食飯，因為之前食過兩次都幾好，其實一家人都有共識當呢度飯堂，我地次次一開晚市6點就會過去，不過我都係習慣打落去訂定枱。好喇，今日去到，照舊好招呼嘅，不過略有一絲不滿個副部長，人地同佢落單，佢就好似sell你買嘢咁，我叫A，佢就叫我揀B，由水底打到上地面，想食條斑仔，就叫我揀龍躉、想叫雞，就叫我斬隻乳豬，講左幾年都落唔到張單，一味sell，好喇，終於落到單喇，跟手想嗌多幾個白飯啦，已經唔敢叫個副部，點知佢一睄到，又衝埋黎話“我地個蟹粥又點點點...”今次我好決斷咁講“得！停！唔洗！唔啱！”已經著著地，hardsell左了，然後佢大嗰個行過來同佢講“你搞到人哋好炆憎呀。”好喇，講返食物，都無乜挑剔嘅地方，不嬲都覺得佢啲嘢好有質素，今次係比個副部累炒左啫。必食推介：1.叉燒（真係好淋，我個仔4歲人仔唔洗剪自己係咁隊）2.上湯龍蝦配伊面底（龍蝦肉好鮮甜，伊麵煙韌）以上兩個基本上黎親都會食，除非個樓面同我地講今日唔多好（亦都好欣賞佢哋呢樣野，我上次想食乳豬，佢話啲乳豬唔係好靚，叫我地試燒腩仔。）綜合來講：我都會繼續幫襯嘅👍🏻👍🏻👍🏻👍🏻👍🏻👍🏻

連放幾日假無所事事，約下朋友出黎吹水，要坐得耐又有野食又有野飲，茶樓真係好選擇黎，三五知己嘆下一盅兩件不亦樂乎。到了天Town的敘福樓，第一次來，十分墟冚滿滿的人羣在等位。我們三個人，要同兩個唔同party撘一張八人枱，完全唔明點解要拆一張中枱出來撘枱，而旁邊的細枱不叫人入座……Anyways，好多野都係唔到你揀茶($8/位)，開了一壺普洱茶，茶味當然不行，今時今日好難搵到靚普洱蠔皇鮮竹卷($24.8)大大碟夠飽滿，腐皮包著豬肉，木耳絲，紅蘿蔔絲等，口感不錯，加上個汁幾好味。羅漢齋鴨掌($24.8)鴨掌入味炆得夠淋，下層的羅漢齋就差啲了，得啲菜粒，而且個汁太杰，下層完全係一舊膏狀物體。蟹籽燒賣皇($27.8)燒賣好食，半肥瘦豬肉加埋蝦肉，個調味又好。千層馬拉糕($24.8)呢款都唔錯，糕香軟，中間層係鹹蛋黃，一層甜一層鹹好味喎。香麻流沙包($24.8)最後仲有芝麻包，聽到朋友話係麻蓉包，我仲以為係啡色個種麻蓉，原來係黑芝麻糊包，甜甜地都幾好味啦。懷舊點心車，呢架賣湯物。呢架賣一籠籠嘅點心，可以睇啱先攞。仲有呢款，細個果陣最鍾意呢架車，因為佢有甜品賣，而加賣炸物。仲有賣粥車唔記得影相，哈

同媽咪撐檯腳，第一次試食呢間酒家。舖外既海鮮（魚蝦鮑魚）嚮魚缸中游黎游去，睇落好新鮮喎！室內環境闊落光猛，人流不多。見menu上寫住「大獎名菜」金磚豆腐，好似好勁咁喎！唔係唔食呀嘛外面脆卜卜，椒鹽味調得岩岩好，內裡既豆腐超滑溜芝士焗龍蝦伊麵熱辣辣即叫即焗，極濃郁既芝士完全蓋過麵底，香噴噴由於芝士過度杰撻撻，有d漏，不過係好味既龍蝦肉白淨結實，都算幾新鮮。一早將蝦殼夾碎左少少先入爐，為左方便我地開殼黎食，好細心！

母親大人生日，揀咗呢間新裝修，非常光猛嘅酒樓食晚餐，一家大小去飲茶就最啱。經過介紹下，點了幾點小菜，味道不錯，其中我最欣賞就係嗰碟半隻燒鴨，皮簿喊靚，又唔會太肥，塊皮又好簿，吾會太油，呢間酒樓嘅燒味應該有啲水準，不斷有人排隊叫燒味外賣，另外叫了西蘭花花枝片，蒸魚，都不錯，仲有就係龍蝦伊麵，龍蝦半隻,不算很大隻,這個不算很突出,不過呢幾碟餸嘅價錢就一啲都唔貴,絕對係經濟實惠，加上侍應態度一流，絕對會來再幫襯。

叙福樓前個排重開，事隔幾多，今次重開當然要去試下。一向佢地既點心都係不過不失，唔係話特別好食，但都對得住個價錢。今次十點幾去到，都等左15分鐘先有位坐。現家好多茶樓都無點心車，但叙福就仲有。我都幾鍾意點心車，可以揀一揀。 但係叙福就得三四架，但有成三四個廳，得咁小好似唔係好夠洗。 但食落就的確令我幾失望下...個鳳瓜太過軟....可能浸得太耐啦...陸陸續續都試左幾樣點心， 腸粉，牛肉球...等等。但都無乜好值得推薦同貶低既地方，就係好一般。

因為家人生日 ，今晚所以去了t town聚福食飯 ，今次係商場裝修後，重新開張之後第一次去食 ，食左幾個餸，覺得最好食係呢兩碟 其他的味道也不錯 以後飯堂又可以多一個選擇 其待下次再去試其他菜式

由商場一開始裝修就超期待它再開番，今日終於可以再幫襯啦~新開張有好多街坊都來捧場，好在新酒樓有得遙距羅飛，唔使棟係門口呆等，等左差不多一個半鐘才有位入，((其實個個都遙距羅飛，Receptionist叫No叫得極快，可以5分鐘叫20個No.)最中意酒樓的點心是推車仔的，見到有咩食咩，食多樣又得,食少樣又得來到必食 燒賣 鳳爪 牛肉球 煲仔飯  煎腸粉味道同之前一樣...好好味，以後又多一間飯堂了...等得太耐太肚餓啦，趕住食野，唔記得左影相....