影片
招牌菜
Yesterday I was there to have dinner with my fds to celebrate someone's birthday. But that's really a bit hard to find, we had spend for nearly 10 mins to find and finally need to call them to pick us up.The main menu had only 3 choices to choose, quite few items (need to improve) but the tastes is okey. We order some fruity beer with snacks (we discovered that the 薯泥棒 was really good, suggest! ^^) and chat for a whole night! Everything is good especially the service and there were no time limit to seat. The environment is also good, although a bit hard to find (the main point and no promotion), However, as ther were not as many peoples as other cafe, so that's really good for wine and chats with friends~
繼續閱讀
因為一早打定去CAFE book定10個人，所以收工大家各自上去，仲有sofa位坐。cafe好似添置左新sofa，因為上次我上去得2張架咋~今次.... 好似見到有5張~~~(*個人比較喜歡sofa位..)驚d野食要等好耐先上，早到既朋友就點定野食先...因為有朋友上次o係呢度試過中華冷麵，今次專登早d同老闆講要一大盤..(party food價, 要另外問老闆)仲有炸物拼盤(其實個名唔exactly記得喇..)仲有d雞翼呀, pizza呀, 其他小食... 當然唔少得係一人一杯野飲啦~ 見朋友都點左d特色野飲.. 奇異果乳酸.. (我聽到都驚... 不過佢地話okay喎, 成杯野好似青汁咁既色架..)我好穩陣, 叫左熱既柚子蜜, 因為我咳, 唔飲得凍野~~~今晚仲有另一班人book左另一個area, 大家都幾好玩..竟然一齊玩左陣~~ 老闆走埋黎教左我地玩一隻新game.個名我又唔記得喇~ 總之有人狼.小女孩.預言家.愛神... etc etc幾盞鬼~~ 之後切cake, 我覺得ok喎呢度.竟然完全冇收我地keep cake/切cake錢..有少少意料之外, 大家都諗住埋單時實會有一百幾十蚊要加...同埋~ 老闆都ok, 我地要切cake時佢會幫我地熄左d燈.. 唔錯..!!!d相唔o係我度呀, o係晒朋友度.. 都post唔到咩相~ 為食既人, 一定要慢慢試佢d小食.. 有個薯泥棒真係要讚, 幾得意 (我地今次主要係小食, 飲品, 同埋party food size既冷麵...)順帶一提, 張新sofa幾好坐.. 哈哈~~~~
繼續閱讀
朋友介紹黎到呢個Day Date Cafe, 估唔到呢座大廈會有cafe。上到去第1個感覺係好似去人屋企咁, 我地book 左7點半, 上到去都無咩人。我地4個就揀左坐tatami, 因為好似比較自成一角咁, 方便傾計。4個人見左2個dinner set , $75@, 另外再散叫小食+野飲。野食比較細碟, 女仔還可足夠, 比較肚餓既話, 食晒一個set 都唔夠呀!dinner set 1) 法式辣味蒜香芝士煙肉螺絲粉, 味道比較淡, 無辣味, 蒜香有少少, 感覺唔到有芝士。配飲品藍威寶(藍桔梳打乳酸), 餐湯, 應該係磨菇湯, 但有蟹肉味嫁哦, 幾好味, 仲配一舊蒜容飽, 唔夠脆。dinner set 2) 意式煙鴨胸粟米辣拉麵, 都係一d 都唔辣, 朋友話有芥辣味, 但我完全食唔出, 用沙律醬撈拉麵, 感覺好怪, 唔討好!配飲品金寶綠水(抹茶乳酸 ), 得乳酸而無抹茶味。另有餐湯+蒜容飽散叫1) 雞翼拼盤$55, 有4款唔同味既雞翼, 每款2隻, 但d 雞翼都係比較淡, 唔入味。散叫2) 粟米吞拿魚薄脆批, 呢個係另一叫好食既野食。不過上得黎cafe唔預左d野食好好味, 只係想有個地方傾下計, 一齊玩下。呢到地方gd wo, 比其他cafe 靜, d 地方又乾淨企理。一樣有game 任你拎黎玩, 仲有老闆仔好好人教你玩。
繼續閱讀
入到去好舒服的環境, 在旺地中有一個私人空間, 一班朋友enjoy 這別出心裁的晚餐.........意大利粉好0岩口味, 有不一樣的比薩, 好好味, 蜜味雞亦好sweet, 加上特飲,還有monopoly玩, 就開始一個party式的dinner........
繼續閱讀
之前已經黎過呢間CAFE，幾鍾意個環境。琴日可能係星期一，個場比較靜D，可以坐到梳化，正!同朋友2個人叫左個餐。個湯同多士味道唔錯，但要推介的係個麵 - 蒜香煙肉炒公仔麵(個名好似係咁......)。蒜茸煙肉+炒麵呢個配搭實在太好了!!味道好香，個麵炒得唔錯，夠乾身。飲品試左杯特飲，再叫多杯FRESH DAY。賣相同品質都幾好，不過多D冰會好d (感覺會fresh d~)另外叫多左個PIZZA、雞翼拼盆，同埋薯泥棒。個薯泥棒超正!!最愛炸物難得佢擺凍左都仲好食!!雞翼有4種味道。照燒最好食，蜜糖香草甜左D，檸蜜個隻幾得意。PIZZA叫左肉腸煙肉脆批。本身諗住個批係薄批個種，但原來係一塊塊的脆皮。感覺幾特別，同埋都幾好食。但要趁熱食，有一塊擺耐左有D腍。
繼續閱讀